ইৰাণ-আমেৰিকাৰ যুদ্ধবিৰতিৰ সন্দৰ্ভত ইজৰাইলৰ প্ৰথম প্ৰতিক্ৰিয়া প্ৰকাশ পাইছে। ইজৰাইলৰ প্ৰধানমন্ত্ৰী বেঞ্জামিন নেতান্যাহুৱে ট্ৰাম্পৰ এই সিদ্ধান্তক আদৰণি জনাইছে।

ইৰাণ-আমেৰিকাৰ যুদ্ধবিৰতি সন্দৰ্ভত ইজৰাইলৰ প্ৰথমটো বিবৃতি প্ৰকাশ কৰিছে।ইৰাণৰ সৈতে যুদ্ধবিৰতি সন্দৰ্ভত আমেৰিকাৰ এই সিদ্ধান্তক আদৰণি জনাইছে ইজৰাইলৰ প্ৰধানমন্ত্ৰীৰ কাৰ্যালয়ে।ইয়াৰ লগতে তেওঁলোকে নিজস্ব চৰ্তও প্ৰকাশ কৰিছে।আমেৰিকাৰ ৰাষ্ট্ৰপতি ড’নাল্ড ট্ৰাম্পৰ ঘোষণাৰ চাৰি ঘণ্টাৰ পাছত ইজৰাইলৰ প্ৰধানমন্ত্ৰী বেঞ্জামিন নেতান্যাহুৰ কাৰ্যালয়ে বিশেষ পোষ্ট কৰিছে।

ইজৰাইলে কয় যে-ইৰাণ আৰু আমেৰিকাৰ যুদ্ধবিৰতিত লেবানন অন্তৰ্ভুক্ত নহয়। ইজৰাইলৰ প্ৰধানমন্ত্ৰীৰ কাৰ্যালয়ে পোষ্ট কৰিছে – ইজৰাইলৰ প্ৰধানমন্ত্ৰীয়ে ট্ৰাম্পৰ সিদ্ধান্তক সমৰ্থন কৰিছে,য’ত ইৰাণৰ সৈতে যুদ্ধ বিৰতিৰ ঘোষণা কৰা হৈছে,যদিহে ইৰাণে তৎক্ষণাত হৰমুজ প্ৰণালী মুকলি কৰি দিয়ে আৰু আমেৰিকা, ইজৰাইল আৰু অঞ্চলটোৰ অন্যান্য দেশসমূহৰ ওপৰত কৰা সকলো আক্ৰমণ বন্ধ কৰে।ইজৰাইলে আমেৰিকাৰ এই প্ৰচেষ্টাকো সমৰ্থন কৰিছে, যাৰ উদ্দেশ্য সেইটো নিশ্চিত কৰা যে ইৰাণে এতিয়া আমেৰিকা, ইজৰাইল, আৰব প্ৰতিবেশী বা সমগ্ৰ বিশ্বৰ বাবে পাৰমাণৱিক ক্ষমতা, ক্ষেপণাস্ত্ৰ বা সন্ত্ৰাসবাদৰ কোনো ভাবুকি কঢ়িয়াই আনিব নালাগে।

ইৰাণৰ সৈতে ৰাষ্ট্ৰপতি ট্ৰাম্পে ঘোষণা কৰা দুসপ্তাহৰ যুদ্ধবিৰতিৰ পিছত আমেৰিকাইও নিজৰ মিত্ৰ ইজৰাইলক এই পৰিস্থিতিৰ বিষয়ে অৱগত কৰিছে।আমেৰিকাই ইজৰাইলক অৱগত কৰিছে যে আগন্তুক আলোচনাত এই লক্ষ্যসমূহ পূৰণৰ বাবে প্ৰতিশ্ৰুতিবদ্ধ যিবোৰ আমেৰিকা, ইজৰাইল, আৰু ইজৰাইলৰ আঞ্চলিক অংশীদাৰৰ ভাগ-বতৰা লক্ষ্য।

ইজৰাইলে আমেৰিকা আৰু ইৰাণৰ মাজত হোৱা যুদ্ধবিৰতিক আদৰণি জনাই কয় যে,এই যুদ্ধবিৰতিত লেবানন অন্তৰ্ভুক্ত নহয়,যদিও পাকিস্তানী মধ্যস্থতাকাৰীয়ে হয়তো অন্য ধৰণে দাবী কৰিছিল।

লগতে পঢ়ক: ‘ইৰাণত ওচৰত ট্ৰাম্পে আত্মসমপৰ্ণ কৰিলে; যুদ্ধবিৰতিৰ পিছতেই চিনেটৰৰ প্ৰশ্নৰ সন্মুখিন ট্ৰাম্প

অৱশেষত ইৰাণ আৰু আমেৰিকাৰ মাজত দুসপ্তাহৰ যুদ্ধবিৰতি ঘোষণা কৰা হৈছে। কিন্তু এই ঘোষণাৰ পিছতেই ইৰাণৰ ওচৰত ট্ৰাম্পে আত্মসমপৰ্ণ কৰিছে বুলি প্ৰশ্ন উত্থাপন হৈছে।

৪০ দিনৰ যুদ্ধৰ অন্তত ইৰাণ আৰু আমেৰিকাৰ মাজত যুদ্ধবিৰতি ঘোষণা কৰা হৈছে। অহা দুসপ্তাহৰ বাবে এই যুদ্ধ স্থগিত ৰখাৰ কথা ঘোষণা কৰিছে ড’নাল্ড ট্ৰাম্পে। মঙলবাৰে ইৰাণৰ এটা সভ্যতা শেষ কৰি দিয়া হ’ব বুলি ধমকি দিয়াৰ পিছত ট্ৰাম্পে যুদ্ধবিৰতি ঘোষণা কৰে। ভাবুকিৰ পৰা হঠাৎ পিছুৱাই যোৱাৰ সময়ত ড’নাল্ড ট্ৰাম্পে কয় যে, ইৰাণৰ বিৰুদ্ধে আমেৰিকাৰ সামৰিক ব্যৱস্থা বন্ধ কৰি দিব।

ট্ৰাম্পৰ এই ঘোষণাৰ পিছতেই এতিয়া আমেৰিকাৰ উচ্চ সদনৰ সদস্যই ট্ৰাম্পক প্ৰশ্ন কৰিছে।এক সাক্ষাৎকাৰত আমেৰিকাৰ চিনেটৰ ক্ৰীছ মাৰ্ফীয়ে কয় যে ইৰাণৰ বিৰুদ্ধে যুদ্ধত ট্ৰাম্প সম্পূৰ্ণৰূপে পৰাজয়ৰ সন্মুখীন হৈছে।ইৰাণৰ ওচৰত তেওঁ আত্মসমৰ্পণ কৰিছে। ড’নাল্ড ট্ৰাম্পে ইৰাণক হৰমুজ প্ৰণালীৰ ওপৰত নিয়ন্ত্ৰণ প্ৰদান কৰিবলৈ সন্মত হৈছে। এইটো বিশ্বৰ বাবে এক অত্যন্ত অসাধাৰণ আৰু ধ্বংসাত্মক বিষয়।

লগতে পঢ়ক: ‘সকলো আক্ৰমণ বন্ধ কৰক’; ৪০ দিনৰ ধাৰাবাহিক যুদ্ধৰ অন্তত অৱশেষত ঘোষণা হ’ল যুদ্ধবিৰতি

ইৰাণৰ সৈতে প্ৰায় এমাহ ধৰি চলি থকা সংঘাতৰ পিছত এতিয়া আমেৰিকাৰ ৰাষ্ট্ৰপতি ড’নাল্ড ট্ৰাম্পে যুদ্ধবিৰতি ঘোষণা কৰিছে। তেওঁ কয় যে মই ইৰাণৰ ওপৰত মিছাইল নিক্ষেপ আৰু আক্ৰমণ দুসপ্তাহৰ বাবে স্থগিত কৰিবৰ বাবে সন্মত হৈছো।

এমাহৰো অধিক সময় ধৰি চলি থকা মধ্যপ্ৰাচ্যৰ যুদ্ধ অৱশেষত বন্ধ হ’ল। মঙলবাৰে নিশা দুসপ্তাহৰ বাবে যুদ্ধবিৰতি ঘোষণা কৰিছে আমেৰিকাৰ ৰাষ্ট্ৰপতি ড’নাল্ড ট্ৰাম্পে। ট্ৰাম্পে এই ঘোষণা এনে সময়ত কৰিছে, যেতিয়া মাত্ৰ কেইঘণ্টামানৰ পূৰ্বে তেওঁ ইৰাণৰ ওপৰত ভয়ংকৰ আক্ৰমণ চলাই সমগ্ৰ সভ্যতাক নিঃশেষ কৰাৰ সকীয়াই দিছিল। ইৰাণেও কেইবাটাও চৰ্ত সাপেক্ষে যুদ্ধবিৰতিৰ বাবে সন্মতি প্ৰকাশ কৰিছে।

আটাইতকৈ উল্লেখযোগ্য কথাটো হ’ল ইৰাণে হৰমুজ প্ৰণালী মুকলি কৰিবলৈ সন্মত হৈছে। যুদ্ধৰ বাবে বিশ্বৰ বজাৰতো যথেষ্ট অস্থিৰতা দেখা গৈছিল।যুদ্ধবিৰতি ঘোষণা কৰাত পাকিস্তানেও উল্লেখযোগ্য ভূমিকা পালন কৰিছিল।

যিটো ট্ৰাম্পে তেওঁৰ ছ’চিয়েল মিডিয়া পোষ্টত উল্লেখ কৰিছে।ইফালে ইৰাণৰ বৈদেশিক মন্ত্ৰী ছেইয়দ আব্বাছ আৰাকচিয়েও পাকিস্তানৰ প্ৰধানমন্ত্ৰী শ্বেহবাজ শ্বৰীফ আৰু ফিল্ড মাৰ্শ্বাল মুনিৰক ধন্যবাদ জ্ঞাপন কৰে।ইৰাণৰ সৈতে প্ৰায় এমাহ ধৰি চলি থকা সংঘাতৰ পিছত এতিয়া আমেৰিকাৰ ৰাষ্ট্ৰপতি ড’নাল্ড ট্ৰাম্পে যুদ্ধবিৰতি ঘোষণা কৰিছে।

ট্ৰাম্পে ছ’চিয়েল মিডিয়াত এক পোষ্টযোগে কয়, ইৰাণৰ ওপৰত বোমা বিস্ফোৰণ আৰু আক্ৰমণ দুসপ্তাহৰ বাবে পিছুৱাই দিবলৈ মই সন্মত।এয়া হ’ব দ্বিপাক্ষিক যুদ্ধবিৰতি।

ট্ৰাম্পে কয় যে, ‘পাকিস্তানৰ প্ৰধানমন্ত্ৰী শ্বাহবাজ শ্বৰীফ আৰু ফিল্ড মাৰ্শ্বাল অসীম মুনিৰৰ সৈতে আলোচনা আৰু তেওঁৰ অনুৰোধত মই আজি ৰাতি ইৰাণৰ ফালে পঠোৱা ধ্বংসাত্মক সামৰিক বাহিনীক বন্ধ কৰি দিছো—এই চৰ্তত যে ইৰাণে হৰমুজ প্ৰণালী সম্পূৰ্ণৰূপে, তৎক্ষণাত আৰু নিৰাপদে পুনৰ মুকলি কৰিবলৈ সন্মত হওক।

ইফালে, ইৰাণৰ চৰকাৰী সংবাদ মাধ্যমৰ মতে ইৰাণৰ সৰ্বোচ্চ নেতা মোজতাবা খামেইনীয়ে সকলো সামৰিক ইউনিটকে আক্ৰমণ বন্ধ কৰিবলৈ নিৰ্দেশ দিছে।

লগতে পঢ়ক: “আজি নিশা অন্ত পৰিব এটা সভ্যতাৰ…,” ইৰাণক ট্ৰাম্পৰ বৃহৎ ভাবুকি