ইৰাণত ইজৰাইলে আক্ৰমণ চলোৱাৰ পিছত ড’নাল্ড ট্ৰাম্পে হুংকাৰ প্ৰদান কৰিছে। ট্ৰাম্পে কৈছে যে, ‘ইৰাণে তৎক্ষণাত আত্মসমৰ্পণ কৰক,অন্যথা মৃত্যু নিশ্চিত’

ইৰাণৰ ওপৰত আমেৰিকা আৰু ইজৰাইল সেনাই যৌথভাৱে বৃহৎ আক্ৰমণ চলাইছে। এই আক্ৰমণৰ প্ৰতিক্ৰিয়া প্ৰকাশ কৰি আমেৰিকাৰ ৰাষ্ট্ৰপতি ড’নাল্ড ট্ৰাম্পে কয় যে, কিছু সময়ৰ পিছত আমেৰিকাৰ সেনাই ইৰাণত বৃহৎ পৰিসৰৰ সামৰিক অভিযান আৰম্ভ কৰিছিল।আমাৰ লক্ষ্য হৈছে ইৰাণী শাসনে সৃষ্টি কৰা ভাবুকি দূৰ কৰি আমেৰিকাৰ জনসাধাৰণক সুৰক্ষা দিয়া।

ড’নাল্ড ট্ৰাম্পে দাবী কৰিছে যে, ইৰাণে হয় অস্ত্ৰ পৰিহাৰ কৰক, অন্যথা নিশ্চিত মৃত্যুৰ বাবে সাজু হওক।ট্ৰাম্পে কয় যে নিশালৈ ইৰাণৰ ওপৰত ভয়ংকৰ আক্ৰমণ কৰা হ’ব। গতিকে ইৰাণৰ সাধাৰণ জনতা যাতে নিশা ঘৰৰ পৰা বাহিৰলৈ ওলাই নাহে।

ড’নাল্ড ট্ৰাম্পে স্পষ্ট ভাষাৰে ইৰাণৰ সেনাবাহিনীক সকীয়াই দিছে। ইৰাণৰ বিৰুদ্ধে ইজৰাইলৰ সৈতে যৌথ আক্ৰমণত যোগদান কৰাৰ পিছত আমেৰিকাৰ ৰাষ্ট্ৰপতিয়ে দাবী কৰিছে যে তেওঁলোকে ইৰাণৰ সকলো ক্ষেপণাস্ত্ৰ ধ্বংস কৰাৰ লগতে ইৰাণৰ ক্ষেপণাস্ত্ৰ উদ্যোগকো মাটিৰ লগত মিলাই দিয়া হ’ব।

ড’নাল্ড ট্ৰাম্পে ইৰাণক ভাবুকি দি কয় যে, “ইছলামিক ৰিভল্যুচনেৰী গাৰ্ডৰ সদস্য, সশস্ত্ৰ বাহিনী আৰু সকলো আৰক্ষীক মই কওঁ যে, আপোনালোকে আত্মসমৰ্পণ কৰা উচিত। অন্যথা মৃত্যু নিশ্চিত।

লগতে পঢ়ক: ইৰাণে ইজৰাইলক দিছে প্ৰত্যুত্তৰ; ৭০টা বেলিষ্টিক মিছাইল নিক্ষেপ,টেল আভিভত বাজিছে চাইৰেন

ইজৰাইলৰ আক্ৰমণৰ পিছতেই এতিয়া ইৰাণে দিছে প্ৰত্যুত্তৰ। ইজৰাইলৰ জেৰুজালেমত বাজিছে চাইৰেন। সমগ্ৰ দেশতে জৰুৰীকালীন অৱস্থাৰ ঘোষণা ।

ইৰাণ আৰু ইজৰাইলৰ মাজত আৰম্ভ হৈছে যুদ্ধ।বৰ্তমান দুয়োখন দেশৰ মাজত তীব্ৰ যুদ্ধ চলি আছে।ইজৰাইলৰ বিৰুদ্ধে তীব্ৰ প্ৰতিশোধমূলক আক্ৰমণ চলাইছে ইৰাণে।

ইজৰাইললৈ ৭০টা বেলিষ্টিক মিছাইল নিক্ষেপ কৰিছে ইৰাণে।ইজৰাইলৰ সেনা আইডিএফে কয় যে ইৰাণৰ পৰা ইজৰাইল অভিমুখে বেলিষ্টিক মিছাইল নিক্ষেপ কৰিছে,সমগ্ৰ দেশখনতে সক্ৰিয় কৰা হৈছে এলাৰ্ট।

ইৰাণৰ ক্ষেপণাস্ত্ৰৰ পৰিসৰৰ অধীনলৈ অহা ইজৰাইলৰ চহৰসমূহৰ ভিতৰত জেৰুজালেম, হাইফা, শ্বেফেলা আদি অন্যতম।বৰ্তমান জেৰুজালেমত ছাইৰেন বাজি আছে।ইফালে শেহতীয়া খবৰ অনুসৰি ইৰাণে দ্বিতীয়বাৰৰ বাবে ইজৰাইলৰ ফালে ক্ষেপণাস্ত্ৰৰ চালান প্ৰেৰণ কৰিছে।ইজৰাইলে নিজৰ সমস্ত শক্তিৰে ধ্বংস কৰি আছে ইৰাণৰ এই ক্ষেপণাস্ত্ৰ।

খবৰ অনুসৰি উত্তৰ ইজৰাইলত কেইবাটাও বিস্ফোৰণৰ শব্দ শুনা গৈছে।ইজৰাইলে নিজৰ ক্ষেপণাস্ত্ৰ বিৰোধী প্ৰতিৰক্ষা ব্যৱস্থা সক্ৰিয় কৰিছে।ইজৰাইলে সমগ্ৰ দেশতে জৰুৰীকালীন অৱস্থাৰ ঘোষণা কৰিছে।

লগতে পঢ়ক: ‘ইৰাণৰ ক্ষেপণাস্ত্ৰক শেষ কৰি দিয়া হ’ব’; আক্ৰমণৰ পিছত ড’নাল্ড ট্ৰাম্পৰ প্ৰথম প্ৰতিক্ৰিয়া

ইৰাণৰ ওপৰত আমেৰিকাৰ আক্ৰমণৰ পিছত আমেৰিকাৰ ৰাষ্ট্ৰপতি ড’নাল্ড ট্ৰাম্পে কয় যে আমেৰিকাই “বৃহৎ যুদ্ধ অভিযান” আৰম্ভ কৰিছে।তেওঁ দাবী কৰে যে ইয়াৰ লক্ষ্য হৈছে ইৰাণী শাসনে সৃষ্টি কৰা ভাবুকি দূৰ কৰা।

ইৰাণৰ ওপৰত আমেৰিকাৰ আৰু ইজৰাইলে আক্ৰমণৰ কৰাৰ পিছতে আমেৰিকাৰ ৰাষ্ট্ৰপতি ড’নাল্ড ট্ৰাম্পে এটা ডাঙৰ বিবৃতি দিছে।ট্ৰাম্পে কয় যে শেহতীয়াকৈ আমেৰিকাই ইৰাণত “বৃহৎ যুদ্ধ অভিযান” আৰম্ভ কৰিছে।

তেওঁ নিজৰ ছ’চিয়েল মিডিয়া প্লেটফৰ্ম ট্ৰুথ ছ’চিয়েলত প্ৰকাশ কৰা এক ভিডিঅ’ বাৰ্তাত কয় যে,এই সামৰিক অভিযানৰ উদ্দেশ্য হৈছে আমেৰিকাৰ জনসাধাৰণক সুৰক্ষা দিয়া আৰু ইৰাণী শাসনে সৃষ্টি কৰা আগতীয়া ভাবুকিসমূহ দূৰ কৰা।

ট্ৰাম্পে ইৰাণৰ শাসন ব্যৱস্থাক “অতি কঠোৰ আৰু বিপজ্জনক গোট” বুলি অভিহিত কৰি কয় যে,আমেৰিকাই কেতিয়াও ইৰাণক পাৰমাণৱিক অস্ত্ৰ লাভ কৰিবলৈ নিদিয়ে।

তেওঁৰ মতে ইৰাণে নিজৰ পাৰমাণৱিক কাৰ্যসূচী পুনৰ সজীৱ কৰাৰ চেষ্টা কৰিছে আৰু ই দীৰ্ঘ দূৰত্বৰ ক্ষেপণাস্ত্ৰ বিকশিত কৰি আছে,যিয়ে আমেৰিকা আৰু ইয়াৰ মিত্ৰ দেশসমূহৰ বাবে গুৰুতৰ ভাবুকি কঢ়িয়াই আনিছে।

ট্ৰাম্পে স্পষ্ট কৰি কৈছে যে, ‘আমি তেওঁলোকৰ ক্ষেপণাস্ত্ৰ ধ্বংস কৰিম আৰু তেওঁলোকৰ ক্ষেপণাস্ত্ৰ উদ্যোগক মাটিত মিহলাই দিম।’

তেওঁ লগতে কয় যে, আমেৰিকাই ইৰাণৰ নৌসেনাক সম্পূৰ্ণৰূপে ধ্বংস কৰিব আৰু ই নিশ্চিত কৰিব যে তেহৰানে পাৰমাণৱিক অস্ত্ৰ লাভ নকৰে।তেওঁ ইৰাণৰ সেনাবাহিনী আই আৰ জি চিক আত্মসমৰ্পণ কৰিবলৈ আহ্বান জনাইছে।

অৱশ্যে এই আক্ৰমণ ইজৰাইলৰ সৈতে যৌথভাৱে সংঘটিত হৈছে নে নাই সেই বিষয়ে ট্ৰাম্পে তেওঁৰ বিবৃতিত স্পষ্ট কৰা নাই।

আমেৰিকাৰ এগৰাকী বিষয়াই কয় যে ইৰাণৰ বিৰুদ্ধে আকাশ আৰু সাগৰীয় দুয়োটা পথতে ব্যৱস্থা গ্ৰহণ কৰা হৈছে।যোৱা কেইটামান সপ্তাহত আমেৰিকাই মধ্যপ্ৰাচ্যত নিজৰ সামৰিক সম্পদ ব্যাপকভাৱে নিয়োগ কৰিছে।ট্ৰাম্পে ইয়াক “বিশাল নৌসেনাৰ বহৰ” বুলি অভিহিত কৰিছে।

লগতে পঢ়ক: আকৌ যুদ্ধ; ইৰাণৰ ওপৰত ইজৰাইল-আমেৰিকাৰ আক্ৰমণ, বিমানবন্দৰকে ধৰি ৩০টাকৈ স্থানত মিছাইল নিক্ষেপ

ইজৰাইল আৰু আমেৰিকাই মিলি ইৰাণৰ ওপৰত মিছাইল আক্ৰমণ কৰিছে। একেলগে কমেও ৩০ টা স্থানত আক্ৰমণ কৰিছে।

ইজৰাইল আৰু আমেৰিকাই ইৰাণৰ ওপৰত ভয়ংকৰ আক্ৰমণ চলাইছে।ইজৰাইলে ইৰাণৰ ৰাষ্ট্ৰপতি ভৱনক লক্ষ্য কৰি লৈছে,ইয়াৰ উপৰিও ইৰাণৰ চোৰাংচোৱা সংস্থাৰ মুখ্য কাৰ্যালয়ক লক্ষ্য কৰি লোৱা হৈছে।

ইৰাণৰ কেইবাটাও গুৰুত্বপূৰ্ণ চৰকাৰী অট্টালিকাক লক্ষ্য কৰি লোৱা হৈছে।জানিব পৰা মতে ইৰাণৰ উচ্চতম নেতা আলী খামেইনি এই সময়ত তেহৰাণত নাই।তেওঁক নিৰাপদ স্থানলৈ প্ৰেৰণ কৰা হৈছে।

ইৰাণৰ ওপৰত ইজৰাইলে কেইবাটাও ক্ষেপণাস্ত্ৰ নিক্ষেপ কৰিছে।আক্ৰমণৰ পিছত ৰাজধানী তেহৰাণৰ কেইবাটাও স্থানত অট্টালিকাৰ পৰা ধোঁৱা ওলোৱা দেখা গৈছিল।

জানিব পৰা মতে, আমেৰিকাৰ এফ-২২ ৰেপ্টৰ যুদ্ধ বিমানেও এই আক্ৰমণত অংশগ্ৰহণ কৰিছে। তেহৰাণৰ ৩০ স্থানত বেলিষ্টিক মিছাইলৰ সহায়ত একেলগে এই আক্ৰমণ সংঘটিত কৰিছিল।

ইয়াৰ পিছত ইৰাণৰ সৰ্বোচ্চ নেতা আয়াতুল্লাহ আলী খামেইনিক নিৰাপদ স্থানলৈ স্থানান্তৰ কৰা হৈছে।আক্ৰমণৰ সময়ত আমেৰিকা আৰু ইজৰাইলে খামেইনিৰ কাৰ্যালয়কো লক্ষ্য কৰি লৈছিল।

লগতে পঢ়ক: ‘সংস্থাসমূহে এন্থ্ৰপিক প্ৰযুক্তি ব্যৱহাৰ কৰা বন্ধ কৰক’; ট্ৰাম্পে দিলে আলটিমেটাম