শুকুৰবাৰে দিল্লী উচ্চ ন্যায়ালয়ে একাধিক চেক বাউন্স গোচৰত অভিনেতা ৰাজপাল যাদৱক দোষী সাব্যস্ত কৰা ৰায়ক গৃহীত কৰে।

বলিউডৰ বিখ্যাত কমেডিয়ান অভিনেতা ৰাজপাল যাদৱক দিল্লী উচ্চ ন্যায়ালয়ে (High Court) এক ডাঙৰ আঘাত দিছে। চেক বাউন্সৰ এক গোচৰত আদালতে পুনৰ তেওঁক ৩ মাহৰ কাৰাদণ্ডৰ শাস্তি বিহিছে। শুকুৰবাৰে এই শুনানী গ্ৰহণ কৰি আদালতে এই ৰায় প্ৰদান কৰে আৰু শাস্তিৰ লগতে অভিনেতাগৰাকীক জৰিমনাও বিহে। ইয়াৰ উপৰিও শাস্তি বাহাল ৰাখি ৰাজপাল যাদৱৰ আচৰণক ‘সন্দেহজনক’ বুলি অভিহিত কৰে আৰু কৰ্তৃপক্ষক তেওঁক পুনৰ কাৰাগাৰলৈ প্ৰেৰণ কৰিবলৈ নিৰ্দেশ দিয়ে।

দিল্লী উচ্চ ন্যায়ালয়ে তেওঁৰ ৰায়দানত ৰাজপাল যাদৱৰ সেই প্ৰত্যাহ্বানক গ্ৰহণ কৰিবলৈ অস্বীকাৰ কৰে, য’ত তেওঁ নিম্ন আদালতৰ ৰায় খাৰিজ কৰাৰ দাবী জনাইছিল। ইয়াৰ লগে লগে চেক বাউন্সৰ গোচৰসমূহত তেওঁৰ দোষী সাব্যস্তকৰণ আৰু শাস্তি অপৰিৱৰ্তিত থাকিব।

এই গোচৰটো কেইবাটাও চেক বাউন্সৰ ঘটনাৰ সৈতে জড়িত, য’ত ট্ৰায়েল কোৰ্টে অভিনেতাগৰাকীক দোষী সাব্যস্ত কৰিছিল। ৰাজপাল যাদৱে এই ৰায়ক উচ্চ ন্যায়ালয়ত প্ৰত্যাহ্বান জনাইছিল, কিন্তু শুকুৰবাৰে আদালতে তেওঁৰ আবেদন খাৰিজ কৰে। ২০১৮ চনত ট্ৰায়েল কোৰ্টে ৰাজপাল যাদৱ আৰু তেওঁৰ পত্নীক এই গোচৰসমূহত ৬ মাহৰ কাৰাদণ্ডৰ শাস্তি বিহিছিল, যাক পিছলৈ চেশ্যন কোৰ্টেও বাহাল ৰাখিছিল।

দিল্লী উচ্চ ন্যায়ালয়ে পিছত এই শাস্তিৰ ওপৰত অন্তৱৰ্তীকালীন স্থগিতাদেশ জাৰি কৰিছিল আৰু বাকী থকা ধন পৰিশোধ কৰাৰ বাবে কেইবাটাও সুযোগ দিছিল। কিন্তু আদালতৰ মতে, বাৰে বাৰে আশ্বাস দিয়াৰ পাছতো ধন পৰিশোধ প্ৰক্ৰিয়া সম্পূৰ্ণ নহ’ল। এই কাৰণেই উচ্চ ন্যায়ালয়ে তেওঁৰ অন্তৱৰ্তীকালীন সকাহ প্ৰত্যাহাৰ কৰি তেওঁক আত্মসমৰ্পণ কৰিবলৈ নিৰ্দেশ দিয়ে।

আদালতে এইটোও স্বীকাৰ কৰিছে যে অভিনেতাগৰাকী পলাই যোৱা নাই আৰু তেওঁ ধাৰাবাহিকভাৱে আদালতত হাজিৰ হৈ আছে। ইয়াৰ উপৰিও তেওঁ ইতিমধ্যে কিছু ধন পৰিশোধ কৰিছে, গতিকে বৰ্তমান তেওঁক জে’ললৈ পঠিওৱাৰ প্ৰয়োজন নাই।

লগতে পঢ়ক: প্ৰিয়ংকা চোপ্ৰাই শ্বেয়াৰ কৰিলে ‘দ্য চাইকেল অৱ লাভ’ ৰ ট্ৰেইলাৰ; মুক্তিৰ তাৰিখো ঘোষণা

আইনী বিবাদ আৰু তিহাৰ কাৰাগাৰত থকা অভিজ্ঞতাৰ বিষয়ে ৰাজপাল যাদৱে প্ৰথমবাৰৰ বাবে মুকলিকৈ প্ৰকাশ কৰিছে।

নিজৰ অতুলনীয় কমেডী ছবিৰে লাখ লাখ লোকৰ হৃদয় জয় কৰা অভিনেতা ৰাজপাল যাদৱে বৰ্তমান ৯ কোটিৰ ঋণ আৰু চেক বাউন্স কেছৰ বাবে শিৰোনাম দখল কৰিছে।শেহতীয়াকৈ তিহাৰ জেলৰ পৰা মুক্তি পোৱাৰ পিছত এই সমগ্ৰ বিতৰ্কক লৈ তেওঁ নিজৰ মৌনতা ভংগ কৰিছে।ৰাজপালে ইংগিত দিছে যে এই বিষয়টো সন্দৰ্ভত জনসাধাৰণৰ মাজত যি ধাৰণা সৃষ্টি হৈছে, সত্য কথাটো ইয়াতকৈ বহুত বেছি জটিল আৰু গভীৰ।

এটা সাক্ষাৎকাৰত ৰাজপাল যাদৱে তেওঁৰ আইনী সংগ্ৰামৰ বিভিন্ন দিশৰ বিষয়ে স্পষ্টভাৱে কয়। অভিনেতা গৰাকীয়ে কয় যে, টকাৰ অভাৱৰ বাবে মোক জেললৈ পঠিওৱা হোৱা নাছিল।বৰঞ্চ ই ডাঙৰ বিষয় আৰু নীতিৰ যুদ্ধ আছিল। তেওঁ দাবী কৰে যে যদিহে এই বিষয়টো মাত্ৰ ৫ কোটিৰ সৈতে জড়িত হ’লহেঁতেন তেন্তে ২০১২ চনত ইয়াৰ সমাধান হ’লহেঁতেন।ৰাজপালৰ মতে, এই বিবাদৰ বাবে তেওঁৰ ১৭ ৰ পৰা ২২ কোটি পৰ্যন্ত ব্যাপক লোকচান হয়।

তেওঁ কয় যে, “ইতিমধ্যে ১২ কোটি টকা দিয়া হৈছে,এয়া এতিয়া ২২ কোটি টকাৰ বিষয় হৈ পৰিছে।যেতিয়া শত্ৰুও কোনো প্ৰজেক্টৰ সৈতে জড়িত হয় তেতিয়াও তেওঁলোকে ছবিখন মুক্তি দিবলৈ অনুমতি দিব লাগে যাতে দৰ্শকে সিদ্ধান্ত ল’ব পাৰে।” ন্যায়পালিকাৰ প্ৰতি অদম্য বিশ্বাস প্ৰকাশ কৰি ৰাজপালে কয় এই যুঁজখন তেওঁ আৰম্ভ কৰা নাছিল, কিন্তু শেষ তেওঁ নিশ্চয় শেষ কৰিব।

লগতে পঢ়ক: কন্যা সন্তানৰ পিতৃ হ’ল চলচ্চিত্ৰ নিৰ্মাতা এটলী…

অভিনেতা ৰাজপাল যাদৱে আজি তিহাৰ কাৰাগাৰ কৰ্তৃপক্ষৰ সন্মুখত আত্মসমৰ্পণ কৰিছে। তিহাৰ জে’লেই হ’ব নেকি ৰাজপাল যাদৱৰ ঠিকনা।

বলীউডৰ অভিনেতা ৰাজপাল যাদৱে নিজৰ অভিনয়ৰ ভিত্তিত চলচ্চিত্ৰ জগতত এক বিশেষ ভাবমূৰ্তি সৃষ্টি কৰিছে।চলচ্চিত্ৰ জগতৰ প্ৰতিটো চৰিত্ৰত দুৰ্দান্ত প্ৰদৰ্শন কৰা অভিনেতা গৰাকীয়ে নিজৰ কেৰিয়াৰত ২১৪ খনতকৈও অধিক ছবিত কাম কৰিছে।

কিন্তু এতিয়া ৰাজপাল যাদৱ বিপদত পৰিছে আৰু তেওঁ আজি বিয়লি প্ৰায় ৪ মান বজাত তিহাৰ জে’লত আত্মসমৰ্পণ কৰিছে।বলীউডৰ এই অভিনেতাগৰাকীয়ে এতিয়া কিছু সময় কাৰাগাৰত কটাব লাগিব।

চেক বাউন্সৰ গোচৰত দিল্লী উচ্চ ন্যায়ালয়ৰ স্পষ্ট নিৰ্দেশনাৰ পিছতে জে’লত আত্মসমৰ্পণ কৰিছে বলীউডৰ অভিনেতা ৰাজপাল যাদৱে।

আদালতে তেওঁক পূৰ্বে দিয়া ৰেহাই প্ৰত্যাহাৰ কৰাৰ পিছত এই আত্মসমৰ্পণ কৰে।দিল্লী উচ্চ ন্যায়ালয়ে ৰাজপাল যাদৱক ৪ ফেব্ৰুৱাৰীত সংশ্লিষ্ট কাৰাগাৰ অধীক্ষকৰ সন্মুখত হাজিৰ হ’বলৈ নিৰ্দেশ দিয়ে।

আত্মসমৰ্পণ কৰাৰ পিছত,ৰাজপাল যাদৱে পুনৰবাৰ সকাহ বিচাৰি দিল্লী উচ্চ ন্যায়ালয়ত ব্যক্তিগতভাৱে হাজিৰ হয়। তেওঁ আদালতত ২৫ লাখ টকাৰ চেক লৈ আহিছে আৰু বাকী থকা ধনৰাশিও পৰিশোধ কৰা হ’ব বুলি আশ্বাস দিয়ে আৰু এই আধাৰত সকাহ দিবলৈ অনুৰোধ জনায়।

অৱশ্যে আদালতে পুনৰ কয় যে গোচৰৰ গুৰুত্ব বিবেচনা কৰাৰ পূৰ্বে আত্মসমৰ্পণ কৰাটো বাধ্যতামূলক।আদালতে কয় যে আত্মসমৰ্পণৰ পিছতহে আদালতে কোনো ধৰণৰ সকাহ দিব পাৰিব নে নাই সেইটো পৰীক্ষা কৰিব।

উচ্চ ন্যায়ালয়ে সময়ে সময়ে অভিনেতাজনক প্ৰদান কৰা সকাহ সম্পূৰ্ণৰূপে বিবাদ সৌহাৰ্দ্যপূৰ্ণভাৱে সমাধান হ’ব বুলি বাৰে বাৰে দিয়া আশ্বাসৰ ওপৰত ভিত্তি কৰিয়েই কৰা হৈছে আৰু অভিযোগকাৰী কোম্পানীক ধন পৰিশোধ কৰা হ’ব।

দৰাচলতে ৰাজপাল যাদৱে মেছাৰ্ছ মুৰালী প্ৰজেক্টছ প্ৰাইভেট লিমিটেডৰ পৰা প্ৰায় ৫ কোটি টকা ঋণ লৈছিল। কোম্পানীটোৱে কয় যে ৰাজপাল যাদৱে টকা ঘূৰাই দিবলৈ কেইবাখনো চেক দিছিল যদিও সকলোবোৰ বাউন্স হৈছিল।

কোম্পানীটোৱে (মেচাৰ্ছ মুৰালী প্ৰজেক্টছ প্ৰাইভেট লিমিটেড) ৰাজপাল যাদৱৰ বিৰুদ্ধে চেক বাউন্সৰ গোচৰ ৰুজু কৰিছিল।বিচাৰ আদালতে তেওঁক দোষী সাব্যস্ত কৰি ৬ মাহৰ কাৰাদণ্ডৰ শাস্তি প্ৰদান কৰিছিল।

অৱশ্যে উচ্চ ন্যায়ালয়ে তেওঁৰ শাস্তি কিছু সময়ৰ বাবে স্থগিত ৰাখিছিল যদিও তেওঁ কোম্পানীটোক ধন ঘূৰাই দিব বুলি চৰ্ত দিছিল।

আদালতত কেইবাবাৰো প্ৰতিশ্ৰুতি দিয়া হৈছিল যদিও ৰাজপাল যাদৱে ধন পৰিশোধ কৰা নাছিল।সেয়ে ন্যায়াধীশ স্বৰণ কান্ত শৰ্মাই কঠোৰতা প্ৰদৰ্শন কৰি আৰু কোনো সকাহ দিব নোৱাৰিব বুলি কয়।

লগতে পঢ়ক: অ’টিটিৰ পাছত এইবাৰ ছবিগৃহ কঁপাবলৈ সাজু ‘মিৰ্জাপুৰ দ্য মুভি’, ঘোষণা হ’ল মুক্তিৰ তাৰিখ