চলচ্চিত্ৰ জগতৰ কেইবাজনো লোকে আৰ্থিক সাহায্য আগবঢ়োৱাৰ কিছুদিন পিছতে ১৬ ফেব্ৰুৱাৰী সোমবাৰে জামিন লাভ কৰে ৰাজপাল যাদৱে ।
অৱশেষত জামিন লাভ কৰিলে বলীউডৰ অভিনেতা ৰাজপাল যাদৱে । ২০১৮ চনৰ এক চেক বাউন্স গোচৰত তেওঁ আইনী নিৰীক্ষণৰ অধীনত আছিল । আদালতে নিৰ্ধাৰণ কৰা ধন পৰিশোধৰ চৰ্ত পূৰণ নকৰাত তেওঁক ফেব্ৰুৱাৰী মাহৰ প্ৰথম সপ্তাহত তিহাৰ কাৰাগাৰত আত্মসমৰ্পণ কৰিবলৈ কোৱা হৈছিল । ১১ দিন কাৰাগাৰত আছিল অভিনেতাগৰাকী ।
যোৱা সপ্তাহত তেওঁৰ জামিন আৱেদন দিল্লী উচ্চ ন্যায়ালয়ে নাকচ কৰিছিল । তেওঁ বাৰে বাৰে ৯ কোটি টকা আদায় নিদিয়াৰ বাবে অভনেতাগৰাকীক সকাহ দিবলৈ অস্বীকাৰ কৰিছিল ন্যায়ালয়ে ।
অৱশ্যে অৱশেষত এই গোচৰত তেওঁ সকাহ লাভ কৰিছে । চলচ্চিত্ৰ জগতৰ কেইবাজনো লোকে আৰ্থিক সাহায্য আগবঢ়োৱাৰ কিছুদিন পিছতে ১৬ ফেব্ৰুৱাৰী সোমবাৰে জামিন লাভ কৰে ৰাজপাল যাদৱে । অৱশ্যে এই জামিন অন্তৱৰ্তীকালীন । আদালতে তেওঁক ১৮ মাৰ্চলৈকেহে মুক্তি প্ৰদান কৰিছে ।
এই জামিন তেওঁক শ্বাহজাহানপুৰত ভতিজীৰ বিয়াত অংশগ্ৰহণ কৰিবলৈ দিয়া হৈছে । ৰাজপাল যাদৱৰ অধিবক্তাই উচ্চ ন্যায়ালয়ক জনাইছে যে তেওঁ ১.৫ কোটি ডিডি জমা দিছে । তেওঁৰ পাছপ’ৰ্ট জমা দিবলৈও আদালতে নিৰ্দেশ দিছে । পৰৱৰ্তী শুনানি ১৮ মাৰ্চত হ’ব ।
লগতে পঢ়ক : ৰোহিত শ্বেট্টীৰ বাসগৃহত গুলীচালনা কৰা দুৰ্বৃত্তক গ্ৰেপ্তাৰ…
