‘মিৰ্জাপুৰ : দ্য মুভি’ প্ৰযোজনা কৰিছে এক্সেল এণ্টাৰটেইনমেণ্টৰ বেনাৰত ফাৰহান আখতাৰ আৰু ৰিতেশ সিধৱানীয়ে । আজি নিৰ্মাতাসকলে ছ’চিয়েল মিডিয়াত এটা পোষ্ট শ্বেয়াৰ কৰি ছবিখনৰ মুক্তিৰ তাৰিখ ঘোষণা কৰে ।
প্ৰাইম ভিডিঅ’ৰ জনপ্ৰিয় ৱেব ছিৰিজ “মিৰ্জাপুৰ” এতিয়া ছবি হিচাপে ডাঙৰ পৰ্দাত মুক্তিৰ বাবে সাজু হৈছে । “মিৰ্জাপুৰ : দ্য মুভি”ৰ মুক্তিৰ তাৰিখো আজি ঘোষণা কৰে নিৰ্মাতাসকলে । ইয়াৰ পিছতে ডাঙৰ পৰ্দাত কালিন ভাইয়া আৰু গুড্ডু পণ্ডিতক চাবলৈ অনুৰাগীসকল উৎফুল্লিত হৈ পৰিছে ।
অহা ৪ ছেপ্টেম্বৰত মুক্তি পাব ছবিখনে-
‘মিৰ্জাপুৰ : দ্য মুভি’ প্ৰযোজনা কৰিছে এক্সেল এণ্টাৰটেইনমেণ্টৰ বেনাৰত ফাৰহান আখতাৰ আৰু ৰিতেশ সিধৱানীয়ে । আজি নিৰ্মাতাসকলে ছ’চিয়েল মিডিয়াত এটা পোষ্ট শ্বেয়াৰ কৰি ছবিখনৰ মুক্তিৰ তাৰিখ ঘোষণা কৰে । পোষ্টাৰখনত বালিৰ ওপৰত গৈ থকা কেইবাখনো বাহন দেখা গৈছে আৰু পিছফালে এখন গাড়ীত বান্ধি থোৱা এখন ডাঙৰ চকী দেখা গৈছে । মুক্তিৰ তাৰিখ ঘোষণা কৰি নিৰ্মাতাসকলে কেপচনত লিখিছে, “এতিয়া ডাঙৰ পৰ্দাত চাওক । ‘মিৰ্জাপুৰ : ২০২৬ চনৰ ৪ ছেপ্টেম্বৰত আপোনাৰ ওচৰৰ চিনেমাগৃহত মুক্তি পাব দ্য মুভি’ ।”
২০১৮ত আৰম্ভ হৈছিল এই ৱেব চিৰিজৰ আৰম্ভণি-
২০১৮ চনত ৱেব চিৰিজ হিচাপে আত্মপ্ৰকাশ কৰা ক্ৰাইম-থ্ৰিলাৰ ‘মিৰ্জাপুৰ’ৰ প্ৰথম ছিজনটোৱে বিপুল জনপ্ৰিয়তা লাভ কৰিছিল । ছবিখনৰ প্ৰতিটো দৃশ্য আৰু সংলাপ হৈ পৰিছিল আইকনিক । চিৰিজটোত মুখ্য চৰিত্ৰ কালিন ভাইয়া (পংকজ ত্ৰিপাঠী), গুড্ডু পণ্ডিত (আলী ফজল), আৰু মুন্না ভাইয়া (দিব্যেন্দু শৰ্মা)ৰ নাম অতি জনপ্ৰিয় হৈ পৰিছিল ।
চিৰিজটোৰ জনপ্ৰিয়তাক মূলধন হিচাপে লৈ নিৰ্মাতাসকলে ২০২০ চনত “মিৰ্জাপুৰ”ৰ দ্বিতীয় ছিজন মুকলি কৰে । এই ছিজনটোৱেও ভাল সমাদৰ লাভ কৰে আৰু কাহিনীটোত কেইবাটাও নতুন টুইষ্ট সংযোজন কৰা হয় । প্ৰায় চাৰি বছৰৰ পাছত ২০২৪ চনত নিৰ্মাতাসকলে “মিৰ্জাপুৰ”ৰ তৃতীয় ছিজন মুকলি কৰে । কিন্তু এইবাৰ কাহিনীটোৱে দৰ্শকৰ বিশেষ মনোযোগ আকৰ্ষণ কৰিব নোৱাৰিলে । এতিয়া মেকাৰসকলে মিৰ্জাপুৰৰ কাহিনীটো ডাঙৰ পৰ্দালৈ আনিবলৈ সাজু হৈছে আৰু ইয়াক দেখি দৰ্শক উৎসাহিত হৈছে ।
গুৰমীত সিঙৰ পৰিচালনাত নিৰ্মিত “মিৰ্জাপুৰ : দ্য মুভি”ৰ চিত্ৰনাট্য লিখিছে পুনীত কৃষ্ণই । এই ছবিখনত ফ্ৰেঞ্চাইজিৰ মূল জনপ্ৰিয় চৰিত্ৰসমূহৰ প্ৰত্যাৱৰ্তন ঘটিছে, য’ত আছে কালিন ভাইয়া (পংকজ ত্ৰিপাঠী) আৰু গুড্ডু পণ্ডিত (আলী ফাজল) । ইয়াৰ উপৰিও এই চিৰিজৰ অন্যতম জনপ্ৰিয় চৰিত্ৰ হিচাপে দিব্যেন্দুৱে অভিনয় কৰা মুন্না ভাইয়াৰ বহু প্ৰত্যাশিত প্ৰত্যাৱৰ্তন ঘটিছে । মুখ্য অভিনেতাৰ উপৰিও ছবিখনত জিতেন্দ্ৰ কুমাৰ, ৰবি কিষণ, অভিষেক বেনাৰ্জী, ৰাশিকা দুগ্গল, শ্বেতা ত্ৰিপাঠী, শ্ৰিয়া পিলগাওকাৰ, হৰ্ষিতা গৌৰ, সুশান্ত সিং, মোহিত মালিক, শ্বীবা চদ্ধা, ৰাজেশ টাইলাং, কুলভূষণ খৰবান্দা, সোনাল চৌহান, প্ৰমোদ পাঠক আৰু অনংশা বিশ্বাস আদিয়েও অভিনয় কৰিছে ।
লগতে পঢ়ক : শেষ হ’ল বনবাস; ৭ বছৰৰ পাছত পুনৰ অভিনয় জগতলৈ ৰিয়া চক্ৰৱৰ্তী
