আদিত্য ধৰৰ ‘ধুৰন্ধৰ ২’ ছবিখনে বক্স অফিচত ইতিহাস ৰচনা কৰিছে। ৰণবীৰ সিং অভিনিত ছবিখনে মাত্ৰ চাৰিদিনতে ৪৫০ কোটি টকাৰ সীমা অতিক্ৰম কৰিলে।

আদিত্য ধৰৰ পৰিচালিত ৰণবীৰ সিঙৰ ছবি ধুৰন্ধৰ: দ্য ৰিভেঞ্জ এ বক্স অফিচত বিধ্বংসী ৰূপ ধাৰণ কৰিছে।এই ছবিখনে মাত্ৰ চাৰিদিনতে ৪৫০ কোটি টকাৰ যাদুকৰী পৰিসংখ্যা অতিক্ৰম কৰিছে।

দেওবাৰে এই ছবিখনে অভিলেখ ভংগ কৰি ১১৪.৮৫ কোটি টকা অৰ্জন কৰি মুঠ ৪৫৪.১২ কোটি টকা সংগ্ৰহ কৰিছে।  ৰণবীৰ সিঙে অভিনয় কৰা এই ছবিখন ১৯ মাৰ্চত মুক্তি পাইছিল (১৮ মাৰ্চত পেইড প্ৰিভিউৰ সৈতে) আৰু ভাৰতত মাত্ৰ চাৰিদিনতে ছবিখনে ৪৫০ কোটি টকাৰ সীমা অতিক্ৰম কৰিছে।

এই কৃতিত্বৰে ছবিখনে কেইবাখনো ডাঙৰ ডাঙৰ ছবিৰ অভিলেখ ভংগ কৰিছে। ইয়াৰ লগে লগে ‘ধুৰন্ধৰ ২’এ আমিৰ খানৰ ‘ডাংগল’ (৩৮৭ কোটি)ৰ অভিলেখ ভংগ কৰিছে।তদুপৰি বজৰংগী ভাইজান আৰু বাহুবলী আদি ছবিৰ উপাৰ্জনকো (প্ৰায় ৪২১ কোটি ) অতিক্ৰম কৰিছে।

ধূৰন্ধৰঃ দ্য ৰিভেঞ্জৰ ৰচনা, পৰিচালনা আৰু প্ৰযোজক হৈছে আদিত্য ধৰ।ৰণবীৰ সিঙৰ উপৰিও ছবিখনত অৰ্জুন ৰামপাল, সঞ্জয় দত্ত, আৰ মাধৱন, চাৰা অৰ্জুন, ৰাকেশ বেদী, গৌৰৱ গেৰা, দনিশ পাণ্ডোৰ, আৰু মানৱ গোহিলে বিশিষ্ট চৰিত্ৰত অভিনয় কৰিছে।

লগতে পঢ়ক: ‘ধুৰন্ধৰ ২’ বিৰুদ্ধে শিখ সম্প্ৰদায়ৰ ধৰ্মীয় আৱেগক আঘাত দিয়াৰ অভিযোগ

অপেক্ষাৰ অন্ত পেলাই ধুৰন্ধৰ ২ৰ ট্ৰেইলাৰ মুক্তি লাভ কৰিলে। য’ত সঞ্জয় দত্তৰ পৰা ৰণবীৰ সিঙৰ আভাস দেখা গৈছে।

পৰিচালক আদিত্য ধৰৰ দুৰ্দান্ত ছবি ধুৰন্ধৰ ২ ৰ অপেক্ষা এতিয়া অন্ত পৰিল আৰু আজি ইয়াৰ ট্ৰেইলাৰ মুকলি কৰা হৈছে। যিয়ে অনুৰাগীৰ মাজত আলোড়নৰ সৃষ্টি কৰিছে।ছবিখনত পুনৰবাৰ লিয়াৰীক তেজেৰে লুতুৰি হোৱা দেখিবলৈ পোৱা গৈছে।

আদিত্য ধৰৰ পৰিচালনাত নিৰ্মিত এই ছবিখনৰ ট্ৰেইলাৰত ৰণবীৰ সিঙক পূৰ্বতকৈ অধিক উগ্ৰ আৰু শক্তিশালী চৰিত্ৰত দেখা গৈছে। তেওঁ লিয়াৰীৰ ‘ৰজা’ হৈ শত্ৰুৰ পৰা প্ৰতিশোধ লোৱা দেখা যায়।ট্ৰেইলাৰত ৰেহমান ডাকোইট (অক্ষয় খান্নাৰ চৰিত্ৰ)ৰো সৰু আভাসও পোৱা গৈছে।

ধূৰন্ধৰ ২ৰ ট্ৰেইলাৰৰ পৰা অনুৰাগীসকলে কাহিনীটোত কিছু নতুন আশা কৰিছিল যদিও বিশেষ একো দেখা নগ’ল।আগৰ খণ্ডটোৰ দৰেই এই অংশতো বেকগ্ৰাউণ্ড স্ক’ৰৰ লগতে কাহিনীটোত একচন দৃশ্য দেখা যায়।আৰ মাধৱনেও নিজৰ চৰিত্ৰটোৰ যোগেদি পৰ্দাত যাদু প্ৰদৰ্শন কৰা দেখা যাব।

১৯ মাৰ্চত মুক্তি পাবলগীয়া ছবিখনৰ অগ্ৰিম বুকিংও ছবিখন মুক্তিৰ প্ৰায় এসপ্তাহ পূৰ্বৰ পৰাই আৰম্ভ হ’ব।ধূৰন্ধৰৰ ট্ৰেইলাৰত প্ৰচণ্ড একচনৰ দ্বাৰা ৰণবীৰ সিঙে আকৌ এবাৰ আলোড়নৰ সৃষ্টি কৰা দেখা যাব।

ধুৰন্ধৰ ২ এতিয়ালৈকে বছৰৰ সৰ্ববৃহৎ ছবি হিচাপে পৰিগণিত হৈছে আৰু মুক্তিৰ পূৰ্বেও বহিঃৰাজ্যত প্ৰিমিয়াৰ শ্ব’ বুকিং কৰা হৈছে।এতিয়া লক্ষ্যণীয় যে এই ছবিখনে ধুৰন্ধৰৰ প্ৰথম খণ্ডৰ বক্স অফিচৰ অভিলেখ ভংগ কৰিবলৈ সক্ষম হ’ব নে নহয়।

লগতে পঢ়ক: অবৈধ প্ৰেমৰ অভিযোগৰ মাজতে একেলগে দেখা গ’ল থালাপথী বিজয় আৰু তৃষা; পৰিচালকৰ বিশেষ পোষ্ট

অপেক্ষাৰ অন্ত পেলাই অৱশেষত মুক্তি পালে ধুৰন্ধৰ ২ৰ টিজাৰ । ইতিমধ্যে সামাজিক মাধ্যমত খলকনি তুলিছে এই টিজাৰে ।

শেহতীয়াকৈ মুক্তি পোৱা “ধুৰন্ধৰ” ছবিখনে বলীউডত আলোড়নৰ সৃষ্টি কৰে । আদিত্য ধৰৰ পৰিচালনাত নিৰ্মিত এই ছবিখনত ৰণবীৰ সিঙৰ লগতে আৰ মাধৱন, অক্ষয় খান্না, চাৰা আলী খান, অৰ্জুন ৰামপালেও অভিনয় কৰিছে । এই স্পাই একচন থ্ৰিলাৰখনে ২০২৫ চনৰ সৰ্ববৃহৎ ব্লকবাষ্টাৰ হিচাপে আত্মপ্ৰকাশ কৰাৰ লগতে হিন্দী চলচ্চিত্ৰ জগতৰ সৰ্বাধিক উপাৰ্জনকাৰী ছবি হিচাপেও পৰিগণিত হয় । এতিয়া ইয়াৰ ছিকুৱেল “ধুৰন্ধৰ: দ্য ৰিভেঞ্জ”ক লৈ প্ৰচণ্ড উত্তেজনা অব্যাহত আছে । ইয়াৰ মাজতে মঙলবাৰে “ধুৰন্ধৰ: দ্য ৰিভেঞ্জ” ছবিখনৰ বহু অপেক্ষাৰত টিজাৰ মুক্তি পালে । দ্বিতীয় খণ্ডৰ টিজাৰৰ বাবে আগ্ৰহেৰে অপেক্ষা কৰি থকা অনুৰাগীসকলে এতিয়া টিজাৰটো অনলাইনত চাব পাৰিব ।

ধুৰন্ধৰঃ দ্য ৰিভেঞ্জৰ টিজাৰ মুকলি-

ধুৰন্ধৰ থিয়েটাৰত মুক্তি পোৱাৰ ৬০ দিনৰ পাছত ২০২৬ চনৰ ৩ ফেব্ৰুৱাৰীত, নিশা ১২:১২ বজাত ধুৰন্ধৰ ২ ৰ প্ৰথমটো টিজাৰ মুকলি কৰি অনুৰাগীক আনন্দিত কৰে ছবিখনৰ নিৰ্মাতাই । ইউটিউবৰ লগলাইনত লিখা আছে, “ধুৰন্ধৰ : দ্য ৰিভেঞ্জ ২০২৬ চনৰ ১৯ ​​মাৰ্চত বিশ্বজুৰি চিনেমা হলত হিন্দী, তেলেগু, তামিল, কানাড়া আৰু মালয়ালম ভাষাত মুক্তি পাব ।”

ছবিগৃহত কেতিয়া মুক্তি পাব ধুৰন্ধৰ ২ ?

ধুৰন্ধৰ ২, ২০২৬ চনৰ ১৯ ​​মাৰ্চ বৃহস্পতিবাৰে চিনেমাগৃহত মুক্তি পোৱাৰ কথা আছে । দক্ষিণৰ চুপাৰষ্টাৰ য়শৰ কানাড়া একচন থ্ৰিলাৰ টক্সিকৰ সৈতে সংঘৰ্ষ হ’ব দ্য ৰিভেঞ্জৰ । দুয়োখন ছবিক লৈ অনুৰাগীসকল অত্যন্ত উৎসাহিত ।

লগতে পঢ়ক : অ’টিটি প্লেটফৰ্মত মুক্তি পালে ৰণবীৰ সিঙৰ ব্লকবাষ্টাৰ ছবি ‘ধুৰন্ধৰ’

‘ডন ৩’ৰ বাবে দৰ্শক সকল অতি আগ্ৰহেৰে ৰৈ আছে । কিন্তু তাৰ মাজতে ৰণবীৰ সিং ছবিখনৰ পৰা ওলাই গৈছে । হৃতিক ৰোশন হ’ব নেকি বিকল্প ?

ৰণবীৰ সিঙৰ ‘ধুৰন্ধৰ’ ছবিখনৰ সফলতাৰ পিছত এইবাৰ বাতৰিৰ শিৰোনামত অব্যাহত আছে ‘ডন ৩’ ছবিখন।ৰণবীৰ সিং ইয়াৰ পৰা ইতিমধ্যে বাহিৰ হৈছে।

এনে পৰিস্থিতিত ফাৰহান আখতাৰৰ এই ছবিখনত কোনে এণ্টি হিৰোৰ চৰিত্ৰত অভিনয় কৰিব,এই বিষয়ে কৌতুহলৰ সৃষ্টি হৈছে।

শেহতীয়াকৈ শুনিব পোৱা গৈছিল যে,ডনৰ চৰিত্ৰটিত হৃতিক ৰোশনে অভিনয় কৰিব।সেই খবৰৰ পিছতে অভিনেতা গৰাকীৰ অনুৰাগী সকল সুখী হৈছিল। ইয়াৰ পূৰ্বে ডন চৰিত্ৰত অমিতাভ বচ্চন আৰু শ্বাহৰুখ খানে অভিনয় কৰিছিল।

অৱশ্যে ছবিখনৰ ঘনিষ্ঠ সূত্ৰই জনোৱা মতে, ‘ডন ৩’ৰ বাবে হৃতিকৰ সৈতে আলোচনাত মিলিত হোৱা নাই। তেওঁ টীমৰ সৈতেও কোনো মিটিং হোৱা নাই’।

‘ৰণবীৰ হঠাৎ গুছি যোৱাৰ বাবে ছবিখনৰ ভৱিষ্যতৰ বিষয়ে পুনৰ নিৰ্মাতাসকলক চিন্তা কৰিবলৈ বাধ্য কৰাইছে আৰু পুনৰ পৰিকল্পনা কৰিব লগা হৈছে’।

‘অৱশ্যে ৰণবীৰ সিঙৰ স্থানত হৃতিক ৰোশন এটা ডাঙৰ বিকল্প হ’ব পাৰে, কিন্তু এতিয়ালৈকে যিমান উৰাবাতৰি ওলাইছে সেয়া মিছা।’

লগতে পঢ়ক: শীঘ্ৰেই আহিব থ্ৰি ইডিয়টছৰ চিকুৱেল…! মৌনতা ভংগ কৰিলে আমিৰ-মাধৱনে