প্ৰায় ২ বছৰ দীঘলীয়া অপেক্ষাৰ অন্তত পুনৰ ডাঙৰ পৰ্দাত দেখিবলৈ পোৱা গৈছে ৰণবীৰ সিঙক।

প্ৰায় ২ বছৰ দীঘলীয়া অপেক্ষাৰ অন্তত অৱশেষত পুনৰ ডাঙৰ পৰ্দাত দেখিবলৈ পোৱা গৈছে অভিনেতা ৰণবীৰ সিঙক,যাৰ বাবে তেওঁৰ অনুৰাগীসকল অতিশয় সুখী।

বিশেষ কথাটো হ’ল এই ডিচেম্বৰ মাহত তেওঁ বলীউডত ১৫ বছৰ সম্পূৰ্ণ কৰিবলৈ ওলাইছে আৰু এই বিশেষ মূহূৰ্তত আদিত্য ধৰৰ চোৰাংচোৱা একচন ছবি ‘ধুৰন্ধৰ’ লৈ আহিছে।

ছবিখনৰ ট্ৰেইলাৰ, ইয়াৰ শক্তিশালী ৰূপ আৰু উৎকৃষ্ট ষ্টাৰকাষ্টে প্ৰথমৰ পৰাই এক পৰিৱেশ সৃষ্টি কৰিছে আৰু এতিয়া ছবিগৃহত ‘ধুৰন্ধৰে’ মুক্তি লাভ কৰিছে।

ছবিখনত ৰণবীৰৰ লগতে সঞ্জয় দত্ত, অক্ষয় খান্না, আৰ মাধৱন, অৰ্জুন ৰামপাল, চাৰা অৰ্জুন, ৰাকেশ বেদীৰ দৰে মেধাৱী আৰু শক্তিশালী অভিনেতাকো দেখিবলৈ পোৱা গৈছে।

নিৰ্মাতাসকলে প্ৰথম দিনাৰ পৰাই ছবিখনৰ কাহিনী গোপন কৰি ৰাখিছে।২ টা বছৰৰ পিছত ছবিখনত ৰণবীৰ সিঙৰ অভিনয়ে সকলোকে মোহিত কৰিছে। আনকি বহুতে এই ছবিখনক আদিত্য ধৰৰ ‘বিস্ফোৰক মাষ্টাৰপিছ’ বুলিও অভিহিত কৰিছে।

লগতে পঢ়ক: সামান্থাৰ লগত দ্বিতীয় বিবাহৰ পিছতে ৰাজ নিদিমোৰুৰ প্ৰাক্তন পত্নীৰ আৱেগিক পোষ্ট…

বিতৰ্কৰ মাজত ৰণবীৰ সিং

ঋষব শ্বেট্টীৰ  ২০২৫ চনৰ অন্যতম ডাঙৰ ছবি ‘কান্তৰা অধ্যায় ১’ এ সকলোৰে হৃদয় স্পৰ্শ কৰিবলৈ সক্ষম হৈছিল।ছবিখনত ঋষভে যি ধৰণে অভিনয় কৰিছিল,তাক দেখি সকলোৰে চকু থিয় হৈ গৈছিল।

শেহতীয়াকৈ ‘কান্তৰা অধ্যায় ১’ আকৌ এবাৰ শিৰোনামলৈ আহিছে। এইবাৰ ইয়াৰ ভাইৰেল হোৱাৰ কাৰণ হৈছে বলীউডৰ অভিনেতা ৰণবীৰ সিং।

উল্লেখ্য যে, কান্তৰাৰ কাহিনী আচলতে কৰ্ণাটকৰ তুলু সম্প্ৰদায়ৰ দেৱতাসকলৰ বিষয়ে।তেওঁৰ নিজৰ দেৱতাসকলৰ ওপৰত অতিশয় বিশ্বাস কৰে আৰু আনকি তেওঁলোকৰ পূজাও কৰে।

প্ৰতি বছৰে তেওঁৰ গাঁৱত দেৱতাৰ উৎসৱও অতি আড়ম্বৰেৰে পালন কৰা হয়।এনে পৰিস্থিতিত দেৱী চামুণ্ডা মাতাক ভূত আখ্যা ৰণবীৰৰ।

শেহতীয়াকৈ ভাৰতীয় আন্তঃৰাষ্ট্ৰীয় চলচ্চিত্ৰ মহোৎসৱত অংশগ্ৰহণ কৰিছিল ৰণবীৰ সিং ,য’ত তেওঁ নিজৰ আগন্তুক ছবি ‘ধুৰন্ধৰ’ৰ প্ৰচাৰ কৰিছিল।

এই সময়ছোৱাত তেওঁ তাত ‘কান্তৰা’ৰ পৰা ঋষভ শ্বেট্টিক দেখিছিল,তেওঁলোকৰ প্ৰশংসাৰ উদ্দেশ্যে অভিনেতাজনে কয় যে,”মই আপোনাৰ ছবিখন ছবিগৃহত চাইছিলো আৰু সঁচা কথা ক’বলৈ গ’লে আপোনাৰ অভিনয় আছিল চমৎকাৰ।বিশেষকৈ যেতিয়া আপোনাৰ শৰীৰত কোনো নাৰী ভূত প্ৰৱেশ কৰে।”

ৰণবীৰে সেই দৃশ্যটো অভিনয় কৰিও দেখুৱাই। তেওঁ যিধৰণে অভিনয়টো কৰি দেখুৱাইছিল সেইটো দেখি ঋষভ হাঁহি হাঁহি বাগৰি পৰিছিল। কিন্তু পিছফালে বহি থকা মানুহবোৰক যথেষ্ট হতাশ যেন লাগিল।

অভিনেতাগৰাকীৰ সেই ভিডিঅ’টো এতিয়া সামাজিক মাধ্যমত ভাইৰেল হৈ পৰিছে। তেওঁৰ এই মন্তব্যক লৈ ক্ষুদ্ধ হৈ পৰিছে কৰ্ণাটকৰ লোক সকল।বহু লোকে মন্তব্য কৰিছে যে অভিনেতা গৰাকীৰ এই কামে তেওঁলোকৰ আৱেগক আঘাত কৰিছে।

লগতে পঢ়ক: ১০ বছৰৰ মূৰত পুনৰ ডাঙৰ পৰ্দাত একেলগে দেখা যাব দীপিকা-ৰণবীৰ কাপুৰক…

ৰণবীৰ সিং আৰু দীপিকা পাডুকনৰ জীয়ৰী দুআৰ বয়স এতিয়া ৩ মাহ। অনুৰাগীসকলে সামাজিক মাধ্যমত ৰণবীৰ আৰু দীপিকাৰ সন্তানৰ মাত্ৰ এক আভাসহে দেখিছে, কিন্তু এতিয়ালৈকে কণমানিজনীৰ মুখখন প্ৰকাশ কৰা হোৱা নাই।

ইফালে, দীপিকা আৰু ৰণবীৰৰ তেওঁলোকৰ সন্তানৰ সৈতে তিনিখন ফটো সামাজিক মাধ্যমত ভাইৰেল হৈ আছে। তেওঁলোকৰ সেই ফটোখন দেখাৰ পিছত, অনুৰাগীসকলে যথেষ্ট মৰম দিছে। কিন্তু প্ৰশ্ন উত্থাপিত হৈছে যে এই মৰমলগা শিশুটি সঁচাকৈয়ে দীপিকা আৰু ৰণবীৰৰ নে ?

ভাইৰেল হৈ থকা এই ফটোবোৰ সৰু পৰী বেবী দুয়াৰ বুলি দাবী কৰা হৈছে।ফটোখনত, দীপিকাই শিশুটিক বাহুত ধৰি আছে আনহাতে ৰণবীৰক তেওঁলোকৰ জীয়েকৰ ফালে চাই থকা দেখা গৈছে।

কিন্তু ভাইৰেল হৈ থকা এই তিনিখন ফটো সঁচা নহয়। কোনো লোকে এআই ব্যৱহাৰ কৰি দীপিকা (দীপিকা পাডুকন) আৰু ৰণবীৰৰ ফটোবোৰ সম্পাদনা কৰিছে।

এই ফটোবোৰ ভাইৰেল হোৱাৰ লগে লগে, মানুহে সঁচা বুলি ভাবিছিল আৰু যথেষ্ট মৰম দিছিল।দৰাচলতে দীপিকা পাডুকন বা ৰণবীৰ সিঙে তেওঁলোকৰ অফিচিয়েল ছচিয়েল মিডিয়া হেণ্ডেলত এই ছবিবোৰ শ্বেয়াৰ কৰা নাই। তাতেই প্ৰমাণ পোৱা যায় যে এই ফটোসমূহ ভুৱা।