মুক্তিৰ প্ৰায় ছমাহ পূৰ্বেই ‘ৰামায়ণ’ ছবিখনে শিৰোনাম দখল কৰিবলৈ সক্ষম হৈছে।ছবিখনৰ টিজাৰ মুকলি হোৱাৰ পিছতেই খবৰ পোৱা গৈছে যে ছবিখনৰ প্ৰযোজক নমিত মালহোত্ৰাই অ’টিটিৰ এটা ডাঙৰ অফাৰ নাকচ কৰিছে।
ৰণবীৰ কাপুৰৰ ‘ৰামায়ণ’ কেইমাহমানৰ ভিতৰত ছবিগৃহত মুক্তি পাব। এই ছবিখনৰ বাবে দৰ্শক সকলে যথেষ্ট দিনৰ পৰা আগ্ৰহেৰে অপেক্ষা কৰি আছে। এই ছবিখনে বক্স অফিচত ইতিহাস সৃষ্টিৰ সম্পূৰ্ণ সম্ভাৱনা আছে। ছবিখন মুক্তি পাবলৈ আৰু ছমাহ বাকী আছে আৰু ইতিমধ্যে ৰেকৰ্ড স্থাপন কৰিবলৈ আৰম্ভ কৰিছে।অ’টিটি ৰাইটৰ বাবে ৰণবীৰৰ ৰামায়ণ ছবিয়ে ভাৰতীয় চিনেমা ইতিহাসৰ আটাইতকৈ ডাঙৰ ডিল অফাৰ লাভ কৰিছে ।
ৰামায়ণৰ প্ৰযোজক নমিত মালহোত্ৰাই তেওঁৰ ছবিখনৰ বাবে এটা ডাঙৰ অ’টিটি চুক্তিৰ প্ৰস্তাৱ লাভ কৰিছে।খবৰ পোৱা গৈছে যে এই চুক্তিৰ মূল্য আছিল ৭০০ কোটি টকা।যদি সঁচাকৈয়ে এনেকুৱা হৈছে তেন্তে ভাৰতীয় চিনেমাৰ ইতিহাসৰ আটাইতকৈ ডাঙৰ অ’টিটি ডিল অফাৰ আছিল।অৱশ্যে প্ৰযোজকে এই চুক্তি নাকচ কৰিছে।
যিহেতু দুয়োখন ছবিৰ নিৰ্মাণৰ বাবে ৪,০০০ কোটি পৰ্যন্ত খৰচ হ’ব বুলি আশা কৰা হৈছে,সেয়ে নমিত আৰু তেওঁৰ দলটোৱে বিশ্বাস কৰে যে ৰামায়ণ এনে এখন ছবি যিয়ে আগন্তুক বহু প্ৰজন্মলৈ মানুহক স্পৰ্শ কৰিব।গতিকে ইয়াৰ মূল্য আৰু অধিক হ’ব লাগে।তেওঁ অ’টিটিৰ পৰা ১০০০ কোটি টকাৰ চুক্তি লাভ কৰিব বুলি আশা কৰিছে।
লগতে পঢ়ক: ‘এতিয়া আমি ৩ জন হ’লো’; মাতৃ হ’ব ওলাইছে নেকি ৰশ্মিকা মণ্ডানা
