কংগ্ৰেছৰ তুষ্টিকৰণৰ ৰাজনীতিৰ ফলত অসমৰ সমাজ-সংস্কৃতিৰ প্ৰতি ভাবুকি কঢ়িয়াই অনা “নতুন সভ্যতা”ৰ উত্থান ঘটিছে বুলি মন্তব্য মুখ্যমন্ত্ৰী হিমন্ত বিশ্ব শৰ্মাৰ । অসমত শংকৰ-আজানৰ কোনো ধাৰণা নাছিল বুলিও কয় তেওঁ ।

মুখ্যমন্ত্ৰী ড০ হিমন্ত বিশ্ব শৰ্মাই শনিবাৰে ৰাজ্যখনৰ জনগাঁথনিগত এক বৃহৎ পৰিৱৰ্তনক লৈ উদ্বেগ প্ৰকাশ কৰি কয় যে কংগ্ৰেছৰ বছৰ বছৰ ধৰি চলি অহা “তুষ্টিকৰণৰ ৰাজনীতি”ৰ ফলত অসমৰ সমাজ আৰু সংস্কৃতিৰ প্ৰতি ভাবুকি কঢ়িয়াই অনা “নতুন সভ্যতা”ৰ উত্থান ঘটিছে ।

গুৱাহাটীৰ শ্ৰীমন্ত শংকৰদেৱ কলাক্ষেত্ৰত অসম ৰাজ্যিক বিজেপিৰ কাৰ্যনিৰ্বাহক সভাত ভাষণ দি শৰ্মাই তেওঁৰ এই দাবীৰ সমৰ্থনত লোকপিয়লৰ তথ্যৰ উদ্ধৃতি দিয়ে । তেওঁ কয় যে ২০১১ চনৰ লোকপিয়ল অনুসৰি অসমৰ জনসংখ্যাৰ প্ৰায় ৩৪ শতাংশ মুছলমান । এই সংখ্যাৰ পৰা যদি আমি প্ৰায় তিনি শতাংশ অসমীয়া মুছলমানক আঁতৰাই পেলাওঁ তেন্তে সেই সময়ত বাংলাদেশী মূলৰ মুছলমান জনসংখ্যা আছিল প্ৰায় ৩১ শতাংশ ।

২০২১ চনত লোকপিয়ল কৰিব পৰা নগ’ল বুলি আঙুলিয়াই দি মুখ্যমন্ত্ৰী হিমন্ত বিশ্ব শৰ্মাই দাবী কৰে যে অসমত ঐতিহাসিকভাৱে প্ৰতিটো লোকপিয়ল চক্ৰত প্ৰায় চাৰি শতাংশ বৃদ্ধি পাইছে মুছলমান জনসংখ্যা । এই ধাৰাক “আমাক দুৰ্বল কৰাৰ ষড়যন্ত্ৰ” বুলি অভিহিত কৰি শৰ্মাই অভিযোগ কৰে যে, “২০২৭ চনত যেতিয়া পৰৱৰ্তী লোকপিয়লৰ প্ৰতিবেদন ওলাব, তেতিয়া বাংলাদেশী মূলৰ মুছলমান জনসংখ্যা ৪০ শতাংশৰ ওচৰত হ’ব পাৰে ।”

মুখ্যমন্ত্ৰী হিমন্ত বিশ্ব শৰ্মাই কয়, “আজি অসমৰ প্ৰায় ৪০% লোক বাংলাদেশৰ পৰা অহা অনুপ্ৰৱেশকাৰী । ধৰি লওক কোনো অভাৱনীয় পৰিস্থিতিৰ সৃষ্টি হয়, এই লোকসকলৰ আনুগত্য ভাৰত বা বাংলাদেশৰ প্ৰতি হ’বনে ? যদি তেওঁলোকৰ জনসংখ্যা ৫০% অতিক্ৰম কৰে, তেন্তে অসমক বাংলাদেশৰ অংশ হিচাপে গঢ়ি তোলাৰ প্ৰচেষ্টা হোৱাৰ সম্ভাৱনা আছে !”

মুখ্যমন্ত্রী ড০ শৰ্মাই আৰু কয় যে বিষয়টো কেৱল ৰাজনৈতিক নহয়, সভ্যতাৰ বিষয় ৷ কংগ্ৰেছ দলৰ তুষ্টিকৰণ নীতিৰ বাবে ক্ৰমান্বয়ে প্ৰায় ডেৰ কোটি লোকৰ নতুন সভ্যতাৰ উন্মেষ ঘটিছে বুলি উল্লেখ কৰি তেওঁ লগতে কয় যে এনে নীতি অসমৰ পৰিচয়ৰ ক্ষেত্ৰত দীৰ্ঘস্থায়ী পৰিণতি হ’ব । অসমৰ সাংস্কৃতিক আৰু ঐতিহাসিক প্ৰতীকসমূহৰ বিষয়েও শৰ্মাই দীঘলীয়াকৈ কয় আৰু ঐতিহাসিক কাহিনীক অস্পষ্ট কৰাৰ চেষ্টাৰ বিৰুদ্ধে সকীয়াই দিয়ে ।

তেওঁ কয়, “অসমত শংকৰ আৰু মাধৱৰ উত্তৰাধিকাৰ আমাৰ হাতত আছে । শংকৰ-আজানৰ কোনো ধাৰণা নাছিল ।” অসমীয়া ইতিহাসত আজান ফকীৰৰ উপস্থিতি স্বীকাৰ কৰি শৰ্মাই কয় যে তেওঁৰ অৱদানক তেওঁৰ প্ৰেক্ষাপটত চাব লাগে । মহান আহোম সেনাপতি লাচিত বৰফুকনৰ কথা উল্লেখ কৰি শৰ্মাই কয়, “লাচিতৰ উত্তৰাধিকাৰৰ সৈতে সম্পৰ্কহীন লোকক সংযুক্ত কৰি আমি আমাৰ যুঁজখন দুৰ্বল কৰা উচিত নহয় । আমি লাচিতক মোগলক পৰাস্ত কৰা নায়ক হিচাপে চাব বিচাৰো ।”

লগতে পঢ়ক : বাংলাদেশ হিংসাৰ মাজতে অসমত বৃদ্ধি সতৰ্কতা… চোকা দৃষ্টি ৰাখিছে ৰাজ্য চৰকাৰে- মুখ্যমন্ত্ৰী

বিৰোধী দলপতি দেৱব্ৰত শইকীয়াৰ লগতে কংগ্ৰেছ দলক লক্ষ্য সমালোচনাৰে থকা-সৰকা মুখ্যমন্ত্ৰীৰ । কংগ্ৰেছ দলৰ নৈতিক স্খলন ঘটিছে বুলি উল্লেখ মুখ্যমন্ত্ৰী ড০ হিমন্ত বিশ্ব শৰ্মাৰ ।

“কংগ্ৰেছৰ সকলো নেতাৰে মানসিকতাৰ তীব্ৰ স্খলন ঘটিছে…“ বিধানসভাৰ বিৰোধী দলপতি দেৱব্ৰত শইকীয়াই কৰা এটা বিশেষ মন্তব্যক লৈ আজি কংগ্ৰেছ দলটোক এইদৰে সমালোচনাৰে থকা-সৰকা কৰে ৰাজ্যৰ মুখ্যমন্ত্ৰী ড০ হিমন্ত বিশ্ব শৰ্মাই । সোমবাৰে অনুষ্ঠিত হোৱা এক চৰকাৰী অনুষ্ঠানত অংগ্ৰহণ কৰি সাংবাদিকৰ প্ৰশ্নত কংগ্ৰেছক দলক তীব্ৰ সমালোচনা কৰে মুখ্যমন্ত্ৰীগৰাকীয়ে ।

মুখ্যমন্ত্ৰীগৰাকীয়ে কংগ্ৰেছ দলৰ নৈতিক স্খলন ঘটিছে বুলি উল্লেখ কৰে । কংগ্ৰেছ দলে আগন্তুক নিৰ্বাচনত পৰাস্ত হোৱাৰ উমান পাইছে আৰু সেয়ে সামাজিক মাধ্যমত তেওঁলোকৰ অভদ্ৰামি বৃদ্ধি পাইছে বুলি কয় মুখ্যমন্ত্ৰী হিমন্ত বিশ্ব শৰ্মাই ।

কংগ্ৰেছ দলৰ নৈতিক স্খলন ঘটিছেঃ মুখ্যমন্ত্ৰী

কংগ্ৰেছক লক্ষ্য কৰি মুখ্যমন্ত্ৰী ড০ শৰ্মাই কয়,”কংগ্ৰেছৰ গোটেই ব্যক্তিসকলৰ মানসিকতাৰ তীব্ৰ স্খলন ঘটিছে । তেওঁলোকে নিৰ্বাচনত পৰাস্ত হ’ব বুলি জানে । সেয়েহে সামাজিক মাধ্যমত তেওঁলোকৰ অভদ্ৰামি চূড়ান্ত পৰ্যায় পাইছেগৈ ।“

ক্ষমা খুজিব লাগে দেৱব্ৰত শইকীয়াঃ মুখ্যমন্ত্ৰী

ইফালে বিৰোধী দলপতি তথা কংগ্ৰেছৰ জ্যেষ্ঠ নেতা দেৱব্ৰত শইকীয়াৰ চূড়ান্ত স্খলন হৈছে বুলি সমালোচনা কৰি মুখ্যমন্ত্ৰীগৰাকীয়ে কয়-“যদি হিতেশ্বৰ শইকীয়াৰ ল’ৰাই এজন ব্যক্তিক বাওনা বুলি সম্বোধন কৰিব পাৰে তাতকৈ আৰু স্খলন একো থাকিব নোৱাৰে । আশা কৰো দেৱব্ৰত শইকীয়াই ক্ষমা খুজিব আৰু ভৱিষ্যতে যাতে এনেকুৱা কথা নকয় তাৰ বাবে প্ৰচেষ্টা কৰিব ।“

আমি ৰজা বাকীসকল প্ৰজা সেই চিন্তা এৰিব লাগেঃ হিমন্ত বিশ্ব শৰ্মা

মুখ্যমন্ত্ৰীয়ে পুনৰ কয় যে, “মুখ্যমন্ত্ৰীৰ ঘৰত জন্ম লোৱা মানেই আমি নিজে কোনো ৰজা হৈ যোৱা নাই । আমি ৰজা বাকীসকল প্ৰজা সেই চিন্তা এৰিব লাগে । গৌৰৱ গগৈ, দেৱব্ৰত গগৈ দুয়োজনৰ মূৰত এই চিন্তাটো বহুত সোমাই থাকে যে আমি ৰজা সোণৰ চামুচ লৈ জন্মিছো । গতিকে তেওঁলোকে সকলোকে যিকোনো ব্যৱহাৰ কৰিব পাৰিব এই চিন্তাধাৰাৰ পৰা ওলাই আহিব লাগে ।“

লগতে পঢ়ক : ‘প’ষ্ট মেলনৰ পিছতে অসমলৈ ছাকিৰাক অনাৰ চিন্তা কৰা হৈছে’; মুখ্যমন্ত্ৰী