‘অসম দিৱস’ৰ দিনাই বৃহত্তৰ অসম নিৰ্মাণৰ প্ৰতিশ্ৰুতি দিলে মুখ্যমন্ত্ৰী হিমন্ত বিশ্ব শৰ্মাই । সামাজিক মাধ্যমত প্ৰধানমন্ত্ৰী আৰু গৃহমন্ত্ৰীয়েও জনালে শুভেচ্ছা ।

মঙলবাৰে ৰাজ্যজুৰি উদযাপন কৰা গৈছে অসম দিৱস তথা চ্যুকাফা দিৱস । আজিৰ দিনটোত বৰ অসমৰ ভেঁটি গঢ়োতা স্বৰ্গদেও চাউলুং চ্যুকাফাক শ্ৰদ্ধাৰে স্মৰণ কৰিছে ৰাজ্যবাসীয়ে । ৰাজ্যৰ ইমূৰৰ পৰা সিমূৰলৈ বিভিন্ন দল-সংগঠন, অনুষ্ঠান-প্ৰতিষ্ঠানৰ লগতে চৰকাৰেও অসম দিৱসৰ পৱিত্ৰ ক্ষণত স্বৰ্গদেও চাউলুং ছ্যুকাফাক সশ্ৰদ্ধ স্মৰণ কৰে ।

এই দিনটোতে ৰাজ্যৰ মুখ্যমন্ত্ৰী ড০ হিমন্ত বিশ্ব শৰ্মাই এই প্ৰবাদ পুৰুষগৰাকীক স্মৰণ কৰি বৰ অসম নিৰ্মাণৰ প্ৰতিশ্ৰুতি দিয়ে । লগতে তেওঁ ৰাজ্যবাসীক এই দিৱসৰ শুভেচ্ছা জ্ঞাপন কৰে ।

সামাজিক মাধ্যমৰ এক পোষ্টত মুখ্যমন্ত্ৰী ড০ শৰ্মাই কয়-“আজিৰ দিনটোতে স্বৰ্গদেও চাওলুং চ্যুকাফাই অসমলৈ আহি আমাৰ ভূমি আৰু ঐতিহ্যৰ ভেটি স্থাপন কৰিছিল । আমি ‘অসম দিৱস’ উদযাপন কৰাৰ সময়ত তেওঁ কল্পনা কৰা অসমখন গঢ়ি তোলাৰ প্ৰতিশ্ৰুতি দিছো ।” লগতে অসম দিৱসৰ শুভেচ্ছা জনোৱাৰ বাবে মুখ্যমন্ত্ৰী ড০ হিমন্ত বিশ্ব শৰ্মাই প্ৰধানমন্ত্ৰী মোদী আৰু গৃহমন্ত্ৰী অমিত শ্বাহকো ধন্যবাদ জ্ঞাপন কৰে ।

মুখ্যমন্ত্ৰী হিমন্ত বিশ্ব শৰ্মাই কয়, “অসম দিৱসত আপোনালোকৰ শুভেচ্ছাৰ বাবে ধন্যবাদ, সন্মানীয় অমিত শ্বাহজী । সন্মানীয় নৰেন্দ্ৰ মোদীজীৰ নেতৃত্বত ডাবল ইঞ্জিন চৰকাৰে সমগ্ৰ বিশ্বতে আহোম আৰু অসমৰ গৌৰৱময় ঐতিহ্য সংৰক্ষণ আৰু প্ৰচাৰৰ ক্ষেত্ৰত চেষ্টাত কোনো ত্ৰুটি ৰখা নাই ।”

ইফালে সামাজিক মাধ্যমযোগে ৰাজ্যবাসীক এই দিৱসৰ শুভেচ্ছা জ্ঞাপন কৰে প্ৰধামন্ত্ৰী নৰেন্দ্ৰ মোদীয়ে  । এক্সৰ এটা পোষ্টত তেওঁ লিখিছে-“অসমৰ মোৰ ভাই-ভনীসকললৈ অসম দিৱসৰ শুভেচ্ছা জ্ঞাপন কৰিছো । আজিৰ দিনটো হৈছে স্বৰ্গদেউ চাওলুং চ্যুকাফাৰ দূৰদৰ্শী দৃষ্টিভংগী পূৰণৰ বাবে আমাৰ অংগীকাৰক পুনৰ দোহৰাৰ এক উপলক্ষ ।  যোৱা কেইবছৰমানৰ পৰা কেন্দ্র আৰু অসমৰ এন ডি এ চৰকাৰসমূহে অসমৰ প্রগতি বৃদ্ধিৰ বাবে অক্লান্তভাৱে কাম কৰি আছে ৷ ভৌতিক আৰু সামাজিক আন্তঃগাঁথনি বৃদ্ধিৰ ক্ষেত্ৰত উল্লেখযোগ্য অগ্ৰগতি লাভ কৰা হৈছে। টাই-আহোম সংস্কৃতি আৰু টাই ভাষাক জনপ্ৰিয় কৰাৰ দিশত অসংখ্য পদক্ষেপ গ্ৰহণ কৰা হৈছে। ইয়াৰ দ্বাৰা অসমৰ যুৱক-যুৱতীসকল যথেষ্ট উপকৃত হ’ব ।“

লগতে পঢ়ক : সলনি হ’ল প্রধানমন্ত্রীৰ কার্যালয়ৰ নাম; ৰাজভৱনৰো নতুন নামকৰণ

‘মই পুনৰ মুখ্যমন্ত্ৰী হ’লে যুৱতীৰ বিবাহৰ ন্যূনতম বয়স হ’ব ২১ বছৰ’

অসম বিধানসভাৰ শীতকালীন অধিৱেশনত বহু বিতৰ্কৰ অন্তত সদনত গৃহিত হ’ল বহু বিবাহ প্ৰতিৰোধ বিধেয়ক। এই বিধেয়কক লৈ মুখ্যমন্ত্ৰী ড০ হিমন্ত বিশ্ব শৰ্মাই কেইবাটাও গুৰুত্বপূৰ্ণ মন্তব্য কৰিছে।

বিধানসভাত আলোচনাৰ সময়তে মুখ্যমন্ত্ৰী গৰাকীয়ে এক বৃহৎ ঘোষণা কৰিছে। তেওঁ কৈছে যে, যদি ২০২৬ পুনৰ বিজেপিৰ চৰকাৰ আহে তেনেহলে যুৱতীয়ে বিয়াত বহাৰ বাবে নূন্যতম বয়স ১৮ বছৰৰ সলনি ২১ বছৰ হ’ব।কোনো যুৱতিয়ে ২১ বছৰ তলত বিয়াত বহিব নোৱাৰিব।

মুখ্যমন্ত্ৰী গৰাকীয়ে কয় যে,’বহু বিবাহ আমি বন্ধ কৰিলো।বাল্য বিবাহ বন্ধ কৰিলো। এতিয়াৰে পৰা সকলো বিবাহ পঞ্জীয়ন কৰিব লাগিব আৰু তালাক বুলিলেই তাৎক্ষণিকভাৱে তালাক দিব নোৱাৰিব।বিবাহ বিচ্ছেদৰ বাবে সকলোৰে বাবে একে আইন হ’ব’।

লগতে পঢ়ক: দ্বিতীয় বিবাহ কৰিলেই হ’ব জে’ল; বিধানসভাত উত্থাপন বহুবিবাহ বিৰোধী বিধেয়ক

জুবিন গাৰ্গক ভাৰতৰত্ন দিয়াক লৈ হ’ব প্ৰস্তাৱ

-জুবিনক ভাৰতৰত্ন দিয়াক লৈ সদনত প্ৰস্তাৱ

-অসমৰ ১২৬ গৰাকী বিধায়কে কৰিছে সমৰ্থন

-ইয়াৰ বাবে বিধানসভাত উত্থাপন হ’ব বিশেষ প্ৰস্তাৱ

-সকলোৱে জুবিনক কৰিব আলোচনা

-ইয়াৰ জড়িয়তে ভাৰত চৰকাৰলৈ প্ৰস্তাৱ পঠিওৱা হ’ব

-‘জুবিন শাসক-বিৰোধী সকলোৰে’

-‘কিন্তু সভা স্থগিত প্ৰস্তাৱৰ মাজত এনেকৈ উত্থাপন কৰাতো সঠিক নহয়’

-‘জুবিন অসমীয়াৰ সম্পদ’

-জুবিনক ভাৰতৰত্ন দিয়াক লৈ সদনত মুখ্যমন্ত্ৰীৰ বৃহৎ মন্তব্য

লগতে পঢ়ক : মিঞাৰ বিৰুদ্ধে উচ্ছেদ চলোৱাত কংগ্ৰেছৰ আপত্তি কিয় ? মুখ্যমন্ত্ৰীৰ প্ৰশ্ন

‘জুবিনক্ষেত্ৰত যিয়ে মদ ঢালিব তাক চোচৰাই গ্ৰেপ্তাৰ কৰিম’

জুবিনক্ষেত্ৰত উদ্ভণ্ডালি চলোৱাসকলক কঠোৰ সকীয়নি দিছে মুখ্যমন্ত্ৰী ড০ হিমন্ত বিশ্ব শৰ্মাৰ। মুখ্যমন্ত্ৰী গৰাকীয়ে কয় যে, মই কেৱল চাৰ্জশ্বীট দাখিললৈহে ৰৈ আছো।

চাৰ্জশ্বীট দিয়াৰ পিছত যিয়ে জুবিনক্ষেত্ৰত মদ ঢালিব তাক মই 100% গ্ৰেপ্তাৰ কৰিম। জুবিনে মদ খোৱা নাছিল, জুবিনক ষড়ষন্ত্ৰ কৰি মদ খুওৱা হৈছিল।

এবাৰ চাৰ্জশ্বীট দাখিল কৰক ইয়াৰ পিছতে যিয়ে জুবিনক্ষেত্ৰত মদ ঢালিব তাকে মই চোচৰাই গ্ৰেপ্তাৰ কৰিম।হিমন্ত বিশ্ব শৰ্মাই যেতিয়াই মনে মনে বহি থাকিব, তেতিয়াই গম পাব কিবা এটা ভাবি আছে। গতিকে জুবিন ক্ষেত্ৰত গৈ এইবোৰ কাম নকৰিব। অন্যথা আপোনালোকৰে সমস্যা হ’ব।

লগতে পঢ়ক: জন্মদিনৰ দিনাই জুবিন গাৰ্গৰ মৃত্যুৰ তদন্তক লৈ আহিল আশাৰ খবৰ