সূৰ্যকুমাৰৰ স্থানত এই গুৰুত্বপূৰ্ণ ভ্ৰমণৰ বাবে মিডল অৰ্ডাৰ বেটাৰ শ্ৰেয়াছ আয়াৰক দলৰ নতুন অধিনায়ক হিচাপে নিযুক্তি দিয়া হৈছে

 ভাৰতীয় ক্ৰিকেট নিয়ন্ত্ৰণ ব’ৰ্ডে (BCCI) শনিবাৰে আগন্তুক ইংলেণ্ড আৰু আয়াৰলেণ্ড ভ্ৰমণৰ বাবে ভাৰতৰ শক্তিশালী টি-২০ দল ঘোষণা কৰিছে । এই দল ঘোষণাত আটাইতকৈ ডাঙৰ আচৰিত কৰা সিদ্ধান্তটো হ’ল শেহতীয়াকৈ ভাৰতক ২০২৬ চনৰ টি-২০ বিশ্বকাপ উপহাৰ দিয়া তাৰকা বেটাৰ তথা অধিনায়ক সূৰ্যকুমাৰ যাদৱক দলৰ পৰা বাদ দিয়া হৈছে । সূৰ্যকুমাৰৰ স্থানত এই গুৰুত্বপূৰ্ণ ভ্ৰমণৰ বাবে মিডল অৰ্ডাৰ বেটাৰ শ্রেয়াছ আয়াৰক দলৰ নতুন অধিনায়ক হিচাপে নিযুক্তি দিয়া হৈছে । যুৱ খেলুৱৈ তিলক বাৰ্মাক দলৰ সহ-অধিনায়কৰ গুৰু দায়িত্ব দিয়া হৈছে ।

ভাৰতীয় দললৈ আই পি এলৰ তাৰকা বৈভৱ সূৰ্যবংশী-

চলিত বৰ্ষৰ ইণ্ডিয়ান প্ৰিমিয়াৰ লীগ (IPL 2026)ত নিজৰ ধুমুহা সদৃশ বেটিঙেৰে ক্ৰিকেট বিশ্বক চমকিত কৰা যুৱ বেটিং তাৰকা বৈভৱ সূৰ্যবংশীয়ে অৱশেষত লাভ কৰিছে প্ৰথমবাৰৰ বাবে ৰাষ্ট্ৰীয় দলৰ নিমন্ত্ৰণ । সূৰ্যবংশীয়ে আই পি এল ২০২৬ ত ২৩৭.৩০ ৰ এক অবিশ্বাস্য ষ্ট্ৰাইক ৰেটত ৭৭৬ ৰান সংগ্ৰহ কৰি বৰ্ষটোৰ সৰ্বাধিক ৰান সংগ্ৰহকাৰী (Orange Cap বিজয়ী) হৈছিল । তেওঁৰ লগতে ঘৰুৱা ক্ৰিকেট আৰু আই পি এলত গতিৰে আকৰ্ষিত কৰা যুৱ দ্ৰুতবেগী বলাৰ প্ৰিন্স যাদৱেও প্ৰথমবাৰৰ বাবে ভাৰতীয় দলত স্থান সুৰক্ষিত কৰিবলৈ সক্ষম হৈছে ।

বিস্ফোৰক টপ অৰ্ডাৰ আৰু সুষম মিডল অৰ্ডাৰ-

ঘোষিত দলটোৰ বেটিং বিভাগটো অত্যন্ত আক্ৰমণাত্মক হিচাপে সজোৱা হৈছে । দলৰ টপ অৰ্ডাৰত অভিষেক শৰ্মা, নৱাগত বৈভৱ সূৰ্যবংশী, উইকেটৰক্ষক বেটাৰ সঞ্জু চেমচন আৰু ঈশান কিষাণৰ দৰে বিস্ফোৰক খেলুৱৈ আছে । আনহাতে, মিডল অৰ্ডাৰৰ দায়িত্ব থাকিব অলৰাউণ্ডাৰ নীতিশ কুমাৰ ৰেড্ডী, অভিজ্ঞ ৱাশ্বিংটন সুন্দৰ আৰু বিধ্বংসী হাৰ্ড-হিটাৰ শিৱম ডুবেৰ কান্ধত ।

স্পীন আৰু পেচ ইউনিট: বুমৰাহক জিৰণি

অহা কেইটামান মাহৰ ব্যস্ত সূচীৰ প্ৰতি লক্ষ্য ৰাখি ভাৰতৰ মুখ্য দ্ৰুতবেগী বলাৰ যশপ্ৰীত বুমৰাহক আয়াৰলেণ্ড আৰু ইংলেণ্ড ভ্ৰমণৰ পৰা সম্পূৰ্ণ জিৰণি দিয়া হৈছে । বুমৰাহৰ অনুপস্থিতিত পেচ বিভাগটো পৰিচালনা কৰিব অৰ্শদীপ সিং, হৰ্ষিত ৰাণা, নতুন মুখ প্ৰিন্স যাদৱ আৰু মহম্মদ চিৰাজে । আনহাতে, স্পীন বিভাগত ৱাশ্বিংটন সুন্দৰৰ উপৰিও স্থান পাইছে অভিজ্ঞ অক্ষৰ পেটেল, মিষ্ট্ৰী স্পীনাৰ বৰুণ চক্ৰৱৰ্তী আৰু ৰবি বিষ্ণৈয়ে । উল্লেখযোগ্য যে, বিশ্বকাপ বিজয়ী দলৰ অংশ থকা ৰিংকু সিং আৰু কুলদীপ যাদৱকো এই ভ্ৰমণৰ দলৰ পৰা বাহিৰত ৰখা হৈছে ।

খেলৰ সূচী-

ভাৰতে এই ভ্ৰমণৰ আৰম্ভণি আয়াৰলেণ্ডৰ বিৰুদ্ধে কৰিব । বেলফাষ্টত ২৬ আৰু ২৮ জুনত দুখন টি-২০ মেচ খেলাৰ পিছত ভাৰতীয় দলটো ইংলেণ্ডলৈ ৰাওনা হ’ব । তাত ১ জুলাইৰ পৰা ১১ জুলাইলৈ ইংলেণ্ডৰ বিৰুদ্ধে ৫ খন মেচৰ টি-২০ শৃংখলাত অৱতীৰ্ণ হ’ব ভাৰতীয় দল ।

২০২৬ চনৰ ভ্ৰমণৰ সম্পূৰ্ণ স্কোয়াড:

ইংলেণ্ড ভ্ৰমণৰ বাবে ভাৰতীয় দল : শ্রেয়াছ আয়াৰ (অধিনায়ক), তিলক বাৰ্মা (সহ-অধিনায়ক), অভিষেক শৰ্মা, সঞ্জু চেমচন, ঈশান কিষাণ, শিৱম ডুবে, নীতিশ কুমাৰ ৰেড্ডী, প্ৰিন্স যাদৱ, ৱাশ্বিংটন সুন্দৰ, বৰুণ চক্ৰৱৰ্তী, ৰবি বিষ্ণৈ, মহম্মদ চিৰাজ, হৰ্ষিত ৰাণা, অৰ্শদীপ সিং আৰু বৈভৱ সূৰ্যবংশী ।

আয়াৰলেণ্ড ভ্ৰমণৰ বাবে ভাৰতীয় দল : শ্রেয়াছ আয়াৰ (অধিনায়ক), তিলক বাৰ্মা (সহ-অধিনায়ক), অভিষেক শৰ্মা, বৈভৱ সূৰ্যবংশী, সঞ্জু চেমচন, ঈশান কিষাণ, শিৱম ডুবে, নীতিশ কুমাৰ ৰেড্ডী, ৱাশ্বিংটন সুন্দৰ, অক্ষৰ পেটেল, বৰুণ চক্ৰৱৰ্তী, ৰবি বিষ্ণৈ, মহম্মদ চিৰাজ, হৰ্ষিত ৰাণা, অৰ্শদীপ সিং আৰু প্ৰিন্স যাদৱ ।

লগতে পঢ়ক : আফগানিস্তান শৃংখলাৰ পূৰ্বে টীম ইণ্ডিয়ালৈ ডাঙৰ আঘাত, বাহিৰ হ’ল বিৰাট কোহলী

মুম্বাই ইণ্ডিয়ানছৰ বিৰুদ্ধে সংকীৰ্ণ পৰাজয়ৰ পিছত পঞ্জাৱ কিংছৰ অধিনায়ক শ্ৰেয়াছ আয়াৰক অত্যন্ত হতাশ হোৱা যেন দেখিবলৈ পোৱা গ’ল।

ইণ্ডিয়ান প্ৰিমিয়াৰ লীগ (আই পি এল) ২০২৬ৰ ৰোমাঞ্চকৰ খেলত বৃহস্পতিবাৰে পঞ্জাৱ কিংছৰ বিৰুদ্ধে মুম্বাই ইণ্ডিয়ানছে ৬ উইকেটত জয়লাভ কৰে ।এই ছিজনত একেৰাহে পঞ্চমবাৰৰ বাবে পৰাজয়ৰ সন্মুখীন হৈছে পঞ্জাব কিংছ।এই দলটোৱে বৰ্তমান ১৩ পইণ্টেৰে পইণ্ট তালিকাৰ চতুৰ্থ স্থানত আছে।ইফালে মুম্বাই ইণ্ডিয়ানছে ১২খন খেলত চতুৰ্থটো জয় পঞ্জীয়ন কৰিছে। ইতিমধ্যে দলটো প্লে অফৰ দৌৰৰ পৰা বাহিৰ হৈছে।টছত পৰাস্ত হোৱাৰ পিছত প্ৰথমে বেটিং কৰি পঞ্জাৱ কিংছে ৮ উইকেট হেৰুৱাই ২০০ ৰান সংগ্ৰহ কৰে।ইয়াৰ প্ৰতিক্ৰিয়া স্বৰূপে ১৯.৫ অভাৰত মুম্বাই ইণ্ডিয়ানছে খেলখন দখল কৰে।

মুম্বাই ইণ্ডিয়ানছৰ বিৰুদ্ধে সংকীৰ্ণ পৰাজয়ৰ পিছত পঞ্জাৱ কিংছৰ অধিনায়ক শ্ৰেয়াছ আয়াৰক অত্যন্ত হতাশ হোৱা যেন দেখিবলৈ পোৱা গৈছে।খেলখনৰ পিছত নিজৰ প্ৰতিক্ৰিয়া দি তেওঁ কয় যে এই পৰাজয় হজম কৰাটো সম্পূৰ্ণ কঠিন,অৱশ্যে তেওঁ পৰাজয়ৰ বাবে কোনো নিৰ্দিষ্ট পৰিস্থিতি বা খেলুৱৈক আঙুলিয়াব নিবিচাৰে।আয়াৰে মেচখনৰ প্ৰশংসা কৰি কয় এইখন ক্ৰিকেটৰ এখন অত্যন্ত সুন্দৰ মেচ আছিল। য’ত দুয়োটা দলে ইজনে-সিজনৰ বিৰুদ্ধে সমানে সমানে যুঁজ দিছিল।তেওঁ বিপক্ষৰ বেটছমেন তিলক ভাৰ্মাক প্ৰশংসা কৰি কয় যে তিলকে উৎকৃষ্ট ফৰ্ম প্ৰদৰ্শন কৰে।

নিজৰ দলৰ বেটছমেন আজমাতুল্লাহ ওমৰজাইৰ উজ্জ্বল প্ৰদৰ্শনৰ বিষয়ে উল্লেখ কৰি অধিনায়ক শ্ৰেয়াছ আয়াৰে কয় এটা সময়ত এনে লাগিছিল যেন দলটোৱে মাত্ৰ ১৭০ৰ পৰা ১৮০ ৰানহে লাভ কৰিব পাৰিব।ইয়াৰ পিছতে আজমতে খেলপথাৰলৈ নামি মেচখন সম্পূৰ্ণৰূপে সলনি কৰি দিয়ে।আজমতৰ কৃপাত দলটোৱে ২০০ ৰানৰ সীমা অতিক্ৰম কৰা সঁচাকৈয়ে প্ৰশংসনীয় কৃতিত্ব আছিল।

প্লে অফৰ দৌৰ আৰু ৰয়েল চেলেঞ্জাৰছ বেংগালুৰু (আৰ চি বি)ৰ বিৰুদ্ধে আগন্তুক গুৰুত্বপূৰ্ণ খেলখনৰ সন্দৰ্ভত শ্ৰেয়াছ আয়াৰে এক উল্লেখযোগ্য বক্তব্য আগবঢ়ায়। আৰচিবিৰ বিৰুদ্ধে আগন্তুক খেলখনৰ বাবে তেওঁ সম্পূৰ্ণ উৎসাহিত হৈ আছে। আয়াৰে স্পষ্ট কৰি দিলে যে, প্লে অফত স্থান নিশ্চিত কৰিবলৈ হ’লে পঞ্জাৱ কিংছে এতিয়া যিকোনো মূল্যতে বাকী থকা দুয়োখন মেচতে জয়ী হ’ব লাগিব। খেলপথাৰত এই প্ৰত্যাহ্বানৰ বাবে তেওঁ আগ্ৰহেৰে অপেক্ষা কৰি আছে।

লগতে পঢ়ক: আই পি এলৰ মাজতে মুম্বাই ইণ্ডিয়ানছত বৃহৎ পৰিৱৰ্তন; যশপ্ৰীত বুমৰাহলৈ অধিনায়কত্বৰ কামান

পঞ্জাৱ কিংছৰ হৈ অধিনায়ক শ্ৰেয়াছ আয়াৰৰ ওপৰত আকৌ এবাৰ বহু কথা নিৰ্ভৰ কৰিব

মঙলবাৰে আই পি এলৰ চতুৰ্থখন খেল পঞ্জাব কিংছ আৰু গুজৰাট টাইটানছৰ মাজত অনুষ্ঠিত হ’ব । মুলনপুৰত অনুষ্ঠিত হ’বলগীয়া এই খেলখনত শুভমন গীল আৰু শ্ৰেয়াছ আয়াৰৰ অধিনায়কত্বৰ ওপৰত চোকা দৃষ্টি থাকিব । গুজৰাট টাইটানছ আৰু পঞ্জাব কিংছৰ এই মেচখন কেৱল দুটা দলৰ মাজত হোৱা সংঘৰ্ষ নহয়, টি-২০ আন্তঃৰাষ্ট্ৰীয় ক্ৰিকেটত প্ৰায়ে অৱজ্ঞা কৰা দুজন ভাৰতীয় বেটছমেনৰ মাজত যুঁজ ।

ভাৰতৰ টেষ্ট আৰু এদিনীয়া অধিনায়ক শুভমন গীলক সঞ্জু চেমছনক সুযোগ দিবলৈ টি-২০ বিশ্বকাপৰ দলৰ পৰা আঁতৰাই ৰখা হৈছিল । ভাৰতে তৃতীয়টো টি-২০ বিশ্বকাপত অভিলেখ সৃষ্টি কৰিছিল, তথাপিও এই আই পি এল ছিজনটো গীলৰ বাবে গুৰুত্বপূৰ্ণ বুলি বিবেচিত হৈছে ।

২০২৩ চনৰ পৰা আই পি এলত গীলতকৈ অধিক ৰান সংগ্ৰহ কৰিছে কেৱল বিৰাট কোহলীয়ে, কিন্তু এতিয়া প্ৰশ্নটো কেৱল ৰান নহয়, ষ্ট্ৰাইক ৰেটৰ কথাও আহি পৰিছে । গীলৰ টি-২০ কেৰিয়াৰৰ ষ্ট্ৰাইক ৰেট প্ৰায় ১৩৮ যদিও যোৱা ছিজনত তেওঁ ১৫৫ তকৈ অধিক ষ্ট্ৰাইক ৰেটত বেটিং কৰি নিজৰ প্ৰদৰ্শন দেখুৱাইছিল ।

২০২২ চনত অভিষেক ছিজনতে গুজৰাট টাইটানছে খিতাপ দখল কৰিছিল আৰু তেতিয়াৰ পৰাই ধাৰাবাহিকভাৱে ভাল প্ৰদৰ্শন কৰি আহিছে । যোৱা বছৰ দলটোৱে তৃতীয় স্থান দখল কৰিছিল, এলিমিনেটৰত মুম্বাই ইণ্ডিয়ানছৰ হাতত পৰাস্ত হৈছিল । পুনৰ এবাৰ গুজৰাটৰ আটাইতকৈ ডাঙৰ শক্তি হ’ব গীল আৰু ছাই সুদৰ্শনৰ অপেনিং যুটি । যোৱা ছিজনত দলটোৰ সৰ্বাধিক স্ক’ৰাৰ আছিল ছাই সুদৰ্শন, তেওঁ ৭৫৯ ৰান সংগ্ৰহ কৰিছিল ।

আনহাতে, পঞ্জাৱ কিংছৰ হৈ অধিনায়ক শ্ৰেয়াছ আয়াৰৰ ওপৰত আকৌ এবাৰ বহু কথা নিৰ্ভৰ কৰিব । আই পি এলৰ অন্যতম নিৰ্ভৰযোগ্য অধিনায়ক শ্ৰেয়াছে তিনিটা ভিন্ন দলক ফাইনেললৈ লৈ গৈছে । ২০২০ চনত দিল্লী কেপিটেলছ, ২০২৪ চনত কলকাতা নাইট ৰাইডাৰ্ছ আৰু যোৱা ছিজনত পঞ্জাব কিংছৰ নেতৃত্ব দিছিল আয়াৰে ।

যোৱা ছিজনত শ্ৰেয়াছে ৬০৪ ৰান সংগ্ৰহ কৰিছিল আৰু ১৭৫ ৰানৰো অধিক ষ্ট্ৰাইক ৰেট আছিল, যিটো শীৰ্ষ ১০ ৰান সংগ্ৰহকাৰীৰ ভিতৰত সৰ্বাধিক । ইয়াৰ পিছতো তেওঁক এছিয়া কাপ আৰু টি-২০ বিশ্বকাপত অন্তৰ্ভুক্ত কৰা নহ’ল ।

পঞ্জাবে ঘৰুৱা অভিলেখ উন্নত কৰাৰ বাবে চেষ্টা কৰিব । যোৱা ছিজনত ফাইনেলত প্ৰৱেশ কৰাৰ পিছতো দলটোৱে নিউ চণ্ডীগড়ত খেলা পাঁচখন মেচত মাত্ৰ দুখনতহে জয়লাভ কৰিবলৈ সক্ষম হৈছিল ।

লগতে পঢ়ক : বৰ্ষাপাৰাত বৈভৱৰ বিধ্বংসী ৰূপ, ৰাজস্থানৰ হাতত ৮ উইকেটত পৰাস্ত চেন্নাই

ভাৰত আৰু নিউজিলেণ্ডৰ মাজৰ টি-২০ আন্তঃৰাষ্ট্ৰীয় শৃংখলাৰ পূৰ্বে ঘৰুৱা দলটোলৈ প্ৰত্যাবৰ্তন হৈছে শ্ৰেয়াছ আয়াৰৰ

ভাৰত আৰু নিউজিলেণ্ডৰ মাজত পাঁচখন খেলৰ টি-২০ আন্তঃৰাষ্ট্ৰীয় শৃংখলা২১ জানুৱাৰীৰ পৰা আৰম্ভ হ’ব।ইয়াৰ পূৰ্বে ক্ৰিকেট জগতৰ পৰা ডাঙৰ খবৰ আহিছে।

আঘাতপ্ৰাপ্ত ৱাশ্বিংটন সুন্দৰৰ ঠাইত ভাৰতীয় টি-২০ দলত অন্তৰ্ভুক্ত হৈছে ৰবি বিষ্ণোই।আনহাতে তিলক বৰ্মাৰ ঠাইত শ্ৰেয়াছ আয়েৰে সুযোগ পাইছে।প্ৰথম তিনিখন মেচৰ বাবে আয়াৰক দলত অন্তৰ্ভুক্ত কৰা হৈছে।

ভাৰত আৰু নিউজিলেণ্ডৰ মাজত চলি থকা তিনিখন খেলৰ এদিনীয়া শৃংখলাৰ প্ৰথমখন মেচ যোৱা ১১ জানুৱাৰীত বদোদৰাৰ বিচিএ ষ্টেডিয়ামত অনুষ্ঠিত হয়।

সেই মেচখনত বলিং কৰি থাকোঁতে ৱাশ্বিংটন সুন্দৰে হঠাতে কামিহাৰৰ তলৰ অংশত আঘাতপ্ৰাপ্ত হয়।যাৰ বাবে তেওঁ খেল পথাৰ এৰিব লগা হয়।

পিছত যেতিয়া তেওঁক স্কেন কৰা হ’ল, তেতিয়া চাইড ষ্ট্ৰেইনৰ সমস্যাটো পোহৰলৈ আহে। ইয়াৰ পিছত তেওঁক কিছুদিন জিৰণি ল’বলৈ পৰামৰ্শ দিয়া হৈছে।

সুস্থ হৈ উঠিলে তেওঁ বিচিচিআই চেণ্টাৰ অৱ এক্সেলেন্স (চিঅ’ই)ত ৰিপ’ৰ্ট কৰিব।ইয়াত ফিট বুলি ধৰা পৰাৰ পিছত পুনৰ ভাৰতীয় দললৈ ঘূৰি আহিব।

আঘাতপ্ৰাপ্ত তিলক বৰ্মাৰ ঠাইত নিৰ্বাচকসকলে প্ৰথম তিনিখন খেলৰ বাবে ১৫ জনীয়া দলত শ্ৰেয়াছ আয়াৰক অন্তৰ্ভুক্ত কৰিছে ।

লগতে পঢ়ক: ICC ৰ প্ৰতিনিধি দলে কৰিব বাংলাদেশ ভ্ৰমণ; টি-২০ বিশ্বকাপ সন্দৰ্ভত প্ৰত্যক্ষ আলোচনাত মিলিত হ’ব বিচিবি