বিৰোধীক প্ৰধানমন্ত্ৰী মোদীৰ পৰামৰ্শ

শীতকালীন অধিৱেশন আৰম্ভ হোৱাৰ পূৰ্বে সোমবাৰে সংসদৰ হংসদ্বাৰত সংবাদ মাধ্যমক সম্বোধন কৰে প্ৰধানমন্ত্ৰী নৰেন্দ্ৰ মোদীয়ে । তেওঁ সমগ্ৰ ভাষণত বিৰোধীৰ মনোভাৱ, সদনৰ কাম-কাজত অহৰহ ব্যাঘাত জন্মা, নতুন প্ৰজন্মৰ সাংসদসকলে কথা কোৱাৰ সুযোগৰ অভাৱ আদিৰ ওপৰত গুৰুত্ব আৰোপ কৰে । প্ৰধানমন্ত্ৰী মোদীয়ে কয়, “এফালে এই গণতান্ত্ৰিক ব্যৱস্থাৰ ভিতৰত গণতন্ত্ৰৰ শক্তি আৰু অৰ্থনীতিৰ শক্তিৰ ওপৰত বিশ্বই তীক্ষ্ণ দৃষ্টি ৰাখিছে । ভাৰতে প্ৰমাণ কৰিছে যে Democracy can deliver । ভাৰতৰ অৰ্থনৈতিক পৰিস্থিতিয়ে আজি যি গতিৰে নতুন উচ্চতাত উপনীত হৈছে, সেই গতিবেগে আমাৰ মাজত নতুন আস্থা জগাই তোলাই নহয়, উন্নত ভাৰতৰ লক্ষ্যৰ দিশত আগবাঢ়ি যাবলৈও আমাক নতুন শক্তি প্ৰদান কৰে ।”

শীতকালীন অধিবেশন আৰম্ভ হোৱাৰ পূর্বে প্রধানমন্ত্রী মোদীয়ে উল্লেখ কৰে যে Democracy can deliver সেই কথা ভাৰতে প্রমাণ কৰিছে ৷ প্ৰধানমন্ত্ৰীয়ে কয় যে এই অধিবেশন উন্নত ভাৰতৰ সাধনাক আৰু অধিক শক্তিশালী কৰাৰ এক সুযোগ । তেওঁ বিৰোধী দলক পৰাজয়ৰ হতাশা দূৰ কৰি শক্তিশালী বিষয় উত্থাপন কৰিবলৈ আহ্বান জনায় । তেওঁ কয় যে, এই অধিবেশন পৰাজয়ৰ হতাশা বা বিজয়ৰ অহংকাৰৰ ভিত্তি হ’ব নালাগে বুলি তেওঁ গুৰুত্ব আৰোপ কৰে । অভিজ্ঞতাৰ দ্বাৰা নতুন প্ৰজন্মৰ সদস্যসকল উপকৃত হোৱা উচিত । ইয়াত নাটক নহয়, ডেলিভাৰী হ’ব লাগে । ৰাষ্ট্ৰীয় নীতিৰ বিষয়ে আলোচনা কৰা উচিত ।

লগতে প্ৰধানমন্ত্ৰী মোদীয়ে কয় যে সদনক শ্লোগান বা ব্যক্তিগত আক্ৰমণৰ ক্ষেত্ৰ হিচাপে গঢ়ি তোলাৰ পৰিৱৰ্তে নীতি আলোচনা আৰু ৰাজহুৱা বিষয়ত কাম কৰাৰ স্থান হ’ব লাগে । ইফালে বিৰোধীক লক্ষ্য কৰি প্ৰধানমন্ত্ৰী মোদীয়ে কয়, “তেওঁলোকে এতিয়া নিজৰ কৌশল সলনি কৰিব লাগিব । তেওঁলোকে কেনে প্ৰদৰ্শন কৰিব লাগে তাৰ টিপছ দিবলৈ মই সাজু ।”

লগতে পঢ়ক : ‘মই TIPS দিবৰ কাৰণে সাজু আছো…’; বিৰোধী পক্ষলৈ প্ৰধানমন্ত্ৰী মোদীৰ পৰামৰ্শ

বিৰোধীক প্ৰধানমন্ত্ৰী মোদীৰ বাৰ্তা

১ ডিচেম্বৰ, সোমবাৰৰ পৰা আৰম্ভ হৈছে সংসদৰ শীতকালীন অধিৱেশন । অধিৱেশনৰ পূৰ্বে প্ৰধানমন্ত্ৰী নৰেন্দ্ৰ মোদীয়ে সদনৰ বাহিৰত সাংবাদিকৰ সৈতে বাৰ্তালাপ কৰে । ইয়াৰ মাজতে তেওঁ বিৰোধী দললৈ এক শক্তিশালী বাৰ্তা প্ৰেৰণ কৰে । প্ৰধানমন্ত্ৰী নৰেন্দ্ৰ মোদীয়ে উল্লেখ কৰে যে এই শীতকালীন অধিৱেশন কেৱল এক অনুষ্ঠান নহয় । তেওঁ কয় যে ই দেশৰ অগ্ৰগতি ত্বৰান্বিত কৰাৰ বাবে চলি থকা প্ৰচেষ্টাক শক্তিশালী কৰিব । ভাৰতে গণতন্ত্ৰক জীৱিত ৰাখিছে আৰু গণতন্ত্ৰৰ প্ৰতি বিশ্বাস দৃঢ় কৰি তোলা ধৰণেৰে নিজৰ উদ্যম আৰু উৎসাহ বাৰে বাৰে প্ৰদৰ্শন কৰি আহিছে ।

প্ৰধানমন্ত্ৰী মোদীয়ে আৰু কয় যে দীৰ্ঘদিন ধৰি মোৰ আটাইতকৈ ডাঙৰ চিন্তা হৈছে সদনলৈ নতুনকৈ নিৰ্বাচিত হোৱা বা কণিষ্ঠসকলকে ধৰি সকলো দলৰ সাংসদ গভীৰভাৱে অশান্তি আৰু অসুখী । তেওঁলোকে নিজৰ শক্তি প্ৰদৰ্শনৰ সুযোগ পোৱা নাই । নিজৰ সমষ্টিৰ সমস্যাৰ ওপৰত আলোকপাত কৰাৰ সুযোগ পোৱা নাই ।

প্ৰধানমন্ত্ৰী মোদীয়ে লগতে কয় যে তেওঁ ৰাষ্ট্ৰৰ উন্নয়ন যাত্ৰাৰ ওপৰত নিজৰ চিন্তাধাৰা ভাগ-বতৰা কৰিবলৈ চেষ্টা কৰিছিল, কিন্তু সেইটোও বাধা দিয়া হৈছে । দল নিৰ্বিশেষে আমাৰ নতুন প্ৰজন্মৰ সাংসদক আমি সুযোগ দিয়া উচিত । তেওঁলোকৰ অভিজ্ঞতাৰ পৰা সদন লাভৱান হোৱা উচিত । এইবোৰ বিষয়ক গুৰুত্বসহকাৰে ল’বলৈ আহ্বান জনাইছো ।

সদনত নাটক নহয়ঃ প্ৰধানমন্ত্ৰী মোদী

প্ৰধানমন্ত্ৰী মোদীয়ে বিৰোধী দলসমূহক সম্বোধন কৰি কঠোৰভাৱে কয় যে নাটকৰ বহু ঠাই আছে, যিয়ে কৰিব বিচাৰে তেওঁ কৰিব লাগে, কিন্তু ইয়াত নাটক নহয়, ডেলিভাৰী হ’ব লাগে । তেওঁ কয় যে সমগ্ৰ দেশ শ্লোগানৰ বাবে আছে । যিমান শ্লোগান লাগে, সমগ্ৰ দেশ আছে । ইয়াত নীতিৰ ওপৰত গুৰুত্ব দিয়া উচিত, শ্লোগানৰ ওপৰত নহয় । সেইটোৱেই আপোনালোকৰ উদ্দেশ্য হ’ব লাগে ।

ইয়াৰ মাজতে প্ৰধানমন্ত্ৰী মোদীয়ে এই কথাও কয় যে নেতিবাচকতা ৰাজনীতিত উপযোগী হ’ব পাৰে, কিন্তু ৰাষ্ট্ৰ নিৰ্মাণৰ বাবে ইতিবাচক চিন্তাও প্ৰয়োজনীয় । মোৰ আশা যে আপোনালোকে নেতিবাচকতাক সীমাৰ ভিতৰত ৰাখক আৰু ৰাষ্ট্ৰ নিৰ্মাণৰ ওপৰত গুৰুত্ব দিয়ক ।

লগতে পঢ়ক : ‘মই TIPS দিবৰ কাৰণে সাজু আছো…’; বিৰোধী পক্ষলৈ প্ৰধানমন্ত্ৰী মোদীৰ পৰামৰ্শ