মুখ্যমন্ত্ৰীৰ পদৰ বিতৰ্কৰ মাজতে দিল্লীত উপস্থিত কৰ্ণাটকৰ ১০জন বিধায়ক
বিহাৰ বিধানসভা নিৰ্বাচনত কংগ্ৰেছৰ হতাশাজনক প্ৰদৰ্শনৰ পিছত পুনৰ দলটোৰ ভিতৰত অসন্তুষ্টিৰ সৃষ্টি হ’বলৈ আৰম্ভ কৰিছে।
এই ৰাজনৈতিক অস্থিৰতাৰ প্ৰভাৱ কৰ্ণাটকটো দেখিবলৈ পোৱা গৈছে, য’ত মুখ্যমন্ত্ৰী সিদ্ধাৰমায়া আৰু উপ-মুখ্যমন্ত্ৰী ডি কে শিৱকুমাৰৰ মাজত নেতৃত্বৰ নতুন যুঁজ আৰম্ভ হৈছে।
দুয়োগৰাকী নেতাৰ মাজত চলি থকা ৰাজনৈতিক টাগ অফ-ৱাৰ এতিয়া বেংগালুৰুৰ পৰা দিল্লীলৈকে চৰ্চাৰ কেন্দ্ৰবিন্দু হৈ পৰিছে আৰু কংগ্ৰেছ হাইকমাণ্ডেও পৰিস্থিতিৰ ওপৰত তীক্ষ্ণ দৃষ্টি ৰাখিছে।
জানিব পৰা মতে,ডি কে শিৱকুমাৰৰ ঘনিষ্ঠ ১০ বিধায়কে দিল্লীত উপস্থিত হৈ কংগ্ৰেছৰ সভাপতি মল্লিকাৰ্জুন খৰ্গেক সাক্ষাৎ কৰে।এই বৈঠক এনে সময়ত হৈছে যেতিয়া সিদ্ধাৰমায়াৰ ডেৰ-দুবছৰীয়া কাৰ্যকাল সম্পূৰ্ণ হৈছে।
সমৰ্থকসকলৰ এই সক্ৰিয়তাক দলৰ ভিতৰতে সম্ভাৱ্য নেতৃত্ব পৰিৱৰ্তনৰ দিশত এক গুৰুত্বপূৰ্ণ পদক্ষেপ হিচাপে বিবেচিত হৈছে।
যদিও শিৱকুমাৰে এই বৈঠকসমূহৰ বিষয়ে অস্বীকাৰ কৰিছে,কিন্তু দিল্লীত তেওঁৰ সমৰ্থকৰ উপস্থিতিয়ে মুখ্যমন্ত্ৰী পদৰ দৌৰ পুনৰবাৰ উত্তপ্ত কৰি তুলিছে।
এই বৈঠকসমূহ কংগ্ৰেছ হাইকমাণ্ডৰ ওপৰত হেঁচা প্ৰয়োগ কৰাৰ কৌশলৰ অংশ হিচাপে বিবেচনা কৰা হৈছে।
কৰ্ণাটকৰ মুখ্যমন্ত্ৰী পদৰ বাবে চলি থকা কাজিয়াৰ মাজতে দিল্লীত উপস্থিত হোৱা বিধায়ক টি ডি ৰাজেগৌড়াই কয়,‘মুখ্যমন্ত্ৰী সলনি হ’ব নে নহয় সেয়া হাইকমাণ্ডৰ ওপৰত নিৰ্ভৰ কৰে।মই শীৰ্ষ নেতৃত্বৰ লগত আছো”।
“মন্ত্ৰীসভাৰ সালসলনিত মোক সুযোগ দিয়া উচিত।”মই নিজেই মন্ত্ৰী হ’ব বিচাৰো। মই নিজৰ বাবে দিল্লীলৈ আহিছো। এই কথা হাইকমাণ্ডক কৈছো।”
লগতে পঢ়ক: “মই নীতিশ কুমাৰ…”; দশমবাৰলৈ বিহাৰৰ মুখ্যমন্ত্ৰী হিচাপে শপতগ্ৰহণ
