কংগ্ৰেছ নেতা পৱন খেড়াই ৰিণিকি ভূঞা শৰ্মাৰ বিৰুদ্ধে তিনিখন দেশৰ পাছপ’ৰ্ট থকাৰ যি অভিযোগ তুলিছিল সেই অভিযোগক মিছা আৰু ভিত্তিহীন আখ্যা মুখ্যমন্ত্ৰীৰ পত্নী ৰিণিকি ভূঞা শৰ্মাৰ।

দেওবাৰে নিশা ১২.৩০ বজাত কংগ্ৰেছ নেতা পৱন খেড়াৰ বিৰুদ্ধে ক্ৰাইম ব্ৰাঞ্চত গোচৰ তৰিলে মুখ্যমন্ত্ৰীৰ পত্নী ৰিণিকি ভূঞা শৰ্মাই। কংগ্ৰেছ নেতা পৱন খেৰাই ৰিণিকি ভূঞা শৰ্মাৰ বিৰুদ্ধে তিনিখন দেশৰ পাছপ’ৰ্ট থকাৰ যি অভিযোগ তুলিছিল, তাক মিছা বুলি অভিহিত কৰি অসম আৰক্ষীৰ ক্ৰাইম ব্ৰাঞ্চত গোচৰ তৰিলে ৰিণিকি ভূঞা শৰ্মাই।

এজাহাৰ দাখিল কৰি ৰিণিকি ভূঞা শৰ্মাই কয় যে, এনে মিছা কথা মই জীৱনত কেতিয়াও শুনা নাই। ৩ খন পাছপৰ্ট থকাটো গছত গৰু উঠা কথা। পাছপৰ্ট কেইখন সম্পূৰ্ণ এআই জেনেৰেটেত আৰু সম্পূৰ্ণ ফটোশ্বপ কৰি কৰা হৈছে। নিৰ্বাচনৰ আগত হিমন্ত বিশ্ব শৰ্মাৰ বিপক্ষে কোনো এজেণ্ডা নাই।সেয়ে মোক চফ্ট টাৰ্গেট হিচাপে ব্যৱহাৰ কৰিছে। কোনো মগজ থকা মানুহে এনে কাম নকৰে। এতিয়া আৰক্ষীৰ ওচৰত গোচৰ দিয়া হৈছে। তেওঁলোকে সকলো চালি-জাৰি চাই তদন্ত কৰিব আৰু দোষীয়ে শাস্তি পাব লাগিব।

৫২ হাজাৰ কোটি টকা বিনিয়োগৰ কথা উল্লেখ কৰি তেওঁ কয় যে, ৫২ হাজাৰ কোটি টকা বিনিয়োগ কৰিলে মই অসমত কিয় থাকিম? এনেকে হলে ৩-৪ খন ৰাজ্য মোৰ অধীনত থাকিলে হয়।মিছা কথা কলেও এটা সীমা থাকিব লাগে। এতিয়া সকলো আইনীভাৱে আগবাঢ়িব। কংগ্ৰেছৰ এই অভিযোগক মিছা আৰু ভিত্তিহীন।

লগতে পঢ়ক: UAEৰ নাগৰিকত্ব নাই ৰিণিকি ভূঞা শৰ্মাৰ; ভাৰত চৰকাৰক স্পষ্ট কৰিলে UAE চৰকাৰে

পত্নী ৰিণিকি ভূঞা শৰ্মাৰ UAEৰ নাগৰিকত্ব থকা সন্দৰ্ভত মুখ্যমন্ত্ৰী গৰাকীয়ে ডাঙৰ মন্তব্য কৰিছে।

মুখ্যমন্ত্ৰী ড০ হিমন্ত বিশ্ব শৰ্মাৰ পত্নী ৰিণিকি ভূঞা শৰ্মাৰ বিৰুদ্ধে কংগ্ৰেছ নেতা পবন খেড়ে  UAEৰ নাগৰিকত্ব থকা বুলি অভিযোগ উত্থাপন কৰিছিল। কিন্তু সেই অভিযোগ যে মিছা আছিল তাৰ প্ৰমাণ দিলে মুখ্যমন্ত্ৰী গৰাকীয়ে।ৰিণিকি ভূঞা শৰ্মাৰ কোনো UAE-ৰ নাগৰিকত্ব নাই বুলি ভাৰত চৰকাৰক স্পষ্ট কৰিলে UAE চৰকাৰে।

কংগ্ৰেছৰ বিৰুদ্ধে পাছপৰ্ট জালিয়াতিৰ অভিযোগ উত্থাপন কৰিছে মুখ্যমন্ত্ৰী গৰাকীয়ে।ইজিপ্তৰ এজন নাগৰিকৰ হেৰোৱা পাছপৰ্টক ৰিণিকি ভূঞা শৰ্মাৰ বুলি অপপ্ৰচাৰ চলাইছে কংগ্ৰেছে। টিপু চুলতান নামৰ এগৰাকী লোকৰ হেৰুৱা পাছপৰ্টক ৰিণিকি ভূঞা শৰ্মাৰ বুলি কৈছিলে।  

এই সন্দৰ্ভত মুখ্যমন্ত্ৰীগৰাকীয়ে কয় যে, ডুবাই চৰকাৰৰ এটা ৱেবচাইট আছে, য’ত তেওঁলোকে যি পাছপৰ্ট দিয়ে তাক নিৰিক্ষণ কৰিব পাৰি। ভাৰত চৰকাৰে ইতিমধ্যে পাছপৰ্টখনৰ পুনৰিক্ষণ কৰিলে। আৰু তেতিয়া সেই পাছপৰ্টখন ভুৱা বুলি আহে। বাকী দুখন পাৰ্ছপৰ্টৰ ৰিপৰ্টো মঙলবাৰৰ ভিতৰত পাই য়াম। এখন পাছপৰ্টৰ ফটোখনত থকা গৰাকী ৰিণিকি নহয়। পাছপৰ্ট বিতৰ্কৰ সত্যতাৰ বাবে ইজিপ্ত আৰু এণ্টিগুৱা চৰকাৰৰ সৈতেও ভাৰত চৰকাৰে যোগাযোগ কৰিব।

মুখ্যমন্ত্ৰী গৰাকীয়ে কয় যে, মানুহৰ জন্ম ভাৰত হ’ব পাৰে নেকি। অসম বা আন ঠাইৰ নাম হ’ব পাৰে। গোটেই পাছপৰ্টখন ভুলৰ ওপৰত ভুল। এই ঘটনাটো যে হ’ব সেই কথা মই ৪ দিন আগতেই আৰক্ষীক জনাইছিলো। কংগ্ৰেছ যিমান তলত যাব বুলি ভাবিছিল তাতকৈ বহুত তলত গৈছে। নিৰ্বাচনৰ পূৰ্বে কংগ্ৰেছে ভুৱা তথ্যৰে ৰাইজক বিভ্ৰান্ত কৰাৰ চেষ্টা কৰিছে।     

লগতে পঢ়ক: কংগ্ৰেছে অনা পাছপৰ্ট সম্পৰ্কীয় অভিযোগ নস্যাৎ মুখ্যমন্ত্ৰীৰ, পৱন খেৰাৰ বিৰুদ্ধে আইনী ব্যৱস্থা গ্ৰহণৰ প্ৰস্তুতি

মুখ্যমন্ত্ৰী ড০ হিমন্ত বিশ্ব শৰ্মাই নিৰ্বাচনী প্ৰচাৰ চলোৱাৰ সময়ত কংগ্ৰেছৰ দিনত ১ৰ পৰা ২ লাখ টকা উৎকোচ লয় বুলি উল্লেখ কৰে।

বৃহস্পতিবাৰে উজনি অসমত নিৰ্বাচনী প্ৰচাৰ চলাই মুখ্যমন্ত্ৰী ড০ হিমন্ত বিশ্ব শৰ্মাই কংগ্ৰেছক লক্ষ্য কৰি লয়। মুখ্যমন্ত্ৰী গৰাকীয়ে কয় যে, কংগ্ৰেছৰ দিনত অংগনবাড়ীৰ এটা চাকৰিৰ বাবে বা আশাকৰ্মীৰ চাকৰিৰ বাবে ১ৰ পৰা ২ লাখ টকা উৎকোচ দিব লগা হৈছিল। APS, ACS ৰ চাকৰিৰ বাবে ১ কোটিকৈ টকা কংগ্ৰেছে লৈছিল। কিন্তু এতিয়া বিজেপিয়ে ১ লাখ ৬৫ হাজাৰ ল’ৰা-ছোৱালীক এক টকা নোলোৱাকৈ চাকৰি দিলো। আমি কাৰোৰে পৰা তামোল এখনো খোৱা নাই।

মুখ্যমন্ত্ৰী গৰাকীয়ে লগতে কয় যে, এই সৎ সাহস থকাৰ বাবেই আজি মানুহৰ আগত ক’ব পাৰিছো যে অসমে এতিয়া আকাশ চুব পাৰে। আমি সকলোৱে মিলি ৰাজ্যখনক একেলগে আগবঢ়াই নিব বিচাৰিছো। যদি আকৌ আমাৰ চৰকাৰ আহে তেনেহলে পুনৰ ২ লাখ ল’ৰা-ছোৱালীক চৰকাৰী চাকৰি দিয়া হ’ব।

লগতে পঢ়ক: ‘বিজেপি আৰু নিৰ্বাচনী আয়োগে জুইৰ সৈতে খেলি আছে’; খঙত অগ্নিশৰ্মা মমতা বেনাৰ্জী