কনভয় লক্ষ্য কৰি ভয়ানক এম্বুচ! উগ্ৰপন্থীৰ গুলীচালনাত অসম ৰাইফলছৰ দুই জোৱানৰ কৰুণ মৃত্যু ।

মণিপুৰত পুনৰ সংঘটিত হৈছে এক ভয়ংকৰ উগ্ৰপন্থী আক্ৰমণৰ ঘটনা । ৰাজ্যখনৰ উখৰুল জিলাত সন্দেহযুক্ত সশস্ত্ৰ দুৰ্বৃত্তই চলোৱা এক আকস্মিক আক্ৰমণত অসম ৰাইফলছৰ দুজন জোৱান শ্বহীদ হৈছে । এই ঘটনাই সমগ্ৰ অঞ্চলটোত তীব্ৰ চাঞ্চল্য আৰু উত্তেজনাময় পৰিস্থিতিৰ সৃষ্টি কৰিছে ।

কেনেকৈ সংঘটিত হ’ল এই আক্ৰমণ?

প্ৰকাশিত খবৰ অনুসৰি, সোমবাৰে উখৰুল জিলাৰ নুংচাং কোং অঞ্চলৰ মাজেৰে ৪০ নম্বৰ অসম ৰাইফলছৰ এটা কনভয় পাৰ হৈ গৈ থকাৰ সময়তে অতৰ্কিতে আক্ৰমণকাৰীয়ে গুলীচালনা কৰে । জানিব পৰা মতে, উগ্ৰপন্থীৰ দলটোৱে আধুনিক মাৰণাস্ত্ৰৰে সমগ্ৰ কনভয়টোক লক্ষ্য কৰি ধাৰাবাহিকভাৱে গুলী আৰু বোমা বিস্ফোৰণ ঘটায় । প্ৰায় দুঘণ্টাজোৰা এই ভয়ানক সংঘৰ্ষৰ বাবে ওচৰ-পাজৰৰ গাঁৱৰ লোকসকলৰ মাজত হাহাকাৰ পৰিস্থিতিৰ সৃষ্টি হয় ।

চিকিৎসালয়লৈ নিয়াৰ পথতে মৃত্যু

এই আক্ৰমণৰ ফলত অসম ৰাইফলছৰ দুজন জোৱান গুৰুতৰভাৱে আঘাতপ্ৰাপ্ত হয় । নিৰাপত্তা বাহিনীয়ে প্ৰকাশ কৰা মতে, প্ৰথম অৱস্থাত আঘাতপ্ৰাপ্ত জোৱান দুজনক উন্নত চিকিৎসাৰ বাবে হেলিকপ্টাৰ যোগে ইম্ফললৈ স্থানান্তৰ কৰাৰ জৰুৰী প্ৰচেষ্টা চলোৱা হৈছিল । কিন্তু তেওঁলোকৰ স্বাস্থ্যৰ অৱস্থা ক্ৰমান্বয়ে অধিক সংকটজনক হৈ পৰাত ততাতৈয়াকৈ উখৰুলৰে চাংকাকত থকা অসম ৰাইফলছৰ শিবিৰলৈ লৈ যোৱা হয় । দুৰ্ভাগ্যবশতঃ চিকিৎসাধীন অৱস্থাতে দুয়োজন জোৱানে শেষ নিশ্বাস ত্যাগ কৰে ।

সেনাৰ তীব্ৰ তালাচী অভিযান

ঘটনাটোৰ পিছতে মণিপুৰ আৰক্ষী আৰু অসম ৰাইফলছৰ অতিৰিক্ত বাহিনীয়ে সমগ্ৰ নুংচাং কোং অঞ্চলটো ঘেৰি ধৰিছে । আক্ৰমণ চলাই পলায়ন কৰা উগ্ৰপন্থী গোটটোৰ সন্ধান উলিয়াবলৈ ড্ৰোন আৰু স্নিফাৰ ডগৰ সহায়ত এক ব্যাপক তালাচী অভিযান আৰম্ভ কৰা হৈছে । বৰ্তমানলৈকে এই আক্ৰমণৰ আঁৰত কোনটো উগ্ৰপন্থী সংগঠন জড়িত আছে, সেই সন্দৰ্ভত কোনো আনুষ্ঠানিক তথ্য লাভ কৰা হোৱা না ই।

মণিপুৰৰ গৃহমন্ত্ৰীৰ তীব্ৰ গৰিহণা

অসম ৰাইফলছৰ ওপৰত হোৱা এই কাপুৰুষালিপূৰ্ণ আক্ৰমণক তীব্ৰ ভাষাৰে গৰিহণা দিছে মণিপুৰৰ গৃহমন্ত্ৰী কে. গোবিন্দাস সিঙে । জোৱান দুজনৰ মৃত্যুৰ খবৰ নিশ্চিত হোৱাৰ পূৰ্বে ছ’চিয়েল মিডিয়াত দিয়া এটা পোষ্টত তেওঁ গভীৰ শোক প্ৰকাশ কৰে ।

ইয়াৰ লগতে তেওঁ কয় যে দেশৰ নিৰাপত্তা বাহিনীয়ে এই আক্ৰমণৰ বাবে জগৰীয়া দোষীক আইন অনুযায়ী কঠোৰ শাস্তি প্ৰদান কৰিব । তেওঁ মণিপুৰৰ জনসাধাৰণক উচতনিত গুৰুত্ব নিদি শান্তি, নিৰাপত্তা আৰু একতা বজাই ৰাখিবলৈ আহ্বান জনায় ।

লগতে পঢ়ক : শীঘ্ৰেই প্ৰায় সমগ্ৰ উত্তৰ-পূবৰ পৰা প্ৰত্যাহাৰ হ’ব AFSPA! অমিত শ্বাহৰ মন্তব্য

মণিপুৰৰ মুখ্যমন্ত্ৰী যুমনাম খেমচান্দ সিঙে মণিপুৰত চলি থকা হিংসাক লৈ এক ডাঙৰ মন্তব্য কৰিছে। তেওঁ কৈছে যে, হিংসাত্মক পৰিস্থিতিৰ বাবে চৰকাৰে উন্নয়নমূলক কাম-কাজত মনোনিৱেশ কৰাত অসুবিধাৰ সৃষ্টি হৈছে।

মণিপুৰৰ মুখ্যমন্ত্ৰী যুমনাম খেমচান্দ সিঙে ১৭ জুনত কয় যে ৰাজ্যত অব্যাহত থকা হিংসাত্মক পৰিস্থিতিৰ বাবে তেওঁৰ চৰকাৰে উন্নয়নমূলক কাম-কাজত মনোনিৱেশ কৰাত অসুবিধাৰ সৃষ্টি কৰিছে, লগতে শান্তি পুনৰুদ্ধাৰৰ প্ৰচেষ্টাৰ বিৰুদ্ধে কিছুমান উপাদানে কাম কৰি থকাৰ অভিযোগ উত্থাপন কৰে।

ইম্ফল পশ্চিম জিলাত এক কাৰ্যসূচীত ভাষণ দি সিঙে কয় যে তেওঁ ৰাইজৰ দুখ-কষ্ট দূৰ কৰা আৰু ৰাজ্যৰ সম্প্ৰদায়সমূহৰ মাজত শান্তি বৃদ্ধি কৰাৰ উদ্দেশ্যেৰে কাৰ্যভাৰ গ্ৰহণ কৰিছিল। অৱশ্যে বাৰে বাৰে ঘটি থকা অশান্তিৰ ঘটনাই প্ৰশাসনক ঘাইকৈ আইন-শৃংখলা ৰক্ষাৰ ক্ষেত্ৰত মনোনিৱেশ কৰিবলৈ বাধ্য কৰিছে।

তেওঁ কয়, “মই মুখ্যমন্ত্ৰী হোৱাৰ পিছৰে পৰা ধাৰাবাহিকভাৱে অশান্তি চলি আহিছে। আমি সেইবোৰ সমাধান কৰাত ব্যস্ত হৈ আছো, যাৰ বাবে উন্নয়নমূলক কাম-কাজত গুৰুত্ব দিয়াটো কঠিন হৈ পৰিছে। তথাপিও আমি আমাৰ কৰ্তব্যৰ পৰা পলাই যাব নোৱাৰোঁ।”

মুখ্যমন্ত্ৰীগৰাকীয়ে জহিৰামকে ধৰি সংঘাত জৰ্জৰিত এলেকাসমূহলৈ কৰা ভ্ৰমণৰ কথা সুঁৱৰি কয় যে তাত তেওঁ কুকি, মেইটেই আৰু পাইটে সম্প্ৰদায়ৰ লোকসকলক লগ পাইছিল আৰু শান্তি তথা সম্প্ৰীতিৰ বাবে আহ্বান জনাইছিল।

তেওঁ কয় যে জিৰিবামৰ পৰা ঘূৰি অহাৰ কিছু সময়ৰ পিছতে বিষ্ণুপুৰ জিলাৰ ট্ৰংলাওবি অঞ্চলত হোৱা এক বোমা আক্ৰমণত দুটি শিশুৰ মৃত্যু হয় আৰু তেওঁলোকৰ মাতৃ গৰাকীও আহত হয়, যাৰ ফলত ব্যাপক প্ৰতিবাদ আৰু অশান্তিৰ সৃষ্টি হয়।

মুখ্যমন্ত্ৰী গৰাকীয়ে উখৰুল জিলা ভ্ৰমণৰ কথাও উল্লেখ কৰে, য’ত তেওঁ কুকি আৰু টাংখুল নগা গাঁৱৰ লোকসকলক সাক্ষাৎ কৰি শান্তিৰ বাবে কাম কৰিবলৈ আহ্বান জনাইছিল। অৱশ্যে তেওঁ উল্লেখ কৰে যে একেটা দিনতে এক আক্ৰমণত দুজন টাংখুল সাধাৰণ নাগৰিক নিহত হয়।

তেওঁ কয় “মই ভাবো আমাৰ ভূমিত শান্তি নিবিচৰা কিছুমান লোক আছে। কিছুমান মানুহে ধাৰণা কৰে যে শান্তি বৰ্তি থাকিলে ধন উপাৰ্জন কৰাটো সম্ভৱ নহ’ব”। মুখ্যমন্ত্ৰীগৰাকীয়ে অভিযোগ কৰে যে একাংশ উপাদানে সমগ্ৰ ৰাজ্যতে জনসাধাৰণৰ মুক্ত যাতায়তত বাধা সৃষ্টি কৰাৰ চেষ্টা চলাইছে আৰু তেনে লোকসকলক চিনাক্ত কৰিবলৈ আহ্বান জনায়।

লগতে পঢ়ক: ভয়ংকৰ; নিয়ন্ত্ৰণ হেৰুৱাই পাহাৰৰ পৰা দ’ খাৱৈত পৰিল যাত্ৰীবাহী বাহন

হিংসাত্মক ঘটনাৰ পিছতে আইন-শৃংখলা বজাই ৰাখিবলৈ অঞ্চলটোত বৃহৎ সংখ্যক নিৰাপত্তাৰক্ষী মোতায়েন কৰা হৈছে । খ্যমন্ত্ৰীগৰাকীয়ে ৰাইজক শান্তি আৰু সম্প্ৰীতি বৰ্তাই ৰাখিবলৈ আহ্বান জনায় ।

মণিপুৰৰ মুখ্যমন্ত্ৰী যুমনাম খেমচান্দ সিঙে হিংসাজৰ্জৰ উখৰুল জিলা পৰিভ্ৰমণ কৰে । এই ভ্ৰমণৰ সময়ঠোৱাত তেওঁ আহতসকলক সাক্ষাৎ কৰে । আঞ্চলিক চিকিৎসা বিজ্ঞান প্ৰতিষ্ঠানত (RIMS) চিকিৎসাধীন হৈ থকা আহতসকল সাক্ষাতৰ লগতে তেওঁলোকৰ স্বাস্থ্যৰ বুজ লৈ মুখ্যমন্ত্ৰীগৰাকীয়ে ৰাইজক “শান্তি আৰু সম্প্ৰীতি” বৰ্তাই ৰাখিবলৈ আহ্বান জনায় ।

মুখ্যমন্ত্ৰী সিঙে কয়, “মই সমাজৰ সকলো শ্ৰেণীৰ লোকক শান্তি আৰু সম্প্ৰীতি বৰ্তাই ৰাখিবলৈ অনুৰোধ জনাইছো । উত্তেজনা অধিক বৃদ্ধি পোৱাত বাধা দিবলৈ আলোচনা আৰু সংযম অপৰিহাৰ্য…”

পৰিস্থিতিৰ বুজ ল’বলৈ উপ-মুখ্যমন্ত্ৰীৰ ভ্ৰমণ

আজি পুৱাৰ ভাগত উপ-মুখ্যমন্ত্ৰী লোছি ডিখো, উখৰুল সমষ্টিৰ বিধায়ক ৰাম মুইভা আৰু ছাইকুল সমষ্টিৰ বিধায়িকা কিমনেও হাংছিং হাওকিপৰ সৈতে লিটান চাৰেইখোং ভ্ৰমণ কৰে । উল্লেখ্য যে, এদিন পূৰ্বে এই স্থানতে টাংখুল আৰু কুকি সম্প্ৰদায়ৰ লোকৰ মাজত সংঘৰ্ষৰ খবৰ পোৱা গৈছিল ।

চৰকাৰী সূত্ৰ অনুসৰি এই ঘটনাত ২০ টাতকৈও অধিক ঘৰ জ্বলাই দিয়া হয় । লগতে তিনিখন চাৰিচকীয়া বাহন এই ঘটনাত ভস্মীভূত হয় ।

বৰ্তমানৰ স্থিতি আৰু নিৰাপত্তা ব্যৱস্থা

হিংসাত্মক ঘটনাৰ পিছতে অধিক উত্তেজনা ৰোধ কৰিবলৈ আৰু আইন-শৃংখলা বজাই ৰাখিবলৈ অঞ্চলটোত বৃহৎ সংখ্যক নিৰাপত্তাৰক্ষী মোতায়েন কৰা হৈছে । সমগ্ৰ এলেকাত নিষেধাজ্ঞামূলক আদেশ জাৰি কৰা হৈছে । ইফালে, পুনৰ হিংসা হোৱাৰ আশংকাত দুয়োটা সম্প্ৰদায়ৰ বাসিন্দাসকলে নিজৰ সা-সম্পত্তি বান্ধি নিৰাপদ স্থানলৈ যোৱা আৰম্ভ কৰিছে । কৰ্তৃপক্ষই আশ্বাস দিছে যে পৰিস্থিতি নিৰীক্ষণ কৰা হৈছে আৰু ৰাইজক শান্ত থাকিবলৈ তথা প্ৰশাসনক সহযোগিতা কৰিবলৈ আহ্বান জনাইছে ।

উল্লেখ্য যে, উখৰুলৰ এই হিংসাত্মক ঘটনা এনে এক সময়ত ঘটিছে যাৰ কেইদিনমান পূৰ্বে মণিপুৰৰ টুইবং অঞ্চলত নিৰাপত্তাৰক্ষী আৰু উত্তেজিত জনতাৰ মাজত প্ৰায় ন ঘণ্টা ধৰি সংঘৰ্ষ চলিছিল । বৃহস্পতিবাৰে সন্ধিয়া ৬ বজাৰ পৰা শুকুৰবাৰে পুৱা ৩ বজালৈ চলা এই সংঘৰ্ষৰ বাবে কৰ্তৃপক্ষই অঞ্চলটোত সম্পূৰ্ণ বন্ধ ঘোষণা কৰিবলগীয়া হৈছিল ।

মণিপুৰৰ নতুন উপ-মুখ্যমন্ত্ৰী হিচাপে নেমচা কিপগেন আৰু লোছি ডিখোৰ শপত গ্ৰহণৰ বিৰোধিতাৰে চুৰাচান্দপুৰ জিলাত কৰা এক প্ৰতিবাদে হিংসাত্মক ৰূপ ধাৰণ কৰিছিল । খবৰ অনুসৰি, টুইবং মুখ্য বজাৰ এলেকাত এই অশান্তিৰ সূত্ৰপাত হয়, য’ত শ শ যুৱ প্ৰতিবাদকাৰীয়ে নিৰাপত্তাৰক্ষীক তেওঁলোকৰ বেৰেকৰ ফালে ঠেলি পঠিয়াবলৈ চেষ্টা কৰিছিল । টুইবং ফৰেষ্ট গেট এলেকাৰ ওচৰত উত্তেজিত জনতাই নিৰাপত্তাৰক্ষীলৈ শিলগুটি নিক্ষেপ কৰিবলৈ ধৰাৰ পিছতে এই সংঘৰ্ষৰ সৃষ্টি হয় ।

লগতে পঢ়ক : চৰকাৰ গঠনৰ ২৪ ঘন্টাৰ পিছতেই পুনৰ উত্তপ্ত মণিপুৰ; বিধায়কক সকীয়নি বিদ্ৰোহীৰ