মণিপুৰত শেহকীয়াকৈ এক নতুন উগ্ৰপন্থী আক্ৰমণৰ বাতৰি পোৱা গৈছে
হিংসাজৰ্জৰ মণিপুৰত শেহকীয়াকৈ এক নতুন উগ্ৰপন্থী আক্ৰমণৰ বাতৰি পোৱা গৈছে । এই আক্ৰমণত দুটি শিশুক নিহত হোৱাৰ লগতে এগৰাকী মহিলা আহত হৈছে বুলি জানিব পৰা গৈছে । আহত মহিলাগৰাকীক ওচৰৰ চিকিৎসালয়ত ভৰ্তি কৰোৱা হৈছে । বিষ্ণুপুৰ জিলাত সংঘটিত এই ঘটনা সংঘটিত হোৱা বুলি জানিব পৰা গৈছে ।
খবৰ অনুসৰি ৭ এপ্ৰিলৰ নিশা প্ৰায় ১ বজাত বিষ্ণুপুৰ জিলাৰ এটা ঘৰত কুকি উগ্ৰপন্থীয়ে বোমা আক্ৰমণ কৰে । এই আক্ৰমণত এটি পাঁচ বছৰীয়া ল’ৰা আৰু এটি ছমহীয়া কন্যা শিশু নিহত হয় । এই আক্ৰমণত শিশু দুটিৰ মাতৃ আহত হোৱা বুলি জানিব পৰা গৈছে । বোমা বিস্ফোৰণৰ সময়ত মহিলাগৰাকীয়ে নিজৰ দুটিৰ সন্তানৰ সৈতে শুই আছিল ।
ঘটনাৰ পিছতে তিনিওকে ততাতৈয়াকৈ চিকিৎসালয়লৈ লৈ যোৱা হয় যদিও চিকিৎসকে দুয়োটি শিশুকে মৃত ঘোষণা কৰে । চুৰাচান্দপুৰৰ সমীপৱৰ্তী বিষ্ণুপুৰ জিলাৰ মইৰাং ট্ৰংলাওবি গাঁৱত সংঘটিত হয় এই ঘটনা । উল্লেখ্য যে, মণিপুৰ হিংসাৰ পিছৰে পৰা এই সীমান্ত অঞ্চল কুকি উগ্ৰপন্থীৰ লক্ষ্য হৈ পৰিছে ।
লগতে পঢ়ক : মণিপুৰৰ চুৰাচান্দপুৰত তীব্ৰ হিংসাত্মক প্ৰতিবাদ
