এই বৃহৎ সফলতাৰ বাবে প্ৰধানমন্ত্ৰী নৰেন্দ্ৰ মোদীয়ে ছবিখনৰ নিৰ্মাতা আৰু অভিনেতা-অভিনেত্ৰীসকলক অভিনন্দন জনাইছে ।
ভাৰতীয় চিনেমাৰ বাবে এক ঐতিহাসিক মুহূৰ্ত । BAFTA বঁটা লাভ কৰি দেশলৈ গৌৰৱ কঢ়িয়াই আনিছে চলচ্চিত্ৰ ‘বুং’এ । এই ছবিখন BAFTA বঁটা লাভ কৰা প্ৰথমখন ভাৰতীয় ছবি হিচাপে পৰিগণিত হৈছে । এই সাফল্যই কেৱল চলচ্চিত্ৰ জগতখনকে নহয়, সমগ্ৰ ৰাষ্ট্ৰকে গৌৰাৱান্বিত কৰি তুলিছে । এই বৃহৎ সফলতাৰ বাবে প্ৰধানমন্ত্ৰী নৰেন্দ্ৰ মোদীয়ে ছবিখনৰ নিৰ্মাতা আৰু অভিনেতা-অভিনেত্ৰীসকলক অভিনন্দন জনাই কয় যে, “এই ছবিখনৰ সৈতে জড়িত সকলোকে অভিনন্দন । ই সঁচাকৈয়ে এক অতি সুখৰ মুহূৰ্ত, বিশেষকৈ মণিপুৰৰ বাবে । এই সফলতাই আমাৰ দেশৰ সৃষ্টিশীল প্ৰতিভাকো উজ্জ্বল কৰি তুলিছে ।”
‘বুং’ৰ এই সফলতাই মণিপুৰ আৰু সমগ্ৰ দেশলৈ গৌৰৱ কঢ়িয়াই আনিছে । উত্তৰ-পূৰ্বাঞ্চলৰ কাহিনীবোৰ প্ৰায়ে চিনেমাত কম প্ৰতিনিধিত্ব কৰা হয়, কিন্তু এই ছবিখনে ইয়াৰ সংস্কৃতি, জীৱনশৈলী, পৰম্পৰাক আন্তঃৰাষ্ট্ৰীয় মঞ্চত প্ৰদৰ্শন কৰে । বাফটা বঁটা লাভ কৰাটোৱে প্ৰমাণ কৰে যে ভাৰতীয় চিনেমাই কেৱল বক্স অফিচৰ সফলতাই নহয়, নিজৰ কলা, আত্মা আৰু সংস্কৃতিৰ বাবে স্বীকৃতি লাভ কৰিব পাৰে ।
কেৱল বঁটা লাভ কৰাই ছবিখনৰ সফলতা নহয়, ভাৰতৰ বিভিন্ন প্ৰান্তত বিদ্যমান অকথিত কাহিনীবোৰকো উজ্জ্বল কৰি তুলিছে এই ছবিখনে ।
লগতে পঢ়ক : বহু প্ৰত্যাশিত ‘টক্সিক’ৰ টিজাৰ মুকলি; য়শৰ পৰিচিত গেংষ্টাৰ লুকত মোহিত অনুৰাগী!
