‘কংগ্ৰেছত পোৱা চৰম অপমান আৰু উশাহহীন পৰিৱেশৰ বাবে পদত্যাগ কৰিবলৈ বাধ্য হ’লো’; প্ৰদ্যুৎ বৰদলৈ
কংগ্ৰেছ ত্যাগ কৰাৰ পিছত প্ৰথমবাৰলৈ প্ৰতিক্ৰিয়া প্ৰকাশ কৰিছে প্ৰদ্যুৎ বৰদলৈয়ে। কংগ্ৰেছত পোৱা চৰম অপমান আৰু উশাহহীন পৰিৱেশৰ বাবে পদত্যাগ কৰিবলৈ বাধ্য হ’লো বুলি মন্তব্য কৰে প্ৰদ্যুৎ বৰদলৈয়ে।
মঙলবাৰে নিশা কংগ্ৰেছ দলৰ প্ৰতি অসন্তুষ্টি প্ৰকাশ কৰি দল ত্যাগ কৰে প্ৰদ্যুৎ বৰদলৈয়ে। দল ত্যাগ কৰাৰ পিছত প্ৰথমবাৰৰ বাবে মুখ খুলিছে প্ৰদ্যুৎ বৰদলৈয়ে। প্ৰদ্যুৎ বৰদলৈয়ে কয় যে, ৰাজনৈতিক জীৱনৰ এই সিদ্ধান্ত ল’বলৈ মোৰো মন নাছিল। কিন্তু মোৰ উপায় নাই কাৰণে এই সিদ্ধান্ত ল’বলৈ বাধ্য হ’লো। এই সিদ্ধান্ত গ্ৰহণ কৰি মই যথেষ্ট দুখ লাগিছে।
কিন্তু আজি কেইমাহমান ধৰি কংগ্ৰেছ দলৰ যি পৰিস্থিতি, যি পৰিস্থিতিৰ মই সন্মুখিন হৈ আহিছো তাৰ পিছত উপায় বিহীন হৈ মই বৰ দুখেৰে বিষাদভৰা মনৰ সৈতে এই সিদ্ধান্ত ল’বলৈ বাধ্য হৈছো।অসম প্ৰদেশ কংগ্ৰেছৰ সৈতে মোৰ যি সম্পৰ্ক সেই সম্পৰ্কৰ য’তি পেলাইছো। কংগ্ৰেছত পোৱা চৰম অপমান আৰু উশাহহীন পৰিৱেশৰ বাবে পদত্যাগ কৰিবলৈ বাধ্য হ’লো। বিজেপি দলে মোলৈ এটা প্ৰস্তাৱ আগবঢ়াইছে যে এইবাৰ বিধানসভা নিৰ্বাচনতে অংশগ্ৰহণ কৰিব লাগে।
লগতে পঢ়ক: এইবাৰ কংগ্ৰেছ ত্যাগ কৰিলে সাসংদ প্ৰদ্যুৎ বৰদলৈয়ে