পশ্চিম বংগত নিৰ্বাচনী প্ৰচাৰ চলাই বাংলাদেশীক হুংকাৰ মুখ্যমন্ত্ৰী ড০ হিমন্ত বিশ্ব শৰ্মাৰ। নিৰ্বাচনী প্ৰচাৰত মমতা বেনাৰ্জীকো কটাক্ষ।

বৃহস্পতিবাৰে পশ্চিম বংগত ভাৰতীয় জনতা পাৰ্টীৰ হৈ নিৰ্বাচনী প্ৰচাৰ মুখ্যমন্ত্ৰী ড০ হিমন্ত বিশ্ব শৰ্মাই। পশ্চিম বংগৰ পৰাই বাংলাদেশীক হুংকাৰ মুখ্যমন্ত্ৰী গৰাকীৰ। মুখ্যমন্ত্ৰী গৰাকীয়ে কয় যে, পশ্চিম বংগ আৰু অসমত হয় আমি জীয়াই থাকিম নহ’লে বাংলাদেশী মুছলমান জীয়াই থাকিব। দুয়োটাই একেলগে বাস কৰিবই নোৱাৰে। সীমান্তত বেৰ নাই। যাৰ বাবে অভিষেক বেনাৰ্জীয়ে গৰু পঠিয়াই দিয়ে আৰু তাৰ বাংলাদেশৰ পৰা মানুহ আহি থাকে। যদি ইমান বাংলাদেশী আহি থাকে, তেনেহলে আমি কেনেকৈ জীয়াই থাকিম। বাংলাদেশী মুছলমানে অসম আৰু পশ্চিম বংগক একেবাৰে খাই পেলাব। ২০ বছৰৰ পিছত ইয়াত কোনো হিন্দুৱে বাস কৰিব নোৱাৰিব।

মমতা বেনাৰ্জীক কটাক্ষ কৰি মুখ্যমন্ত্ৰী গৰাকীয়ে কয় যে, মমতাজীয়ে কৈছে যে পশ্চিম বংগত বিজেপি জয়ী হ’লে মাছ-মাংস খোৱাটো বন্ধ কৰি দিব।গতিকে মই মমতা জীক ক’ব বিচাৰিছো যে, মমতা দিদি অসমলৈ আহক, বহুত ভাল চিকেন-মাটন খুৱাম।অসমত ১০ বছৰ ধৰি বিজেপিৰ চৰকাৰ আছিলে।কিন্তু কোনোবা লোকে  মাছ-মাংস খোৱাটো নিষিদ্ধ হ’ব বুলি কৈছে নেকি?  কোনোবাই মা কামাখ্যাত বলি বন্ধ হৈছে বুলি কৈছে নেকি? তেনেহলে মমতা বেনাৰ্জীয়ে কিয় ভয় খাইছে? আচলতে ইয়াৰ কাৰণটো হৈছে বিজেপি চৰকাৰ আহিলে পশ্চিম বংগত গো মাংস বন্ধ হ’ব। মমতা জীয়ে মুখেৰে যদিও মাছ-মাংস বন্ধ হ’ব বুলি কৈছে কিন্তু মনৰ ভিতৰত ভাবিছে বিজেপিয়ে চৰকাৰলৈ আহিলে গো মাংস বন্ধ হ’ব।তৃণমূল পাৰ্টীৰ লোকে কি মাংস খায় সেই কথাটোত সন্দেহ আছে।কাৰণ তেওঁলোকে সদায় বাংলাদেশী মুছলমানৰ পক্ষত কথা কৈ থাকে।

মুখ্যমন্ত্ৰী গৰাকীয়ে কয় যে, বিজেপিয়ে শাসনলৈ আহিলে বংগতো আমি নতুন আইন আনিম।আমি UCC বলৱৎ কৰিম। এই আইনৰ অধীনত এজন ব্যক্তিয়ে কেৱল এবাৰ হে বিয়া পাতিব পাৰিব। সেই কাৰণে আমাৰ ওপৰত সদায় মমতা জীয়ে খং কৰি থাকে।   

লগতে পঢ়ক: “বিধেয়কখন বিৰোধীতা কৰা সকল নিৰ্বাচনত পৰাস্ত হ’ব”; লোকসভাত মহিলা সংৰক্ষণ সন্দৰ্ভত প্ৰধানমন্ত্ৰী মোদী

পশ্চিম বংগ বিধানসভা নিৰ্বাচন ২০২৬ ৰ মাজতে হুমায়ুন কবীৰৰ দলে মোক্ষম আঘাত পাইছে। কাৰণে এটা ভিডিঅ’ ভাইৰেল হোৱাৰ পিছতেই আছাদুদ্দিন ওৱেইছিয়ে তেওঁলোকৰ লগত মিত্ৰতা ভংগ কৰিছে।

পশ্চিম বংগ বিধানসভা নিৰ্বাচন ২০২৬ ৰ মাজতে AIMIMৰ মুৰব্বী আছাদুদ্দিন ওৱেইছিয়ে হুমায়ুন কবীৰৰ দলৰ সৈতে মিত্ৰতাৰ অন্ত পৰাৰ কথা ঘোষণা কৰিছে। ওৱেইছিয়ে কয় যে, বংগ নিৰ্বাচনত তেওঁৰ দলে অকলেই অৱতীৰ্ণ হ’ব।দলটোৱে ছ’চিয়েল মিডিয়াত এটা পোষ্টৰ জৰিয়তে এই তথ্য শ্বেয়াৰ কৰিছে।

দৰাচলতে  ছ’চিয়েল মিডিয়াত হুমায়ুন কবিৰৰ এটা কথিত ভিডিঅ’ ভাইৰেল হোৱাৰ পিছত যি বিতৰ্কৰ সৃষ্টি হৈছিল তাৰ পিছতে ওৱেইছিয়ে এই সিদ্ধান্ত গ্ৰহণ কৰিছে। ভিডিঅ’টোত তেওঁ বিজেপিৰ জ্যেষ্ঠ নেতাৰ সৈতে সম্পৰ্ক থকা বুলি দাবী কৰি বিধানসভা নিৰ্বাচনত মুখ্যমন্ত্ৰী মমতা বেনাৰ্জীক পৰাস্ত কৰাৰ প্ৰচেষ্টা চলোৱা দেখা গৈছে।

AIMIM এ ছ’চিয়েল মিডিয়া প্লেটফৰ্ম X ত পোষ্ট কৰি লিখিছে- হুমায়ুন কবীৰৰ এই প্রকাশে বংগৰ মুছলমানসকলৰ নিৰাপত্তাহীনতা উদঙাই দিছে৷ AIMIM এ এনে কোনো বিবৃতি সমৰ্থন কৰিব নোৱাৰে,যাৰ ফলত মুছলমানসকলৰ মৰ্যাদাক লৈ প্ৰশ্ন উত্থাপন হয়।আজিৰ পৰা কাৰ্যকৰী হোৱাকৈ AIMIM-এ কবীৰৰ দলৰ সৈতে মিত্ৰতা প্ৰত্যাহাৰ কৰিছে। বংগৰ মুছলমানসকল আটাইতকৈ দৰিদ্ৰ, অৱহেলিত, শোষিত সম্প্ৰদায়ৰ ভিতৰত অন্যতম।দশক দশক ধৰি ধৰ্মনিৰপেক্ষ শাসন চলি থকাৰ পিছতো তেওঁলোকৰ বাবে একো কৰা হোৱা নাই।যিকোনো ৰাজ্যত নিৰ্বাচনত প্ৰতিদ্বন্দ্বিতা কৰাৰ সন্দৰ্ভত দলৰ সেইটোৱে নীতি হয় যিটো প্ৰান্তীয় জনগোষ্ঠীসমূহে যাতে এটা স্বতন্ত্ৰ ৰাজনৈতিক কণ্ঠ লাভ কৰে।আমি স্বতন্ত্ৰভাৱে বংগৰ নিৰ্বাচনত প্ৰতিদ্বন্দ্বিতা কৰিম আৰু ভৱিষ্যতে কোনো দলৰ সৈতে মিত্ৰতা নকৰো।

লগতে পঢ়ক: আজি কলকাতাত বিজেপিৰ ‘সংকল্প পত্ৰ’ উন্মোচন কৰিব গৃহমন্ত্ৰী অমিত শ্বাহে

পশ্চিম বংগত নিৰ্বাচনী প্ৰচাৰ চলাই প্ৰধানমন্ত্ৰী মোদীয়ে মুখ্যমন্ত্ৰী মমতা বেনাৰ্জীক লক্ষ্য কৰি লয়।

পশ্চিম বংগৰ পূব মেদিনীপুৰৰ হালদিয়াত এখন নিৰ্বাচনী সভা সম্বোধন কৰে প্ৰধানমন্ত্ৰী নৰেন্দ্ৰ মোদীয়ে।এই সভাত প্ৰধানমন্ত্ৰী মোদীয়ে বংগৰ টিএমচি চৰকাৰ আৰু মমতা বেনাৰ্জীৰ ওপৰত তীব্ৰ আক্ৰমণ চলাই। ইয়াৰ উপৰিও হালদিয়াত অনুষ্ঠিত হোৱা সভাৰ পৰাই প্ৰধানমন্ত্ৰী মোদীয়ে বংগৰ জনসাধাৰণক ছটা গেৰান্টী দিছে।

নিৰ্বাচনী সভাখনত প্ৰধানমন্ত্ৰী মোদীয়ে বংগক ভয়মুক্ত কৰি তোলাৰ প্ৰথমটো গেৰান্টী দিয়ে।দ্বিতীয়টো গোৰান্টী হ’ল চৰকাৰী ব্যৱস্থাৰ জবাবদিহিতা নিশ্চিত কৰা।তৃতীয় গেৰান্টী হিচাপে প্ৰধানমন্ত্ৰী মোদীয়ে মমতা চৰকাৰক কাঠগড়াত ৰাখি দুৰ্নীতি আৰু অপৰাধ সম্পৰ্কীয় ফাইল খোলাৰ নিৰ্দেশ জাৰি কৰা হৈছে।চতুৰ্থ গেৰান্টীৰ কথা উল্লেখ কৰি প্ৰধানমন্ত্ৰী মোদীয়ে কয় যে দুৰ্নীতিগ্ৰস্তক জেললৈ প্ৰেৰণ কৰিব।

পঞ্চমটো গেৰান্টীৰ কথা উল্লেখ কৰি প্ৰধানমন্ত্ৰী মোদীয়ে কয় নিৰ্বাচনৰ ফলাফল ঘোষণাৰ পিছত বংগত কোনো টিএমচিৰ গুণ্ডা নাথাকিব। প্ৰধানমন্ত্ৰী মোদীৰ ছয় নম্বৰৰ গেৰান্টীটো এই নিৰ্বাচনৰ বাবে মাষ্টাৰষ্ট্ৰ’ক হিচাপেএ বিবেচিত হৈছে।প্ৰধানমন্ত্ৰী মোদীৰ এই ষষ্ঠ গেৰান্টী হৈছে সপ্তম দৰমহা আয়োগ কাৰ্যকৰী কৰা।

নিৰ্বাচনী সভাত ভাষণ দি প্ৰধানমন্ত্ৰী নৰেন্দ্ৰ মোদীয়ে কয়, টিএমচি চৰকাৰৰ অধীনত যদি সঁচাকৈয়ে কিবা হৈছে, তেন্তে সেইটো হৈছে অনুপ্ৰৱেশকাৰীৰ এটা কাৰখানা।টিএমচিৰ কাম হৈছে ভুৱা নথি ৰচনা আৰু চোৰাং গৰু সৰবৰাহ।

লগতে পঢ়ক: মহিলা সবলীকৰণ সন্দৰ্ভত প্ৰধানমন্ত্ৰী মোদীৰ নতুন বাৰ্তা, জনালে বিশেষ আহ্বান