পশ্চিম বংগত নিৰ্বাচনী প্ৰচাৰ চলাই মুখ্যমন্ত্ৰী ড০ হিমন্ত বিশ্ব শৰ্মাই মমতা বেনাৰ্জীক তীব্ৰ কটাক্ষ কৰে।তেওঁ মমতা বেনাৰ্জীয়ে প্ৰতিদিনে অনুপ্ৰৱেশকাৰী অহাটো বিচাৰে বুলিও কয়।
পশ্চিম বংগত নিৰ্বাচনী প্ৰচাৰ তুংগত উঠিছে। মুখ্যমন্ত্ৰী ড০ হিমন্ত বিশ্ব শৰ্মাই বিজেপিৰ হৈ প্ৰচাৰ চলাই আছে। প্ৰচাৰৰ সময়ত পশ্চিম বংগৰ মুখ্যমন্ত্ৰী মমতা বেনাৰ্জীক কটাক্ষ কৰে ড০ হিমন্ত বিশ্ব শৰ্মাই। মুখ্যমন্ত্ৰী গৰাকীয়ে কয় যে, পশ্চিম বংগত যদি বিজেপিৰ চৰকাৰ নাহে তেন্তে প্ৰতিদিনেই অনুপ্ৰৱেশকাৰী আহিয়েই থাকিব। অনুপ্ৰৱেশকাৰী সকল আহি আহি পশ্চিম বংগখন শেষ কৰি পেলাব।
মুখ্যমন্ত্ৰী গৰাকীয়ে আৰু কয়, এবাৰ পশ্চিম বংগত বিজেপি চৰকাৰ আহিব দিয়ক, অনুপ্ৰৱেশকাৰীৰ গতিয়াই গতিয়াই খেদাই দিয়া হ’ব।ভাৰতীয় মুছলমান সকলৰ প্ৰতি আমি বিৰোধী নহয়।আমাৰ এটাই উদ্দেশ্য যে এজনো অনুপ্ৰৱেশকাৰী আহিব নালাগে। কিন্তু মমতা বেনাৰ্জীয়ে অনুপ্ৰৱেশকাৰী অহাটো বিচাৰে। মমতা বেনাৰ্জী আৰু অনুপ্ৰৱেশকাৰীৰ মাজত আই লাভ ইউৰ সম্পৰ্ক আছে।সেয়েহে তেওঁ অনুপ্ৰৱেশকাৰী নোহোৱাকৈ থাকিব নোৱাৰে। পুৱাৰ পৰা ৰাতিলৈকে মমতা জীক অনুপ্ৰৱেশকাৰীক লাগে।কাৰণ অনুপ্ৰৱেশকাৰীৰ ভোটৰ দ্বাৰা হে তেওঁৰ চৰকাৰ গঠন হ’ব। আমাৰ ভোটৰ দ্বাৰা মমতা জীৰ চৰকাৰ গঠন নহয়।
লগতে পঢ়ক: ১৭ এপ্ৰিলৰ দিনটোক “ক’লা দিন” বুলি অভিহিত কৰি বিৰোধীক তীক্ষ্ণ সমালোচনা মুখ্যমন্ত্ৰীৰ
