‘চিগমা’ৰ নিৰ্মাতাসকলে ঘোষণা কৰিছে যে জেছন সঞ্জয়ৰ প্ৰথমখন ছবি জুলাই মাহত বিশ্বজুৰি চিনেমা হলত মুক্তি পাব।

মুখ্যমন্ত্রী বিজয়ৰ পুত্ৰ জেচন সঞ্জয়ে তামিল ছবি ‘চিগমা’ (Sigma) ৰ জৰিয়তে পৰিচালক হিচাপে আত্মপ্ৰকাশ কৰিবলৈ সাজু হৈছে আৰু ছবিখনৰ মুক্তিৰ তাৰিখ ঘোষণা কৰা হৈছে। এই ছবিখনত সন্দীপ কিষাণক মূল চৰিত্ৰত দেখা যাব, যাৰ বাবে তেওঁ বৰ্তমান যথেষ্ট চৰ্চাত আছে। লাইকা প্ৰডাকচনৰ বেনাৰত সুভাস্কৰনৰ দ্বাৰা প্ৰযোজিত এই ছবিখন বৰ্তমান পোষ্ট-প্ৰডাকচন পৰ্যায়ত আছে আৰু অতি সোনকালেই ইয়াক চেন্সৰ বৰ্ডলৈ প্ৰেৰণ কৰা হ’ব। বিশেষ কথাটো হ’ল যে, ছবিখন ঘোষণা হোৱাৰ পৰাই দৰ্শকসকলে ইয়াৰ মুক্তিৰ বাবে অপেক্ষা কৰি আছিল আৰু ছবিখনে জুলাই মাহত ছবিগৃহত মুক্তি লাভ কৰিব।

জেচন সঞ্জয়ৰ পৰিচালনাৰ প্ৰথম ছবি ‘চিগমা’ ৩১ জুলাইত সমগ্ৰ বিশ্বৰ চিনেমা হলসমূহত মুক্তি পাবলৈ সাজু হৈছে। নিৰ্মাতাসকলে ‘চিগমা’ক এক ‘হাই-ষ্টেকছ হাইষ্ট’ (high-stakes heist) ছবি বুলি অভিহিত কৰিছে। তামিলনাডুৰ মুখ্যমন্ত্ৰী চি জোছেফ বিজয়ৰ পুত্ৰ জেচনে এই ছবিখনৰ কাহিনী লিখাৰ লগতে পৰিচালনাও কৰিছে। তেওঁ শেহতীয়াকৈ উল্লেখ কৰিছিল যে, এয়া তেওঁৰ প্ৰথম ফিচাৰ ফিল্ম, যাৰ কাহিনীভাগ এক্সন, কমেডী, ধনৰ সন্ধান আৰু চুৰিৰ ঘটনাৰ সৈতে জড়িত।

‘চিগমা’ ছবিখনৰ টিজাৰ ২০২৫ চনৰ ২৩ ডিচেম্বৰত মুক্তি পোৱাৰ পাছতেই জনপ্ৰিয় হৈ পৰিছিল, য’ত সন্দীপ কিষাণক এক অভিযানত থকা ব্যক্তি হিচাপে দেখুওৱা হৈছে। সন্দীপ কিষাণৰ উপৰিও ছবিখনত ফাৰিয়া আব্দুল্লা, ৰাজু সুন্দৰম, সম্পত ৰাজ, শিৱ পণ্ডিত, অম্বু থাছন, যোগ জপি, মগলক্ষ্মী, শীলা ৰাজকুমাৰ, কমলেশ আৰু কিৰণ কোণ্ডাই অভিনয় কৰিছে।

দক্ষিণৰ ছুপাৰষ্টাৰ থালাপথী বিজয়ৰ অনুৰাগীলৈ এটা ভাল খবৰ। শীঘ্ৰেই ছবিগৃহত মুক্তি পাব থালাপথী বিজয়ৰ শেষৰখন ছবি জন নায়কন

দক্ষিণৰ ছুপাৰষ্টাৰ থালাপথী বিজয়ৰ অনুৰাগীৰ বাবে এটা ডাঙৰ খবৰ আহিছে। অৱশেষত ছবিগৃহত মুক্তি পাবলৈ সাজু হৈছে থালাপথী বিজয়ৰ শেষৰকন ছবি জন নায়কন।চেন্সৰ ব’ৰ্ডৰ সৈতে দীৰ্ঘদিনীয়া যুঁজ আৰু আইনী বাধাৰ অন্তত এই ৰাজনৈতিক একচন ছবিখনৰ মুক্তিৰ তাৰিখ চূড়ান্ত কৰা হৈছে।

এই ৰাজনৈতিক একচন ছবিখন ২০২৬ চনৰ ৮ মে’ত বিশ্বৰ চিনেমা হলত মুক্তি পাব। যদিও নিৰ্মাতাসকলে এতিয়াও আনুষ্ঠানিকভাৱে কোনো প্ৰকাশ কৰা নাই,অৱশ্যে এই সন্দৰ্ভত শীঘ্ৰে এক বৃহৎ ঘোষণা কৰা হ’ব বুলি চৰ্চা চলিছে।থালাপথী বিজয়ৰ শেষৰখন ছবি হিচাপে দৰ্শকৰ মাজত ইয়াৰ প্ৰতি এক অপৰিসীম উন্মাদনা দেখিবলৈ পোৱা গৈছে।

কেভিএন প্ৰডাকচনৰ বেনাৰত নিৰ্মিত ‘জন নায়কন’ ছবিখনে যথেষ্ট দিনৰ পৰা শিৰোনাম দখল কৰি আহিছে।কাৰণ এই ছবিখন থালাপথী বিজয়ৰ অভিনয় জীৱনৰ শেষৰখন ছবি হ’বলৈ গৈ আছে।ইয়াৰ পিছতে তেওঁ সম্পূৰ্ণৰূপে নিজৰ ৰাজনৈতিক কেৰিয়াৰত নামিবলৈ সাজু হৈছে। এইচ বিনোথৰ পৰিচালিত ‘জন নায়কন’ ছবিখনত থালাপথী বিজয়ক এজন প্ৰাক্তন আৰক্ষী বিষয়াৰ চৰিত্ৰত দেখা যাব।লগতে ছবিখনত ববি দেউলক খলনায়কৰ চৰিত্ৰত দেখিবলৈ পোৱা যাব।আনহাতে মুখ্য অভিনেত্ৰী হিচাপে অভিনয় কৰিব পূজা হেগড়ে।

থালাপথী বিজয়ৰ শেষৰখন ছবি হিচাপে অনুৰাগীৰ আৱেগিক জড়িত হৈ পৰিছে।  বিজয়ক শেষবাৰৰ বাবে ডাঙৰ পৰ্দাত চাবলৈ অনুৰাগীসকলে অতি আগ্ৰহেই বাট চাই আছে।   

লগতে পঢ়ক: ‘ৰণবীৰ সিঙে কৰিব লাগিব চামুণ্ডেশ্বৰী মন্দিৰ পৰিদৰ্শন’; আদালতৰ নিৰ্দেশ

থালাপথী বিজয়ৰ পত্নী সংগীতাই অভিনেতা গৰাকীৰ বিৰুদ্ধে পৰকীয়া প্ৰেমৰ অভিযোগ কৰি বিবাহ বিচ্ছেদৰ বাবে আবেদন দাখিল কৰিছে।ইয়াৰ মাজতে থালাপথী বিজয় আৰু তৃষা কৃষ্ণনৰ দ্বিতীয় বিবাহৰ চৰ্চা চলিছে।

দক্ষিণৰ তাৰকা থালাপাথী বিজয়ে চলচ্চিত্ৰত নিজৰ কেৰিয়াৰৰ পিছত তামিল ৰাজনীতিত ভৰি দিছে। কিন্তু কেৰিয়াৰতকৈ এতিয়া থালাপথী বিজয়ৰ ব্যক্তিগত জীৱনেহে বাতৰিৰ শিৰোনাম দখল কৰিছে। তামিলনাডু নিৰ্বাচনৰ ঠিক পূৰ্বে তেওঁৰ পত্নী সংগীতাই বিবাহ বিচ্ছেদৰ বাবে আবেদন জনাইছে।বিবাহ বিচ্ছেদৰ খবৰৰ মাজতে অভিনেতা গৰাকীৰ নাম অভিনেত্ৰী তৃষা কৃষ্ণনৰ সৈতে সাঙোৰ খাই পৰিছে।খবৰ ওলাইছে যে,নিৰ্বাচনৰ পিছত দুয়োৰে বিবাহ হ’বও পাৰে।

বিবাহিত থালাপথী বিজয় আৰু তৃষাৰ মাজৰ ৰোমাঞ্চৰ জল্পনা-কল্পনা তেওঁলোকৰ ছবি ‘সিংহ’ৰ পিছত আৰম্ভ হয়।ছবিখনৰ পিছত ছ’চিয়েল মিডিয়া, ৰাজহুৱা অনুষ্ঠান, চেলিব্ৰিটিৰ বিয়াত দুয়োকে একেলগে দেখিবলৈ পোৱা গৈছে।যাৰ ফলত তেওঁলোকৰ ডেটিং সম্পৰ্কে চৰ্চা আৰম্ভ হয়।

থালাপথী বিজয়ৰ পত্নী সংগীতাই বিবাহ বিচ্ছেদৰ বাবে দাখিল কৰি অভিনেতাগৰাকীৰ বিবাহ বহিৰ্ভূত প্ৰেমৰ অভিযোগ কৰিছে। ইয়াৰ উপৰিও চৰ্চা চলিছে যে, বিবাহ বিজয়ে তেওঁৰ পত্নীক বিচ্ছেদৰ নিষ্পত্তিৰ অংশ হিচাপে ২০০ কোটি টকা দিব।

দৰাচলতে, তৃষা কৃষ্ণনৰ এটা ভিডিঅ’ত থালাপথী বিজয়ৰ মাতৃয়ে লাইক কৰিছে। তাৰ পিছতেই তেওঁলোকৰ সম্পৰ্কক লৈ চৰ্চা বৃদ্ধি পাইছে।   

লগতে পঢ়ক: বিবাহৰ ১০ বছৰৰ পিছত মাতৃ হ’ব দিব্যাংকা ত্ৰিপাঠী; শ্বেয়াৰ কৰিলে বেবী বাম্পৰ ফটো

ছুপাৰষ্টাৰ বিজয় আৰু সংগীতাৰ বিবাহ বিচ্ছেদৰ খবৰৰ মাজতে তৃষা কৃষ্ণনৰ সৈতে এখন বিবাহত বিয়াত অভিনেতাগৰাকীৰ আগমন বিতৰ্কৰ কেন্দ্ৰবিন্দু হৈ পৰিছে।

তামিল চিনেমাৰ ছুপাৰষ্টাৰ তথা টিভিকেৰ মুৰব্বী থালাপথী বিজয়ৰ ব্যক্তিগত জীৱন আৰু ৰাজনৈতিক কেৰিয়াৰে বৰ্তমান সময়ত বাতৰিৰ শিৰোনাম দখল কৰিছে।যোৱা সপ্তাহত চেন্নাইৰ আদালতত বিজয়ৰ পত্নী সংগীতা সোৰনালিংগমে বিবাহ বিচ্ছেদৰ বাবে দাখিল কৰা খবৰে চাঞ্চল্যৰ সৃষ্টি কৰিছিল।

সংগীতাই এই বিবাহ বিচ্ছেদত বিজয়ৰ  অভিনেত্ৰীৰ সৈতে অবৈধ প্ৰেমৰ অভিযোগ উত্থাপন কৰিছে। তাৰ মাজতে বিজয় আৰু অভিনেত্ৰী তৃষা কৃষ্ণনে এখন বিবাহ অনুষ্ঠানত একেলগে উপস্থিত হোৱাৰ পিছতে বিতৰ্ক আৰু গভীৰ হৈ পৰিছে।

শেহতীয়াকৈ এজিএছৰ প্ৰযোজক কল্পনা সুৰেশৰ পুত্ৰৰ বিবাহ সম্বৰ্ধনা অনুষ্ঠানত বিজয় আৰু তৃষা কৃষ্ণনে একেলগে উপস্থিত হৈছিল যাৰ ভিডিঅ’ এতিয়া সামাজিক মাধ্যমত বনজুইৰ দৰে বিয়পি পৰিছে।এই খবৰে উৰাবাতৰিত আৰু অধিক ইন্ধন যোগাইছিল।

এই ঘটনাৰ মাজতে পৰিচালক মোহন জি ক্ষত্ৰিয়ানে এক্সত পোষ্ট কৰি বিজয়ৰ সাহসক প্ৰশংসা কৰে।তেওঁ লিখিছে যে বিজয়ে নিজৰ ষ্টাইলত উৰাবাতৰি বন্ধ কৰি দিছে আৰু ইয়াৰ উত্তৰ দিবলৈ সাহস আছে। অৱশ্যে পৰিচালক গৰাকীয়ে দিয়া এই পোষ্টৰ বাবে এতিয়া তেওঁৰ বিপদ মাতি আনিছে। অনুৰাগী সকলে তেওঁক ট্ৰ’ল কৰা আৰম্ভ কৰিছে।

লগতে পঢ়ক: বাদশ্বাহৰ নতুন গীত ‘ততিৰী’ ক লৈ বিতৰ্ক; হাৰিয়ানা মহিলা আয়োগে প্ৰেৰণ কৰিলে চমন