বিপদত থালাপথী বিজয়ৰ অন্তিমখন ছবি ‘জন নায়কন’; ন্যায়ালয়ে দিব ৰায়দান
পুনৰ সমস্যাত সোমাই পৰিছে থালাপথী বিজয়ৰ অন্তিমখন ছবি ‘জন নায়কন’। ধৰ্মীয় আৱেগক আঘাত দিয়া আৰু সেনাবাহিনীৰ চিত্ৰণক লৈ আপত্তি ক লৈ ন্যায়ালয়ে দিব ৰায়দান
দক্ষিণৰ ছুপাৰষ্টাৰ থালাপথী বিজয়ৰ আটাইতকৈ প্ৰত্যাশিত ছবি ‘জন নয়গান’ মুক্তিৰ বিতৰ্ক এতিয়া উচ্চতম ন্যায়ালয়ত উপনীত হৈছে।
চলচ্চিত্ৰ প্ৰযোজক কেভিএন প্ৰডাকচনে মাদ্ৰাজ উচ্চ ন্যায়ালয়ৰ সংমণ্ডল বিচাৰপীঠৰ স্থগিতাদেশৰ বিৰুদ্ধে বিশেষ ছুটীৰ আবেদন দাখিল কৰিছে,যাৰ শুনানি ১৫ জানুৱাৰী, ২০২৬ তাৰিখ বৃহস্পতিবাৰে অনুষ্ঠিত হ’ব।
অভিনেতা বিজয়ৰ ছবি ‘জন নয়গান’ মুক্তিৰ বিতৰ্কৰ শুনানি অহা ১৫ জানুৱাৰী বৃহস্পতিবাৰে উচ্চতম ন্যায়ালয়ত অনুষ্ঠিত হ’ব।
ন্যায়াধীশ দিপাংকৰ দত্ত আৰু ন্যায়াধীশ অগাস্টিন জৰ্জ মাছিৰ বিচাৰপীঠে শুনানি গ্ৰহণ কৰিব। মাদ্ৰাজ উচ্চ ন্যায়ালয়ে ছবিখনৰ মুক্তিৰ ওপৰত স্থগিতাদেশ দিছে।
শেহতীয়াকৈ মাদ্ৰাজ উচ্চ ন্যায়ালয়ৰ বিভাগীয় বিচাৰপীঠে দিয়া সিদ্ধান্তত অভিনেতা-ৰাজহুৱা নেতালৈ পৰিণত হোৱা বিজয়ৰ ছবি ‘জন নয়গান’ক চেন্সৰৰ প্ৰমাণ পত্ৰ প্ৰদানৰ নিৰ্দেশ দিয়া একক ন্যায়াধীশ বিচাৰপীঠৰ নিৰ্দেশত উচ্চ ন্যায়ালয়ে স্থগিত ৰাখিছিল।
বিজয়ৰ শেষ চিনেমাৰ প্ৰজেক্ট হিচাপে বিবেচিত হৈছে ‘জন নয়গন’, কাৰণ তেওঁ নিজৰ দল তামিলাগা ভেটিৰি কাঝাগামৰ সৈতে সম্পূৰ্ণৰূপে ৰাজনীতিত প্ৰৱেশ কৰিছে।ছবিখনে ৯ জানুৱাৰীত মুক্তি পাবলগীয়া কথা আছিল।
চিবিএফচিৰ চেন্নাই আঞ্চলিক কাৰ্যালয়ৰ পৰীক্ষা সমিতিয়ে ২০২৫ চনৰ ডিচেম্বৰ মাহত ছবিখনৰ কিছু কৰ্তনৰ পিছত ইউ/এ ১৬+ প্ৰমাণপত্ৰ দিবলৈ পৰামৰ্শ দিছিল, যিটো প্ৰযোজকসকলে মানি লৈছিল।
কিন্তু ৬ জানুৱাৰীত চিবিএফচিৰ অধ্যক্ষ প্ৰসুণ যোশীয়ে অভিযোগৰ ভিত্তিত ইয়াক সংশোধন সমিতিলৈ প্ৰেৰণ কৰে। এই অভিযোগ পৰীক্ষা সমিতিৰ এজন সদস্যৰ পৰাই আছিল, য’ত ধৰ্মীয় আৱেগক আঘাত দিয়া আৰু সেনাবাহিনীৰ চিত্ৰণক লৈ আপত্তি উত্থাপন কৰা হৈছিল।
লগতে পঢ়ক: কাৰুৰ পদপৃষ্ট ট্ৰেজেদি: দক্ষিণৰ অভিনেতা থালাপাতি বিজয়ক CBI ৰ জেৰা