কাৰুৰ পদপৃষ্ট কাণ্ডৰ বাবে আজি দক্ষিণৰ অভিনেতা থালাপাতি বিজয়ক জেৰা চলাই আছে CBI এ। থালাপাতি বিজয়ৰ এখন ৰাজহুৱা সভাৰ ভাষণৰ সময়ত সংঘটিত হৈছিল ঘটনাটো।
অভিনেতাৰ পৰা ৰাজনীতিবিদলৈ পৰিণত হোৱা থালাপাতি বিজয়ক যোৱা বছৰ সংঘটিত হোৱা কাৰুৰ পদপৃষ্ট গোচৰৰ বাবে দিল্লীস্থিত কেন্দ্ৰীয় তদন্তকাৰী ব্যুৰো (CBI)য়ে জেৰা কৰি আছে।
পুৱাই চেন্নাইৰ পৰা চাৰ্টাৰ্ড বিমানেৰে নতুন দিল্লীত উপস্থিত হয় থালাপাতি বিজয়।বিমানবন্দৰৰ পৰা বাহিৰে বাহিৰে চিবিআইৰ মুখ্য কাৰ্যালয়লৈ যায় অভিনেতা গৰাকী।
উল্লেখ্য যে, ২০২৫ চনৰ ২৭ ছেপ্টেম্বৰত তামিলনাডুৰ কাৰুৰ জিলাত বিজয়ৰ দল তামিলাগা ভেট্ৰি কাঝাগাম (টিভিকে)ৰ উদ্যোগত এখন ৰাজহুৱা সভাৰ আয়োজন কৰা হৈছিল।
এই সভাখনত যেতিয়া বিজয়ে ভাষণ দিবলৈ আহিছিল, তেতিয়া হুলস্থুলৰ সৃষ্টি হৈছিল, যাৰ ফলত ৪১ জন লোকৰ মৃত্যু হৈছিল।এই সন্দৰ্ভত আজি চিবিআইৰ সন্মুখত হাজিৰ হৈছে থালাপাতি বিজয়।
ৰাজহুৱা সভাত সংঘটিত হোৱা ঘটনা সন্দৰ্ভত চিবিআইয়ে থালাপাতি বিজয়ক কঠোৰভাৱে প্ৰশ্ন কৰি আছে। থালাপাতি বিজয়ক CBI এ কেইবাটাও গুৰুত্বপূৰ্ণ প্ৰশ্ন কৰাৰ সম্ভাৱনা আছে।
এই জেৰা সন্ধিয়া প্ৰায় ৭ মান বজালৈকে চলি থাকিব বুলি জানিব পৰা গৈছে। তদন্তৰ অংশ হিচাপে সংস্থাটোৱে ইতিমধ্যে নতুন দিল্লীত TVK ৰ কেইবাজনো জ্যেষ্ঠ নেতাক জেৰা কৰিছে।
লগতে পঢ়ক: পত্নী আৰু কণমানি কন্যা সন্তানক এৰি প্ৰশান্ত তামাঙে ল’লে চিৰ বিদায়; ছলমান খানৰ সৈতে অন্তিমখন ছবি
