দিব্যাংকা ত্ৰিপাঠী আৰু বিবেক দহিয়া টেলিভিছনৰ আটাইতকৈ জনপ্ৰিয় দম্পতী। দম্পতীহালক অনুৰাগী সকলে যথেষ্ট মৰম কৰে। বিবাহৰ ১০ বছৰৰ পিছত মাতৃ হ’বলৈ ওলাইছে দিব্যাংকা ত্ৰিপাঠী।
নৱৰাত্ৰিৰ শুভ উপলক্ষে টেলিভিছন অভিনেত্ৰী দিব্যাংকা ত্ৰিপাঠীয়ে অনুৰাগীৰ সৈতে এটা ভাল খবৰ শ্বেয়াৰ কৰিছে।বিবাহৰ ১০ বছৰৰ পাছত মাতৃ হ’বলৈ সাজু হৈছে দিব্যাংকা।অভিনেত্ৰী গৰাকীয়ে ইনষ্টাগ্ৰামত কেইখনমান ফটো শ্বেয়াৰ কৰি বেবী বাম্প প্ৰদৰ্শন কৰিছে।
ফটোকেইখনত অভিনেত্ৰীগৰাকী আৰু তেওঁৰ স্বামী বিবেক দহিয়া দুয়োৱে বগা সাজ-পোছাক পৰিধান কৰা দেখিবলৈ পোৱা গৈছে।দিব্যাংকাৰ বেবী বাম্পত ধৰি পোজ দিছে বিবেক দহিয়াই। পিতৃ-মাতৃ হোৱাৰ আনন্দ দম্পতীহালৰ মুখৰ হাঁহিৰ পৰা বুজিব পৰা গৈছে।
ভাল খবৰটো শ্বেয়াৰ কৰি অভিনেত্ৰীগৰাকীয়ে লিখিছে যে ১০ বছৰৰ পাছত কাহিনীভাগত এটা টুইষ্ট আহিছে।কিছুমান যাত্ৰা পলায়নৰ বাবে নহয়; একেলগে প্ৰস্তুতি চলোৱাৰ বাবেহে। আৰু যেতিয়াই আপুনি অনুভৱ কৰে যে কাহিনী সম্পূৰ্ণ হৈছে, তেতিয়াই জীৱনে নিজৰ আটাইতকৈ সুন্দৰ অধ্যায়টো যোগ কৰে।এতিয়াও চিন্তা কৰি আছো, অকাৰণতে হাঁহি আছো। সকলোলৈকে আন্তৰিক কৃতজ্ঞতা।আমি শিশুটিৰ বাবে আশাৰে বাট চাই আছো।
২০১৬ চনত দিব্যাংকা আৰু বিবেকে বিবাহপাশত আবদ্ধ হৈছিল। যোৱা কেইবাবছৰ ধৰি অভিনেত্ৰী গৰাকীক বেবী প্লেনিঙৰ বিষয়ে প্ৰশ্ন কৰিলে তেওঁ সদায় কৈছিল যে, ” যেতিয়া ঈশ্বৰৰ ইচ্ছা হ’ব তেতিয়া হে মই মাতৃ হ’ম।”
লগতে পঢ়ক: ৩৯ বছৰ বয়সত কইনা হ’ব শ্ৰদ্ধা কাপুৰ; দীৰ্ঘদিনীয়া প্ৰেমিকৰ সৈতে আৱদ্ধ হ’ব বিবাহপাশত!
