আমেৰিকাৰ নৌসেনাৰ শীৰ্ষ অসামৰিক বিষয়া জন ফেলেনে হঠাতে নিজৰ পদৰ পৰা পদত্যাগ কৰিছে। বুধবাৰে পেন্টাগনে এই কথা নিশ্চিত কৰিছে ।

আমেৰিকাৰ নৌসেনা সন্দৰ্ভত এক ডাঙৰ খবৰ আহিছে।আমেৰিকাৰ নৌসেনাৰ শীৰ্ষ অসামৰিক বিষয়া জন ফেলেনে হঠাতে নিজৰ পদৰ পৰা পদত্যাগ কৰিছে। বুধবাৰে পেন্টাগনে এই কথা নিশ্চিত কৰিছে।পেন্টাগনৰ মুখপাত্ৰ শ্বেন পাৰ্নেলে কয় যে ফেলনে তাৎক্ষণিকভাৱে কাৰ্যকৰী হোৱাকৈ প্ৰশাসন এৰিব।

যদিও তেওঁৰ পদত্যাগৰ আঁৰৰ কাৰণ স্পষ্ট হোৱা নাই,অৱশ্যে এই সিদ্ধান্ত হঠাৎ লোৱা বুলি অনুমান কৰা হৈছে। ইয়াৰ পূৰ্বে চলিত বৰ্ষৰ ৩ এপ্ৰিলত আমেৰিকাৰ প্ৰতিৰক্ষা সচিব পিট হেগছেথৰ নিৰ্দেশত আমেৰিকাৰ সেনাৰ মুৰব্বী জেনেৰেল ৰেণ্ডী জৰ্জে পদত্যাগ কৰে।

এই পদত্যাগ ইৰাণ আৰু আমেৰিকাৰ মাজত চলি থকা সামৰিক উত্তেজনা আৰু ট্ৰাম্প প্ৰশাসনৰ সময়ত পেন্টাগনৰ ভিতৰত সংঘটিত হোৱা এক বৃহৎ গাঁথনিগত পৰিৱৰ্তন হিচাপে দেখা গৈছে।জন ফেলানৰ পদত্যাগ এনে এটা সময়ত আহিছে যেতিয়া আমেৰিকাৰ প্ৰতিৰক্ষা বিভাগে নেতৃত্ব পৰ্যায়ত নিৰন্তৰ পৰিৱৰ্তন দেখিবলৈ পোৱা গৈছে। তেওঁৰ পদত্যাগে নৌসেনাৰ প্ৰশাসনিক আৰু কৌশলগত সিদ্ধান্ততো প্ৰভাৱ পেলাব পাৰে।

লগতে পঢ়ক: ‘আছিম মুনীৰে ট্ৰাম্পৰ গোলামী কৰি আছে’; পাকিস্তানৰ দুমুখীয়া চৰিত্ৰক লৈ ক্ষোভ ইৰাণৰ

ড’নাল্ড ট্ৰাম্পে ইৰাণক হৰমুজ প্ৰণালীত যুদ্ধবিৰতি উলংঘা কৰাৰ অভিযোগ উত্থাপন কৰি কঠোৰ সতৰ্কবাণী জাৰি কৰিছে । ইছলামাবাদত দ্বিতীয় ৰাউণ্ডৰ আলোচনাৰ পূৰ্বে তেওঁ কয় যে যদি ইৰাণে চুক্তিখন মানি নচলিলে আক্ৰমণ ভয়ংকৰ হ’ব।

পাকিস্তানৰ ৰাজধানী ইছলামাবাদত দ্বিতীয় বাৰৰ যুদ্ধবিৰতি আলোচনা আৰম্ভ হোৱাৰ পূৰ্বে আমেৰিকাৰ ৰাষ্ট্ৰপতি ড’নাল্ড ট্ৰাম্পে ইৰাণক সতৰ্কবাণী জাৰি কৰিছে।  তেওঁ কয় যে যদি ইৰাণে প্ৰস্তাৱিত চুক্তিখন নাকচ কৰে, তেন্তে আমেৰিকাই তেওঁলোকৰ দলং আৰু বিদ্যুৎ কেন্দ্ৰত আক্ৰমণ কৰিব।ট্ৰাম্পে তেওঁৰ ছ’চিয়েল মিডিয়া প্লেটফৰ্ম ট্ৰুথ ছ’চিয়েলত এটা দীঘলীয়া পোষ্টত ইৰাণে হৰমুজ প্ৰণালীত যুদ্ধবিৰতি উলংঘা কৰাৰ অভিযোগ উত্থাপন হৈছিল।

পোষ্টটোত প্ৰধানমন্ত্ৰী গৰাকীয়ে লিখিছে যে, ইৰানে কালি হৰমুজ প্ৰণালীত গুলীচালনা কৰে,এয়া আমাৰ যুদ্ধবিৰতি চুক্তিৰ সম্পূৰ্ণ উলংঘা। ফ্ৰান্সৰ এখন জাহাজ আৰু যুক্তৰাজ্যৰ পৰা অহা এখন মালবাহী জাহাজলৈ গুলীচালনা কৰে। ইৰাণৰ এই কাৰ্যই নিজৰে বিৰোধ কৰিছে আৰু ইয়াৰ ফলত আমেৰিকাৰ নেতৃত্বত চলা অৱৰোধ আৰু অধিক শক্তিশালী হৈছে।

তেওঁ কৈছে যে, তেওঁলোকে নজনাকৈয়ে আমাৰ সহায় কৰি আছে আৰু হৰমুজ বন্ধ হোৱাৰ বাবে তেওঁলোকৰেই দৈনিক প্ৰায় ৫০ কোটি ডলাৰৰ লোকচানৰ সন্মুখীন হৈছে। তেওঁ সকীয়াই দিয়ে যে যদি ইৰাণে ন্যায়সংগত আৰু উচিত চুক্তি গ্ৰহণ নকৰে তেন্তে আমেৰিকাই বৃহৎ পৰিসৰৰ সামৰিক কাৰ্য্যসূচী আৰম্ভ কৰিব।

ট্ৰাম্পে আৰু লিখিছে, আমি অতি ন্যায্যসংগত আৰু উচিত চুক্তি আগবঢ়াইছো আৰু আশা কৰা হৈছে যে তেওঁলোকে গ্ৰহণ কৰিব। যদি তেওঁলোকে তেনে নকৰে তেন্তে আমেৰিকাই ইৰাণৰ প্ৰতিটো বিদ্যুৎ কেন্দ্ৰ আৰু প্ৰতিখন দলং ধ্বংস কৰিব। এতিয়া আৰু মৰম দেখুওৱা নহ’ব। যদি তেওঁলোকে চুক্তি নকৰে তেনেহলে যি কৰিব লাগে মোৰ বাবে সেয়া কৰাটো এক সন্মানৰ কথা হ’ব।

লগতে পঢ়ক: “যদি আমি পাৰ হ’ব নোৱাৰো, তেন্তে আনৰ বাবে হৰমুজ পাৰ হোৱাটো অসম্ভৱ”; ট্ৰাম্পক ধমকি ইৰাণৰ

আমেৰিকাৰ ৰাষ্ট্ৰপতি ড’নাল্ড ট্ৰাম্পে ইৰাণৰ সৈতে দ্বিতীয়বাৰৰ বাবে শান্তি আলোচনা সন্দৰ্ভত এটা ডাঙৰ ইংগিত দিছে। চুক্তিৰ বাবে তেওঁ পাকিস্তানলৈ যাবলৈ সাজু আছে।

মধ্যপ্ৰাচ্যত চলি থকা উত্তেজনাৰ মাজতে এতিয়া কূটনৈতিক প্ৰচেষ্টা তীব্ৰতৰ হোৱা যেন অনুভৱ হৈছে।আমেৰিকাৰ ৰাষ্ট্ৰপতি ড’নাল্ড ট্ৰাম্পে স্পষ্ট ইংগিত দিছে যে ইৰাণৰ সৈতে শান্তি চুক্তি এতিয়া আৰু দূৰত নহয়।তেওঁ কয় যে যদি ইছলামাবাদত চুক্তি স্বাক্ষৰিত হয়, তেন্তে তেওঁ নিজেই পাকিস্তান ভ্ৰমণ কৰিবলৈ সাজু আছে।আমেৰিকা আৰু ইৰাণৰ মাজত দ্বিতীয়বাৰৰ আলোচনাৰ প্ৰস্তুতি অব্যাহত থকাৰ সময়তে ট্ৰাম্পে এই মন্তব্য কৰিছে।

হোয়াইট হাউছৰ পৰা ওলাই যোৱাৰ সময়ত ট্ৰাম্পে কয় যে আলোচনা “অতি ভালদৰে” আগবাঢ়িছে আৰু ইৰাণে প্ৰায় সকলো মূল বিষয়তে একমত হৈছে। তেওঁৰ প্ৰধান লক্ষ্য হৈছে ইৰাণৰ পাৰমাণৱিক কাৰ্যসূচী ধ্বংস কৰা।ট্ৰাম্পে দাবী কৰে যে ইৰাণে কেৱল পাৰমাণৱিক অস্ত্ৰ নিৰ্মাণৰ পৰাহে বিৰত থাকিব, বৰঞ্চ তেওঁ সমৃদ্ধ ইউৰেনিয়াম গতাই দিবলৈও ইচ্ছুক,যিটো বিষয়ক লৈ দীৰ্ঘদিন ধৰি বিবাদ চলি আছে।অৱশ্যে এই দাবীৰ কোনো স্বতন্ত্ৰ নিশ্চয়তা এতিয়াও পোহৰলৈ অহা নাই।

পাকিস্তানৰ মধ্যস্থতাক প্ৰশংসা কৰি ট্ৰাম্পে কয় যে তাত থকা সামৰিক নেতৃত্বই আলোচনাপন্থী বিষয়াসকলৰ সৈতে “অতি ভাল কাম” কৰি আছে।ইছলামবাদত প্ৰথম বাৰৰ আলোচনাৰ সামৰণি পৰাৰ লগে লগে শান্তি প্ৰতিষ্ঠাৰ এক পদক্ষেপ আৰম্ভ হৈছে।দ্বিতীয় বাৰৰ বাবে এতিয়া প্ৰস্তুতি চলি আছে।অৱশ্যে এই বৈঠকৰ দিন এতিয়াও চূড়ান্ত হোৱা নাই।

লগতে পঢ়ক: “ইজৰাইল আৰু লেবাননৰ মাজত ১০ দিনৰ যুদ্ধবিৰতি”; ড’নাল্ড ট্ৰাম্পৰ ডাঙৰ ঘোষণা

আমেৰিকা আৰু ইৰাণৰ মাজত ক্ৰমাৎ উত্তেজনা বৃদ্ধি পোৱাৰ মাজতে ড’নাল্ড ট্ৰাম্পে হৰমুজ প্ৰণালীত অহা-যোৱা কৰা জাহাজ অৱৰোধৰ কথা ঘোষণা কৰিছে।

ইছলামবাদত ইৰাণৰ সৈতে শান্তি আলোচনা আধৰুৱা হোৱাৰ পিছত ড’নাল্ড ট্ৰাম্পে এক বৃহৎ ঘোষণা কৰি কয় যে, অতি সোনকালে আমেৰিকাই হৰমুজ প্ৰণালীত প্ৰৱেশ আৰু প্ৰস্থান কৰা জাহাজৰ ওপৰত অৱৰোধ আৰম্ভ কৰিব।তেওঁৰ এই বক্তব্যই অঞ্চলটোত উত্তেজনা আৰু অধিক বৃদ্ধি কৰাৰ সম্ভাৱনা আছে।

ট্ৰাম্পে কয় যে, আমেৰিকাৰ নৌসেনাই তাৎক্ষণিকভাৱে কাৰ্যকৰী হোৱাকৈ হৰমুজ প্ৰণালীত প্ৰৱেশ বা প্ৰস্থান কৰা সকলো জাহাজক নিষেধাজ্ঞা আৰোপ কৰাৰ প্ৰক্ৰিয়া আৰম্ভ কৰিব। তেওঁ কয়-মই মোৰ নৌসেনাকো নিৰ্দেশ দিছো যে তেওঁলোকে আন্তঃৰাষ্ট্ৰীয় জলসীমাত ইৰাণক টোল দিয়া প্ৰতিখন জাহাজক বিচাৰি উলিয়াব লাগে আৰু বাধা দিব লাগে।

তেওঁ অভিযোগ উত্থাপন কৰে যে, ইৰাণ এই গুৰুত্বপূৰ্ণ সামুদ্ৰিক পথটো মুকলি কৰি ৰখাৰ আশ্বাস ৰক্ষা কৰাত ব্যৰ্থ হৈছে। ট্ৰাম্পৰ মতে, সাগৰত নৌসেনাৰ খনিৰ আশংকাৰ বাবে ইতিমধ্যে জাহাজৰ যাতায়ত ব্যাহত হৈ পৰিছে।

লগতে পঢ়ক: ইৰাণ-আমেৰিকাৰ শান্তি আলোচনাত ব্যৰ্থ; আন্তঃৰাষ্ট্ৰীয় অপমানৰ সন্মুখীন পাকিস্তান

শনিবাৰে ইছলামবাগত অনুষ্ঠিত হ’বলগীয়া আমেৰিকা-ইৰাণৰ আলোচনা সন্দৰ্ভত ৰাষ্ট্ৰপতি ট্ৰাম্পে কঠোৰ স্থিতি গ্ৰহণ কৰিছে ।

শনিবাৰে ইছলামবাদত অনুষ্ঠিত হ’বলগীয়া আমেৰিকা আৰু ইৰাণৰ মাজৰ ঐতিহাসিক আলোচনাৰ পূৰ্বে ৰাষ্ট্ৰপতি ড’নাল্ড ট্ৰাম্পে কঠোৰ স্থিতি গ্ৰহণ কৰিছে।ট্ৰাম্পে স্পষ্টভাৱে উল্লেখ কৰিছিল যে তেওঁ কোনো মূল্যৰ বিনিময়ত হৰমুজ প্ৰণালী বন্ধ কৰিবলৈ নিদিয়ে।

ইয়াক আন্তঃৰাষ্ট্ৰীয় জলসীমা বুলি অভিহিত কৰি তেওঁ সকীয়াই দিয়ে যে তাত কোনো ধৰণৰ স্বেচ্ছাচাৰী আচৰণ সহ্য কৰা নহ’ব। তেওঁ জোৰ দি কয় যে ইৰাণে সামৰিকভাৱে যুদ্ধত পৰাস্ত হৈছে, আৰু এতিয়া আমাৰ উদ্দেশ্য হৈছে এই সামুদ্ৰিক পথটো সম্পূৰ্ণৰূপে মুকলি কৰা।

ভৱিষ্যতৰ আলোচনাৰ প্ৰশ্ন সন্দৰ্ভত ট্ৰাম্পে এক ছাচপেন্স জীয়াই ৰাখিছে।পূৰ্বৰ আমেৰিকা চৰকাৰসমূহক লক্ষ্য কৰি তেওঁ কয় ৪৭ বছৰ ধৰি তেওঁলোকে কথা পতাৰ বাহিৰে একোৱেই কৰা নাছিল।ট্ৰাম্পে কয় যে, কাইলৈৰ বৈঠকতেই ইয়াৰ পিছত কি হ’ব সেই কথা নিৰ্ধাৰণ কৰিব।অৱশ্যে ট্ৰাম্পে এইটো স্পষ্ট কৰা নাই যে,এইখন শেষ বৈঠক হ’ব নে আৰু বৈঠক হ’ব। তেওঁ কেৱল কৈছিল যে, “কাইলৈ ​​আমি চাব লাগিব যে ইয়াৰ ফলাফল কি হ’ব।”

লগতে পঢ়ক: “আলোচনা তেতিয়াহে হ’ব যেতিয়া…”; ইছলামাবাদত আলোচনাৰ পূৰ্বে আমেৰিকাক  চৰ্ত ইৰাণৰ