বিগত এসপ্তাহৰ ভিতৰত চীনত আঘাত হনা এইটো দ্বিতীয়টো ডাঙৰ টাইফুন

প্ৰকৃতিৰ ৰুদ্ৰ ৰূপ! পূব চীনৰ ঝেজিয়াং প্ৰদেশৰ উপকূলীয় অঞ্চলত চলিত বৰ্ষৰ নৱমটো শক্তিপালী সামুদ্ৰিক ধুমুহা টাইফুন বাভীয়ে তাণ্ডৱ চলাইছে । শনিবাৰে নিশা প্ৰায় ১১:২০ বজাত ধুমুহাই স্থলভাগত অৱতৰণ কৰাৰ পিছৰে পৰা সমগ্ৰ অঞ্চলটোত হাই এলাৰ্ট জাৰি কৰা হৈছে । ঝেজিয়াং প্ৰাদেশিক বতৰ বিজ্ঞান পৰ্যৱেক্ষণাগাৰৰ উদ্ধৃতি দি সংবাদ প্ৰতিষ্ঠান ঝিনহুয়াই এই জৰুৰী খবৰ প্ৰকাশ কৰিছে ।

বিগত এসপ্তাহৰ ভিতৰত চীনত আঘাত হনা এইটো দ্বিতীয়টো ডাঙৰ টাইফুন । ইয়াৰ পূৰ্বে যোৱা সপ্তাহত ক্ৰান্তীয় ধুমুহা ‘মায়ছাক’-এ দক্ষিণ চীনত বিস্তৰ ক্ষতিসাধন কৰিছিল ।

১৭ লাখ লোকক সুৰক্ষিত স্থানলৈ স্থানান্তৰ

টাইফুন বাভিৰ ভয়াবহতাৰ প্ৰতি লক্ষ্য ৰাখি চীনা কৰ্তৃপক্ষই যুদ্ধকালীন তৎপৰতাৰে কাম আৰম্ভ কৰিছে । পূব চীনৰ আশংকাজনক অঞ্চলসমূহৰ পৰা ইতিমধ্যে ১৭ লাখতকেয় অধিক লোকক নিৰাপদ স্থানলৈ স্থানান্তৰ কৰা হৈছে । বতৰ বিজ্ঞান কেন্দ্ৰৰ মতে, ধুমুহাটোৰ কেন্দ্ৰবিন্দুৰ ওচৰত বতাহৰ সৰ্বাধিক গতিবেগ আছিল ঘণ্টাত ১৪৪ কিলোমিটাৰ (৮৯ মাইল) ।

বিমান আৰু ৰেল সেৱা ব্যাহত

পৰিস্থিতি নিয়ন্ত্ৰণৰ বাবে চৰকাৰে কেইবাটাও গুৰুত্বপূৰ্ণ পদক্ষেপ গ্ৰহণ কৰিছে । শ শ বিমান যাত্ৰা বাতিল কৰা হৈছে । হাই-স্পীড ৰেল সেৱা যথেষ্ট পৰিমাণে হ্ৰাস কৰা হৈছে । কেইবাখনো প্ৰদেশৰ শিক্ষানুষ্ঠান আৰু ফেৰী সেৱা সম্পূৰ্ণৰূপে বন্ধ ঘোষণা কৰা হৈছে ।

বাভীৰ গতিপথ আৰু বৰ্তমানৰ স্থিতি

ঝেজিয়াঙৰ উপকূলত অৱতৰণ কৰাৰ পিছত এই ধুমুহা উত্তৰ-পশ্চিম দিশলৈ গতি কৰাৰ সম্ভাৱনা আছে । যদিও ই লাহে লাহে দুৰ্বল হৈ পৰিব বুলি আশা কৰা হৈছে, তথাপিও ইয়াৰ বৰষুণৰ বলয়ত থকা প্ৰচুৰ পৰিমাণৰ জলীয় বাষ্পৰ বাবে বানপানী আৰু ভূমিস্খলনৰ তীব্ৰ আশংকা কৰা হৈছে । চীনৰ ৰাষ্ট্ৰীয় বতৰ বিজ্ঞান সংস্থাই ইতিমধ্যে দ্বিতীয় সৰ্বোচ্চ স্তৰৰ ‘অৰেঞ্জ টাইফুন এলাৰ্ট’ জাৰি কৰিছে ।

ফুজিয়ান প্ৰদেশৰ নিংদে চহৰৰ উচ্চ বিপদাশংকা থকা উপকূলীয় অঞ্চলৰ পৰা ৩,৭০০ তকৈও অধিক লোকক আঁতৰাই নিয়া হৈছে । লগতে ১৭,০০০ তকৈও অধিক জৰুৰীকালীন উদ্ধাৰকাৰী কৰ্মীক সাজু কৰি ৰখা হৈছে ।

ফিলিপাইনছ আৰু টাইৱানতো হাহাকাৰ

কেৱল চীনেই নহয়, বাভিৰ প্ৰভাৱত সমগ্ৰ এছিয়া মহাদেশৰে কেইবাখনো দেশ জোকাৰি গৈছে । ফিলিপাইনছত ধুমুহাৰ ফলত সক্ৰিয় হৈ পৰা দক্ষিণ-পশ্চিম মৌচুমী বায়ু আৰু বাভীৰ প্ৰভাৱত হোৱা ধাৰাসাৰ বৰষুণৰ বাবে ভূমিস্খলন ঘটি অন্ততঃ ১৭ জন লোকৰ মৃত্যু হৈছে । এই ধুমুহাই জাপানৰ দক্ষিণৰ দ্বীপপুঞ্জ আৰু টাইৱানতো তীব্ৰ বতাহ-বৰষুণৰ সৃষ্টি কৰিছে, যাৰ ফলত এশতকৈও অধিক লোক আহত হৈছে ।

বতৰ বিজ্ঞানীসকলৰ মতে, গোলকীয় উষ্ণতা বৃদ্ধি আৰু সাগৰৰ পানী গৰম হোৱাৰ বাবেই এইদৰে এটাৰ পিছত আনটোকৈ শক্তিশালী সামুদ্ৰিক ধুমুহাই সংহাৰী ৰূপ ধাৰণ কৰিবলৈ লৈছে ।

লগতে পঢ়ক : ভয়াৱহ বনজুইত হাহাকাৰ পৰিস্থিতি, ১১ জনৰ মৃত্যু, সন্ধানহীন ১৯

চীনৰ ৰাষ্ট্ৰপতি ঝি জিনপিংৰ সৈতে এক উচ্চ পৰ্যায়ৰ সন্মিলনত অংশগ্ৰহণৰ উদ্দেশ্যে তেওঁ এই ভ্ৰমণসূচী হাতত লৈছে

মাৰ্কিন ৰাষ্ট্ৰপতি ডনাল্ড ট্ৰাম্প বুধবাৰে চীনত উপস্থিত হয় । চীনৰ ৰাষ্ট্ৰপতি ঝি জিনপিংৰ সৈতে এক উচ্চ পৰ্যায়ৰ সন্মিলনত অংশগ্ৰহণৰ উদ্দেশ্যে তেওঁ এই ভ্ৰমণসূচী হাতত লৈছে । ২০১৭ চনৰ পিছত মাৰ্কিন ৰাষ্ট্ৰপতি হিচাপে এয়া ট্ৰাম্পৰ প্ৰথম চীন ভ্ৰমণ ।

ভব্য আদৰণি-

ৰাষ্ট্ৰপতি ট্ৰাম্প বেইজিঙত উপস্থিত হোৱাৰ লগে লগে চীনৰ উপ-ৰাষ্ট্ৰপতি হান ঝেঙে তেওঁক উষ্ম আদৰণি জনায় । এই সময়ত চীনত নিযুক্ত আমেৰিকাৰ ৰাষ্ট্ৰদূত ডেভিদ পাৰ্ডুৰ লগতে চৰকাৰী উচ্চপদস্থ বিষয়াসকল উপস্থিত থাকে । যোৱা অক্টোবৰত বুছানত অনুষ্ঠিত হোৱা বৈঠকৰ পিছত এইবাৰেই প্ৰথমবাৰৰ বাবে দুই বিশ্ব নেতা মুখামুখিকৈ মিলিত হ’ব ।

কৌশলগত আলোচনাৰ প্ৰস্তুতি-

চীনৰ বৈদেশিক মন্ত্ৰালয়ৰ মুখপাত্ৰ গুঅ’ জিয়াকুনে এক সংবাদ মেলত জানিবলৈ দিয়ে যে এই ভ্ৰমণকালত দুই ৰাষ্ট্ৰপ্ৰধানে চীন-আমেৰিকা সম্পৰ্কৰ লগতে বিশ্ব শান্তি আৰু উন্নয়নৰ গুৰুত্বপূৰ্ণ বিষয়সমূহৰ ওপৰত বিস্তৃত আলোচনা কৰিব । জিয়াকুনৰ মতে, “ৰাষ্ট্ৰপ্ৰধানসকলৰ কূটনৈতিক আলোচনা চীন-আমেৰিকা সম্পৰ্কৰ বাবে অপৰিহাৰ্য । আমি এক সুস্থিৰ বিশ্বৰ স্বাৰ্থত সমতা আৰু পাৰস্পৰিক সন্মানৰ মাজেৰে কাম কৰিবলৈ সাজু ।”

চীনৰ ‘চাৰিটা ৰঙা ৰেখা’-

ট্ৰাম্পৰ এই ভ্ৰমণৰ মাজতে আমেৰিকা যুক্তৰাষ্ট্ৰত থকা চীনৰ দূতাবাসে এক গুৰুত্বপূৰ্ণ স্থিতি স্পষ্ট কৰিছে । সামাজিক মাধ্যম ‘এক্স’ (X) যোগে দূতাবাসে জানিবলৈ দিয়ে যে চীন-আমেৰিকা সম্পৰ্কত এনে চাৰিটা স্পৰ্শকাতৰ বিষয় আছে যিবোৰক চীনে “চাৰিটা ৰঙা ৰেখা” (Four Red Lines) বুলি গণ্য কৰে । এই ৰেখা কেইটা হ’ল : ১/ টাইৱান প্ৰশ্ন ২/ গণতন্ত্ৰ আৰু মানৱাধিকাৰ ৩/ পথ আৰু ৰাজনৈতিক ব্যৱস্থা ৪/ চীনৰ উন্নয়নৰ অধিকাৰ ।

দূতাবাসে স্পষ্ট কৰি দিছে যে ১৩ মে’ৰ পৰা ১৫ মে’লৈ চলিবলগীয়া এই ভ্ৰমণকালত এই চাৰিটা বিশেষ বিষয়ত কোনো ধৰণৰ প্ৰত্যাহ্বান গ্ৰহণযোগ্য নহ’ব । এই ভ্ৰমণে বৰ্তমানৰ অস্থিৰ গোলকীয় ৰাজনীতিত কিদৰে স্থিৰতা আনে, তাৰ ওপৰত এতিয়া বিশ্ববাসীৰ চকু নিৱদ্ধ হৈছে ।

লগতে পঢ়ক : ভুল কৰিলেই পুনৰ আৰম্ভ হ’ব আক্ৰমণঃ ইৰাণক ট্ৰাম্পৰ কঠোৰ সকীয়নি