আমেৰিকাই ইৰাণৰ নতুন সৰ্বোচ্চ নেতা মুজতাবা খেমেইনী আৰু আন জ্যেষ্ঠ বিষয়াসকলৰ বিৰুদ্ধে পুৰস্কাৰ ঘোষণা কৰিছে। এই পদক্ষেপৰ অধীনত ৯২ কোটিৰো অধিক পুৰস্কাৰ আগবঢ়োৱা হৈছে।

ইজৰাইল আৰু আমেৰিকাই যৌথভাৱে ইৰাণৰ বিৰুদ্ধে নিৰন্তৰ আক্ৰমণ চলাই আছে। ইফালে আমেৰিকাই ইৰাণৰ নতুন উচ্চতম নেতা মোজতাবা খামেনেই আৰু ইৰাণৰ অন্যান্য জ্যেষ্ঠ বিষয়াৰ বিৰুদ্ধে পুৰস্কাৰৰ কথা ঘোষণা কৰিছে।

আমেৰিকাই ইৰাণৰ নতুন সৰ্বোচ্চ নেতা মুজতাবা খেমেইনী আৰু আৰু ইছলামিক ৰিভল্যুচনেৰী গাৰ্ড কৰ্পছ (আই আৰ জি চি)ৰ সৈতে জড়িত আন কেইবাজনো জ্যেষ্ঠ বিষয়াৰ অৱস্থিতিৰ সন্দৰ্ভত তথ্য প্ৰদান কৰিলে ১০ মিনিয়ন ডলাৰ পৰ্যন্ত পুৰস্কাৰ ঘোষণা কৰা হৈছে।১ কোটি ডলাৰ—অৰ্থাৎ ৯২ কোটি ৪৭ লাখ ৪৮ হাজাৰ টকা।

শুকুৰবাৰে আমেৰিকাৰ বিদেশ মন্ত্ৰালয়ৰ ‘ৰিৱাৰ্ডছ ফৰ জাষ্টিছ’ কাৰ্যসূচীৰ জৰিয়তে ৰাজহুৱা কৰা হৈছে, যিটো কূটনৈতিক নিৰাপত্তা সেৱাই পৰিচালনা কৰে।

ইৰাণৰ খাৰ্গ দ্বীপত আমেৰিকাই আটাইতকৈ শক্তিশালী বিমান আক্ৰমণ কৰিছে। এই আক্ৰমণৰ ফলত তাত থকা সকলো সামৰিক ঘাটি ধ্বংস হয়। আমেৰিকাৰ ৰাষ্ট্ৰপতি ড’নাল্ড ট্ৰাম্পে এই খবৰ দিছে।

আমেৰিকাৰ  ৰাষ্ট্ৰপতি ড’নাল্ড ট্ৰাম্পে দাবী কৰিছে যে আমেৰিকাৰ সেনাই ইৰাণৰ গুৰুত্বপূৰ্ণ খাৰ্গ দ্বীপত আটাইতকৈ শক্তিশালী বিমান আক্ৰমণ সংঘটিত কৰিছে।

তেওঁ স্পষ্ট কৰি দিয়ে যে এই আক্ৰমণত ইৰাণৰ সামৰিক ঘাটি সম্পূৰ্ণৰূপে ধ্বংস কৰা হৈছে।লগতে সকীয়নী দিছে যে, পৰৱৰ্তী লক্ষ্য তাত থকা তেলৰ আন্তঃগাঁথনিও হ’ব পাৰে। পাৰ্চী উপসাগৰত অৱস্থিত এই সৰু দ্বীপটোৱেই হৈছে ইৰাণৰ তেল ৰপ্তানিৰ মূল পথ।

ট্ৰাম্পে ফ্ল’ৰিডা ভ্ৰমণৰ বাবে প্ৰস্তুতি চলোৱাৰ সময়ত ছ’চিয়েল মিডিয়া পোষ্টত এই বৃহৎ আক্ৰমণৰ কথা উল্লেখ কৰে।

ট্ৰাম্পে লিখিছে যে, বৰ্তমান মোৰ নিৰ্দেশত আমেৰিকাৰ সেনা বাহিনীয়ে মধ্যপ্ৰাচ্যৰ ইতিহাসৰ অন্যতম শক্তিশালী বিমান আক্ৰমণ সংঘটিত কৰে আৰু ইৰাণৰ খাৰ্গ দ্বীপত থকা সকলো সামৰিক লক্ষ্য সম্পূৰ্ণৰূপে ধ্বংস হৈ গ’ল। তেওঁ লগতে কয় যে,মই সিদ্ধান্ত লৈছিলো যে দ্বীপটোৰ তেলৰ আন্তঃগাঁথনি ধ্বংস নকৰো।

ইৰাণৰ উত্তৰ পাৰ্চী উপসাগৰত অৱস্থিত খাৰ্গ দ্বীপৰ পৰাই প্ৰায় ৯০% খাৰুৱা তেল ৰপ্তানি হয়।ই হৰমুজ জলদ্বীপৰ পৰা প্ৰায় ৪৮৩ কিলোমিটাৰ উত্তৰ-পশ্চিমে অৱস্থিত আৰু ই মূল ভূখণ্ডৰ পৰা প্ৰায় ২৪ কিলোমিটাৰ দূৰত।ইয়াত প্ৰতিদিনে প্ৰায় ৭০ লাখ বেৰেল তেল ভৰোৱাৰ ক্ষমতা আছে।

লগতে পঢ়ক: ভাৰত আমাৰ বন্ধুঃ হৰমুজ প্ৰণালীক লৈ ইৰানে দিলে ডাঙৰ সংকেত

দায়িত্ব গ্ৰহণ কৰাৰ পিছত প্ৰথমবাৰলৈ দেশবাসীক সম্বোধন কৰে ইৰাণৰ সৰ্বোচ্চ নেতা মুজতাবা খেমেইনীয়ে। তেওঁ কয় যে-প্ৰতিজন শ্বহীদৰ প্ৰতিশোধ লোৱা হ’ব।

ইৰাণৰ সৰ্বোচ্চ নেতা আয়াতুল্লাহ মুজতাবা খেমেইনীয়ে দায়িত্ব লোৱাৰ পিছত প্ৰথমবাৰলৈ দেশবাসীক সম্বোধন কৰে। মুজতাবা খেমেইনীয়ে কয় যে, যুদ্ধ বন্ধ নোহোৱালৈকে হৰমুজ প্ৰণালী বন্ধ থাকিব আৰু সেনাই ইয়াৰ সম্পূৰ্ণ ব্যৱহাৰ কৰিব লাগে।

যাৰ বাবে বিশ্বৰ তেল বজাৰত যে তেল সংকট অব্যাহত থাকিব সেয়া স্পষ্ট হৈ পৰিছে। মুজতাবা খেমেইনীয়ে কয় যে মধ্যপ্ৰাচ্যত থকা আমেৰিকাৰ সেনাৰ সকলো ঘাটি খালী কৰিব লাগে।যেতিয়ালৈকে সেয়া নহয় তেতিয়ালৈকে আমি আক্ৰমণ কৰি যাম।

ইৰাণৰ সৰ্বোচ্চ নেতা গৰাকীয়ে মিনাব স্কুল আক্ৰমণৰ “শ্বহীদ”ৰ প্ৰতিশোধ লোৱাৰ প্ৰতিশ্ৰুতি দিয়ে।তেওঁ কয়  সকলো শ্বহীদৰ প্ৰতিশোধ নিশ্চিতভাৱে লোৱা হ’ব। প্ৰতিশোধ সম্পূৰ্ণৰূপে লাভ নকৰালৈকে যুদ্ধ চলি থাকিব।

তেওঁ কয় যে, ইৰাণে নিজৰ শত্ৰু আমেৰিকাৰ পৰা “ক্ষতিপূৰণ আদায়” কৰিব।যদি আমেৰিকাই ইয়াক নাকচ কৰে, তেন্তে ইৰাণে তেওঁলোকৰ সম্পত্তি জব্দ কৰিব বা একে পৰিমাণে ধ্বংস কৰিব।

মুজতাবা খেমেইনীয়ে কয় যে, শান্তি সেই সকল লোকৰ বাবে হে থাকিব,যিসকলে ইৰাণ আৰু ইয়াৰ জনসাধাৰণৰ মংগল বিচাৰে।মই সকলোকে কৃতজ্ঞতা জ্ঞাপন কৰিব বিচাৰিছো।মহান খেমেইনী আৰু শ্বহীদ খেমেইনী এই দুজন মহানেতাৰ সিংহাসনত প্ৰণাম কৰাটো মোৰ বাবে কঠিন।

শ্বহীদ সকল এতিয়া সকলোতকৈ ভাল স্থানত আছে আৰু তেওঁলোকে ফল পাব। আমাৰ নেতাৰ মৃত্যুৱে সদায় এইটো দেখুৱাইছে যে তেওঁ সদায় সঁচা কথা কৈছিল।তেওঁৰ চৰিত্ৰ মহান আছিল। দায়িত্ব বহুত ডাঙৰ আৰু আমি আল্লাহৰ পৰা শক্তি বিচাৰিছো।নেতা আৰু জনসাধাৰণৰ সম্পৰ্ক সদায় থাকে।ইৰাণৰ জনসাধাৰণে বিশ্বক দেখুৱাইছে যে আমি মহান মানুহ।আল্লাহে আমাক সমৰ্থন কৰিছে, আমি পবিত্ৰ কোৰানৰ সহায় লব বিচাৰো।

লগতে পঢ়ক: হৰমুজ প্ৰণালী পাৰ কৰি ভাৰতত প্ৰৱেশ কৰিলে প্ৰথমখন তেল টেংকাৰ…

মধ্যপ্ৰাচ্যত চলি থকা যুদ্ধৰ মাজতে হৰমুজ প্ৰণালী পাৰ হৈ মুম্বাইত উপস্থিত হৈছে এখন ভাৰতীয় তেল টেংকাৰ। যি সময়ত কোনো জাহাজে হৰমুজ প্ৰণালীৰ মাজেৰে পাৰ হ’ব পৰা নাই, সেই সময়ত ভাৰতীয় তেল টেংকাৰখনৰ নিৰাপদ যাত্ৰাক এক বৃহৎ সফলতা বুলি বিবেচিত হৈছে।

ইৰাণৰ ওপৰত ইজৰাইল আৰু আমেৰিকাৰ আক্ৰমণৰ মাজত প্ৰকৃত যুদ্ধক্ষেত্ৰত পৰিণত হৈছে হৰমুজ প্ৰণালী।বিশ্বজুৰি তেল বাণিজ্যৰ বাবে হৰমুজ প্ৰণালী এক গুৰুত্বপূৰ্ণ সাগৰীয় পথ, যিটো ইতিমধ্যে ইৰাণে বন্ধ কৰি দিছে।হৰমুজ প্ৰণালী বন্ধ হোৱাৰ বাবে মধ্যপ্ৰাচ্যৰ পৰা অহা তেল বিশ্বৰ তেলৰ বজাৰত প্ৰৱেশ কৰিব নোৱাৰাৰ ফলত তেলৰ মূল্য আকাশলংঘী হৈছে।

য’ত অন্য দেশৰ তেল টেংকাৰে হৰমুজ প্ৰণালী পাৰ হ’ব পৰা নাই একে সময়তে ভাৰতে এক উল্লেখযোগ্য সফলতা লাভ কৰিছে।যুদ্ধৰ মাজতে নিৰাপদে মুম্বাইত উপস্থিত হৈছে এখন ভাৰতীয় তেল টেংকাৰ।

মুম্বাই প’ৰ্ট ট্ৰাষ্টে জনোৱা মতে, বুধবাৰে টেংকাৰখন মুম্বাই বন্দৰত উপস্থিত হয়। জাহাজখনে হৰমুজ প্ৰণালী নিৰাপদে পাৰ হোৱাটো অত্যন্ত বিপজ্জনক আছিল কিন্তু ভাৰতীয় অধিনায়কৰ বুদ্ধিমত্তাৰ বাবে টেংকাৰখন হৰমুজ প্ৰণালী পাৰ হৈ আহিলে।

হৰমুজ প্ৰণালীৰ বিপদজনক অঞ্চলৰ মাজেৰে পাৰ হৈ অহাৰ সময়ত জাহাজখনে কিছু সময়ৰ বাবে নিজৰ ট্ৰেকিং ব্যৱস্থাটো বন্ধ কৰি ‘ডাৰ্ক মোড’ত প্ৰৱেশ কৰে। জাহাজখনে ১,৩৫,৩৩৫ মেট্ৰিক টন খাৰুৱা তেল কঢ়িয়াই আনিছে, ইয়াৰ আনলোডিং আৰম্ভ হৈছে আৰু ইয়াক মুম্বাই শোধনাগাৰলৈ লৈ যোৱা হ’ব।

লগতে পঢ়ক: সকাহ… ইৰানে ভাৰতৰ বাবে খুলিলে হৰমুজৰ পথ

সোমবাৰে নিশা এখন সংবাদমেল যোগে ট্ৰাম্পে কেইবাটাও গুৰুত্বপূৰ্ণ বক্তব্য আগবঢ়ায়।তেওঁ ক’লে যে আমি অতি সোনকালে যুদ্ধ শেষ কৰিম। এই মন্তব্যক লৈ এতিয়া ইৰাণৰ প্ৰতিক্ৰিয়া আহিছে।

আমেৰিকাৰ ৰাষ্ট্ৰপতি ড’নাল্ড ট্ৰাম্পে ইৰাণৰ সৈতে চলি থকা যুদ্ধ শীঘ্ৰে শেষ হ’ব পাৰে বুলি মন্তব্য কৰিছে। কিন্তু এতিয়া ইৰাণে ট্ৰাম্পৰ মন্তব্যৰ প্ৰত্যুত্তৰ দিছে। ইৰাণৰ ৰিভল্যুচনেৰী গাৰ্ডে কয় যে যুদ্ধ কেতিয়া শেষ হ’ব সেই সিদ্ধান্ত আমি কৰিম, আমেৰিকাই নহয়।

সোমবাৰে পুৱা ৩ বজাত ট্ৰাম্পে (ভাৰতীয় সময় অনুসৰি) ফ্ল’ৰিডাৰ নিজৰ ড’ৰাল নেশ্যনেল গ’ল্ফ ক্লাবত এখন সংবাদমেল অনুষ্ঠিত কৰে। সাংবাদিকৰ সৈতে কথা পাতি তেওঁ কয়, “মই ভাবো সোনকালে।অতি সোনকালে।” লগতে তেওঁ কয়-যদিহে পুনৰ যুদ্ধ আৰম্ভ হয় তেন্তে ইৰাণৰ ওপৰত আক্ৰমণ আৰু তীব্ৰ হ’ব। ট্ৰাম্পে দাবী কৰে যে আমেৰিকা আৰু ইজৰাইলৰ আক্ৰমণৰ জৰিয়তে তেওঁৰ লক্ষ্য লাভ কৰিছে।কিন্তু যুদ্ধ কেতিয়া শেষ হ’ব সেই বিষয়ে তেওঁ স্পষ্ট সময়সীমা নিদিলে।

ট্ৰাম্পৰ এই মন্তব্যৰ পিছত ইৰাণৰ হৈ আই আৰ জি চিয়ে এক বিবৃতিত কয় যে, “যুদ্ধ কেতিয়া শেষ হ’ব সেই সিদ্ধান্ত আমি কৰিম। অঞ্চলটোৰ সমীকৰণ আৰু ভৱিষ্যত এতিয়া আমাৰ সশস্ত্ৰ বাহিনীৰ হাতত। আমেৰিকাৰ বাহিনীয়ে যুদ্ধৰ অন্ত পেলাব নোৱাৰে”।

লগতে পঢ়ক: ‘ ইৰাণে তেল বন্ধ কৰিলে ২০ গুণ বেছি হ’ব ধ্বংস’; শীঘ্ৰে যুদ্ধৰ অন্তৰ প্ৰতিশ্ৰুতি দি নতুন আল্টিমেটাম জাৰি ট্ৰাম্পৰ