ড’নাল্ড ট্ৰাম্পে আমেৰিকাৰ সাতখন মিত্ৰ ৰাষ্ট্ৰক তেওঁলোকে নিজৰ নৌসেনাক হৰমুজ প্ৰণালীলৈ যুদ্ধ জাহাজ প্ৰেৰণ কৰিবলৈ আহ্বান জনাইছিল। কিন্তু সেই অনুৰোধ প্ৰত্যক্ষভাৱে প্ৰত্যাহাৰ কৰিছে জাপান আৰু অষ্ট্ৰেলিয়াই।
বন্ধু ৰাষ্ট্ৰইও এতিয়া সংগ এৰিলে আমেৰিকাৰ।হৰমুজ প্ৰণালীত অকলশৰীয়া হৈ পৰিল আমেৰিকা। আমেৰিকাৰ ৰাষ্ট্ৰপতি ড’নাল্ড ট্ৰাম্পে প্ৰায় সাতখন দেশক হৰমুজ প্ৰৰণালীৰ সুৰক্ষাৰ বাবে যুদ্ধ জাহাজ প্ৰেৰণ কৰিবলৈ আহ্বান জনাইছিল।
কিন্তু আমেৰিকাৰ মিত্ৰ দেশসমূহে না সতৰ্ক স্থিতি গ্ৰহণ কৰিছে না সম্পূৰ্ণৰূপে নাকচ কৰিছে।ট্ৰাম্পৰ এই অনুৰোধ ৰক্ষা কৰিবলৈ নাহিল এখনো দেশ। জাপান, অষ্ট্ৰেলিয়া, দক্ষিণ কোৰিয়াৰ দৰে মিত্ৰ ৰাষ্ট্ৰয়ো ট্ৰাম্পৰ অনুৰোধ প্ৰত্যক্ষভাৱে প্ৰত্যাহাৰ কৰিলে।
জাপান আৰু অষ্ট্ৰেলিয়াৰ দৰে দেশ যি আমেৰিকাৰ অতি ঘনিষ্ঠ মিত্ৰ, তেওঁলোকেও ট্ৰাম্পক মোক্ষম আঘাট কৰি নিজৰ নৌসেনা হৰমুজ জলদ্বীপলৈ পঠিয়াবলৈ অস্বীকাৰ কৰিছে। সামাজিক মাধ্যমযোগে ট্ৰাম্পে চীন, জাপান, ফ্ৰান্স, দক্ষিণ কোৰিয়া, ব্ৰিটেইন আদি দেশক উদ্দেশ্যি বিচাৰিছিল সহায়ৰ হাত বিচাৰিছিল।
ট্ৰাম্পৰ টুইটৰ পিছতে জাপান চৰকাৰে স্পষ্ট উত্তৰ দিছে যে, কোনো কাৰণত হৰমুজ প্ৰণালীলৈ জাপানৰ নৌসেনাৰ জাহাজ নাযায়। ইৰাণৰ সৈতে ব্যৱসায়িক সম্পৰ্ক অৱনতি ঘটোৱা কোনো কাম নকৰে বুলিও জাপানে স্পষ্ট কৰি দিয়ে। আনহাতে অষ্ট্ৰেলিয়া আৰু দক্ষিণ কোৰিয়াই স্পষ্ট কৰি দিয়ে যে কোনো কাৰণত নৌসেনাৰ জোৱান সমুদ্ৰপৃষ্ঠত মোতায়ন কৰা নহয়।
লগতে পঢ়ক: ডুবাই বিমানবন্দৰৰ সমীপত ভয়ংকৰ ড্ৰোণ আক্ৰমণ; বন্ধ কৰি দিয়া হ’ল বিশ্বৰ সৰ্ববৃহৎ বিমানবন্দৰ
