জে ডি ভেন্সৰ মন্তব্যত তীব্ৰ সমালোচনা

আমেৰিকাৰ উপ-ৰাষ্ট্ৰপতি জে ডি ভেন্সৰ পত্নী উষাক অন্য ধৰ্ম গ্ৰহণ কৰিবলৈ প্ৰেৰণা দিয়া বক্তব্য তেওঁৰ বাবে ব্যয়বহুল বুলি প্ৰমাণিত হৈছে।

জে ডি ভেন্সে ইয়াৰ এদিন আগতে ৰাজহুৱা অনুষ্ঠানত এই ইচ্ছা প্ৰকাশ কৰিছিল যে তেওঁ বিচাৰে যে তেওঁৰ পত্নী উষাই হিন্দু ধৰ্ম পৰিত্যাগ কৰি খ্ৰীষ্টান ধৰ্ম গ্ৰহণ কৰক।

ভেন্সে কৈছিল যে, মই আশা কৰোঁ উষাই এদিন এই কামটো কৰিব।” আমেৰিকাৰ উপ-ৰাষ্ট্ৰপতিৰ এই বক্তব্যক তেওঁৰ পত্নী উষাৰ ওপৰত আন ধৰ্ম গ্ৰহণৰ হেঁচা হিচাপে দেখা গৈছে।তেওঁৰ বক্তব্যক লৈ ব্যাপক হুলস্থুলৰ সৃষ্টি হৈছে।

বহুতে উপ-ৰাষ্ট্ৰপতিগৰাকীক তীব্ৰ সমোলেচনা কৰি কৈছে যে, আমেৰিকাৰ উপ-ৰাষ্ট্ৰপতি গৰাকীয়ে তেওঁৰ পত্নীক ধৰ্মান্তৰ কৰিবৰ বাবে হেঁচা দিছে।

এগৰাকী উপ-ৰাষ্ট্ৰপতিৰ এনে মন্তব্য গ্ৰহণ যোগ্য নহয়।তাৰ উত্তৰত তেওঁ কয় যে, “তেওঁ (উষাই) নিজেই মোক বহু বছৰৰ আগতে মোৰ বিশ্বাসৰ সৈতে পুনৰ সংযোগ স্থাপন কৰিবলৈ উৎসাহিত কৰিছিল”।

“তেওঁ খ্ৰীষ্টান নহয় আৰু ধৰ্মান্তৰিত হোৱাৰ কোনো উদ্দেশ্য নাই, কিন্তু আন্তঃধৰ্মীয় বিবাহ বা যিকোনো আন্তঃধৰ্মীয় সম্পৰ্কত বহু লোকৰ দৰে,মই আশাকৰোঁ এদিন তেওঁ মোৰ দৰেই কথাবোৰ চাব”।

“তথাপিও মই তেওঁক ভালপোৱা আৰু সমৰ্থন কৰি যাম। বিশ্বাস, জীৱন, আৰু সকলো কথা তেওঁৰ লগত কথা পাতি থাকিম, কিয়নো তেওঁৰ মোৰ পত্নী।তৃতীয়তে, এনে পোষ্টত খ্ৰীষ্টান বিৰোধী ধৰ্মান্ধতাৰ গোন্ধ ওলাইছে”।

“হয়, খ্ৰীষ্টানসকলৰ বিশ্বাস আছে। আৰু হয়, সেই বিশ্বাসবোৰৰ পৰিণতি আছে। তাৰে এটা হ’ল আমি সেইবোৰ আন মানুহৰ লগত শ্বেয়াৰ কৰিব বিচাৰো।এইটো সম্পূৰ্ণ স্বাভাৱিক,আৰু যিয়েই আপোনাক অন্য ধৰণে কোৱাৰ এজেণ্ডা থাকে।”   

লগতে পঢ়ক: “মই মোৰ পত্নী উষাই ‘হিন্দু ধৰ্ম’ এৰি ‘খ্ৰীষ্টান’ হোৱাটো বিচাৰো”; আমেৰিকাৰ উপ-ৰাষ্ট্ৰপতি জে ডি ভেন্সেৰ বিস্ফোৰক মন্তব্য

আমেৰিকাৰ উপ-ৰাষ্ট্ৰপতি জে ডি ভেন্সেৰ বিস্ফোৰক মন্তব্য

ভাৰতীয় মূলৰ পত্নী উষা সন্দৰ্ভত এটা ডাঙৰ বক্তব্য দিছে আমেৰিকাৰ উপ-ৰাষ্ট্ৰপতি জে ডি ভেন্সে।তেওঁ কয় যে, “মই সঁচাকৈয়ে বিচাৰো যে মোৰ পত্নীয়ে এতিয়া হিন্দু ধৰ্ম ত্যাগ কৰি খ্ৰীষ্টান হোৱা উচিত।

তেওঁ আৰু কয় যে,মোৰ সম্পূৰ্ণ বিশ্বাস যে, এদিন তেওঁ কেথলিক গীৰ্জাৰ দ্বাৰা প্ৰভাৱিত হৈ আৰু খ্ৰীষ্টান ধৰ্ম গ্ৰহণ কৰিব।

২০১৯ চনত জে ডি ভেন্সে কেথলিক ধৰ্ম গ্ৰহণ কৰি কয় যেতিয়া তেওঁৰ পত্নী উষা ভ্যান্সক লগ পাইছিল সেই সময়ত তেওঁ নিজকে অজ্ঞানী বা নাস্তিক বুলি গণ্য কৰিছিল।

ভেন্সে কয় যে, মোৰ ল’ৰা-ছোৱালীবোৰ খ্ৰীষ্টান ধৰ্মতে লালন-পালন হৈছে আৰু তেওঁলোকে খ্ৰীষ্টান স্কুলত পঢ়ে।মিচিচিপিত টাৰ্নিং পইণ্ট ইউ এছ এৰ এক অনুষ্ঠানত জে ডি ভেন্সে ভাষণ দি কয় যে তেওঁ আশা কৰিছে যে হিন্দু পটভূমিৰ পত্নী উষা ভেন্সে এদিন কেথলিক গীৰ্জাৰ দ্বাৰা “প্ৰভাৱিত” হৈ খ্ৰীষ্টান ধৰ্ম গ্ৰহণ কৰিব।

এতিয়া, উষাই দেওবাৰে মোৰ লগত বেছিভাগ গীৰ্জালৈ যায়।মই ৰাজহুৱাভাৱে তেওঁলোকক কৈছো আৰু এতিয়া মোৰ ঘনিষ্ঠ বন্ধুৰ ১০,০০০ জনৰ সন্মুখত কৈছো…মই আশা কৰোঁ যে অন্তত:  তেওঁ মই গীৰ্জাত সেইটো অনুভৱৰ কৰক যিটো মই অনুভৱ কৰিছো?

“হয়, মই সঁচাকৈয়ে বিচাৰো… কাৰণ মই খ্ৰীষ্টান ধৰ্মত বিশ্বাস কৰোঁ আৰু মই আশা কৰোঁ মোৰ পত্নীয়ে অৱশেষত ইয়াক তেনেকৈয়ে চাব।”

লগতে পঢ়ক: সমাধান নোলাল! পৰস্পৰক দোষাৰোপ কৰি আফগানিস্তান-পাকিস্তানে সামৰিলে শান্তি আলোচনা

সাগৰৰ পৰা নোহোৱা হ’ল আমেৰিকাৰ আটাইতকৈ শক্তিশালী যুদ্ধজাহাজ

আধা ঘণ্টাৰ ভিতৰতে সাগৰৰ মাজত নোহোৱা হৈ গ’ল পৃথিৱীৰ আটাইতকৈ শক্তিশালী যুদ্ধজাহাজখন!২৬ অক্টোবৰত ইউ এছ এছ নিমিটজ বিমানবাহী জাহাজত এক ভয়ংকৰ ঘটনা সংঘটিত হয়।

ইয়াৰ পিছত সমগ্ৰ বিশ্বতে ইয়াৰ চৰ্চা চলি আছে।দক্ষিণ চীন সাগৰত দুটা পৃথক ঘটনাৰ সন্মুখীন হ’বলগীয়া হয় আমেৰিকাৰ নৌসেনা।

নৌসেনাৰ পেচিফিক ফ্লীটে জনোৱা মতে, বিমানবাহক জাহাজ ইউ এছ এছ নিমিটজৰ ওপৰত ভিত্তি কৰি নিৰ্মিত এখন যুদ্ধ বিমান আৰু এখন হেলিকপ্টাৰ দুয়োখন দেওবাৰে বিয়লি দক্ষিণ চীন সাগৰত মাত্ৰ ৩০ মিনিটৰ ভিতৰত দুৰ্ঘটনাগ্ৰস্ত হয়।

দেওবাৰে ইউ এছ এছ নিমিটজ বিমানবাহী জাহাজৰ পৰা নিয়মীয়া উৰণ অভিযানৰ সময়ত এখন এম এইচ-৬০আৰ ছি হক হেলিকপ্টাৰ আৰু এফ/এ-১৮এফ ছুপাৰ হৰ্নেট যুঁজাৰু জেট দুৰ্ঘটনাগ্ৰস্ত হয়।সকাহ পোৱা যায় যে দুয়োখন বিমানৰ পাঁচোজন ক্ৰু সদস্যক নিৰাপদে উদ্ধাৰ কৰা হয়।

আমেৰিকাৰ পেচিফিক ফ্লীটৰ এক বিবৃতি অনুসৰি স্থানীয় সময় অনুসৰি নিশা ২:৪৫ বজাত প্ৰথমটো দুৰ্ঘটনা সংঘটিত হয়।দক্ষিণ চীন সাগৰত দুৰ্ঘটনাগ্ৰস্ত হৈছে আমেৰিকাৰ নৌসেনাৰ MH-60R Sea Hawk হেলিকপ্টাৰ।

হেলিকপ্টাৰখনে ইউ এছ এছ নিমিট্জ (চিভিএন-৬৮)ৰ পৰা নিয়মীয়া অভিযান চলাইছিল।কেৰিয়াৰ ষ্ট্ৰাইক গ্ৰুপ ১১ৰ অনুসন্ধান আৰু উদ্ধাৰকাৰী দলে তৎক্ষণাত সঁহাৰি জনাই তিনিওজন হেলিকপ্টাৰ ক্ৰুৰ সদস্যক নিৰাপদে উদ্ধাৰ কৰে।

আটাইকেইজনকে বিমানবাহী জাহাজলৈ আনি চিকিৎসা পৰীক্ষা কৰা হয় আৰু তেওঁলোকৰ অৱস্থা সুস্থিৰ বুলি জানিব পৰা গৈছে।

ইয়াৰ পিছত প্ৰায় ৩০ মিনিট পিছত বিয়লি ৩:১৫ বজাত সংঘটিত হয় দ্বিতীয়টো দুৰ্ঘটনা।এখন F/A-18F Super Hornet যুদ্ধ বিমানো দক্ষিণ চীন সাগৰত দুৰ্ঘটনাগ্ৰস্ত হয়।

এই জেটখনো ইউ এছ এছ নিমিটজৰ পৰা নিয়মিতভাৱে উৰা মাৰিছিল।জৰুৰীকালীন পৰিস্থিতিত জেট বিমানখনৰ দুয়োজন পাইলটে বাহিৰ কৰি দিয়ে আৰু লগতে অনুসন্ধান আৰু উদ্ধাৰকাৰী দলে নিৰাপদে পানীৰ পৰা উলিয়াই আনে।

লগতে পঢ়ক: Apple আৰু Starlinkৰ মাজত চুক্তি!এই আইফোন ছিৰিজত উপলব্ধ হ’ব চেটেলাইট সংযোগ

আমেৰিকা-চীনৰ মাজত শীঘ্ৰে হ’ব বাণিজ্যিক চুক্তি

দেওবাৰে আমেৰিকাৰ ৰাষ্ট্ৰপতি ড’নাল্ড ট্ৰাম্পে কয় যে তেওঁৰ চৰকাৰে চীনৰ সৈতে ‘এটা ভাল চুক্তি’ কৰিবলৈ ওলাইছে।এই সপ্তাহত দক্ষিণ কোৰিয়া ভ্ৰমণৰ সময়ত ট্ৰাম্পে চীনৰ ৰাষ্ট্ৰপতি ছি জিনপিঙক সাক্ষাৎ কৰিব।

দুয়োখন দেশৰ শীৰ্ষ বিষয়াসকলৰ মতে বাণিজ্যিক চুক্তিৰ ফ্ৰেমৱৰ্কো প্ৰায় সাজু হৈছে আৰু এতিয়া মাত্ৰ চূড়ান্ত স্বাক্ষৰহে বাকী আছে।মালয়েছিয়াত ট্ৰাম্পে কয় যে,’মই ভাবো আমি চীনৰ সৈতে চুক্তি কৰিবলৈ ওলাইছো।’

এই বক্তব্য এনে এটা সময়ত প্ৰকাশ কৰিছে যেতিয়া কিছুদিনৰ পূৰ্বে তেওঁ চীনৰ সৈতে চুক্তি নকৰিলে ১০০% শুল্ক আৰোপ কৰাৰ ভাবুকি দিছিল।

মালয়েছিয়াত চলি থকা আছিয়ান সন্মিলনৰ সময়ত দুয়োখন দেশৰ মাজত চুক্তিৰ ফ্ৰেমৱৰ্কো প্ৰস্তুত কৰা হৈছিল।আমেৰিকাৰ বিত্তমন্ত্ৰী স্কট বেছাণ্টে কয় যে,এই চুক্তিয়ে ১ নৱেম্বৰৰ পৰা কাৰ্যকৰী হ’বলগীয়া ১০০% শুল্কৰ ভাবুকি ৰোধ কৰিব আৰু আমেৰিকাৰ টিকটক বিক্ৰীৰ ক্ষেত্ৰতো চূড়ান্ত চুক্তি হোৱাৰ সম্ভাৱনা আছে।

বেছাণ্টে কয় যে,আমেৰিকা আৰু চীনে আপুৰুগীয়া খনিজ পদাৰ্থৰ ক্ষেত্ৰত চীনৰ নতুন নীতিক এবছৰৰ বাবে পিছুৱাই দিবলৈ সন্মত হৈছে।এই খনিজ পদাৰ্থবোৰ যুদ্ধ বিমান, স্মাৰ্টফোন আৰু বৈদ্যুতিক বাহনত ব্যৱহাৰ কৰা হয়।

লগতে পঢ়ক: ‘মই প্ৰতিমাহতে এখনকৈ যুদ্ধবন্ধ কৰো…’; ড’নাল্ড ট্ৰাম্পৰ বিস্ফোৰক মন্তব্য

আমেৰিকাৰ ইতিহাসৰ সৰ্ববৃহৎ প্ৰতিবাদ

ৰাষ্ট্ৰপতি ট্ৰাম্পৰ বিৰুদ্ধে আমেৰিকাৰ ৰাজপথলৈ ওলাই আহিছে লাখ লাখ লোক। আমেৰিকাৰ ইতিহাসৰ এইটোৱেই আটাইতকৈ ডাঙৰ প্ৰতিবাদ।

ৰাষ্ট্ৰপতি ড’নাল্ড ট্ৰাম্পৰ বিৰুদ্ধে এতিয়ালৈকে সৰ্ববৃহৎ প্ৰতিবাদ সাব্যস্ত কৰিবলৈ আমেৰিকাৰ জনসাধাৰণে ৰাজপথত সমদল উলিয়াইছে।

এই সময়ছোৱাত আমেৰিকাৰ ২৭০০ স্থানত ৭০ লাখৰো অধিক লোকে ট্ৰাম্পৰ নীতিৰ বিৰুদ্ধে প্ৰতিবাদ সাব্যস্ত কৰে,বিশেষকৈ তেওঁৰ ট্ৰান্সজেন্দাৰ বিৰোধী বক্তব্য আৰু অন্যান্য বিতৰ্কিত সিদ্ধান্তৰ বিৰুদ্ধে প্ৰতিবাদ সাব্যস্ত কৰা হৈছে।

ট্ৰাম্পৰ বিৰুদ্ধে ৰাইজৰ মাজত বিপুল ক্ষোভ দেকিবলৈ পোৱা গৈছে।এই বৃহৎ প্ৰতিবাদত বিভিন্ন সামাজিক, ৰাজনৈতিক আৰু নাগৰিক গোটে অংশগ্ৰহণ কৰে।

মহিলাৰ অধিকাৰৰ বাবে কাম কৰা সংগঠনৰ পৰা আৰম্ভ কৰি পৰিৱেশ কৰ্মী আৰু ট্ৰাম্প প্ৰশাসনৰ নীতিৰ বিৰোধীও অন্তৰ্ভূক্ত আছিল।

প্ৰতিবাদকাৰীসকলে ট্ৰাম্পৰ শাসনক সমালোচনা কৰি ‘ এতিয়া আৰু নহয়’ আৰু ‘আমাক পৰিৱৰ্তনৰ প্ৰয়োজন’ আদি শ্লোগান উত্থাপন কৰে।

এই বিৰোধ প্ৰতিবাদৰ আহ্বান ট্ৰাম্প প্ৰশাসনৰ বিৰুদ্ধে ক্ৰমাৎ বৃদ্ধি পোৱা অসন্তুষ্টি আৰু তেওঁলোকৰ দ্বাৰা লোৱা সিদ্ধান্তৰ প্ৰতিবাদত কৰা হৈছিল।

এই প্ৰতিবাদ ট্ৰাম্পৰ বিভিন্ন নীতিৰ বিৰুদ্ধে কৰা হৈছে।ইয়াৰ ভিতৰত বিশেষকৈ ট্ৰান্সজেন্দাৰৰ অধিকাৰৰ বিৰুদ্ধে তেওঁৰ কাৰ্য্য আৰু তেওঁৰ কাৰ্যকালত গ্ৰহণ কৰা অন্যান্য বিতৰ্কিত কাৰ্যকলাপে সমগ্ৰ দেশতে গভীৰ প্ৰতিবাদৰ সূচনা কৰিছে।

লগতে পঢ়ক: ‘নো কিংছ’ : ৱাশ্বিংটনৰ পৰা লণ্ডনলৈ ট্ৰাম্পৰ বিৰুদ্ধে ৰাজপথ কঁপাইছে হাজাৰ হাজাৰ লোক