আই পি এলত সৰ্বাধিক শতক অৰ্জন কৰা খেলুৱৈৰ তালিকাত যৌথভাৱে চতুৰ্থ স্থান দখল কৰিছে সঞ্জু চেমছনে।

আই পি এল ২০২৬ত চেন্নাই ছুপাৰ কিংছ (চি এছ কে)ৰ অ’পেনাৰ সঞ্জু চেমছনে মুম্বাই ইণ্ডিয়ানছ (এম আই)ৰ বিৰুদ্ধে ৫৪ বলত ১০১ ৰানৰ অপৰাজিত ইনিংছ খেলিছিল, য’ত ৬টা ছয় আৰু ১০টা চাৰি কোবাই।২০২৬ চনৰ আই পি এলত এইটো আছিল তেওঁৰ দ্বিতীয় শতক, যাৰ ফলত সঞ্জুৱে টি-২০ ফৰ্মেটত সৰ্বাধিক শতক অৰ্জন কৰা খেলুৱৈৰ তালিকাত দ্বিতীয় স্থান লাভ কৰিছে।

৫৪টা বলত ধুমুহাময় অপৰাজিত শতকৰ বাবে তেওঁ এক উল্লেখযোগ্য কৃতিত্ব অৰ্জন কৰিছে  যিটো এতিয়ালৈকে আই পি এলৰ ইতিহাসত কেতিয়াও হোৱা নাছিল। হয়, আই পি এলৰ ইতিহাসত মুম্বাই ইণ্ডিয়ানছৰ বিৰুদ্ধে শতক অৰ্জন কৰা চেন্নাই ছুপাৰ কিংছৰ প্ৰথমজন বেটছমেন সঞ্জু চেমছন।

আই পি এল কেৰিয়াৰত সঞ্জু চেমছনে পঞ্চম শতক অৰ্জন কৰাৰ বিপৰীতে সোঁহাতৰ বেটছমেনগৰাকীয়ে টি-২০ আন্তঃৰাষ্ট্ৰীয় ক্ৰিকেটত তিনিটা শতক অৰ্জন কৰিছে। মুঠ ৮ টা শতক অৰ্জন কৰি সঞ্জুৱে এতিয়া ৰোহিত শৰ্মাৰ স্থান পাইছে।দুয়োগৰাকী খেলুৱৈয়ে টি-২০ ক্ৰিকেটত ৮টাকৈ শতক অৰ্জন কৰিছে।এই তালিকাত বিৰাট কোহলী আৰু অভিষেক শৰ্মাই যৌথভাৱে ‘১ নম্বৰ’ স্থান দখল কৰিছে।এই খেলুৱৈসকলে টি-২০ ক্ৰিকেটত ৯টাকৈ শতক।

আই পি এলত সৰ্বাধিক শতক অৰ্জন কৰা খেলুৱৈৰ তালিকাত যৌথভাৱে চতুৰ্থ স্থান দখল কৰিছে সঞ্জু চেমছনে।তেওঁৰ উপৰিও কে এল ৰাহুলে আই পি এলত ৫টা শতক অৰ্জন কৰিছে। এই তালিকাৰ শীৰ্ষস্থানত বিৰাট কোহলি আছে।

বৃহস্পতিবাৰে ৱানখেড়ে ষ্টেডিয়ামত টছত পৰাস্ত হৈ বেটিং কৰিবলৈ লোৱাৰ পিছত চেন্নাই ছুপাৰ কিংছে ২০ অভাৰত ৬টা উইকেট হেৰুৱাই ২০৭ ৰান সংগ্ৰহ কৰে। সঞ্জু চেমছনে অধিনায়ক ৰুতুৰাজ গাইকৱাদৰ সৈতে প্ৰথম উইকেটৰ বাবে ৩২ ৰানৰ অংশীদাৰিত্ব ভাগ কৰে।

লগতে পঢ়ক: আই পি এলত ৰবীন্দ্ৰ জাদেজাৰ আলোড়ন; ভংগ কৰিব নেকি এম এছ ধোনীৰ অভিলেখ

এই মেচত জয়লাভ কৰি চলিত ছিজনত তিনিখন মেচত পৰাজয়ৰ ধাৰাবাহিকতাৰ অন্ত পেলায় চেন্নাই চুপাৰ কিংছে

আই পি এল ২০২৬ত নিজৰ প্ৰথমটো জয় সাব্যস্ত কৰিছে চেন্নাই চুপাৰ কিংছে । শনিবাৰে অনুষ্ঠিত হোৱা এখন মেচত চেন্নাই ছুপাৰ কিংছে দিল্লী কেপিটেলছক ২৩ ৰানত পৰাস্ত কৰে । চেন্নাইৰ এম এ চিদাম্বৰম ষ্টেডিয়ামত অনুষ্ঠিত হৈছিল মেচখন । এই মেচত জয়লাভ কৰি চলিত ছিজনত তিনিখন মেচত পৰাজয়ৰ ধাৰাবাহিকতাৰ অন্ত পেলায় চেন্নাই চুপাৰ কিংছে । মাত্ৰ ৫২টা বলত শতক অৰ্জন কৰা সঞ্জু চেমছন এই জয়ৰ নায়ক হিচাপে পৰিগণিত হয় । উল্লেখ্য যে, চলিত ছিজনত আই পি এলৰ এয়া তেওঁৰ প্ৰথম শতক আৰু কেৰিয়াৰৰ চতুৰ্থটো শতক ।

এই মেচত দিল্লীয়ে টছত জয়লাভ কৰি প্ৰথমে বলিং কৰিবলৈ সিদ্ধান্ত লয় । সঞ্জু আৰু মাহত্ৰেৰ উজ্জ্বল ইনিংছৰ বাবে চি এছ কেয়ে ২১২ ৰান সংগ্ৰহ কৰে । ইয়াৰ প্ৰতিক্ৰিয়া স্বৰূপে দিল্লী কেপিটেলছ ১৮৯ ৰানতে অল আউট হয় । এয়া আছিল দিল্লী কেপিটেলছৰ একেৰাহে দ্বিতীয়টো পৰাজয় ।

দিল্লী কেপিটেলছৰ ইনিংছ-

২১৩ ৰানৰ লক্ষ্য অনুসৰণ কৰি দিল্লী কেপিটেলছে শক্তিশালী আৰম্ভণি কৰে । কে এল ৰাহুল আৰু নিছাংকাই শক্তিশালী বেটিঙেৰে মাত্ৰ ৫ অভাৰতে ৬১ ৰান সংগ্ৰহ কৰে । অৱশ্যে এই স্ক’ৰত ৰাহুলৰ উইকেটৰ পতন ঘটে । পৰৱৰ্তী অভাৰত পাথুম নিছাংকাৰো উইকেটৰ পতন ঘটে । সপ্তম অভাৰৰ প্ৰথম বলত অধিনায়ক অক্ষৰ পেটেল আউট হোৱাৰ লগে লগে দিল্লীৰ ইনিংছ বিপদত পৰে ।

ইয়াৰ পিছত সমীৰ ৰিজৱীৰো উইকেটৰ পতন ঘটে । তাৰ পিছত ডেভিদ মিলাৰ আৰু ষ্টাবছে ইনিংছ আগবঢ়াই নিয়াৰ চেষ্টা কৰে । অৱশ্যে মিলাৰো ১৭ ৰানত আউট হয় । অৱশেষত আশুতোষ শৰ্মা আৰু ষ্টাবছে ইনিংছৰ  দায়িত্ব লয় । অৱশ্যে ১৫ অভাৰত আশুতোষৰ উইকেটৰ পতন ঘটে । ষ্টাবছে ৬০ ৰানৰ ইনিংছ খেলিলেও নিজৰ দলটোক জয়ৰ দিশে আগুৱাই নিয়াত ব্যৰ্থ হয় । লগে লগে ১৮৯ ৰানত অল আউট হয় দিল্লী ।

চি এছ কেৰ বেটিং-

চি এছ কেৰ হৈ সঞ্জু চেমছন আৰু ৰুতুৰাজ গাইকোৱাডে প্ৰথমে ইনিংছ মুকলি কৰে । এই মেচখনত সঞ্জুক শক্তিশালী ছন্দত দেখা যায় । প্ৰথম বলৰ পৰাই তেওঁ আক্ৰমণাত্মক ভাৱে ৰান সংগ্ৰহ কৰিছিল । অৱশ্যে ৰুতুৰাজে দলীয় ৬২ ৰানত নিজৰ উইকেট বিসৰ্জন দিয়ে । ৰুতুৰাজে মাত্ৰ ১৫ ৰানহে সংগ্ৰহ কৰে । অৱশ্যে সঞ্জুৱে ক্ৰীজত খোপনি পুতি বিস্ফোৰক অৰ্ধশতক অৰ্জন কৰে । আয়ুষ মাহাত্ৰেই তেওঁক যোগ্য সমৰ্থন আগবঢ়াই । ১১ নং অভাৰত চি এছ কেয়ে ১০০ ৰানৰ সীমা অতিক্ৰম কৰে ।

ইয়াৰ পিছতে সঞ্জুৱে মাহাত্ৰেৰ সৈতে শতকীয় অংশীদাৰিত্ব গঢ়ে । তেওঁ মাত্ৰ ৫২টা বলত ছিজনৰ প্ৰথমটো শতক অৰ্জন কৰে । মাহাত্ৰেও অৰ্ধশতক অৰ্জন কৰে যদিও তেওঁ আঘাতৰ বাবে পেভিলিয়নমুখী হয় । তাৰ পিছত শিৱম ডুবেই ইনিংছৰ দায়িত্ব লয় । কিন্তু সঞ্জুৱে শেষ বলটোলৈকে থাকি ৫৬টা বলত অপৰাজিত ১১৫ ৰান কৰে । নিজৰ ইনিংছত সঞ্জুৱে ১৫টা চাৰি আৰু ৪টা ছয় কোবাই । ইয়াৰ ফলত চি এছ কে ২০ অভাৰত ২ টা উইকেটত ২১২ ৰান সংগ্ৰহ কৰিবলৈ সক্ষম হয় ।

লগতে পঢ়ক : আই পি এল ২০২৬ৰ প্ৰথমটো শতক অৰ্জন সঞ্জু চেমছনৰ, গঢ়িলে দ্ৰুততম শতকৰ অভিলেখ

২০২৬ৰ আই পি এলত প্ৰথমটো শতক অৰ্জন কৰিছে সঞ্জু চেমছনে

আই পি এল ২০২৬ৰ সংস্কৰণত শতক অৰ্জন কৰা প্ৰথমজন বেটছমেন হিচাপে পৰিগণিত হৈছে সঞ্জু চেমছন । শনিবাৰে দিল্লী কেপিটেলছৰ বিৰুদ্ধে অনুষ্ঠিত হোৱা মেচত তেওঁ এই কৃতিত্ব অৰ্জন কৰে । চেমছনে ৫২টা বলত শতক অৰ্জন কৰে, যিটো তেওঁৰ আই পি এল কেৰিয়াৰৰ আটাইতকৈ দ্ৰুততম শতক । আই পি এলত চেন্নাই ছুপাৰ কিংছৰ হৈ খেলি থকাৰ সময়ত এইবাৰ প্ৰথমবাৰৰ বাবে শতক অৰ্জন কৰিছে তেওঁ ।

আই পি এল ২০২৬ৰ প্ৰথমটো শতক-

২০২৬ৰ আই পি এলত প্ৰথমটো শতক অৰ্জন কৰিছে সঞ্জু চেমছনে । পূৰ্বতে চলিত ছিজনৰ সৰ্বোচ্চ স্ক’ৰ অৰ্জন কৰিছিল দিল্লী কেপিটেলছৰ কে এল ৰাহুলে, যিয়ে ৯২ ৰান সংগ্ৰহ কৰিছিল । দিল্লীৰ সমীৰ ৰিজভিয়েও ৯০ ৰান সংগ্ৰহ কৰিছিল যদিও এতিয়া চেমছনে প্ৰথমটো শতক অৰ্জন কৰি অভিলেখ গঢ়িছে ।

দ্ৰুততম শতকৰ অভিলেখ-

দিল্লী কেপিটেলছৰ বিৰুদ্ধে খেলখনত ৫২টা বলত শতক অৰ্জন কৰে সঞ্জু চেমছনে । ব্যক্তিগতভাৱে এইটোৱেই তেওঁৰ আই পি এলৰ আটাইতকৈ দ্ৰুততম শতক । তেওঁৰ পূৰ্বৰ আটাইতকৈ দ্ৰুততম শতক ৫৪টা বলত আছিল যিটো তেওঁ ২০১৯ৰ ছিজনত ৰাজস্থান ৰয়েলছৰ হৈ খেলি থকাৰ সময়তে পঞ্জাব কিংছৰ বিৰুদ্ধে শতক অৰ্জন কৰিছিল ।

𝐇.𝐔.𝐍.𝐃.𝐑.𝐄.𝐃 💯

First of #TATAIPL 2026 😍
First in yellow 💛

Sanju Samson, Take A Bow 🙇‍♂️

Updates ▶️ https://t.co/BzGc6O65jX #KhelBindaas | #CSKvDC | @IamSanjuSamson pic.twitter.com/s2Hq1vSMsr

— IndianPremierLeague (@IPL) April 11, 2026

আই পি এলত চেন্নাই ছুপাৰ কিংছৰ বাবেও এয়া পঞ্চমটো দ্ৰুততম শতক । ২০১০ চনত ৰাজস্থান ৰয়েলছৰ বিৰুদ্ধে ৪৬টা বলত শতক অৰ্জন কৰা মুৰালী বিজয়ে চি এছ কেৰ হৈ দ্ৰুততম শতক অৰ্জন কৰাৰ অভিলেখ গঢ়িবলৈ সক্ষম হৈছিল । বিগত ১৬ বছৰে এই অভিলেখ মুৰালী বিজয়ৰ হাতত আছে ।

উল্লেখ্য যে, আই পি এল ২০২৬ত চেন্নাই ছুপাৰ কিংছৰ হৈ তিনিটা ইনিংছত ৬, ৭, আৰু ৯ ৰান সংগ্ৰহ কৰি সেই তিনিটা ইনিংছত মাত্ৰ ২২ ৰান সংগ্ৰহ কৰাৰ বাবে সমালোচনাৰ সন্মুখীন হৈছিল সঞ্জু চেমছন । অৱশ্যে দিল্লী কেপিটেলছৰ বিৰুদ্ধে তেওঁৰ বিস্ফোৰক শতকে তেওঁৰ সমালোচকসকক যোগ্য প্ৰত্যুত্তৰ দিবলৈ সক্ষম হয় ।

১৮ কোটিত চেন্নাইলৈ-

চলিত ছিজনত ৰাজস্থান ৰয়েলছৰ পৰা চেন্নাই চুপাৰ কিংছলৈ ১৮ কোটি টকাত ট্ৰেডিং কৰা হৈছিল সঞ্জু চেমছনক । ইয়াৰ বিনিময়ত চি এছ কেয়ে ৰবীন্দ্ৰ জাডেজা আৰু ছেম কাৰানক ৰাজস্থান ৰয়েলছৰ সৈতে ট্ৰেডিং কৰিছিল । প্ৰথম তিনিখন মেচত চেমছনৰ প্ৰদৰ্শন দুৰ্বল আছিল যদিও এই শতকৰ জৰিয়তে তেওঁ দেখুৱাই দিলে নিজৰ শক্তি আৰু প্ৰতিভাক ।

সঞ্জু চেমছনৰ আই পি এলৰ শতক-

–১০২ (৬৩) বনাম আৰ পি এছ, পুনে, ২০১৭

–১০২ (৫৫) বনাম এছ আৰ এইচ, হায়দৰাবাদ, ২০১৯

-১১৯ (৬৩) বনাম পিবিকেএছ, ৱাংখেড়ে, ২০২১

-১০২ (৫২) বনাম ডি চি, চেন্নাই, ২০২৬

উল্লেখ্য য়ে, আই পি এলৰ পূৰ্বে অনুষ্ঠিত হোৱা টি-২০ বিশ্বকাপ ২০২৬তো চেমছন বিস্ফোৰক ফৰ্মত আছিল । প্ৰথম অৱস্থাত প্ৰথম কোনো মেচত সুযোগ পোৱা নাছিল আৰু কিছু মেচত ৰান সংগ্ৰহ কৰিব পৰা নাছিল তেওঁ ।

কিন্তু নকআউট মেচত তেওঁ বিস্ফোৰক প্ৰদৰ্শন আগবঢ়াইছিল । ৱেষ্ট ইণ্ডিজৰ বিৰুদ্ধে ৯৭*, ইংলেণ্ডৰ বিৰুদ্ধে ৮৯ আৰু ফাইনেলত নিউজীলেণ্ডৰ বিৰুদ্ধে ৮৯ ৰান সংগ্ৰহ কৰি দলৰ জয়ত গুৰুত্বপূৰ্ণ ভূমিকা লৈছিল । পাঁচটা ইনিংছত ৩২১ ৰান সংগ্ৰহ কৰিছিল তেওঁ । তেওঁৰ ৮০.২৫ গড় আৰু ষ্ট্ৰাইক ৰেট আছিল ১৯৯.৩৭ । এই প্ৰতিযোগিতাত তেওঁ প্লেয়াৰ অব্ দ্য চিৰিজ সন্মান লাভ কৰিছিল ।

লগতে পঢ়ক : মুল্লনপুৰত শ্ৰেয়াছ আয়াৰৰ ধুমুহা, বৃহৎ লক্ষ্য দিও পঞ্জাৱৰ হাতত ধৰাশায়ী হায়দৰাবাদ

টি-২০ বিশ্বকাপৰ ফাইনেলত নিউজীলেণ্ডক ৯৬ ৰানত পৰাস্ত কৰি টিম ইণ্ডিয়া বিশ্ব চেম্পিয়নৰ খিতাপ অৰ্জন কৰে

চলিত বছৰৰ ৮ মাৰ্চত অনুষ্ঠিত হোৱা টি-২০ বিশ্বকাপৰ ফাইনেলত নিউজীলেণ্ডক ৯৬ ৰানত পৰাস্ত কৰি টিম ইণ্ডিয়া বিশ্ব চেম্পিয়নৰ খিতাপ অৰ্জন কৰে । ইয়াৰ মাত্ৰ তিনি সপ্তাহৰ পিছতে আৰম্ভ হ’ব আই পি এল ২০২৬ । ২৮ মাৰ্চত অনুষ্ঠিত হ’ব এই প্ৰতিযোগিতাৰ প্ৰথমখন মেচ । উদ্বোধনী মেচত ৰয়েল চেলেঞ্জাৰছ বেংগালুৰু আৰু ছানৰাইজাৰ্ছ হায়দৰাবাদ মুখামুখি হ’ব ।

টি-২০ বিশ্বকাপ বিজয়ী ভাৰতীয় দলটোত আছিল সঞ্জু চেমছন, ঈশান কিষণ, সূৰ্যকুমাৰ যাদৱ, হাৰ্দিক পাণ্ডিয়া আৰু যশপ্ৰীত বুমৰাহৰ দৰে তাৰকা খেলুৱৈ । টি-২০ বিশ্বকাপ বিজয়ী দলৰ প্ৰতিগৰাকী খেলুৱৈয়ে আই পি এল ২০২৬ত কোনটো দলৰ হৈ খেলিব জানক ।

কোন দলৰ হৈ কোনে খেলিব ?

মুম্বাই ইণ্ডিয়ানছ– সূৰ্যকুমাৰ যাদৱ, হাৰ্দিক পাণ্ডিয়া, তিলক বাৰ্মা, যশপ্ৰীত বুমৰাহ

চেন্নাই চুপাৰ কিংছ- সঞ্জু চেমচন, শিৱম ডুবে

ছানৰাইজাৰ্ছ হায়দৰাবাদ- অভিষেক শৰ্মা, ঈশান কিষণ

কলকাতা নাইট ৰাইডাৰ্ছ – ৰিংকু সিং, বৰুণ চক্ৰৱৰ্তী

গুজৰাট টাইটানছ – ৱাশ্বিংটন সুন্দৰ, মহম্মদ চিৰাজ

দিল্লী কেপিটেলছ – কুলদীপ যাদৱ, অক্ষৰ পেটেল

পঞ্জাৱ কিংছ – অৰ্শদীপ সিং

ভাৰতৰ টি-২০ বিশ্বকাপ বিজয়ী দলত মুঠ ১৫ জন খেলুৱৈ আছিল যদিও ইয়াৰে ১৪ গৰাকীয়ে আই পি এল ২০২৬ত পূৰ্বৰ দলত আছে । এইবাৰ দল সলনি কৰা একমাত্ৰ খেলুৱৈ হৈছে সঞ্জু চেমছন । তেওঁ ৰাজস্থান ৰয়েলছ এৰি চেন্নাই ছুপাৰ কিংছত যোগদান কৰিছে । ৰবীন্দ্ৰ জাডেজা আৰু ছেম কাৰানৰ ঠাইত চেমছনে বাণিজ্যিক চুক্তিৰ অংশ হিচাপে চি এছ কেত যোগদান কৰে ।

ইফালে আই পি এল ২০২৬ত হাৰ্দিক পাণ্ডিয়া, অক্ষৰ পেটেল আৰু ঈশান কিষণ যিয়ে নিজৰ নিজৰ দলৰ অধিনায়কত্ব কৰিব । হাৰ্দিক পাণ্ডিয়া মুম্বাই ইণ্ডিয়ানছৰ অধিনায়ক আৰু অক্ষৰ পেটেল দিল্লী কেপিটেলছৰ অধিনায়ক । ছানৰাইজাৰ্ছ হায়দৰাবাদৰ নিয়মীয়া অধিনায়ক পেট কামিন্স আঘাতপ্ৰাপ্ত হৈ প্ৰথম কেইখনমান মেচৰ পৰা আঁতৰি থকাৰ বাবে ঈশান কিষনক অস্থায়ী অধিনায়ক হিচাপে নিযুক্তি দিয়া হৈছে ।

লগতে পঢ়ক : পি এছ এলত সন্ত্ৰাসবাদী আক্ৰমণৰ আতংক! বিদেশী খেলুৱৈয়ে লাভ কৰিছে ভাবুকি

শৃংখলা দখল কৰাৰ উদ্দেশ্যেৰে আজি খেলপথাৰত নামিব টীম ইণ্ডিয়া।শুভমান গিলৰ স্থানত সঞ্জু চেমছনে কৰিব নেকি অ’পেনিং?

দক্ষিণ আফ্ৰিকাৰ বিৰুদ্ধে ৫খন মেচৰ শৃংখলা দখল কৰাৰ উদ্দেশ্যেৰে আজি খেলপথাৰত নামিব ভাৰতীয় দলটোৱে।

লক্ষ্ণৌত হোৱা হতাশাৰ পিছত শুকুৰবাৰে দুয়োটা দলে ছিৰিজৰ ডিচাইডাৰৰ বিৰুদ্ধে খেলিব।ভাৰতে ২-১ ত শৃংখলাখনত আগবাঢ়ি আছে। ইফালে ঘন কুঁৱলীৰ বাবে বাতিল কৰা হয় চতুৰ্থ টি-২০।

প্ৰতিখন মেচৰ লগে লগে ভাৰতে ফেব্ৰুৱাৰী আৰু মাৰ্চ মাহত ঘৰুৱা ক্ষেত্ৰত অনুষ্ঠিত হ’বলগীয়া টি-২০ বিশ্বকাপৰ ওচৰ চাপিছে।ভাৰতে নিজৰ ট্ৰফী ৰক্ষাৰ বাবে খেলপথাৰত নামিবলৈ মাত্ৰ ৬ খন মেচ বাকী আছে।

আহমেদাবাদত অনুষ্ঠিত হোৱা টি-২০ত ভাৰতৰ বাবে এক নতুন প্ৰত্যাহ্বান কঢ়িয়াই আনিছে।উপ অধিনায়ক শুভমান গিলৰ ভৰিত আঘাত পোৱাৰ বাবে শুকুৰবাৰে খেলিব নোৱাৰিবও পাৰে। দলৰ সৈতে আহমেদাবাদত উপস্থিত হৈছে যদিও তেওঁৰ খেলাক লৈ প্ৰশ্ন উত্থাপন হৈছে।

দলটোত কোনো বেকআপ অ’পেনাৰ নাই, গতিকে পঞ্চম টি-২০ত গিলৰ ঠাইত সঞ্জু চেমছনে অ’পেনাৰ কৰাটো সম্ভৱ।অভিষেক শৰ্মাই তেওঁৰ সৈতে অ’পেনিং কৰিব, আনহাতে সূৰ্যকুমাৰ যাদৱে তিনি নম্বৰত বেটিং কৰিব।

ভাৰতীয় অধিনায়কগৰাকীয়ে কয় যে তেওঁ ফৰ্মৰ বাহিৰত নহয়,মাত্ৰ ৰান কৰিব পৰা নাই।আশাকৰোঁ এই শেষৰখন মেচ তেওঁৰ বাবে পুনৰ ফৰ্মলৈ ঘূৰি অহাৰ সুযোগ হ’ব।

তিলক ভাৰ্মাই চতুৰ্থ নম্বৰত নিজৰ স্থান সুদৃঢ় কৰিছে আৰু এই পজিচনত যিমানেই খেলিব সিমানেই তেওঁ আত্মবিশ্বাসী হ’ব।

লগতে পঢ়ক: আহমেদাবাদত উপস্থিত শুভমান গিল; দক্ষিণ আফ্ৰিকাৰ বিৰুদ্ধে অন্তিমখন টি-২০ ত নামিব নেকি খেলপথাৰত?