আইচিচি পুৰুষৰ টি-২০ বিশ্বকাপৰ ছেমি ফাইনেলত প্ৰৱেশ কৰিলে টীম ইণ্ডিয়াই। কলকাতাৰ ইডেন গাৰ্ডেনত ৱেষ্ট ইণ্ডিজক ধূলিসাৎ টীম ইণ্ডিয়াৰ।
কলকাতাৰ ইডেন গাৰ্ডেনত ভাৰত আৰু ৱেষ্ট ইণ্ডিজৰ দলৰ মাজত অনুষ্ঠিত হয় আই চি চি টি-২০ বিশ্বকাপ ২০২৬ৰ অন্তিমখন ছুপাৰ-৮ মেচ।খেলখনত ৱেষ্ট ইণ্ডিজক ধূলিসাৎ কৰি ছেমি ফাইনেলত প্ৰৱেশ টিম ইণ্ডিয়াৰ।এই মেচখনত ৫ উইকেটত জয়লাভ ভাৰতৰ।
টচত জয়ী হৈ ভাৰতে প্ৰথমে বলিং কৰাৰ সিদ্ধান্ত লয়। প্ৰথমে বেটিং কৰি ৱেষ্ট ইণ্ডিজৰ দলটোৱে ভাৰতক ১৯৬ ৰানৰ লক্ষ্য বান্ধি দিয়ে। ভাৰতে ৫ টা উইকেট হেৰুৱাই ১৯৯ ৰান সংগ্ৰহ কৰে।
ইয়াৰ লগে লগে ছেমি ফাইনেলত প্ৰৱেশ কৰিলে ভাৰতৰ দলটোৱে।এই মেচখনৰ নায়ক আছিল সঞ্জু চেমচন।যিয়ে কলকাতাৰ ইডেন গাৰ্ডেনত ৯৭ ৰানৰ ধুমুহাময় ইনিংছ খেলি ভাৰতক শীৰ্ষ ৪ৰ টিকট লাভ কৰাত সহায় কৰে।
ইফালে এই পৰাজয়ৰ লগে লগে বিশ্বকাপৰ পৰা অন্ত পৰিল ৱেষ্ট ইণ্ডিজৰ যাত্ৰা। এতিয়া ভাৰতৰ ছেমি ফাইনেল খেলখন ৫ মাৰ্চত ইংলেণ্ডৰ বিৰুদ্ধে হ’ব।এই মেচখন মুম্বাইত অনুষ্ঠিত হ’ব।
লগতে পঢ়ক: ৱেষ্ট ইণ্ডিজৰ বিৰুদ্ধে টছত জয়লাভ ভাৰতৰ; টছত জয়ী হৈ বলিঙৰ সিদ্ধান্ত
