পশ্চিম বংগৰ মুখ্যমন্ত্ৰী মমতা বেনাৰ্জীয়ে এক বিস্ফোৰক মন্তব্যল কৰিছে। ৰাজ্যৰ মহিলা সকলক পাকঘৰত ৰখা সামগ্ৰীক অস্ত্ৰ-সস্ত্ৰ বুলি ভাবিব কৈছে।

SIR সন্দৰ্ভত পশ্চিম বংগত ৰাজনীতি উত্তপ্ত হৈ পৰিছে।ইয়াৰ মাজতে মুখ্যমন্ত্ৰী মমতা বেনাৰ্জীয়ে ৰাজ্যৰ মহিলাসকলক কয় যে, যদি ভোটাৰ তালিকা পুনৰীক্ষণৰ সময়ত তেওঁলোকৰ নাম আঁতৰাই দিয়া হয়, তেন্তে পাকঘৰত ৰখা সামগ্ৰীৰ সৈতে তেওঁলোক সাজু হ’ব লাগে।

পশ্চিম বংগৰ মুখ্যমন্ত্ৰী মমতা বেনাৰ্জীয়ে অভিযোগ কৰে যে SIRৰ সময়ত ডি এমৰ কাম-কাজ নিৰীক্ষণ কৰিবলৈ দিল্লীৰ পৰা নিৰ্বাচন আয়োগে বিজেপি সমৰ্থক বিষয়াক প্ৰেৰণ কৰিছে ।

বংগৰ কৃষ্ণনগৰত এক সভাত ভাষণ দি তেওঁ কয়, “নিৰ্বাচনৰ সময়ত যদি দিল্লীৰ পৰা আৰক্ষীক মাতি অনা হ’ব আৰু মাতৃ-ভগ্নীক ভয় খুৱাব”।

“যদি আপোনাৰ নাম ভোটাৰ তালিকাৰ পৰা আঁতৰাই দিয়া হয় তেন্তে সহ্য নকৰিব।পাকঘৰত আপোনাৰ ওচৰত অস্ত্ৰ-শস্ত্ৰ আছে। মহিলাসকলে সন্মুখত যুঁজিব, আৰু পুৰুষসকলে তেওঁলোকৰ পিছফালে থিয় হ’ব। “

তেওঁ আৰু কয় যে, “প্ৰয়োজন হ’লে আমি সকলোৱে ঘৰতে গীতা পাঠ কৰো।তেনেহ’লে ৰাজহুৱা সভাৰ আয়োজন কিয়? ঈশ্বৰ হৃদয়ত বাস কৰে, যিসকলে আল্লাহৰ ওচৰত প্ৰাৰ্থনা কৰে,তেওঁলোকে নিজৰ হৃদয়তেই প্ৰাৰ্থনা কৰে।”

“ৰমজান আৰু দুৰ্গা পূজাৰ সময়ত আমি সকলোৱে একেলগে নামাজ পঢ়ো।গীতাক লৈ যিসকলে হুলস্থুল কৰি আছে,মই সেই সকলক সুধিব বিচাৰিছো যে, ভগৱান শ্ৰীকৃষ্ণই কি কৈছিল। ধৰ্ম মানে পবিত্ৰতা, মানৱতা আৰু শান্তি, হিংসা, বৈষম্য আৰু বিভাজন নহয়।”

তেওঁ বিজেপিক লক্ষ্য কৰি লৈ কয় যে, “এতিয়া দাঙ্গাকাৰীৰ দলৰ আগত মোৰ নাগৰিকত্ব প্ৰমাণ কৰাৰ প্ৰয়োজন আছেনে?”

কেন্দ্ৰীয় চৰকাৰে বাঙালীক লক্ষ্য কৰি লোৱাৰ অভিযোগ উত্থাপন কৰি বেনাৰ্জীয়ে কয়, “আমাৰ মাজত এজন গৃহমন্ত্ৰী আছে, যিয়ে সকলো বঙালী লোকক বাংলাদেশী সজাই সেই সকলক ডিটেনচন চেণ্টাৰলৈ পঠিয়াবলৈ যিকোনো কাম কৰিব পাৰে, কিন্তু আমি কাকো পশ্চিম বংগৰ পৰা ওলাই যাব নিদো। যদি কাৰোবাক বলপূৰ্বকভাৱে উচ্ছেদ কৰা হয়, তেন্তে আমি ভালদৰে জানো যে তেওঁক কেনেকৈ ঘূৰাই আনিব পাৰি।”

লগতে পঢ়ক: ইভিএম নহয়, হৃদয় হেক কৰে প্ৰধানমন্ত্ৰী মোদীয়ে… লোকসভাত গৰজি উঠিল কংগনা ৰানাৱট

দলৰ পৰা বহিষ্কৃত বিধায়ক হুমায়ুন কবীৰ বিস্ফোৰক মন্তব্য,”মমতা বেনাৰ্জীয়ে আৰ এছ এছৰ কাম কৰি আছে”

পশ্চিম বংগত বিধায়ক হুমায়ুন কবীৰক লৈ ৰাজনীতি উত্তপ্ত হৈ আছে। কাৰণ মুৰ্ছিদাবাদৰ ভাৰতপুৰ আসনৰ বিধায়ক হুমায়ুন কবীৰে বাবৰি মছজিদ নিৰ্মাণ সন্দৰ্ভত তেওঁ দিয়া বক্তব্যত স্থিৰ হৈ আছে আৰু এতিয়া এই সন্দৰ্ভত মুখ্যমন্ত্ৰী মমতা বেনাৰ্জীয়ে ব্যৱস্থা গ্ৰহণ কৰিছে।

বিধায়ক গৰাকীক তৃণমূল কংগ্ৰেছে নিলম্বন কৰিলে ।ইয়াৰ পিছত,বিধায়ক গৰাকীয়ে সংবাদ মাধ্যমৰ সন্মুখত আহি মমতা বেনাৰ্জীক পোনপটীয়াকৈ আক্ৰমণ কৰে।

তেওঁ দাবী কৰিছে যে মমতা বেনাৰ্জীয়ে আৰ এছ এছৰ বাবে কাম কৰি আছে।তেওঁ প্ৰশ্ন কৰে যে মই ১২-১৩ বছৰ পাৰ্টিত আছো। দলৰ ইমান সেৱা কৰিলো, ইয়াৰ পিছতো তেওঁৰ বিৰুদ্ধে কিয় ব্যৱস্থা লোৱা হ’ল?

তৃণমূল কংগ্ৰেছৰ পৰা নিলম্বিত হোৱাৰ পিছত বিধায়ক কবীয়ে কয়,”যেতিয়া তেওঁ প্ৰথম ক্ষমতালৈ আহিছিল,তেওঁলোকে ১৮২ খন আসন পাইছিল।তেতিয়া মোক তেওঁৰ প্ৰয়োজন আছিল”।

“তাৰ পিছত মোক পাৰ্টিত অন্তৰ্ভুক্ত কৰা হ’ল। তাৰ পিছত মই দলৰ বাবে বিভিন্ন পদত কাৰ্যনিৰ্বাহ কৰিছিলো।১২-১৩ বছৰ মোৰ লগত কিয় এনে কৰা হ’ল? মোক কিয় দলত অন্তৰ্ভুক্ত কৰা হ’ল?”

“আজি, মুখ্যমন্ত্ৰীয়ে মানুহৰ পৰা চান্দা লৈ জগন্নাথ মন্দিৰ নিৰ্মাণ কৰে,আৰু দুৰ্গা পূজাৰ বাবে দান দিয়ে। ইফালে,মুছলমান ইমামক ৩ হাজাৰ টকা ভাট্টা দিয়া হয়।”

” আৰু যদি সকলো ভাট্টা যোগ কৰো তেতিয়াহলে তেওঁলোকক মাত্ৰ ৫৪ হাজাৰ টকাহে দিয়া হৈছে।আনহাতে দুৰ্গা পূজা সমিতিসমূহক প্ৰতি বছৰে ১ লাখ ১০ হাজাৰ টকা দিয়া হয়।এইদৰে মমতা বেনাৰ্জীয়ে আৰ এছ এছৰ কাম কৰি আছে।”

লগতে পঢ়ক: ‘ৰাহুল গান্ধীয়ে বিজেপিত যোগদান কৰক…’; বিৰোধী দলপতিক তীব্ৰ সমালোচনা কংগনা ৰানাৱটৰ