SIR বিৰোধী সভাত কেন্দ্ৰীয় চৰকাৰৰ ওপৰত তীব্ৰ আক্ৰমণ পশ্চিম বংগৰ মুখ্যমন্ত্ৰী মমতা বেনাৰ্জীৰ
সোমবাৰে পশ্চিম বংগৰ মুখ্যমন্ত্ৰী মমতা বেনাৰ্জীয়ে মালদা জিলাৰ গাজোলেত অনুষ্ঠিত SIR বিৰোধী সভাত কেন্দ্ৰীয় চৰকাৰৰ ওপৰত তীব্ৰ আক্ৰমণ চলায়।
তেওঁ কয় যে কেন্দ্রই ৰাজ্যক দিবলগীয়া উচিত ধন নিদিয়ে আৰু GST ৰ পিছত এতিয়া চিগাৰেট টেক্সো নিজৰ ওচৰত ৰাখিবলৈ চেষ্টা কৰিছে।মুখ্যমন্ত্ৰী গৰাকীয়ে ইয়াক “জৰুৰীকালীন অৱস্থাৰ দৰে পৰিৱেশ” বুলি অভিহিত কৰিছে।
সভাত ভাষণ দি মমতা বেনাৰ্জীয়ে কয় যে, ‘তেওঁ গজোলেত ৰে’ল লাইন সম্পূৰ্ণ কৰিছে।আগতে ইয়াত নিয়মিত বানপানী হৈছিল’।
‘আপোনালোকৰ মনত আছেনে? মই ইয়ালৈ ভোট বিচাৰি অহা নাই।মই আপোনালোকৰ চিন্তা দূৰ কৰিবলৈ আহিছো। ভয় নকৰিব, শান্তিত থাকক।’
মুখ্যমন্ত্ৰী গৰাকীয়ে মোদী চৰকাৰক তীক্ষ্ণ সমালোচনা কৰি কয় যে, ‘কেন্দ্ৰই ধন নিদিয়ে। এতিয়া মাত্ৰ এটা কৰ আছে, GST কৰ।কেন্দ্ৰই সকলো কৰ সংগ্ৰহ কৰে।এতিয়া শুনিছো চিগাৰেটৰ কৰো তেওঁলোকে ল’ব’।
‘তেওঁলোকে সমগ্ৰ দেশ খনতে দখল কৰিছে।এইটো জৰুৰীকালীন পৰিৱেশৰ দৰে। যদি আপুনি জৰুৰীকালীন জাপি দিব বিচাৰে তেন্তে মনত ৰাখিব,আপুনি চিৰদিনৰ বাবে ক্ষমতাত নাথাকিব।আজি আপোনালোক ক্ষমতাত আছে কাইলৈ নাথাকিবও পাৰে’।
লগতে পঢ়ক: চৰকাৰী ধনেৰে বাবৰি মছজিদ নিৰ্মাণ কৰিব বিচাৰিছিল নেহৰুৱেঃ ৰাজনাথ সিং
