দুদিনীয়া ভ্ৰমণসূচীৰে ভাৰতলৈ আহিব ৰাছিয়াৰ ৰাষ্ট্ৰপতি পুটিন

প্ৰধানমন্ত্ৰী নৰেন্দ্ৰ মোদীৰ আমন্ত্ৰণত অহা ৪ আৰু ৫ ডিচেম্বৰত দুদিনীয়া ভ্ৰমণসূচীৰে ভাৰতলৈ আহিব ৰাছিয়াৰ ৰাষ্ট্ৰপতি ভ্লাদিমিৰ পুটিন।

শুকুৰবাৰে ক্ৰেমলিনৰ উদ্ধৃতিৰে ৰাছিয়াৰ চৰকাৰী সংবাদ সংস্থাই এই তথ্য প্ৰদান কৰে।ভাৰতৰ বৈদেশিক পৰিক্ৰমা মন্ত্ৰালয়েও এই ভ্ৰমণ নিশ্চিত কৰি আনুষ্ঠানিক বিবৃতি প্ৰকাশ কৰিছে।

এই ভ্ৰমণৰ সময়ত নতুন দিল্লীত প্ৰধানমন্ত্ৰী নৰেন্দ্ৰ মোদীৰ সৈতে দ্বিপাক্ষিক আলোচনাত মিলিত হ’ব পুটিন।ৰাষ্ট্ৰপতি দ্ৰৌপদী মুৰ্মুৱেও ৰাছিয়াৰ ৰাষ্ট্ৰপতি গৰাকীক সাক্ষাৎ কৰি তেওঁৰ সন্মানত ৰাজ্যিক ভোজৰ আয়োজন কৰিব।

বৈদেশিক পৰিক্ৰমা মন্ত্ৰালয়ৰ মতে, এই ভ্ৰমণত ভাৰত আৰু ৰাছিয়াৰ মাজত দ্বিপাক্ষিক সম্পৰ্কৰ অগ্ৰগতি পৰ্যালোচনা কৰা হ’ব আৰু পৰৱৰ্তী পৰ্যায়ৰ সহযোগিতাৰ দিশ নিৰ্ণয় কৰা হ’ব।

২৩ সংখ্যক ভাৰত-ৰাছিয়া বাৰ্ষিক সন্মিলনৰ অধীনত দুয়োখন দেশৰ মাজত এই বৈঠক অনুষ্ঠিত হ’ব।বিষয়াসকলৰ মতে,আলোচনাত আঞ্চলিক আৰু বিশ্বব্যাপী বিষয়সমূহৰো চৰ্চা হ’ব আৰু লগতে দুয়োখন দেশৰ মাজত দীৰ্ঘদিনীয়া কৌশলগত সম্পৰ্কক ইয়াক আৰু অধিক শক্তিশালী কৰাৰ ওপৰতো গুৰুত্ব দিয়া হ’ব।

লগতে পঢ়ক: ‘মই কাগজত লিখি দিবলৈ সাজু…’; ইউৰোপৰ ওপৰত আক্ৰমণৰ সন্দৰ্ভত পুটিনৰ ডাঙৰ মন্তব্য

ইউৰোপৰ ওপৰত আক্ৰমণৰ সন্দৰ্ভত পুটিনৰ ডাঙৰ মন্তব্য

আমেৰিকাৰ ৰাষ্ট্ৰপতি ড’নাল্ড ট্ৰাম্পে যিকোনো মূল্যৰ বিনিময়ত ৰাছিয়া আৰু ইউক্ৰেইনৰ যুদ্ধৰ অন্ত পেলাবলৈ যৎপৰোনাস্তি চেষ্টা কৰিছে।

ইউৰোপেও ৰাছিয়াক সম্পূৰ্ণ হেঁচা প্ৰয়োগ কৰিছে যে ইউক্ৰেইন যুদ্ধৰ পৰা আঁতৰি আহিব লাগে। ইফালে ইউৰোপ আৰু ৰাছিয়াৰ সম্পৰ্ক ক্ৰমাগতভাৱে ডুব গৈ আছে।ইফালে  ইউৰোপৰ সন্দৰ্ভত ৰাছিয়াৰ ৰাষ্ট্ৰপতি ভ্লাদিমিৰ পুটিনে ডাঙৰ সিদ্ধান্ত ল’ব পাৰে বুলিও কোৱা হৈছিল।

কিন্তু এতিয়া ৰাষ্ট্ৰপতিগৰাকীয়ে কয় যে, ইউৰোপক আক্ৰমণ কৰাৰ কোনো উদ্দেশ্য তেওঁৰ কেতিয়াও নাছিল।তেওঁ কয় যে তেওঁ কাগজত লিখি দিব পাৰে যে তেওঁ কেতিয়াও ইউৰোপক আক্ৰমণ নকৰে।

কিৰ্গিস্তানত উপস্থিত হোৱা পুটিনক সোধা এটা প্ৰশ্নত ৰাষ্ট্ৰপতি গৰাকীয়ে কয় যে, হয়তো ইউৰোপীয় নেতাসকলে কেৱল নিজৰ মানুহৰ বাবে এক ভ্ৰম সৃষ্টি কৰিব বিচাৰে।

বা হয়তো তেওঁ কেৱল অস্ত্ৰ নিৰ্মাণ কোম্পানীবোৰক চাতুৰী কৰি আছে।কিন্তু আমাৰ বাবে এইটো একেবাৰে অলাগতিয়াল কথা।

তেওঁ কৈছে যে, ইউৰোপীয় দেশসমূহে যদি ইচ্ছা কৰে তেন্তে লিখিতভাৱে নিশ্চয়তা দিবলৈ সাজু যে তেওঁ নাটো বা ইউৰোপক আক্ৰমণ নকৰে।

লগতে পঢ়ক: হোৱাইট হাউচত হাহাকাৰ… গুলীচালনাৰ ঘটনাত আহত তিনিজন

প্ৰধানমন্ত্ৰী মোদীক ‘বুদ্ধিমান নেতা’ আখ্যা পুটিনৰ

ৰাছিয়াৰ ৰাষ্ট্ৰপতি ভ্লাদিমিৰ পুটিনে মুকলি মঞ্চত প্ৰধানমন্ত্ৰী নৰেন্দ্ৰ মোদীক প্ৰশংসা কৰি ভাৰতক নিজৰ ঘনিষ্ঠ বন্ধু বুলি অভিহিত কৰিছে।

ছোচিৰ ভালদৈ ডিচকাচন ক্লাবত ভাষণ দি পুটিনে কয় যে মোদী এজন জ্ঞানী নেতা যিয়ে সদায় নিজৰ দেশক প্ৰথম স্থান দিয়ে।

ছোচিত চলি থকা ভালদৈ ডিচকাচন ক্লাবৰ এক অধিবেশনত প্ৰধানমন্ত্ৰী মোদীক অতিশয় প্ৰশংসা কৰা হৈছে।এই ক্লাবটো হৈছে বিশ্বৰ ডাঙৰ ডাঙৰ বিষয়বোৰৰ ওপৰত আলোচনাৰ মঞ্চ, য’ত নেতাসকলে মুকলিকৈ নিজৰ মতামত প্ৰকাশ কৰে।ভাৰত আৰু ৰাছিয়াৰ সম্পৰ্ক অতি বিশেষ বুলিও পুটিনে কয়।

ছোচীত অনুষ্ঠিত ভালদাই ডিচকাচন ক্লাবৰ পূৰ্ণাংগ অধিৱেশনত ভাষণ দি পুটিনে ভাৰত আৰু ৰাছিয়া দুয়োখন দেশৰ বিশেষ সম্পৰ্ক থকা বুলি উল্লেখ কৰে।

পুটিনে কয় যে,‘ভাৰতৰ জনসাধাৰণে ইয়াক আৰু আমাৰ সম্পৰ্কক পাহৰি নাযায়।প্ৰায় ১৫ বছৰ আগতে আমি এটা বিশেষ কৌশলগত অংশীদাৰিত্বৰ কথা ঘোষণা কৰিছিলো আৰু সেইটোৱেই হৈছে সৰ্বোত্তম বৰ্ণনা।প্ৰধানমন্ত্ৰী মোদী এজন অতি বুদ্ধিমান নেতা যিয়ে প্ৰথমে নিজৰ দেশৰ কথা চিন্তা কৰে।”

পুটিনৰ এই বক্তব্য এনে এটা সময়ত আহিছে যেতিয়া চলিত বৰ্ষৰ শেষৰ ফালে পুটিনে ভাৰত ভ্ৰমণ কৰিব বুলি খবৰ আহিছে।

লগতে পঢ়ক: ‘যদি কাটাৰক আক্ৰমণ কৰা হয়…’; নেতানিয়াহুক ট্ৰাম্পৰ মুকলি সতৰ্কবাণী