দুদিনীয়া ভ্ৰমণসূচীৰে ভাৰতত উপস্থিত ৰাছিয়াৰ ৰাষ্ট্ৰপতি পুটিন। বিমান বন্দৰত প্ৰধানমন্ত্ৰী নৰেন্দ্ৰ মোদীয়ে জনালে আদৰণি।

দিল্লীত উপস্থিত হৈছে ৰাছিয়াৰ ৰাষ্ট্ৰপতি ভ্লাদিমিৰ পুটিন। ৰাষ্ট্ৰপতি পুটিনক নতুন দিল্লীৰ পালম বিমান বন্দৰত আদৰণি জনাবলৈ উপস্থিত হয় প্ৰধানমন্ত্ৰী নৰেন্দ্ৰ মোদী।বিশেষ বিমানযোগে নতুন দিল্লীৰ পালম বিমান বন্দৰত উপস্থিত হৈছে ৰাষ্ট্ৰপতিগৰাকী।

দিল্লীত প্ৰধানমন্ত্ৰী মোডীৰ সৈতে ২৩ সংখ্যক ভাৰত-ৰাছিয়াৰ বাৰ্ষিক সন্মিলনত অংশগ্ৰহণ কৰিব।এই ভ্ৰমণ কেৱল কূটনৈতিক আনুষ্ঠানিকতা নহয় বৰঞ্চ পৰিৱৰ্তিত বিশ্ব পৰিস্থিতিত ভাৰত-ৰাছিয়াৰ সম্পৰ্কৰ এক নতুন অধ্যায়ৰ আৰম্ভণি হিচাপে বিবেচিত হৈছে।

আজি প্ৰধান মন্ত্ৰী নৰেন্দ্ৰ মোদীৰ সৈতে ব্যক্তিগত বৈঠকত মিলিত হ’ব ৰাছিয়াৰ ৰাষ্ট্ৰপতিগৰাকী।তাৰ পিছতে নৈশভোজত অংশগ্ৰহণ কৰিব ৰাষ্ট্ৰপতিগৰাকীয়ে। আৰু শুকুৰবাৰে চৰকাৰী অনুষ্ঠানত প্ৰধান মন্ত্ৰী মোদীৰ সৈতে মিলিত হ’ব পুটিন।

লগতে পঢ়ক: “মমতা বেনাৰ্জীয়ে আৰ এছ এছৰ কাম কৰি আছে”; বহিষ্কৃত বিধায়ক হুমায়ুন কবীৰ বিস্ফোৰক মন্তব্য  

‘মই TIPS দিবৰ কাৰণে সাজু আছো…’,প্ৰধানমন্ত্ৰী

সংসদৰ শীতকালীন অধিৱেশনৰ পূৰ্বে প্ৰধানমন্ত্ৰী নৰেন্দ্ৰ মোদীয়ে কয় যে বিৰোধীয়ে নিজৰ কৌশল সলনি কৰিব লাগে।মই তেওঁলোকে কেনেকৈ পৰিবেশন কৰিব লাগে তাৰ TIPS দিবলৈ সাজু ।

প্ৰধানমন্ত্ৰী মোদীয়ে বিৰোধীক সংসদ কাৰ্যক্ষম হ’বলৈ আবেদন কৰি কয় যে, যি দলেই হওক, নতুন প্ৰজন্মৰ যিসকল সাংসদ প্ৰথমবাৰলৈ সংসদ ভৱনলৈ আহিছে ইয়াৰ দ্বাৰা তেওঁলোক উপকৃত হোৱা উচিত।

প্ৰধানমন্ত্ৰীয়ে কয় যে নাটক কৰাৰ বাবে যথেষ্ট ঠাই আছে, কিন্তু ইয়াত প্ৰয়োজন হৈছে ডেলিভাৰী, নাটকৰ নহয়। ইয়াত শ্লোগান নহয়, নীতিৰ ওপৰত গুৰুত্ব দিয়া হৈছে। তেওঁ কয় যে ৰাষ্ট্ৰ নিৰ্মাণৰ বাবে ইতিবাচক চিন্তাধাৰা থাকিব লাগে।

তেওঁ আৰু কয়, ‘কিছুদিনৰ পৰা আমাৰ সদন নিৰ্বাচনৰ ৱাৰ্ম আপৰ বাবে ব্যৱহাৰ কৰা হৈছে।হয়টো ইয়াৰ ব্যৱহাৰ পৰাজয়ৰ হতাশাক উদঙাই দিবলৈ এই কাম কৰা হৈছে’।

‘ এনে কিছুমান ৰাজ্যত ক্ষমতাত থকাৰ পিছত ইমানেই বিৰোধী ক্ষমতা হৈছে যে জনসাধাৰণৰ কাষ চাপিব পৰা নাই আৰু তেওঁলোকে নিজৰ সকলো খং সদনত উলিয়াই দিয়ে’।

‘ আৰু একাংশ দলে সদনক ৰাজ্যৰ ৰাজনীতিৰ বাবে ব্যৱহাৰ কৰাৰ নতুন পৰম্পৰা আৰম্ভ কৰিছে। এই দলসমূহে বিগত ১০ বছৰ ধৰি খেলি অহা খেলখন দেশে মানি লোৱা নাই, সেই সন্দৰ্ভত চিন্তা-চৰ্চা কৰা উচিত। তেওঁলোকে নিজৰ কৌশল সলনি কৰিব লাগে।’

লগতে পঢ়ক: ‘ভাৰতীয় নৌসেনাত আইএনএছ মাহে…’; ‘মন কি বাত’ৰ জৰিয়তে দেশবাশীক ভাল খবৰ দিলে প্ৰধানমন্ত্ৰীয়ে

‘মন কি বাত’ৰ জৰিয়তে দেশবাশীক ভাল খবৰ দিলে প্ৰধানমন্ত্ৰীয়ে

প্ৰধানমন্ত্ৰী নৰেন্দ্ৰ মোদীয়ে দেওবাৰে (৩০ নৱেম্বৰ) ‘মন কি বাত’ কাৰ্যসূচীত দেশবাসীক সম্বোধন কৰি কয় নৱেম্বৰ মাহটো ভাৰতৰ বাবে বহু ঐতিহাসিক আৰু প্ৰেৰণাদায়ক সাফল্যৰে ভৰি পৰিছিল।

‘মন কি বাত’ত তেওঁ জনোৱা মতে, ২৬ নৱেম্বৰত সংবিধান দিৱস উপলক্ষে সংসদৰ কেন্দ্ৰীয় প্ৰেক্ষাগৃহত এক বিশেষ কাৰ্যসূচীৰ আয়োজন কৰা হয়,যিয়ে দেশক পুনৰ গণতান্ত্ৰিক মূল্যবোধৰ কথা সোঁৱৰাই দিলে।

প্ৰধানমন্ত্ৰীয়ে কয় যে,এই মাহতে বন্দে মাতৰমৰ ১৫০ বছৰ সম্পূৰ্ণ হোৱাৰ উপলক্ষে সমগ্ৰ দেশতে বৃহৎ কাৰ্যসূচী আৰম্ভ হয়।

ইয়াৰ লগতে তেওঁ অযোধ্যাৰ ৰাম মন্দিৰ কমপ্লেক্সত ধৰ্মধ্বজ উত্তোলন আৰু কুৰুক্ষেত্ৰৰ জ্যোতিসৰত পঞ্চজন্য স্মাৰক উদ্বোধন আদি ঐতিহাসিক ঘটনাৰ কথাও উল্লেখ কৰে।

তেওঁ কয়, হায়দৰাবাদত উদ্বোধন হ’ল বিশ্বৰ সৰ্ববৃহৎ LEAP ইঞ্জিন MRO সুবিধা,যিয়ে ভাৰতক বিশ্ব বিমান পৰিবহণৰ ক্ষেত্ৰত নতুন শক্তি প্ৰদান কৰিব।

ইয়াৰ উপৰিও আই এন এছ ‘মাহে’ক ভাৰতীয় নৌসেনাত অন্তৰ্ভুক্ত কৰা হয়, যাৰ ফলত সামুদ্ৰিক সুৰক্ষা সামৰ্থ্য আৰু অধিক বৃদ্ধি পাব।

প্ৰধানমন্ত্ৰী গৰাকীয়ে লগতে কয়,”মুম্বাইত ভাৰতীয় নৌসেনাত কমিচন দিয়া আইএনএছ ‘মাহে’।ইয়াৰ থলুৱা ডিজাইনক লৈ একাংশ লোকৰ মাজত চৰ্চা চলিছিল।”

আনহাতে, পুডুচেৰী আৰু মালাবাৰ উপকূলৰ মানুহবোৰ কেৱল ইয়াৰ নামেৰেই সুখী হৈ পৰিল।আচলতে চহকী ঐতিহাসিক ঐতিহ্য থকা ঠাই মাহেৰ নামেৰেই ইয়াৰ নাম ‘মাহে’ ৰখা হৈছে।

কেৰেলা আৰু তামিলনাডুৰ বহু লোকে লক্ষ্য কৰিছিল যে এই যুদ্ধজাহাজৰ শিখৰটো উৰুমি আৰু কালাৰিপায়াডুৰ পৰম্পৰাগত নমনীয় তৰোৱালৰ সৈতে মিল আছে।

আমাৰ নৌসেনাই আত্মনিৰ্ভৰশীলতাৰ দিশত অতি দ্ৰুতগতিত আগবাঢ়িছে সেয়া আমাৰ সকলোৰে বাবে গৌৰৱৰ বিষয়।

মহাকাশ খণ্ডৰ কথা উল্লেখ কৰি তেওঁ কয়,ভাৰতৰ উদীয়মান মহাকাশ পৰিৱেশ তন্ত্ৰই এক বৃহৎ উত্থান লাভ কৰিছে।

ব্যক্তিগত কোম্পানী স্কাইৰুটৰ ‘ইনফিনিটি কেম্পাছ’ত ভাৰতৰ নতুন উৰণ আৰু উদ্ভাৱনৰ শক্তি বিশ্ববাসীৰ আগত প্ৰদৰ্শন কৰা হৈছে।তেওঁ আৰু কয় যে দেশৰ নতুন চিন্তা, উদ্ভাৱন আৰু যুৱ শক্তিৰ বাবেই এই সফলতা সম্ভৱ হৈছে।

লগতে পঢ়ক: নিজৰ শুল্কৰ বাবেই বিপদত ট্ৰাম্প; ৬ খনকৈ দেশে বাতিল কৰিলে এফ-৩৫ যুঁজাৰু বিমানৰ চুক্তি

দক্ষিণ আফ্ৰিকাৰ ভ্ৰমণলৈ যাব প্ৰধানমন্ত্ৰী মোদী

ভাৰতৰ প্ৰধানমন্ত্ৰী নৰেন্দ্ৰ মোদী ২১ নৱেম্বৰ শুকুৰবাৰৰ পৰা ২৩ নৱেম্বৰলৈ জোহান্সবাৰ্গ আৰু দক্ষিণ আফ্ৰিকাৰ ভ্ৰমণ কৰিব।

প্ৰধানমন্ত্ৰী গৰাকীয়ে দক্ষিণ আফ্ৰিকাত অনুষ্ঠিত হৈ থকা ২০ সংখ্যক জি-২০ সন্মিলনত অংশগ্ৰহণ কৰিবলৈ ওলাইছে।

উল্লেখ্য যে,উন্নয়নশীল দেশসমূহত অনুষ্ঠিত হ’বলগীয়া এইখন একেৰাহে চতুৰ্থখন জি-২০ সন্মিলন।এই কাৰ্যসূচীত প্ৰধানমন্ত্ৰী মোদীকে ধৰি বহু দেশৰ ৰাষ্ট্ৰপতিসকলে অংশগ্ৰহণ কৰিবলৈ ওলাইছে।এই অনুষ্ঠানত প্ৰধানমন্ত্ৰী গৰাকীয়ে জি-২০ এজেণ্ডাৰ সন্দৰ্ভত ভাৰতৰ দৃষ্টিভংগী দাঙি ধৰিব।

দক্ষিণ আফ্ৰিকাত অনুষ্ঠিত হ’বলগীয়া জি-২০ সন্মিলনৰ তিনিওটা অধিবেশনতে তেওঁ ভাষণ দিব পাৰে। দক্ষিণ আফ্ৰিকাৰ জোহান্সবাৰ্গত অনুষ্ঠিত হোৱা জি-২০ নেতা সন্মিলনৰ সময়ত প্ৰধানমন্ত্ৰী গৰাকীয়ে তাত উপস্থিত থকা কেইজনমান নেতাৰ সৈতে দ্বিপাক্ষিক বৈঠকতো মিলিত হ’ব পাৰে।

দক্ষিণ আফ্ৰিকাই আয়োজন কৰা ভাৰত-ব্ৰাজিল-দক্ষিণ আফ্ৰিকা (আই বি এছ এ) নেতা বৈঠকতো অংশগ্ৰহণ কৰিব প্ৰধানমন্ত্ৰী মোদীয়ে।

লগতে পঢ়ক: “মই নীতিশ কুমাৰ…”; দশমবাৰলৈ বিহাৰৰ মুখ্যমন্ত্ৰী হিচাপে শপতগ্ৰহণ

ভুটানৰ পৰা আহিয়েই দিল্লী বিস্ফোৰণত আহতৰ খবৰ ল’লে প্ৰধানমন্ত্ৰী মোদীয়ে

দিল্লীৰ বিস্ফোৰণত আহতসকলক সাক্ষাৎ কৰিবলৈ দিল্লীৰ এল এন জে পি হাস্পতালত উপস্থিত হয় প্ৰধানমন্ত্ৰী নৰেন্দ্ৰ মোদী । আজি ভূটানৰ পৰা দিল্লীলৈ উভতি আহে প্ৰধানমন্ত্ৰী নৰেন্দ্ৰ মোদী ।

বিমানবন্দৰৰ পৰা পোনে পোনে চিকিৎসালয়লৈ যায় তেওঁ । উল্লেখ্য যে, দিল্লী বিস্ফোৰণত আহত লোকসকলক চিকিৎসাৰ বাবে এল এন জে পি হাস্পতালত ভৰ্তি কৰা হৈছে ।

দুদিনীয়া ভূটান ভ্ৰমণৰ সামৰি উভতি অহা প্ৰধানমন্ত্ৰী মোদী ততাতৈয়াকৈ দিল্লীত উপস্থিত হৈ পোনে পোনে এল এন জে পি হাস্পতাললৈ যায় ।

তেওঁ ব্যক্তিগতভাৱে আহতসকলক সাক্ষাৎ কৰি তেওঁলোকৰ আশু আৰোগ্য কামনা কৰে । চিকিৎসালয়ৰ বিষয়া আৰু চিকিৎসকেও তেওঁক পৰিস্থিতি সন্দৰ্ভত অৱগত কৰে ।

আহতসকলক সাক্ষাৎ কৰাৰ বিষয়ে তথ্য দি প্ৰধানমন্ত্ৰীয়ে এক্সত লিখিছে, ‘দিল্লীৰ বোমা বিস্ফোৰণত আহতসকলক সাক্ষাৎ কৰিবলৈ এল এন জে পি হাস্পতালত উপস্থিত হয়। সকলোৰে আশু আৰোগ্যৰ বাবে প্ৰাৰ্থনা জনাইছো।ষড়যন্ত্ৰ কৰা সকলক ন্যায়ৰ কাঠগৰালৈ অনা হ’ব!’

দিল্লী বিস্ফোৰণৰ পিছত ভূটানৰ পৰা দিয়া প্ৰথম ভাষণত প্ৰধানমন্ত্ৰী নৰেন্দ্ৰ মোদীয়ে ঘটনাৰ কথা উল্লেখ কৰি সতৰ্কবাণী জাৰি কৰে।

এই সময়ছোৱাত তেওঁ কৈছিল যে এই বিস্ফোৰণৰ বাবে দায়ী সকলোকে কোনো মূল্যৰ বিনিময়ত ৰেহাই দিয়া নহ’ব।

লগতে পঢ়ক: বিস্ফোৰণত জড়িত কাকো ৰেহাই দিয়া নহ’ব… ভূটানৰ পৰাই প্ৰধানমন্ত্ৰী মোদীৰ হুংকাৰ