আজি দাখিল কৰা বাজেটক জাবৰ আখ্যা পশ্চিম বংগৰ মুখ্যমন্ত্ৰী মমতা বেনাৰ্জীৰ। বাজেটক লৈ মমতা বেনাৰ্জীয়ে উজাৰিলে ক্ষোভ
দেওবাৰে বিত্তমন্ত্ৰী নিৰ্মলা সীতাৰমণে ২০২৬-২৭ বিত্তীয় বৰ্ষৰ সাধাৰণ বাজেট দাখিল কৰে।গৃহমন্ত্ৰী অমিত শ্বাহকে ধৰি ভাৰতীয় জনতা পাৰ্টি আৰু ৰাষ্ট্ৰীয় গণতান্ত্ৰিক মিত্ৰজোঁটৰ নেতাসকলে এই বাজেটক মুকলিকৈ প্ৰশংসা কৰিছে,ইয়াক উন্নত ভাৰতৰ দিশত এক শক্তিশালী পদক্ষেপ হিচাপেও আখ্যা দিয়া হৈছে।
ইফালে, কংগ্ৰেছ আৰু অন্যান্য বিৰোধী দলৰ নেতাসকলে বাজেটক সমালোচনা কৰিছে।কংগ্ৰেছৰ মুখপাত্ৰ সুৰেন্দ্ৰ ৰাজপুতে বাজেট সন্দৰ্ভত কয় যে অৰ্থনীতিক খাৱৈ লৈ ঠেলি দিয়াৰ পিছতহে চৰকাৰে মানি ল’ব।
পশ্চিম বংগৰ মুখ্যমন্ত্ৰী মমতা বেনাৰ্জীয়ে কয় যে এই বাজেটত বংগক একো দিয়া হোৱা নাই আৰু এই বাজেট দিশহীন।মমতা বেনাৰ্জীয়ে অৰ্থনৈতিক কৰিডৰৰ ঘোষণাকো জাবৰ বুলি অভিহিত কৰে।
আনহাতে কংগ্ৰেছে নিজৰ অফিচিয়েল ছ’চিয়েল মিডিয়া হেণ্ডেলত পোষ্ট কৰি কয় যে মোদীৰ ভুৱা বাজেটৰ বাবেই শ্বেয়াৰ বজাৰ স্তব্ধ হৈ পৰিছে।
লগতে পঢ়ক: সস্তা হ’ল জোটা, বৃদ্ধি পালে সুৰাৰ দাম; কি কি আছে বাজেটত?
