• July 19, 2026
Facebook-f Instagram Youtube Linkedin-in

গুৱাহাটীত উপস্থিত প্ৰধানমন্ত্ৰী নৰেন্দ্ৰ মোদী, ফুলাম গামোচাৰে মুখ্যমন্ত্ৰীয়ে জনালে আদৰণি

March 13, 2026 ·

দুদিনীয়া অসম ভ্ৰমণ কাৰ্যসূচীৰে গুৱাহাটীত উপস্থিত দেশৰ প্ৰধানমন্ত্ৰী নৰেন্দ্ৰ মোদী

শুকুৰবাৰে বিয়লি দুদিনীয়া অসম ভ্ৰমণ কাৰ্যসূচীৰে গুৱাহাটীত উপস্থিত হয় দেশৰ প্ৰধানমন্ত্ৰী নৰেন্দ্ৰ মোদী । বিমানবন্দৰত প্ৰধানমন্ত্ৰীগৰাকীক আদৰণি জনাই মুখ্যমন্ত্ৰী ড০ হিমন্ত বিশ্ব শৰ্মাই । এই ভ্ৰমণকালত তেওঁ ৰাজ্যখনৰ বিভিন্ন প্ৰান্তৰ কেইবাটাও উন্নয়নমূলক প্ৰকল্পৰ শুভাৰম্ভ আৰু উদ্বোধন কৰাৰ কথা আছে ।

জানিব পৰা মতে প্ৰধানমন্ত্ৰীগৰাকীয়ে প্ৰথমে দিনৰ ভাগত কোকৰাঝাৰ ভ্ৰমণ কৰি সন্ধিয়া গুৱাহাটীত উপস্থিত হোৱাৰ কথা আছিল । কিন্তু ধাৰাসাৰ বৰষুণৰ বাবে কোকৰাঝাৰৰ কাৰ্যসূচী বাতিল কৰা হয় ।

কাৰ্যসূচীৰ এই পৰিৱৰ্তন সত্ত্বেও, প্ৰধানমন্ত্ৰীয়ে কোকৰাঝাৰৰ বাবে পৰিকল্পিত ৪,৫৭০ কোটি টকাৰো অধিক মূল্যৰ উন্নয়নমূলক প্ৰকল্পসমূহ ভার্চুৱেলী উন্মোচন কৰিব । প্ৰধানমন্ত্ৰীৰ আগমণৰ প্ৰতি লক্ষ্য ৰাখি সমগ্ৰ গুৱাহাটীতে নিৰাপত্তা ব্যৱস্থা কটকটীয়া কৰা হৈছে । বিমানবন্দৰত তেওঁক আদৰণি জনাবলৈ জ্যেষ্ঠ বিষয়া আৰু ৰাজ্যিক নেতৃত্ব উপস্থিত থাকে ।

এই ভ্ৰমণৰ সময়ছোৱাত মোদীয়ে অসমৰ বিভিন্ন প্ৰান্তত প্ৰায় ৪৮,০০০ কোটি টকাৰ উন্নয়নমূলক প্ৰকল্পৰ শুভাৰম্ভ, উদ্বোধন আৰু আধাৰশিলা স্থাপন কৰাৰ সম্ভাৱনা আছে । আজি দিনৰ শেষৰ ফালে গুৱাহাটীত আৰু ১৪ মাৰ্চত শিলচৰত পৰৱৰ্তী কাৰ্যসূচী তথা প্ৰকল্পসমূহৰ শুভাৰম্ভণী অনুষ্ঠান অনুষ্ঠিত হ’ব ।

লগতে পঢ়ক : ইংলেণ্ড আৰু পাকিস্তানৰ উন্নতি হোৱাটো বিচাৰিব গৌৰৱ গগৈয়েঃ মুখ্যমন্ত্ৰীৰ মন্তব্য

দুদিনীয়া ভ্ৰমণসূচীৰে ১৩ মাৰ্চত পুনৰ অসমলৈ প্ৰধানমন্ত্ৰী নৰেন্দ্ৰ মোদী

March 11, 2026 ·

প্ৰধানমন্ত্ৰীয়ে তেওঁৰ ভ্ৰমণকালত দেশৰ নামত প্ৰায় ১০,০০০ কোটি টকাৰ প্ৰকল্প উৎসৰ্গা কৰিব

উপহাৰৰ টোপোলা লৈ পুনৰ অসমলৈ আহিব দেশৰ প্ৰধানমন্ত্ৰী নৰেন্দ্ৰ মোদী । সমাগত বিধানসভা নিৰ্বাচনৰ পূৰ্বে প্ৰধানমন্ত্ৰীগৰাকীয়ে অসম ভ্ৰমণ কৰি ৰাজ্যবাসীক দিব কেইবাটাও বৃহৎ উপহাৰ । মুখ্যমন্ত্ৰী ড০ হিমন্ত বিশ্ব শৰ্মাই জনোৱা অনুসৰি, কেইবাটাও উন্নয়নমূলক প্ৰকল্প উদ্বোধন কৰিবলৈ আৰু চাহ জনগোষ্ঠীৰ লোকসকলক ভূমিৰ পট্টা বিতৰণ কৰিবলৈ প্ৰধানমন্ত্ৰী নৰেন্দ্ৰ মোদীয়ে ১৩ আৰু ১৪ মাৰ্চত দুদিনীয়া কাৰ্যসূচীৰে অসম ভ্ৰমণ কৰিব ।

গুৱাহাটীত এক সংবাদমেল সম্বোধন কৰি মুখ্যমন্ত্ৰী ড০ শৰ্মাই কয় যে প্ৰধানমন্ত্ৰীয়ে তেওঁৰ ভ্ৰমণকালত দেশৰ নামত প্ৰায় ১০,০০০ কোটি টকাৰ প্ৰকল্প উৎসৰ্গা কৰিব । প্ৰধানমন্ত্ৰী মোদীয়ে কোকৰাঝাৰৰ পৰা তেওঁৰ ভ্ৰমণ কাৰ্যসূচী আৰম্ভ কৰিব, য’ত তেওঁ কেইবাটাও উন্নয়নমূলক প্ৰকল্পৰ উদ্বোধন আৰু আধাৰশিলা স্থাপন কৰিব । লগতে ১৩ মাৰ্চত প্ৰধানমন্ত্ৰীয়ে গুৱাহাটীত এক কাৰ্যসূচীত অংশগ্ৰহণ কৰি প্ৰধানমন্ত্ৰী কিষাণ সন্মান নিধি (PM-KISAN) আঁচনিৰ এটা কিস্তি মুকলি কৰিব ।

প্ৰধানমন্ত্ৰীৰ এই ভ্ৰমণৰ অন্যতম আকৰ্ষণ হ’ল চাহ জনগোষ্ঠীক ভূমিৰ পট্টা বিতৰণ কৰা । মুখ্যমন্ত্ৰী ড০ শৰ্মাই কয় যে প্ৰধানমন্ত্ৰীয়ে এগৰাকী যোগ্য চাহ শ্ৰমিকক প্ৰথমখন ভূমিৰ পট্টা প্ৰদান কৰি চাহ বাগানৰ পৰিয়ালসমূহক ভূমিৰ মালিকীস্বত্ব প্ৰদানৰ ৰাজ্যিক পৰ্যায়ৰ এই কাৰ্যসূচীৰ শুভাৰম্ভ কৰিব । ১৪ মাৰ্চত প্ৰধানমন্ত্ৰী মোদীয়ে শিলচৰ ভ্ৰমণ কৰিব, য’ত তেওঁ প্ৰায় ২২,০০০ কোটি টকা ব্যয় সাপেক্ষে নিৰ্মাণ হ’বলগীয়া শিলচৰ-শ্বিলং-গুৱাহাটী এক্সপ্ৰেছ হাইৱেৰ আধাৰশিলা স্থাপন কৰিব ।

মুখ্যমন্ত্ৰীগৰাকীয়ে লগতে জনায় যে তেওঁ ৰাজ্য চৰকাৰৰ ১৫০ মেগাৱাট ক্ষমতা সম্পন্ন কপিলী জলবিদ্যুৎ প্ৰকল্পটো দেশবাসীৰ বাবে উৎসৰ্গা কৰিব । ড০ শৰ্মাই জনোৱা মতে, দুদিনীয়া ভ্ৰমণকালত প্ৰধানমন্ত্ৰীয়ে কোকৰাঝাৰ, গুৱাহাটী আৰু শিলচৰত জনসভা সম্বোধন কৰিব । উল্লেখ্য যে, তিনি মাহতকৈয়ো কম সময়ৰ ভিতৰত চতুৰ্থবাৰৰ বাবে অসম ভ্ৰমণলৈ আহিব প্ৰধানমন্ত্ৰীগৰাকী ।

ইফালে, ১৫ মাৰ্চত দেশৰ গৃহমন্ত্ৰী অমিত শ্বাহে অসম ভ্ৰমণ কৰাৰ সম্ভাৱনা আছে । তেওঁ গুৱাহাটীত প্ৰাগজ্যোতিষপুৰ চিকিৎসা মহাবিদ্যালয় উদ্বোধন কৰিব আৰু ভাৰতীয় জনতা পাৰ্টিৰ দ্বাৰা আয়োজিত ‘যুৱ সংকল্প সমাৱেশ’ত অংশগ্ৰহণ কৰিব । জানিব পৰা মতে খানাপাৰাৰ পশু চিকিৎসা মহাবিদ্যালয়ৰ খেলপথাৰত অনুষ্ঠিত হ’বলগীয়া এই কাৰ্যসূচীত প্ৰায় এক লাখ যুৱ কৰ্মীয়ে অংশগ্ৰহণ কৰাৰ সম্ভাৱনা আছে ।

লগতে পঢ়ক : জুবিন ক্ষেত্ৰক লৈ কেবিনেটৰ ডাঙৰ সিদ্ধান্ত, আলি-আয়ে-লৃগাঙত ৰাজ্যিক বন্ধ ঘোষণা

‘এয়া ৰাষ্ট্ৰপতিক নহয়, সংবিধানক অপমান…’; প্ৰট’কল উলংঘাক লৈ মমতা চৰকাৰক তীক্ষ্ণ সমালোচনা প্ৰধানমন্ত্ৰী মোদীৰ

March 8, 2026 ·

প্ৰধানমন্ত্ৰী নৰেন্দ্ৰ মোদীয়ে পশ্চিম বংগৰ টিএমচি চৰকাৰক তীব্ৰ সমালোচনা কৰি ৰাষ্ট্ৰপতি দ্ৰৌপদী মুৰ্মুক অপমান কৰাৰ অভিযোগ উত্থাপন কৰে।তেওঁ কয় যে এই কাণ্ড কেৱল ৰাষ্ট্ৰপতিৰ অপমান নহয়, এয়া সংবিধানৰ অপমান।

প্ৰধানমন্ত্ৰী নৰেন্দ্ৰ মোদীয়ে দেওবাৰে, আন্তঃৰাষ্ট্ৰীয় নাৰী দিৱস উপলক্ষ্যে দিল্লীত প্ৰায় ৩৩,৫০০ কোটি টকা ব্যয় সাপেক্ষে কেইবাটাও উন্নয়নমূলক প্ৰকল্পৰ উদ্বোধন আৰু আধাৰশিলা স্থাপন কৰে।এই উপলক্ষে এখন ৰাজহুৱা সভাত ভাষণ দি প্ৰধানমন্ত্ৰী গৰাকীয়ে পশ্চিম বংগৰ টিএমচি চৰকাৰক ৰাষ্ট্ৰপতি দ্ৰৌপদী মুৰ্মুৰ প্ৰট’কল উলংঘা কৰাৰ বাবে তীব্ৰ সমালোচনা কৰে। প্ৰধানমন্ত্ৰী গৰাকীয়ে টিএমচিয়ে ৰাষ্ট্ৰপতিক অপমান কৰাৰ অভিযোগ উত্থাপন কৰে।

ৰাজহুৱা সভাত ভাষণ দি প্ৰধানমন্ত্ৰীয়ে কয়,’আজি দেশত আন্তঃৰাষ্ট্ৰীয় নাৰী দিৱস উদযাপন কৰা হৈছে,আৰু কালি পশ্চিম বংগৰ টিএমচি চৰকাৰে দেশৰ ৰাষ্ট্ৰপতি দ্ৰৌপদী মুৰ্মুক গুৰুতৰ অপমান কৰিলে।দ্ৰৌপদী মুৰ্মু সন্থাল সম্প্ৰদায়ৰ এটা ডাঙৰ উৎসৱত অংশগ্ৰহণ কৰিবলৈ বংগলৈ গৈছিল,কিন্তু ৰাষ্ট্ৰপতিক সন্মান কৰাৰ পৰিৱৰ্তে টিএমচিয়ে এই পবিত্ৰ আৰু গুৰুত্বপূৰ্ণ অনুষ্ঠানটো বৰ্জন কৰিলে।’

প্ৰধানমন্ত্ৰী গৰাকীয়ে কয় যে,দ্ৰৌপদী মুৰ্মু নিজেই জনজাতীয় সমাজৰ পৰা আহিছে আৰু তেওঁলোকৰ বিকাশৰ প্ৰতি সদায় চিন্তিত।টিএমচি চৰকাৰে সেই অনুষ্ঠানটো অপব্যৱস্থাপনাৰ বাবে পৰিত্যাগ কৰিলে।এইটো কেৱল ৰাষ্ট্ৰপতিৰ অপমান নহয়, বৰঞ্চ ভাৰতৰ সংবিধানৰো অপমানো। এয়া সংবিধানৰ আত্মাক অপমান।এয়া গণতন্ত্ৰৰ মহান পৰম্পৰাকো অপমান…’। প্ৰধানমন্ত্ৰীয়ে এই আচৰণ সংবিধানৰ মনোভাৱৰ বিৰুদ্ধে বুলি জোৰ দিয়ে।

তেওঁ কয় যে,’আমাৰ দেশত কোৱা হয় যে এজন ব্যক্তি যিমানেই শক্তিশালী নহওক কিয়,শেষত অহংকাৰেই তেওঁক ধ্বংস কৰে।আজি দেশৰ ৰাজধানীৰ পৰা মই আপোনালোকক আহ্বান জনাও যে টিএমচিৰ লেতেৰা ৰাজনীতি আৰু ক্ষমতাৰ অহংকাৰ, যিয়ে এগৰাকী জনজাতীয় ৰাষ্ট্ৰপতিৰ মৰ্যাদাক অপমান কৰিছে, তেওঁলোক সোনকালেই ধ্বংস হ’ব।

তেওঁ কয় যে,এগৰাকী মহিলা, এজন জনজাতীয়, আৰু দেশৰ ৰাষ্ট্ৰপতিক অপমান কৰা বাবে পশ্চিম বংগৰ জ্ঞান-দীপ্ত জনসাধাৰণে টিএমচিক কেতিয়াও ক্ষমা নকৰে।দেশে টিএমচিক কেতিয়াও ক্ষমা নকৰিব। দেশৰ জনজাতীয় সমাজে তেওঁক কেতিয়াও ক্ষমা নকৰে।দেশৰ মহিলাসকলে তেওঁক কেতিয়াও ক্ষমা নকৰে।

লগতে পঢ়ক: ৰাষ্ট্ৰপতিৰ প্ৰট’কল উলংঘাক লৈ কঠোৰ কেন্দ্ৰ চৰকাৰ; গৃহ মন্ত্ৰালয়ে বংগ চৰকাৰৰ পৰা বিচাৰিছে প্ৰতিবেদন

ইজৰাইললৈ ৰাওনা প্ৰধানমন্ত্ৰী মোদী; ভাৰতৰ সৈতে “হেক্সাগাঁন” মিত্ৰতা নেতান্যাহুৰ

February 25, 2026 ·

দুদিনীয়া ভ্ৰমণসূচীৰে আজি ইজৰাইললৈ ৰাওনা হৈছে প্ৰধানমন্ত্ৰী নৰেন্দ্ৰ মোদী। প্ৰধানমন্ত্ৰী মোদীৰ আগমনৰ পূৰ্বে নেতান্যাহুৱে ভাৰতক ষড়ভুজ মিত্ৰতাত অন্তৰ্ভুক্ত কৰিছে পাকিস্তান আৰু তুৰ্কিয়েৰ দৰে দেশক মোক্ষম আঘাত দিছে।

দিল্লীৰ পালাম বায়ুসেনা ষ্টেচনৰ পৰা আজি দুদিনীয়া ভ্ৰমণসূচীৰে ইজৰাইললৈ ৰাওনা হৈছে প্ৰধানমন্ত্ৰী নৰেন্দ্ৰ মোদী। কিছু সময়ৰ পূৰ্বে তেওঁৰ বিমানখনে উৰা মাৰিছে।

প্ৰধানমন্ত্ৰীৰ এই ভ্ৰমণৰ সময়ত ভাৰত আৰু ইজৰাইলৰ মাজত বহু বৃহৎ চুক্তি স্বাক্ষৰিত হ’ব।ইয়াত প্ৰতিৰক্ষা চুক্তি বিশিষ্ট।টেল আভিভত প্ৰধানমন্ত্ৰী মোদীৰ আগমনৰ পূৰ্বে ইজৰাইলৰ প্ৰধানমন্ত্ৰী বেঞ্জামিন নেতান্যাহুৱে ভাৰতক হেক্সাগাঁন মিত্ৰতাত অন্তৰ্ভুক্ত কৰি তুৰ্কিয়ে আৰু পাকিস্তানৰ দৰে দেশক মোক্ষম আঘাত দিছে।

ইজৰাইললৈ যোৱাৰ পূৰ্বে এক্সত প্ৰধানমন্ত্ৰী গৰাকীয়ে লিখিছিল,‘আজি আৰু কাইলৈৰ বাবে ​​ইজৰাইললৈ ভ্ৰমণলৈ যাম।আমাৰ দুয়োখন ৰাষ্ট্ৰৰ মাজত এক শক্তিশালী আৰু বহুমুখী কৌশলগত অংশীদাৰিত্ব আছে’।

‘কিছু বছৰৰ পৰা দুয়োখন দেশৰ সম্পৰ্কটো যথেষ্ট সুদৃঢ় হৈছে।মই প্ৰধানমন্ত্ৰী বেঞ্জামিন নেতান্যাহুৰ সৈতে আলোচনা কৰিম, য’ত প্ৰতিৰক্ষা, প্ৰযুক্তি, উদ্ভাৱন, বাণিজ্য, কৃষি, জল ব্যৱস্থাপনা আৰু জনসাধাৰণৰ সম্পৰ্ককে ধৰি বিভিন্ন ক্ষেত্ৰত সহযোগিতা বৃদ্ধিৰ উপায়ৰ বিষয়ে আলোচনা কৰা হ’ব’।

‘মই ইজৰাইলৰ ৰাষ্ট্ৰপতি ইসাক হৰোগকো লগ কৰিম।আজি সন্ধিয়া মই ইজৰাইলৰ সংসদ নেচেটক সম্বোধন কৰিম।এয়া আমাৰ শক্তিশালী সংসদীয় আৰু গণতান্ত্ৰিক সম্পৰ্কক সন্মান জনোৱাৰ বাবে এক গুৰুত্বপূৰ্ণ মুহূৰ্ত।’

ভাৰতীয় প্ৰধানমন্ত্ৰীৰ নেচেটত এইটোৱেই হ’ব প্ৰথম ভাষণ,যিয়ে দুয়োখন দেশৰ মাজত গভীৰ বন্ধুত্ব আৰু ভাগ কৰা মূল্যবোধৰ ওপৰত আলোকপাত কৰে।

লগতে পঢ়ক: দুদিনীয়া ভ্ৰমণসূচীৰে বুধবাৰে ইজৰাইললৈ প্ৰধানমন্ত্ৰী মোদী, উৎসাহী নেতেনিয়াহু 

প্ৰধানমন্ত্ৰীৰ অসম ভ্ৰমণৰ পিছতে প্ৰকাশ পাব বিজেপিৰ প্ৰাৰ্থী তালিকা: মুখ্যমন্ত্ৰী

February 20, 2026 ·

শুকুৰবাৰে মুখ্যমন্ত্ৰী ড০ হিমন্ত বিশ্ব শৰ্মাই বিজেপিৰ প্ৰাৰ্থী তালিকাক লৈ এক গুৰুত্বপূৰ্ণ মন্তব্য কৰে । ১৪ মাৰ্চত বৰাক উপত্যকালৈ প্ৰধানমন্ত্ৰীগৰাকী আহিব বুলি জানিবলৈ দিয়ে মুখ্যমন্ত্ৰী হিমন্ত বিশ্ব শৰ্মাই ।

সমাগত বিধানসভা নিৰ্বাচনক কেন্দ্ৰ কৰি ৰাজ্যৰ ৰাজনৈতিক দলসমূহৰ মাজত দেখা গৈছে নিৰ্বাচন কেন্দ্ৰীক কুচ-কাৱাজ । নিৰ্বাচনৰ দিন ঘোষণা কৰা নাই যদিও ইতিমধ্যে প্ৰায় প্ৰত্যেকটো দলেই নিজৰ নিজৰ প্ৰাৰ্থী তালিকা চূড়ান্ত কৰাৰ পথত আগবাঢ়িছে । ইয়াৰ মাজতে বিজেপিৰ প্ৰাৰ্থী তালিকাক লৈ ৰাজ্যত বিশেষভাৱে চৰ্চা চলিছে ।

শুকুৰবাৰে মুখ্যমন্ত্ৰী ড০ হিমন্ত বিশ্ব শৰ্মাই বিজেপিৰ প্ৰাৰ্থী তালিকাক লৈ এক গুৰুত্বপূৰ্ণ মন্তব্য কৰে । কাছাৰত এক বিশেষ কাৰ্যসূচীত অংশগ্ৰহণ কৰি সাংবাদিকৰ প্ৰশ্নত ফাকুৱাৰ পূৰ্বে বিজেপিয়ে প্ৰাৰ্থী তালিকা ঘোষণা নকৰে বুলি স্পষ্ট কৰি দিয়ে । প্ৰধানমন্ত্ৰীৰ অসম ভ্ৰমণৰ পিছতহে বিজেপিৰ প্ৰাৰ্থী তালিকা প্ৰকাশ পাব বুলি জানিবলৈ দিয়ে মুখ্যমন্ত্ৰীগৰাকীয়ে ।

মুখ্যমন্ত্ৰী ড০ হিমন্ত বিশ্ব শৰ্মাই কয়- হোলীৰ পূৰ্বে প্ৰকাশ নাপায় প্ৰাৰ্থী তালিকা । প্ৰধানমন্ত্ৰী যোৱাৰ পিছতহে প্ৰকাশ ৰা হ’ব ।

১৪ মাৰ্চত বৰাকলৈ আহিব প্ৰধানমন্ত্ৰী-

নিৰ্বাচনৰ পূৰ্বে পুনৰ অসমলা আহিব প্ৰধানমন্ত্ৰী নৰেন্দ্ৰ মোদী । ১৪ মাৰ্চত বৰাক উপত্যকালৈ প্ৰধানমন্ত্ৰীগৰাকী আহিব বুলি জানিবলৈ দিয়ে মুখ্যমন্ত্ৰী হিমন্ত বিশ্ব শৰ্মাই । এই ভ্ৰমণত প্ৰধানমন্ত্ৰীগৰাকীয়ে কেইবাটাও উন্নয়নমূলক প্ৰকল্পৰ আধাৰশিলা স্থাপন কৰিব বুলি জানিবলৈ দিয়ে তেওঁ । মুখ্যমন্ত্ৰীয়ে কয় যে, এই ভ্ৰমণত পাঁচগ্ৰামৰ পৰা গুৱাহাটীলৈ নিৰ্মাণ হ’বলগা এক্সপ্ৰেছ হাইৱেৰ আধাৰশিলা স্থাপন কৰিব প্ৰধানমন্ত্ৰী মোদীয়ে । এই পথটোৱে গুৱাহাটীলৈ যাত্ৰাৰ সময় চাৰে চাৰি ঘন্টা হ্ৰাস কৰাৰ লগতে প্ৰকল্পটোৰ বাবে ভূমি অধিগ্ৰহণকে ধৰি প্ৰায়বোৰ কাম ইতিমধ্যে সমাপ্ত হৈছে বুলিও জানিবলৈ দিয়ে তেওঁ । ইফালে শিলচৰ উৰণ সেতুৰো প্ৰধানমন্ত্ৰীগৰাকীয়ে মুকলি বুলি জনায় মুখ্যমন্ত্ৰীগৰাকীয়ে ।

লগতে পঢ়ক : অৱহেলিত অতীতৰ পৰা দেশৰ কেন্দ্ৰবিন্দুলৈ : বৰাকক লৈ মুখ্যমন্ত্ৰীৰ ডাঙৰ মন্তব্য

গুৱাহাটীত প্ৰধানমন্ত্ৰী নৰেন্দ্ৰ মোদীৰ বিশাল ৰোড শ্ব’… পথৰ দুয়োকাষে হাজাৰ হাজাৰ লোক

December 20, 2025 ·

শনিবাৰে বিয়লি অসমত উপস্থিত হয় প্ৰধানমন্ত্ৰী নৰেন্দ্ৰ মোদী । অসম ভ্ৰমণৰ প্ৰথম দিনা, শনিবাৰে গুৱাহাটীত প্ৰধানমন্ত্ৰী নৰেন্দ্ৰ মোদীৰ এক বিশাল ৰোড শ্ব’ বাহিৰ কৰা হয় ।

দুদিনীয়া ভ্ৰমণসূচীৰে শনিবাৰে বিয়লি অসমত উপস্থিত হয় প্ৰধানমন্ত্ৰী নৰেন্দ্ৰ মোদী । অসম ভ্ৰমণৰ প্ৰথম দিনা, শনিবাৰে সন্ধিয়া গুৱাহাটীবাসী প্ৰধানমন্ত্ৰী নৰেন্দ্ৰ মোদীৰ এক বিশাল ৰোড শ্ব’ৰ সাক্ষী হয় । এই ৰোড শ্ব’ত ৰাজ্যখনৰ বিভিন্ন সাংস্কৃতিক অনুষ্ঠানো প্ৰদৰ্শন কৰা হয় । ২৭ নং ৰাষ্ট্ৰীয় ঘাইপথৰ সৰুসজাইস্থিত অৰ্জুন ভোগেশ্বৰ বৰুৱা ক্ৰীড়া কমপ্লেক্সৰ বাহিৰৰ পৰা আৰম্ভ হোৱা এই ৰোডশ্ব’ৰ বশিষ্ঠ চাৰিআলিৰ সমীপৱৰ্তী ৰাজ্যিক বিজেপিৰ মুখ্য কাৰ্যালয়ত অন্ত পৰে ।

এখন ক’লা ৰঙৰ এছ ইউ ভিৰ সন্মুখত বহি প্ৰধানমন্ত্ৰী নৰেন্দ্ৰ মোদীয়ে পথৰ দুয়োকাষে থকা উৎসাহী ৰাইজক হাত জোকাৰি সম্ভাষণ জনায় । “মোডী জি জিন্দাবাদ” আৰু “ভাৰত মাতা কি জয়” ধ্বনি সমগ্ৰ ৰোড শ্ব’ত প্ৰতিধ্বনিত হয় । মুখ্যমন্ত্ৰী হিমন্ত বিশ্ব শৰ্মা, কেন্দ্ৰীয় মন্ত্ৰী সৰ্বানন্দ সোণোৱাল আৰু পবিত্ৰ মাৰ্ঘেৰিটা আৰু ভাৰতীয় জনতা পাৰ্টিৰ ৰাজ্যিক সভাপতি দিলীপ শইকীয়াই নিজৰ বাহনত এই ৰোড শ্ব’ত যোগদান কৰে । এই ৰোড শ্ব’ত বিজেপি কৰ্মী আৰু স্বেচ্ছাসেৱকৰ লগতে হাজাৰ হাজাৰ লোকক দেখা যায় । সকলোকে প্ৰধানমন্ত্ৰীগৰাকীক ওচৰৰ পৰা চাবলৈ উত্ৰাৱল হৈ পৰা পৰিলক্ষিত হয় ।

উল্লেখ্য যে, গুৱাহাটীত উপস্থিত হোৱাৰ পাছত প্ৰধানমন্ত্ৰী নৰেন্দ্ৰ মোদীয়ে ৰাজ্যৰ প্ৰথমগৰাকী মুখ্যমন্ত্ৰী গোপীনাথ বৰদলৈৰ ৮০ ফুট  উচ্চতাৰ প্ৰতিমূৰ্তি উন্মোচন কৰাৰ লগতে বৰঝাৰ বিমানবন্দৰৰ নতুন টাৰ্মিনেল ভৱন উদ্বোধন কৰে । ইয়াৰ পিছতে তেওঁ এখন ৰাজহুৱা সভা সম্বোধন কৰে । ইয়াৰ পিছতে তেওঁ সৰুসজাইলৈ ৰোড শ্ব’ৰ বাবে আগবাঢ়ে ।

লগতে পঢ়ক : অসমৰ পৰিচয় শেষ কৰাৰ চক্ৰান্ত কৰিছিল কংগ্ৰেছে… গুৱাহাটীত উপস্থিত হৈ প্ৰধানমন্ত্ৰী মোদীৰ গৰ্জন

দুদিনীয়া কাৰ্যসূচীৰে অসমত উপস্থিত প্ৰধানমন্ত্ৰী নৰেন্দ্ৰ মোদী, মুকলি কৰিলে বৰঝাৰ বিমানবন্দৰৰ নতুন টাৰ্মিনেল

December 20, 2025 ·

শনিবাৰে বিয়লি অসমত উপস্থিত হয় প্ৰধানমন্ত্ৰী নৰেন্দ্ৰ মোদী । তেওঁ বৰঝাৰ বিমানবন্দৰৰ নৱনিৰ্মিত টাৰ্মিনেল উন্মোচন কৰাৰ লগতে লোকপ্ৰিয় গোপীনাথ বৰদলৈৰ ৮০ ফুট উচ্চতাৰ প্ৰতিমূৰ্তিও উন্মোেচন কৰে ।

দুদিনীয়া কাৰ্যসূচীৰে শনিবাৰে বিয়লি অসমত উপস্থিত হয় প্ৰধানমন্ত্ৰী নৰেন্দ্ৰ মোদী । প্ৰধানমন্ত্ৰীগৰাকীক বিমানবন্দৰত আদৰণি জনায় ৰাজ্যৰ মুখ্যমন্ত্ৰী ড০ হিমন্ত বিশ্ব শৰ্মাই । গুৱাহাটীত উপস্থিত হোৱাৰ পিছতে প্ৰধানমন্ত্ৰী নৰেন্দ্ৰ মোদীয়ে লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰৰ নতুন টাৰ্মিনেল ভৱন উদ্বোধন কৰে । লগতে প্ৰধানমন্ত্ৰী মোদীয়ে নতুন টাৰ্মিনেলটো পৰিদৰ্শনো কৰে । এই নতুন সংহত টাৰ্মিনেল-২ ভৱনটোৰ বছৰি প্ৰায় ১ কোটি ৩১ লাখ যাত্ৰীক চম্ভালিব পৰা ক্ষমতা আছে । এই টাৰ্মিনেল নিৰ্মাণৰ বাবে প্ৰায় ৪০০০ কোটি টকা ব্যয় হৈছে । এই অনুষ্ঠানত ৰাজ্যপাল লক্ষ্মণ প্ৰসাদ আচাৰ্য, মুখ্যমন্ত্ৰী ড০ হিমন্ত বিশ্ব শৰ্মা, বিমান পৰিবহণ মন্ত্ৰী ৰাম মোহন নাইডু, উদ্যোগপতি গৌতম আদানীকে ধৰি কেইবাগৰাকীও জ্যেষ্ঠ নেতা আৰু বিষয়া উপস্থিত থাকে ।

বিমানবন্দৰৰ বিষয়াসকলে জনোৱা মতে, সমগ্ৰ বিমানবন্দৰ প্ৰকল্পটোৰ মুঠ খৰচ ৫ হাজাৰ কোটি । ইয়াৰে ১০০০ কোটি টকা বিশেষভাৱে বিমান মেৰামতি, ৰক্ষণাবেক্ষণ, আৰু অভাৰহ’ল (এম আৰ অ’) সুবিধাৰ বাবে নিৰ্ধাৰণ কৰা হৈছে । ইয়াৰ দ্বাৰা ভৱিষ্যতে নতুন কৰ্মসংস্থাপনৰ সুযোগো সৃষ্টি হ’ব ।

উল্লেখ্য যে, অসমৰ প্ৰথম মুখ্যমন্ত্ৰী লোকপ্ৰিয় গোপীনাথ বৰদলৈৰ নামেৰে বিমানবন্দৰটোৰ নামকৰণ কৰা হৈছে । প্ৰধানমন্ত্ৰী নৰেন্দ্ৰ মোদীয়ে বিমানবন্দৰৰ বাহিৰত ভাৰতৰত্ন গোপীনাথ বৰদলৈৰ ৮০ ফুট উচ্চতাৰ প্ৰতিমূৰ্তিও উন্মোচন কৰে । নতুন টাৰ্মিনেলটোৰ বিস্তৃতি প্ৰায় ১ লাখ ৪০ হাজাৰ বৰ্গমিটাৰ । ইয়াৰ ডিজাইন অসমৰ প্ৰাকৃতিক সৌন্দৰ্য্য, জৈৱ বৈচিত্ৰ্য আৰু সাংস্কৃতিক ঐতিহ্যৰ পৰা অনুপ্ৰাণিত, যি ৰাজ্যখনৰ পৰিচয় প্ৰতিফলিত কৰে । এই বিমানবন্দৰটো উত্তৰ-পূব ভাৰতৰ এক প্ৰধান বিমান কেন্দ্ৰ হিচাপে পৰিগণিত হ’ব আৰু দক্ষিণ-পূব এছিয়াৰ প্ৰৱেশদ্বাৰ হিচাপে কাম কৰিব । ইয়াৰ ফলত অঞ্চলটোৰ পৰ্যটন, বাণিজ্য আৰু উন্নয়ন যথেষ্ট বৃদ্ধি পাব ।

লগতে পঢ়ক : X ত প্ৰধানমন্ত্ৰীৰ জলৱা; শীৰ্ষ ১০ টা সৰ্বাধিক লাইকৰ তালিকাত মোদীৰ নাম

কান্ধত কান্ধ মিলাই পাকিস্তানক সকীয়নি মোদী–পুটিনৰ ; সন্ত্রাসবাদ মানৱতাৰ মূল্যবোধত আক্রমণ

December 6, 2025 ·

কান্ধত কান্ধ মিলাই পাকিস্তানক সকীয়নি মোদী–পুটিনৰ ; সন্ত্রাসবাদ মানৱতাৰ মূল্যবোধত আক্রমণ

সন্ত্রাসবাদৰ পৃষ্ঠপোষক হিচাপে সমগ্র বিশ্বতে চিহ্ণিত হৈ পৰা চিৰবৈৰী ৰাষ্ট্র পাকিস্তানক কান্ধত কান্ধ মিলাই কার্যতঃ চৰম সকীয়নি দিলে প্রধানমন্ত্রী নৰেন্দ্র মোদী আৰু ৰাছিয়াৰ ৰাষ্ট্রপতি ভ্লাডিমিৰ পুটিনে ৷

দুদিনীয়া ভ্রমণসূচীৰে কালি সন্ধিয়া নতুন দিল্লীত উপস্থিত হোৱা ৰাছিয়াৰ ৰাষ্ট্রপতি পুটিনৰে আজি হায়দৰাবাদ হাউছত আয়োজিত এক যুটীয়া সংবাদ মেলত প্রধানমন্ত্রী মোদীয়ে সন্ত্রাসবাদ সন্দর্ভত কেতবোৰ গুৰুত্বপূর্ণ মন্তব্য কৰে৷ তেওঁ কয় যে সন্ত্রাসবাদৰ বিৰুদ্ধে ভাৰত–ৰাছিয়াই দীর্ঘদিন ধৰি কান্ধত কান্ধ মিলাই যুঁজ অব্যাহত ৰাখিছে ৷

সেয়া পেহেলগামৰ আক্রমণেই হওক বা ক্রোকাছ চিটীৰ নির্বিচাৰ কাপুৰুষোচিত হত্যালীলাই হওক৷ এনেধৰণৰ কার্যকলাপৰ আঁৰত আছে সন্ত্রাসবাদী ৷

সন্ত্রাসবাদ মানৱতাৰ মূল্যবোধৰ ওপৰত উপর্যুপৰি আক্রমণ৷ ইয়াৰ বিৰুদ্ধে বিশ্বব্যাপি ঐক্যই আমাৰ আটাইতকৈ ডাঙৰ শক্তি ৷ ৰাষ্ট্রসংঘ, জি–২০, ব্রিকছ্, এছচি’ তথা অন্যান্য আন্তর্জাতিক মঞ্চত ভাৰত–ৰাছিয়াই ঘনিষ্ঠ সহযোগিতা অব্যাহত ৰাখিছে ৷

অনাগত ভৱিষ্যতত আন্তর্জাতিক মঞ্চত আমাৰ দুয়োখন ৰাষ্ট্রৰ সহযোগিতাৰ ধাৰাবাহিকতা থাকিব৷ লক্ষণীয়ভাৱে প্রধানমন্ত্রী মোদীৰ সুৰত সুৰ মিলাই ৰাছিয়াৰ ৰাষ্ট্রপতি পুটিনেও সন্ত্রাসবাদৰ বিৰুদ্ধে নিজৰ স্থিতি স্পষ্ট কৰে ৷

তেওঁ কয় যে সন্ত্রাসবাদক আমি কোনো কাৰণতে প্রশ্রয় নিদিওঁ৷ সন্ত্রাসবাদ মষিমূৰ কৰিবলৈ ভাৰতৰ সৈতে কান্ধত কান্ধ মিলাই ৰাছিয়া অনাগত দিনত আগবাঢ়ি যাব ৷

ইউক্রেইন যুদ্ধৰ দোহাইদি ৰাছিয়াক অর্থনৈতিকভাৱে এঘৰীয়া কৰিব বিচৰা আমেৰিকালৈও কঠোৰ বার্তা দিয়ে ৰাষ্ট্রপতি পুটিনে ৷

আমেৰিকাই ৰাছিয়াৰ ওপৰত আৰোপ কৰা ‘ছুইফ্ট’ (ছ’চাইটী ফৰ ৱর্ল্ড ৱাইড ইণ্টাৰবেংক ফাইনেঞ্চিয়েল টেলিকমিউনিকেচন) নিষেধাজ্ঞাক অংগুষ্ঠ দেখুৱাই ভাৰতৰ সৈতে মিত্রতা স্থাপন কৰা ৰাষ্ট্রপতি পুটিনে ডলাৰ নির্ভৰশীল অর্থনীতিক কার্যতঃ অবজ্ঞা কৰে ৷

ইয়াৰ বিপৰীতে তেওঁৰ মন্তব্যত প্রকাশ পাইছে দেশীয় মুদ্রাৰ ভাৰত–ৰুছ বাণিজ্যক নতুন গতি দিয়াৰ বার্তা৷ ৰাছিয়াৰ ৰাষ্ট্রপতি পুটিনে দাবী কৰা অনুসৰি ভাৰত–ৰাছিয়াৰ বাণিজ্যৰ বিত্তীয় লেনদেনৰ লক্ষ্য ৯৬ শতাংশত ইতিমধ্যে দুয়োখন মিত্রৰাষ্ট্রই উপনীত হৈছে ৷

তেওঁ কয় যে মই ভাৰতৰ ৰাষ্ট্রপতি দ্রৌপদী মুর্মু আৰু প্রধানমন্ত্রী নৰেন্দ্র মোদীসহ প্রতিজন ভাৰতীয়কে উষ্ম আদৰণিৰ বাবে ধন্যবাদ জ্ঞাপন কৰিছোঁ ৷ ভাৰতলৈ ইন্ধন নিৰৱচ্ছিন্নভাৱে সৰবৰাহৰ ক্ষেত্রত ৰাছিয়া সদা প্রস্তুত ৷

ইন্ধন খণ্ডত আমি দুয়োখন ৰাষ্ট্রই বাণিজ্যক লৈ সন্তুষ্ট৷ এতিয়া তেল–গেছৰ এই বাণিজ্যক অধিক অগ্রগতিৰ দিশলৈ আগবঢ়াই নিবলৈ বিচাৰিছোঁ ৷

অনাগত সময়ছোৱাত ভাৰতলৈ নিৰৱচ্ছিন্নভাৱে তেল আমদানি কৰাৰ ক্ষেত্রত মোৰ স্থিতি অটুট থাকিব৷ অকল ইমানেই নহয়, প্রতিৰক্ষা–মহাকাশ– বুদ্ধিমত্তাৰ ক্ষেত্রতো নতুন দিল্লীক সম্পূর্ণ সহযোগিতাৰ প্রতিশ্রুতি দিছে মস্কোৱে ৷

এই প্রসংগত ৰাছিয়াৰ ৰাষ্ট্রপতি পুটিনে কয় যে আমাৰ মাজত সম্পাদিত সামৰিক চুক্তিৰ জৰিয়তে দুয়োখন দেশে প্রতিৰক্ষাৰ দিশটো ব্যৱহাৰ কৰিবলৈ সক্ষম হ’ম ৷

দ্বিপাক্ষিক বাণিজ্যত ভাৰত আৰু ৰাছিয়াৰ লেনদেন ৬৪ বিলিয়ন ডলাৰত উপনীত হৈছে৷ শীঘ্রেই এই অংক ১০০ বিলিয়ন ডলাৰত উপনীত হ’ব বুলি মোৰ দৃঢ় বিশ্বাস ৷

তেওঁ জানিবলৈ দিয়া মতে এই বৃহৎ পৰিমাণৰ বাণিজ্যৰ ৯৬ শতাংশই হৈছে দেশীয় মুদ্রা অর্থাৎ ভাৰতৰ টকা আৰু ৰাছিয়াৰ ৰুবেলৰ মাধ্যমেৰে ৷ অর্থাৎ ডলাৰক চেৰ পেলাই দেশীয় মুদ্রাত লেনদেনৰ ক্ষেত্রত অভাৱনীয়ভাৱে আগবাঢ়িছে দুয়োখন ‘বন্ধু’ৰাষ্ট্র ৷

যিয়ে আমেৰিকাৰ ৰঙাচকুক সম্পূর্ণৰূপে অৱজ্ঞা কৰা বুলি ক’ব পাৰি৷ উল্লেখ্য যে ২০২২ চনৰ ফেব্রুৱাৰী মাহত ইউক্রেইনৰে যুদ্ধৰ সূত্রপাত ঘটাৰ সময়তে ৰাছিয়াক এঘৰীয়া কৰি আমেৰিকাই ‘ছুইফ্ট’ৰ নিষেধাজ্ঞা আৰোপ কৰিছে ৷ ছুইফ্ট হৈছে সমগ্র বিশ্বত বিত্তীয় আদান–প্রদানৰ এটা মাধ্যমৰ ব্যৱস্থা ৷

ইয়াৰ দ্বাৰা মেছেজৰ জৰিয়তে সহজে লেনদেন কৰিব পাৰি৷ বিশেষকৈ এই ব্যৱস্থা সীমান্ত এলেকাত লেনদেনৰ ক্ষেত্রত অতি সহজসাধ্য ৷ ১৯৭০ চনত ইউৰোপীয় দেশসমূহে ঐক্যবদ্ধভাৱে সীমান্ত বাণিজ্য সহজ কৰিবলৈ এই প্লেটফর্মৰ ব্যৱস্থা কৰিছিল ৷

আমেৰিকা আৰু ইউৰোপীয় দেশসমূহৰ উপৰি ৰাছিয়ায়ো ‘ছুইফ্ট’ ব্যৱহাৰ কৰিছিল আমদানি–ৰপ্তানিৰ ক্ষেত্রত৷ কিন্তু ইউক্রেইনৰে যুদ্ধৰ সূত্রপাত ঘটাৰ পিছতেই ৰাছিয়াক এই সুবিধাৰ পৰা বঞ্চিত কৰা হয় ৷

পৰিণতিত অতি সাংঘাতিক ধৰণে অৱনতি ঘটে ৰাছিয়াৰ ৰপ্তানি বাণিজ্য৷ ইয়াৰ মাজতে নতুন দিল্লীত দুদিনীয়া ভ্রমণসূচীৰে উপস্থিত হৈ দেশখনৰ ৰাষ্ট্রপতি পুটিনে কৰা উক্ত মন্তব্য যথেষ্ট গুৰুত্বপূর্ণৰূপে বিবেচিত হৈছে ৷

প্রসংগক্রমে উল্লেখ কৰিব পাৰি যে কালি নতুন দিল্লীৰ পালাম বিমানবন্দৰত প্রধানমন্ত্রী নৰেন্দ্র মোদীয়ে উষ্ম আদৰণি জনোৱা ৰাছিয়াৰ ৰাষ্ট্রপতি পুটিনে শুকুৰবাৰে সৌজন্যমূলক সাক্ষাৎ কৰে ৰাষ্ট্রপতি দ্রৌপদী মুর্মুক ৷

এই সময়ছোৱাত উপস্থিত আছিল প্রধানমন্ত্রী নৰেন্দ্র মোদী৷ ৰাষ্ট্রপতি ভৱনৰ পৰা দুয়ো একেলগে ৰাজঘাটত উপস্থিত হৈ জাতিৰ পিতা মহাত্মা গান্ধীৰ প্রতি শ্রদ্ধাঞ্জলি নিবেদন কৰে ৷

ইয়াৰ পিছতে দুয়ো হায়দৰাবাদ হাউছলৈ আহি ২৩সংখ্যক ভাৰত–ৰাছিয়া বার্ষিক শীর্ষ সন্মিলনত অংশগ্রহণ কৰে৷ ৰাষ্ট্রীয় সংবাদ মাধ্যমত প্রকাশিত বাতৰি অনুসৰি ৰাছিয়াৰ ৰাষ্ট্রপতি পুটিনৰ ৩০ঘণ্টাজোৰা ভাৰত ভ্রমণসূচীৰ সময়ত দুয়োখন ৰাষ্ট্রৰ মাজত সম্পাদন হৈছে একাধিক গুৰুত্বপূর্ণ দ্বিপাক্ষিক চুক্তি ৷

ইয়াৰ ভিতৰত ৰাছিয়াৰ পৰা এছ–৪০০ আকাশ প্রতিৰক্ষা ব্যৱস্থাৰ উন্নতৰ সংস্কৰণ এছ–৪০০ ক্রয় আৰু যুটীয়া উদ্যোগত পঞ্চম প্রজন্মৰ ষ্টেলথ যুদ্ধবিমান ছুখয় এছইউ–৫৭ নির্মাণ অন্যতম৷

লগতে পঢ়ক: ভাৰতৰ বুকুৱেদি বোৱাই দিয়া হ’ব ৰাছিয়াৰ তেল…

‘এনেকুৱা কোনো লক্ষ্য নাই যিটো ভাৰতে সম্পূৰ্ণ কৰিব পৰা নাই’; ‘বন্দে মাতৰম’ৰ ১৫০ বছৰীয়া জয়ন্তীত প্ৰধানমন্ত্ৰীৰ মন্তব্য

November 7, 2025 ·

‘বন্দে মাতৰম’ৰ ১৫০ বছৰীয়া জয়ন্তীত প্ৰধানমন্ত্ৰীৰ মন্তব্য

শুকুৰবাৰে প্ৰধানমন্ত্ৰী নৰেন্দ্ৰ মোদীয়ে জাতীয় গীত ‘বন্দে মাতৰম’ৰ ১৫০ বছৰীয়া জয়ন্তী উপলক্ষে বছৰজোৰা স্মৃতিচাৰণ অনুষ্ঠানৰ শুভাৰম্ভ কৰে।

এই উপলক্ষে  ইন্দিৰা গান্ধী ইনড’ৰ ষ্টেডিয়ামত মোদীয়ে স্মৃতিচাৰণ ডাক টিকট আৰু মুদ্ৰাও মুকলি কৰে। এই অনুষ্ঠানৰ জৰিয়তে ২০২৫ চনৰ ৭ নৱেম্বৰৰ পৰা ২০২৬ চনৰ ৭ নৱেম্বৰলৈকে বছৰজোৰা দেশজোৰা স্মৃতিচাৰণ অনুষ্ঠানৰ আনুষ্ঠানিক আৰম্ভণি হয়।

এই স্মৃতি অনুষ্ঠানত সেই কালজয়ী কামৰ ১৫০ বছৰীয়া জয়ন্তী উদযাপন কৰা হ’ব যিয়ে ভাৰতৰ স্বাধীনতা আন্দোলনক অনুপ্ৰাণিত কৰিছিল আৰু জাতীয় গৌৰৱ আৰু ঐক্য বজাই ৰখাত গুৰুত্বপূৰ্ণ ভূমিকা পালন কৰিছিল।

এই উপলক্ষে ভাষণ দি প্ৰধানমন্ত্ৰী মোদীয়ে কয়, “বন্দে মাতৰম, এই শব্দবোৰ এটা মন্ত্ৰ, এটা শক্তি, এটা সপোন, এটা সংকল্প।” বন্দে মাতৰম, এই কথাবোৰ ভাৰত মাতৃৰ পূজা, ভাৰত মাতৃৰ আৰাধনা।

বন্দে মাতৰম, এই শব্দবোৰে আমাক ইতিহাসলৈ ঘূৰাই লৈ যায়, আমাৰ বৰ্তমানক নতুন আত্মবিশ্বাসেৰে ভৰাই তোলে, আৰু আমাৰ ভৱিষ্যতক নতুন সাহস দিয়ে যে তেনে কোনো সংকল্প নাই যাৰ কোনো লক্ষ্য নাই যিটো লাভ কৰিব নোৱাৰি, কোনো লক্ষ্য নাই যিটো আমি ভাৰতীয়ই সম্পূৰ্ণ কৰিব নোৱাৰো।”

প্ৰধানমন্ত্ৰী মোদীয়ে কয় যে বন্দে মাতৰমৰ গণ গায়ক এক অবৰ্ণনীয় অভিজ্ঞতা। ইমানবোৰ কণ্ঠত – এটা ছন্দ, এটা সুৰ, এটা আৱেগ, এটা ৰোমাঞ্চ আৰু প্ৰবাহ – এনে শক্তি, এনে ঢৌৱে হৃদয় কঁপাইছে।

বন্দে মাতৰমৰ এই সামূহিক গায়ন-বায়নৰ এই আচৰিত অভিজ্ঞতা সঁচাকৈয়ে প্ৰকাশৰ বাহিৰত। ২০২৫ চনৰ ৭ নৱেম্বৰৰ দিনটো অতি ঐতিহাসিক।

আজি আমি ‘বন্দে মাতৰম’ৰ ১৫০ সংখ্যক বৰ্ষৰ ভৱিষ্যৎ উৎসৱ উদযাপন কৰিছো। এই শুভ অনুষ্ঠানটোৱে আমাক নতুন প্ৰেৰণা প্ৰদান কৰাৰ লগতে কোটি কোটি দেশবাসীক নতুন শক্তিৰে ভৰাই তুলিব। ইতিহাসৰ এই দিনটো উপলক্ষে আজি ‘বন্দে মাতৰম’ৰ বিশেষ মুদ্ৰা আৰু ডাক ষ্টাম্পও মুকলি কৰা হৈছে।”

লগতে পঢ়ক: আৰজেডিৰ জংঘলৰাজ… প্ৰথম পৰ্যায়ৰ ভোটগ্ৰহণৰ মাজতে বিহাৰত প্ৰধানমন্ত্ৰী মোদী