ফিফাই ড’নাল্ড ট্ৰাম্পক প্ৰদান কৰিলে প্ৰথম ফিফা শান্তি বঁটা।

আমেৰিকাৰ ৰাষ্ট্ৰপতি ড’নাল্ড ট্ৰাম্পক শান্তি বঁটাৰে সন্মানিত কৰা হয়। অৱশ্যে এয়া শান্তিৰ নোবেল বঁটা নাছিল,যাৰ দাবী ট্ৰাম্পে নিজেই কেইবাবাৰো কৰিছিল।

শুকুৰবাৰে ফিফাই ট্ৰাম্পক প্ৰথমটো  ‘ফিফা শান্তি বঁটা (FIFA Peace Prize)- Football Unites the World’ বঁটা প্ৰদান কৰি সমগ্ৰ বিশ্বক আচৰিত কৰি তুলিছিল।

ফিফাৰ ২০২৬ ৰ বিশ্বকাপৰ ড্ৰ’ৰ সময়ত ৱাশ্বিংটনত অনুষ্ঠিত এক বৃহৎ সমাৰোহত ফিফাৰ সভাপতি জিয়ানি ইনফান্টিনোৱে ট্ৰাম্পক গোল্ডেন ট্ৰফী,পদক আৰু প্ৰমাণ পত্ৰ প্ৰদান কৰে।

ইনফান্টিনোৱে ট্ৰাম্পক এই বঁটা প্ৰদান কৰি কয় যে,’এইটো আপোনাৰ শান্তিৰ বঁটা মহোদয়।আপুনি বিশ্বত শান্তি আৰু ঐক্যৰ বাবে যি কাম কৰিছে,তাৰ বাবে এই সন্মান’।

এই বঁটা গ্ৰহণ কৰি ট্ৰাম্পে কয় যে,’এইটো মোৰ জীৱনৰ আটাইতকৈ ডাঙৰ সন্মান।’ লগতে তেওঁৰ পত্নী মেলানিয়া ট্ৰাম্প, কানাডাৰ প্ৰধানমন্ত্ৰী মাৰ্ক কাৰ্নি আৰু মেক্সিক’ৰ ৰাষ্ট্ৰপতি ক্লাউডিয়া শ্বেইনবামক ধন্যবাদ জনায়।

গাজা যুদ্ধবিৰতিত ট্ৰাম্পৰ ভূমিকাক প্ৰশংসা কৰি ইনফান্টিনোৱে কয় যে,ট্ৰাম্প নোবেলৰ যোগ্য।এই বঁটা প্ৰথমবাৰৰ বাবে ফিফাই আৰম্ভ কৰিছে আৰু ফিফাৰ দ্বাৰা আৰম্ভ কৰা বিশ্ব শান্তি বঁটাৰ বিজয়ী হয় ট্ৰাম্প।

লগতে পঢ়ক: তেওঁলোকৰ উদ্দেশ্য শান্তি নহয়… ভাৰত ভ্ৰমণৰ পূৰ্বে ইউৰোপীয় দেশসমূহক লক্ষ্য কৰি ক’লে পুটিনে

হোৱাইট হাউচত হাহাকাৰ

হোৱাইট হাউচত হাহাকাৰ । বিশ্বৰ আটাইতকৈ শক্তিশালী দেশখনৰ ৰাষ্ট্ৰপতি ড’নাল্ড ট্ৰাম্পৰ বাসস্থানৰ পৰা মাত্ৰ কেইগজমান দূৰত্বত সংঘটিত হৈছে গুলীচালনা । ৱাশ্বিংটন ডিচিৰ হোৱাইট হাউছৰ পৰা মাত্ৰ অলপ দূৰত সংঘটিত হয় এই গুলীচালনা । এই গুলীচালনাৰ ঘটনাত কমেও তিনিজন লোক আহত হয়, য’ত নেশ্যনেল গাৰ্ডৰ দুজন সদস্যও আছে । স্থানীয় সময় অনুসৰি দুপৰীয়া ২:৩০ বজাত হোৱাইট হাউচৰ সমীপত সংঘটিত হয় এই ঘটনা । আহত নেশ্যনেল গাৰ্ডৰ সদস্য দুজনক পৃথকে পৃথকে চিকিৎসালয়ত ভৰ্তি কৰোৱা হৈছে ।

পশ্চিম ভাৰ্জিনিয়াৰ গৱৰ্ণৰ পেট্ৰিক মৰিছে প্ৰথমে টুইটাৰত পোষ্ট কৰিছিল যে নেশ্যনেল গাৰ্ডৰ দুজন সদস্যৰ মৃত্যু হৈছে । অৱশ্যে পিছত তেওঁ নিজৰ পোষ্টটো ডিলিট কৰে ।

মেট্ৰ’পলিটান আৰক্ষী বিভাগে প্ৰকাশ কৰা অনুসৰি হোৱাইট হাউছৰ সমীপত এই গুলীচালনা সংঘটিত হয় । ঘটনাৰ লগে লগে অঞ্চলটোত আৰক্ষীৰ মোতায়েন কৰা হয় । এছাল্ট ৰাইফল লৈ সজ্জিত আৰক্ষী কেইবাটাও ব্লকত বিয়পি পৰে আৰু সমগ্ৰ অঞ্চলটো ছীল কৰে । পথ বন্ধ কৰি দিয়া হয়, অসংখ্য আৰক্ষীৰ বাহন আৰু এম্বুলেন্স সেই স্থানত উপস্থিত হয় আৰু তদন্তকাৰী দল সক্ৰিয় কৰা হয় ।

ইফালে এই ঘটনা সংঘটিত কৰা শ্বুটাৰজনক চিনাক্ত কৰা হৈছে । আইন প্ৰয়োগকাৰী সংস্থাৰ মতে আক্ৰমণকাৰীজন ৱাশ্বিংটন অঞ্চলৰ বাসিন্দা নহয় । বৰ্তমান আক্রমণকাৰীজন জিম্মাত আছে আৰু জেৰা অব্যাহত ৰখা হৈছে । এই ঘটনাৰ আঁৰৰ উদ্দেশ্যৰ তদন্তও অব্যাহত ৰাখিছে কৰ্তৃপক্ষই ।

লগতে পঢ়ক : চাংহাই বিমানবন্দৰ বিবাদ… অৰুণাচলৰ মহিলাৰ সৈতে হোৱা দুৰ্ব্যৱহাৰৰ অস্বীকাৰ চীনৰ

সিদ্ধান্তৰ পৰা ইউ-টাৰ্ণ ট্ৰাম্পৰ

শুকুৰবাৰে আমেৰিকাৰ ৰাষ্ট্ৰপতি ড’নাল্ড ট্ৰাম্পে নিজৰ এটা সিদ্ধান্তৰ ওপৰত ইউ টাৰ্ণ লৈছে।দৈনিক ব্যৱহাৰ কৰা বহু সামগ্ৰীৰ ওপৰত শুল্ক হ্ৰাস কৰিছে ট্ৰাম্পে।

এই ইউ-টাৰ্ণ এনে সময়ত লোৱা হৈছে,যেতিয়া আমেৰিকাত দৈনন্দিন সামগ্ৰীৰ দাম আকাশলংঘী হৈছিল।অৱশ্যে এই শুল্ক হ্ৰাসে এতিয়া আমেৰিকাৰ জনসাধাৰণক যথেষ্ট সকাহ দিব।

ট্ৰাম্পে গো-মাংস, কফি, গ্রীষ্মমণ্ডলীয় ফলকে ধৰি কেইবাটাও বস্তুৰ ওপৰত শুল্ক হ্ৰাস কৰিছে।আমেৰিকাত এই মাহত অবছৰীয়া নিৰ্বাচনত অৰ্থনৈতিক উদ্বেগৰ বিষয়টো আছিল এক উত্তপ্ত বিষয়, য’ত আমেৰিকাৰ নাগৰিকে সামগ্ৰীৰ দামক লৈ ক্ষোভ প্ৰকাশ কৰিছিল।ইয়াৰ ফলত ভাৰ্জিনিয়া আৰু নিউ জাৰ্চিত ডেম’ক্ৰেটসকলে ডাঙৰ জয়লাভ কৰে।

মন কৰিবলগীয়া যে এপ্ৰিল মাহত ট্ৰাম্পে বেছিভাগ দেশৰ ওপৰত শুল্ক আৰোপ কৰিছিল।তেওঁ আৰু তেওঁৰ প্ৰশাসনে দীৰ্ঘদিন ধৰি জোৰ দি আহিছে যে শুল্কই গ্ৰাহকৰ মূল্য বৃদ্ধি নকৰে,আনহাতে অৰ্থনৈতিক প্ৰমাণ ইয়াৰ বিপৰীত আৰু গ্ৰাহক সামগ্ৰীৰ মূল্য তীব্ৰভাৱে বৃদ্ধি পাইছে।

আমেৰিকাত অভিলেখ সৃষ্টিকাৰী গো-মাংসৰ উচ্চ মূল্য বিশেষ চিন্তাৰ বিষয় হৈ পৰিছে আৰু ট্ৰাম্পে এইবোৰ হ্ৰাস কৰাৰ বাবে ব্যৱস্থা লোৱাৰ মনস্থ কৰিছে বুলি কৈছে।

আনুষ্ঠানিকভাৱে গো-মাংস, কফি আৰু ফলৰ উপৰিও এই অৰ্ডাৰত চাহ, ফলৰ ৰস, ক’ক’, মছলা, কল, কমলা, টমেটো আৰু কিছু সাৰৰ ওপৰতো শুল্ক আঁতৰোৱা হৈছে।

ইয়াৰ ভিতৰত এনে কিছুমান সামগ্ৰী আমেৰিকাত উৎপাদিত নহয়।এতিয়া এইবোৰ বস্তুৰ দাম কমি যাব পাৰে বুলি আশা কৰা হৈছে।

লগতে পঢ়ক:বটছৱানাত উপস্থিত ৰাষ্ট্ৰপতি দ্ৰৌপদী মুৰ্মু; কিয় বিশেষ এই ভ্ৰমণ ?

শুল্ক হ্ৰাস কৰাৰ ইংগিত ট্ৰাম্পৰ…

মঙলবাৰে আমেৰিকাৰ ৰাষ্ট্ৰপতি ড’নাল্ড ট্ৰাম্পে ভাৰতৰ সৈতে বাণিজ্যিক চুক্তিৰ ওচৰত থকাৰ ইংগিত দিয়ে। লগতে তেওঁ কয় যে এটা সময়ত আমেৰিকাই ভাৰতৰ ওপৰত শুল্ক হ্ৰাস কৰিব।

ভাৰতত ৰাষ্ট্ৰদূত হিচাপে চাৰ্জিঅ’ গ’ৰৰ শপত গ্ৰহণ অনুষ্ঠানত ট্ৰাম্পে এই মন্তব্য কৰে।ইয়াৰ মাজতে ৰাষ্ট্ৰপতি গৰাকীয়ে এই বাণিজ্যিক চুক্তি বিশেষ বুলি কৈছে। তেওঁ ক’লে, “তেওঁলোকে মোক এতিয়া ভাল নাপায়, কিন্তু আমাক পুনৰ পছন্দ কৰিব।”

দৰাচলতে অভাল অফিচত ৰাষ্ট্ৰপতি গৰাকীক সোধা হৈছিল যে ভাৰতৰ সৈতে বাণিজ্যিক চুক্তি কিমান ঘনিষ্ঠ আৰু  নতুন দিল্লীৰ ওপৰত শুল্ক হ্ৰাস কৰাৰ কথা চিন্তা কৰিবনে?

ইয়াৰ প্ৰতিক্ৰিয়া প্ৰকাশ কৰি তেওঁ কয়, “আমি ভাৰতৰ সৈতে চুক্তি কৰি আছো। এই চুক্তি পূৰ্বৰ তুলনাত বহুত বেলেগ।তেওঁলোকে মোক এতিয়া ভাল নাপায়, কিন্তু আমাক আকৌ ভাল পাব।আমি এটা উচিত চুক্তি পাইছো”।

“তেওঁলোক বৰ ভাল আলোচনাপন্থী, গতিকে, চাৰ্জিঅ’, আপুনি এইটো চাব লাগিব। মই ভাবো আমি সকলোৰে বাবে ভাল চুক্তিৰ বহুত ওচৰত আছো।”

তেওঁ আৰু কয় যে, “এতিয়া ৰাছিয়াৰ তেলৰ বাবে ভাৰতৰ ওপৰত শুল্ক অতি বেছি আছে, আৰু তেওঁলোকে ৰাছিয়াৰ তেলৰ ব্যৱসায় বন্ধ কৰি দিছে”।

“ইয়াৰ পৰিমাণ যথেষ্ট হ্ৰাস পাইছে।হয়, আমি শুল্ক হ্ৰাস কৰিবলৈ ওলাইছো।এটা সময়ত আমি ইয়াক হ্ৰাস কৰিম”।

লগতে পঢ়ক: ‘শুল্কৰ বিৰুদ্ধে মাত মতাসকল মূৰ্খ’; ড’নাল্ড ট্ৰাম্পৰ ডাঙৰ ঘোষণা