পুনৰ বাৰ ইৰাণৰ ওপৰত আক্ৰমণ কৰাৰ কথা কৈছে আমেৰিকাৰ ৰাষ্ট্ৰপতি ড’নাল্ড ট্ৰাম্পে। ইৰাণৰ সৰ্বোচ্চ নেতা আয়াতুল্লাহ আলী খামেইনীক পুনৰ দিছে সকীয়নী
আমেৰিকাৰ ৰাষ্ট্ৰপতি ড’নাল্ড ট্ৰাম্পে ইৰাণৰ সৰ্বোচ্চ নেতা আয়াতুল্লাহ আলী খামেইনীক এক নতুন সতৰ্কবাণী জাৰি কৰিছে।ইৰাণৰ বিৰুদ্ধে ভেনিজুৱেলাৰ দৰে ব্যৱস্থা গ্ৰহণ কৰাৰ ইংগিত দিছে ট্ৰাম্পে।
ট্ৰুথ ছ’চিয়েল মিডিয়া পোষ্টৰ জৰিয়তে ট্ৰাম্পে কয় যে এক বিশাল আৰ্মাডা ইৰাণৰ দিশে আগবাঢ়িছে।এই বৃহৎ শক্তি উৎসাহ আৰু উদ্দেশ্যৰে দ্ৰুতগতিত আগবাঢ়িছে।ইয়াৰ নেতৃত্বত বিমানবাহী জাহাজ আব্ৰাহাম লিংকন আছে,যিটো ভেনিজুৱেলালৈ পঠোৱা বাহিনীতকৈও ডাঙৰ।
ট্ৰাম্পে নিজৰ পোষ্টত লিখিছে যে, বিশাল আৰ্মাডা ভেনিজুৱেলাৰ দৰে মিছনৰ বাবে সাজু,ই ইচ্ছুক আৰু সক্ষম হয়।তেওঁলোকে প্ৰয়োজনৰ সময়ত নিজৰ মিছন দ্ৰুতভাৱে আৰু আক্ৰমণাত্মকতাৰে সম্পন্ন কৰিব।
আমেৰিকাৰ ৰাষ্ট্ৰপতিগৰাকীয়ে কয় যে তেওঁ আশা কৰিছে যে ইৰাণ অতি সোনকালে “টেবুললৈ আহিব” আৰু এটা ন্যায্য আৰু সুষম চুক্তিক লৈ আলোচনা হ’ব,য’ত কোনো পাৰমাণৱিক অস্ত্ৰ নথকাৰ কথা হ’ব, যিটো সকলো পক্ষৰ বাবে ভাল।
সময় দ্ৰুতগতিত পাৰ হৈ গৈ আছে, এইটো সঁচাকৈয়ে অতি গুৰুত্বপূৰ্ণ!যেনেকৈ মই আগতে ইৰাণক কৈছিলো, ডিল কৰক!তেওঁলোকে নকৰিলে, আৰু তাৰ পিছত “অপাৰেচন মিডনাইট হামাৰ” হৈছিল, য’ত ইৰাণে বহু ক্ষতিৰ সন্মুখীন হৈছিল।
ট্ৰাম্পে কয় যে ইৰাণৰ ওপৰত পৰৱৰ্তী আক্ৰমণ ইয়াতকৈ (শেষটো) বহুত বেছি বেয়া হ’ব!আকৌ এনেকুৱা হ’বলৈ নিদিব।
এই বিষয়ত মনোযোগ দিয়াৰ বাবে ধন্যবাদ! ৰাষ্ট্ৰপতি ট্ৰাম্পে নিজৰ ট্ৰুথ ছ’চিয়েল পোষ্টত এনে সতৰ্কবাণী জাৰি কৰি পুনৰবাৰ ইৰাণত আতংকৰ সৃষ্টি কৰিছে।
লগতে পঢ়ক: “অজিত দাদাই প্ৰতিখন গাঁৱৰ বাবে কাম কৰিছিল”; অজিত পাৱাৰৰ মৃত্যুত শোক প্ৰকাশ প্ৰধানমন্ত্ৰী মোদীৰ
