আৰম্ভ হ’ল কাউণ্ট-ডাউন: বিশ্ব ক্ৰিকেটৰ মহা-উৎসৱৰ বাবে সাজু অনুৰাগী
টি-২০ বিশ্বকাপৰ মহাৰণ । বিশ্ব ক্ৰিকেটৰ মহা-উৎসৱৰ বাবে আৰম্ভ হ’ল কাউন্ট-ডাউন ।
শনিবাৰৰ পৰা আৰম্ভ হ’ব টি-২০ বিশ্বকাপ ২০২৬ । ভাৰত আৰু শ্ৰীলংকাই যৌথভাৱে আয়োজন কৰা এই প্ৰতিযোগিতাত ২০টা দলে অংশগ্ৰহণ কৰিছে । সূৰ্যকুমাৰ যাদৱৰ নেতৃত্বত ডিফেণ্ডিং চেম্পিয়ন ইণ্ডিয়াই এই খিতাপৰ বাবে আটাইতকৈ শক্তিশালী প্ৰতিদ্বন্দ্বী । ভাৰতে একেৰাহে দ্বিতীয় আৰু সামগ্ৰিকভাৱে তৃতীয়বাৰৰ বাবে টি-২০ বিশ্বকাপ খিতাপ দখল কৰাৰ সুযোগ লাভ কৰিব । বলীউডৰ প্ৰখ্যাত ৰেপাৰ বাদশ্বাহ আৰু অভিনেত্ৰী নোৰা ফাতেহীৰ মনোগ্ৰাহী প্ৰদৰ্শনেৰে এই প্ৰতিযোগিতাৰ উদ্বোধনী অনুষ্ঠানৰ অনুষ্ঠিত হ’ব ।
প্ৰথম দিনা অনুষ্ঠিত হ’ব তিনিখন মেচ-
টি-২০ বিশ্বকাপৰ প্ৰথম দিনটোত তিনিখন মেচ অনুষ্ঠিত হ’ব । কলম্বোত পাকিস্তান আৰু নেদাৰলেণ্ডৰ মাজত অনুষ্ঠিত হ’বলগীয়া প্ৰথমখন মেচ পুৱা ১১ বজাৰ পৰা আৰম্ভ হ’ব । দ্বিতীয়খন মেচ কলকাতাত ৱেষ্ট ইণ্ডিজ আৰু স্কটলেণ্ডৰ মাজত অনুষ্ঠিত হ’ব, যিখন আৰম্ভ হ’ব বিয়লি ৩ বজাৰ পৰা । তৃতীয়খন খেলত মুম্বাইৰ ৱাংখেড়ে ষ্টেডিয়ামত আমেৰিকা যুক্তৰাষ্ট্ৰৰ বিৰুদ্ধে নামিব ভাৰতীয় দল । এই খেলখন সন্ধিয়া ৭ বজাত অনুষ্ঠিত হ’ব ।
উদ্বোধনী অনুষ্ঠানৰ সময়সূচী-
ভাৰত আৰু আমেৰিকাৰ মাজত অনুষ্ঠিত হ’বলগীয়া খেলখনৰ ঠিক পূর্বে অনুষ্ঠিত হ’ব টি-২০ বিশ্বকাপৰ উদ্বোধনী অনুষ্ঠান ৷ মুম্বাইৰ ৱাংখেড়ে ষ্টেডিয়ামত অনুষ্ঠিত হ’ব এই দৰ্শনীয় অনুষ্ঠান । সংগীত শিল্পী ঋষভ ঋষিৰাম শৰ্মা অনুষ্ঠান পৰিৱেশন কৰিব, লগতে বাদশ্বাহ আৰু নোৰা ফাতেহীয়েও অনুষ্ঠান পৰিৱ্শন কৰিব । অনুষ্ঠানটো সন্ধিয়া ৬ বজাৰ পৰা আৰম্ভ হ’ব । এই অনুষ্ঠানত কেৱল মেচৰ টিকট থকাসকলেহে অংশগ্ৰহণ কৰিব পাৰিব ।
অংশগ্ৰহণ কৰিব ২০টা দলে-
যোৱাবাৰৰ দৰেই ২০টা দলে এইবাৰৰ টি-২০ বিশ্বকাপত অংশগ্ৰহণ কৰিছে । এই দলসমূহক চাৰিটা গোটত ভাগ কৰা হৈছে, প্ৰতিটো গোটত পাঁচটা দল আছে । গ্ৰুপ পৰ্যায়ৰ পিছত ছুপাৰ এইট পৰ্যায় অনুষ্ঠিত হ’ব । প্ৰতিটো গ্ৰুপৰ পৰা শীৰ্ষ দুটা দলে এই পৰ্যায়ৰ বাবে যোগ্যতা অৰ্জন কৰিব । ছুপাৰ এইট পৰ্যায়ত আঠটা দলক দুটা গ্ৰুপত ভাগ কৰা হ’ব, প্ৰতিটো গ্ৰুপত চাৰিটা দল থাকিব । প্ৰতিটো গ্ৰুপৰ পৰা শীৰ্ষ দুটা দলে ছেমি ফাইনেলত প্ৰৱেশ কৰিব, তাৰ পিছত দুটা দলে ফাইনেল খেলিব ।
এই প্ৰতিযোগিতাত এইবাৰ অংশগ্ৰহণ কৰা দলসমূহৰ ভিতৰত আছে ভাৰত, নামিবিয়া, নেদাৰলেণ্ড, পাকিস্তান, আমেৰিকা, স্কটলেণ্ড (বাংলাদেশৰ ঠাইত), ইটালী, ইংলেণ্ড, নেপাল, ৱেষ্ট ইণ্ডিজ, অষ্ট্ৰেলিয়া, আয়াৰলেণ্ড, ওমান, শ্ৰীলংকা, জিম্বাবুৱে, আফগানিস্তান, কানাডা, নিউজীলেণ্ড, দক্ষিণ আফ্ৰিকা আৰু ইউ এ ই ।
আঠটা স্থানত অনুষ্ঠিত হ’ব বিশ্বকাপৰ খেল-
ভাৰত আৰু শ্ৰীলংকাৰ ৮টা স্থানত অনুষ্ঠিত হ’ব টি-২০ বিশ্বকাপ ২০২৬ৰ খেল । ভাৰতত মুঠ পাঁচটা স্থানত খেল অনুষ্ঠিত হ’ব, আনহাতে শ্ৰীলংকাৰ তিনিটা স্থানত এই প্ৰতিযোগিতাৰ বাবে মেচ অনুষ্ঠিত হ’ব । ভাৰতৰ দিল্লী, মুম্বাই, চেন্নাই, কলকাতা আৰু আহমেদাবাদত খেল অনুষ্ঠিত হ’ব । কলম্বোৰ আৰ প্ৰেমদাছা আৰু এছ স্প’ৰ্টছ ক্লাবত মেচ অনুষ্ঠিত হ’ব, আনহাতে কেণ্ডিৰ পালেকেলে আন্তঃৰাষ্ট্ৰীয় ষ্টেডিয়ামতো এই প্ৰতিযোগিতাৰ মেচ অনুষ্ঠিত হ’ব ।
লগতে পঢ়ক : বৈভৱ সূৰ্যবংশীৰ বেটিং তাণ্ডৱ, বিশ্বকাপ ফাইনেলৰ আটাইতকৈ ডাঙৰ স্ক’ৰ গঢ়িলে ভাৰতে