ইফালে টি-২০ বিশ্বকাপ ২০২৬ৰ প্ৰথমখন মেচত আমেৰিকা যুক্তৰাষ্ট্ৰৰ বিৰুদ্ধে ভাৰতীয় তাৰকা বলাৰ যশপ্ৰীত বুমৰাহে খেলাৰ সম্ভাৱনা অতি কম বুলি প্ৰকাশ পাইছে ।

আজিৰে পৰা আৰম্ভ হৈছে টি-২০ বিশ্বকাপ ২০২৬ । প্ৰথম দিনাই এই প্ৰতিযোগিতাৰ খেলপথাৰত নামিব ভাৰতীয় দল । ভাৰতে প্ৰথমখন মেচ আমেৰিকা যুক্তৰাষ্ট্ৰৰ বিৰুদ্ধে খেলিব । অৱশ্যে এই মেচৰ পূর্বে ভাৰতীয় দল পৰিচালনাৰ বাবে চিন্তা বৃদ্ধি পাইছে ৷

ইফালে টি-২০ বিশ্বকাপ ২০২৬ৰ প্ৰথমখন মেচত আমেৰিকা যুক্তৰাষ্ট্ৰৰ বিৰুদ্ধে ভাৰতীয় তাৰকা বলাৰ যশপ্ৰীত বুমৰাহে খেলাৰ সম্ভাৱনা অতি কম বুলি প্ৰকাশ পাইছে । ভাইৰেল জ্বৰৰ সৈতে যুঁজি থকা বুমৰাহক জিৰণি দিয়াৰ পক্ষত থকা দল পৰিচালনা সমিতিয়ে শনিবাৰে ৱাংখেড়ে ষ্টেডিয়ামত অনুষ্ঠিত হ’বলগীয়া উদ্বোধনী মেচখনত তেওঁক অনাৰ কোনো উদ্দেশ্য নাই ।

জানিব পৰা মতে সতৰ্কতামূলক ব্যৱস্থা হিচাপে বুমৰাহক জিৰণি দিয়া হ’ব । মেচৰ প্ৰাকক্ষণত তেওঁ খেলপথাৰত উপস্থিত হৈছিল যদিও অনুশীলনত অংশগ্ৰহণ কৰা নাছিল । গতিকে মহম্মদ ছিৰাজ মূল একাদশত অন্তৰ্ভুক্ত হোৱাৰ সম্ভাৱনা আছে ।

এই মেচখনৰ বাবে বৰ্তমান ভাৰতীয় দলৰ মাত্ৰ ১৩ গৰাকী ফিট খেলুৱৈ উপলব্ধ । অল ৰাউণ্ডাৰ ৱাশ্বিংটন সুন্দৰ এতিয়াও সম্পূৰ্ণ ফিট হোৱা নাই আৰু বেংগালুৰুৰ চেণ্টাৰ অৱ এক্সেলেন্সত চূড়ান্ত ফিটনেছ ক্লিয়াৰেন্সৰ বাবে অপেক্ষা কৰি আছে । সুন্দৰৰ অনুপস্থিতিয়ে দল নিৰ্বাচনৰ প্ৰত্যাহ্বান আৰু অধিক বৃদ্ধি কৰিছে ।

আনহাতে ৪ ফেব্ৰুৱাৰীত নাৱী মুম্বাইত দক্ষিণ আফ্ৰিকাৰ বিৰুদ্ধে অনুষ্ঠিত হোৱা ৱাৰ্ম আপ মেচখনত বেগী বলাৰ হৰ্ষিত ৰাণা আঁঠুৰ আঘাতৰ সন্মুখীন হোৱাৰ পিছত প্ৰতিযোগিতাখনৰ পৰা বাহিৰ হোৱাৰ বাবে শেষ মুহূৰ্তত মহম্মদ ছিৰাজক দলত অন্তৰ্ভুক্ত কৰা হয় ।

বেটিং অৰ্ডাৰৰ সন্দৰ্ভত ঈশান কিষণ আৰু অভিষেক শৰ্মাই ইনিংছ মুকলি কৰাৰ সম্ভাৱনা আছে । দক্ষিণ আফ্ৰিকাৰ বিৰুদ্ধে ৱাৰ্ম আপ মেচখনত ঈশান কিষণে অ’পেনাৰ হিচাপে ৫৩ ৰান সংগ্ৰহ কৰে । ইয়াৰ পূৰ্বে ট্ৰিভান্দমত নিউজীলেণ্ডৰ বিৰুদ্ধে টি-২০ মেচত তিনি নম্বৰত বেটিং কৰিবলৈ আহি ১০৩ ৰান সংগ্ৰহ কৰিছিল তেওঁ ।

সঞ্জু চেমছনৰ ফৰ্মৰ অভাৱৰ বাবে দল পৰিচালনা সমিতিয়ে অৰ্ডাৰৰ শীৰ্ষত থকা ঈশান কিষণৰ ওপৰত নিৰ্ভৰ কৰিছে আৰু তেওঁক হয়তো ইনিংছ মুকলি কৰাৰ দায়িত্ব দিয়া হ’ব ।

লগতে পঢ়ক : টিম ইণ্ডিয়াত সালসলনি ! হৰ্ষিত ৰাণাৰ সলনি এতিয়া খেলিব এইজন স্পীডষ্টাৰ !

শনিবাৰৰ পৰা আৰম্ভ হৈছে আই চি চি পুৰুষ টি-২০ বিশ্বকাপ ২০২৬ । এইবাৰ প্ৰতিযোগিতাখনত ২০টা দলে অংশগ্ৰহণ কৰিছে যদিও খেলুৱৈতকৈ অফ-ফিল্ড ৰাজনীতি আৰু ড্ৰামাৰ চৰ্চা বেছি হৈছে ।

৭ ফেব্ৰুৱাৰী, শনিবাৰৰ পৰা আৰম্ভ হৈছে আই চি চি পুৰুষ টি-২০ বিশ্বকাপ ২০২৬ । ভাৰত আৰু শ্ৰীলংকাই যৌথভাৱে আয়োজন কৰিছে এই প্ৰতিযোগিতা । এইবাৰ প্ৰতিযোগিতাখনত ২০টা দলে অংশগ্ৰহণ কৰিছে যদিও খেলুৱৈতকৈ অফ-ফিল্ডৰ ৰাজনীতি আৰু ড্ৰামাৰ চৰ্চা বেছি হৈছে । ডিফেণ্ডিং চেম্পিয়ন আৰু সূৰ্যকুমাৰ যাদৱ নেতৃত্বাধীন টিম ইণ্ডিয়া খিতাপ দখল কৰাৰ সবল প্রতিদ্বন্দ্বী হিচাপে বিবেচিত হৈছে ৷

প্ৰতিযোগিতা আৰম্ভ হোৱাৰ পূৰ্বে বাংলাদেশ আৰু পাকিস্তানৰ সৈতে জড়িত বিতৰ্কই পৰিৱেশ উত্তপ্ত কৰি তুলিছে । নিৰাপত্তাজনিত চিন্তা আৰু বেগী বলাৰ মুস্তাফিজুৰ ৰহমানৰ আই পি এল চুক্তিক লৈ বিবাদৰ বাবে বাংলাদেশে ভাৰতত খেলিবলৈ অস্বীকাৰ কৰে । ইয়াৰ পিছতে পাকিস্তানে বাংলাদেশৰ সমৰ্থনত ভাৰতৰ বিৰুদ্ধে খেল বৰ্জনৰ ঘোষণা কৰে । পাকিস্তানৰ প্ৰধানমন্ত্ৰী শ্বাহবাজ শ্বৰীফেও এই সিদ্ধান্তক ন্যায্যতা প্ৰদান কৰে ।

এই বিশ্বকাপৰ প্ৰথম দিনটোত মুঠ তিনিখন খেল অনুষ্ঠিত হ’ব । কলম্বোৰ সিংহলী ক্ৰীড়া কমপ্লেক্সত পাকিস্তান আৰু নেদাৰলেণ্ডৰ মাজত অনুষ্ঠিত হোৱা উদ্বোধনী মেচখন পুৱা ১১ বজাৰ পৰা আৰম্ভ হয় । এই মেচত পাকিস্তান দলটোৱে ৩ উইকেটৰ বিনিময়ত কঠিন জয় সাব্যস্ত কৰে । দুয়োটা দল গ্ৰুপ এত আছে । দ্বিতীয়খন খেল ৱেষ্ট ইণ্ডিজ আৰু স্কটলেণ্ডৰ মাজত কলকাতাৰ ইডেন গাৰ্ডেনত বিয়লি ৩:০০ বজাৰ পৰা অনুষ্ঠিত হৈছে । ৱেষ্ট ইণ্ডিজ আৰু স্কটলেণ্ডক গ্ৰুপ চিত স্থান দিয়া হৈছে । ইয়াৰ পিছতে মুম্বাইৰ ৱাংখেড়ে ষ্টেডিয়ামত ভাৰত আৰু আমেৰিকা যুক্তৰাষ্ট্ৰৰ মাজত অনুষ্ঠিত হ’ব গ্ৰুপ এৰ মেচ । খেলখন আৰম্ভ হ’ব নিশা ৭ বজাৰ পৰা ।

খেলপথাৰত টিম ইণ্ডিয়া আটাইতকৈ শক্তিশালী বিবেচিত হৈছে । বিশেষজ্ঞসকলৰ মতে ভাৰতক পৰাস্ত কৰিবলৈ হ’লে এটা দলৰ পৰা অসাধাৰণ প্ৰদৰ্শনৰ প্ৰয়োজন হ’ব, নহ’লে ভাৰতে নিজেই এক উল্লেখযোগ্য ভুল কৰিব লাগিব । যদি ভাৰতে এই বিশ্বকাপত জয়ী হয় তেন্তে ইয়াক স্বাভাৱিক বুলি গণ্য কৰা হ’ব, কিন্তু পৰাজয় হ’ব এক ডাঙৰ অঘটন ।

আন আন প্ৰতিদ্বন্দ্বীসকলৰ ভিতৰত আছে অষ্ট্ৰেলিয়া, ইংলেণ্ড, দক্ষিণ আফ্ৰিকা, নিউজীলেণ্ড, আৰু শ্ৰীলংকা । অষ্ট্ৰেলিয়াৰ বেটিং শক্তিশালী যদিও তেওঁলোকৰ মূল বেষ্ট বলাৰৰ অভাৱ হ’ব পাৰে । ইংলেণ্ডৰ বেটিং অত্যন্ত আক্ৰমণাত্মক হোৱাৰ বিপৰীতে দক্ষিণ আফ্ৰিকাৰ বলিংক বিশ্বৰ অন্যতম বিপদজনক বুলি গণ্য কৰা হয় । নিউজীলেণ্ডে উপমহাদেশীয় পৰিস্থিতিৰ লগত খাপ খাই পৰিছে আৰু শ্ৰীলংকাই ঘৰুৱা পৰিস্থিতিৰ সুবিধা ল’ব পাৰে ।

সহযোগী দলসমূহৰ ভিতৰত নেপালৰ চৰ্চা আটাইতকৈ বেছি । সকলোৰে দৃষ্টি থাকিব ৯ বলত অৰ্ধশতক অৰ্জন কৰি বিশ্ব অভিলেখ থকা দিপেন্দ্ৰ সিং আইৰীৰ ওপৰত । আমেৰিকা আৰু ইটালীৰ দৰে দলৰো আকৰ্ষণীয় কাহিনী আছে । সামগ্ৰিকভাৱে বিতৰ্ক আৰু ৰাজনৈতিক উত্তেজনাৰ মাজত আৰম্ভ হোৱা এই টি-২০ বিশ্বকাপ ক্ৰিকেটৰ ৰোমাঞ্চ আৰু অফ-ফিল্ড ড্ৰামা দুয়োটাৰে বাবে স্মৰণীয় হ’ব ।

টি-২০ বিশ্বকাপৰ বাবে ভাৰতীয় দল :

সূৰ্যকুমাৰ যাদৱ (অধিনায়ক), অক্ষৰ পেটেল (সহ-অধিনায়ক), অভিষেক শৰ্মা, তিলক বাৰ্মা, হাৰ্দিক পাণ্ডিয়া, শিৱম ডুবে, সঞ্জু চেমছন (উইকেটকীপাৰ), কুলদীপ যাদৱ, বৰুণ চক্ৰৱৰ্তী, যশপ্ৰীত বুমৰা, ৱাশ্বিংটন সুন্দৰ, অৰ্শদীপ সিং, ৰিংকু সিং, মহম্মদ চিৰাজ আৰু ঈশান কিষাণ (উইকেটকীপাৰ) ।

লগতে পঢ়ক : ইংলেণ্ডক ধূলিসাৎ কৰি ষষ্ঠবাৰলৈ বিশ্ব চেম্পিয়ন ভাৰত, বৈভৱৰ বেটিং পৰাক্ৰম

টি-২০ বিশ্বকাপৰ পূর্বে এই মেচখনৰ জৰিয়তে তিলক বর্মাই প্রত্যাৱর্তন ঘটায় । তেওঁ এই মেচখনত ৩৮ ৰান কৰে ৷

টি-২০ বিশ্বকাপ ২০২৬ৰ ৱাৰ্ম আপ মেচত ভাৰতে আমেৰিকাক ৩৮ ৰাণত পৰাস্ত কৰে । এই মেচখনত টিম ইণ্ডিয়াৰ হৈ এন জগদীশনে শতক অৰ্জন কৰে । টি-২০ বিশ্বকাপৰ পূর্বে এই মেচখনৰ জৰিয়তে তিলক বর্মাই প্রত্যাৱর্তন ঘটায় । তেওঁ এই মেচখনত ৩৮ ৰান কৰে ৷ এই প্ৰস্তুতি মেচখন নাৱী মুম্বাইত অনুষ্ঠিত হয়, য’ত প্ৰথমে বেটিং কৰা টিম ইণ্ডিয়াই স্ক’ৰ ব’ৰ্ডত মুঠ ২৩৮ ৰান সংগ্ৰহ কৰিছিল । ইয়াৰ প্ৰতিক্ৰিয়া স্বৰূপে আমেৰিকাৰ দলটো ২০০ ৰানতে অল আউট হয় ।

প্ৰথমে বেটিং কৰা ভাৰতীয় দলক প্ৰিয়ংশ আৰ্য্য আৰু এন জগদীশনে ক্ষীপ্ৰ আৰম্ভণি দিছিল । প্ৰিয়ংশে ২৮ ৰানৰ চুটি কিন্তু দ্ৰুত ইনিংছ খেলি আউট হয় । জগদীশনে ২৬ বলত অৰ্ধশতক অৰ্জন কৰাৰ লগতে বিস্ফোৰক বেটিঙৰ জৰিয়তে ৪৯ বলত শতক সম্পূৰ্ণ কৰে । এই খেলখনত জগদীশনে ১০৪ ৰানৰ উজ্জ্বল শতক অৰ্জন কৰে । ইণ্ডিয়ান প্ৰিমিয়াৰ লীগত চেন্নাই ছুপাৰ কিংছৰ হৈ খেলিছে জগদীশনে ।

আমেৰিকাৰ বিৰুদ্ধে প্ৰস্তুতি মেচত ২৪ বলত ৩৮ ৰান সংগ্ৰহ কৰি টি-২০ বিশ্বকাপৰ পূৰ্বে নিজৰ গেম ফিটনেছ প্ৰদৰ্শন কৰে তিলক বাৰ্মাই । ভাৰতীয় ঘৰুৱা লিষ্ট এ টুৰ্ণামেণ্ট বিজয় হাজাৰে ট্ৰফীত হায়দৰাবাদৰ হৈ খেলি থকাৰ সময়তে তেওঁ আঘাতপ্ৰাপ্ত হৈছিল । আজিৰ প্ৰস্তুতি মেচত তেওঁ বলিঙো কৰে । তিলকে এটা অভাৰ বলিং কৰি ১৫ ৰান খৰছ কৰি এটা উইকেট দখল কৰে ।

ভাৰতীয় দলৰ অধিনায়ক আয়ুষ বাদোনিয়েও চাৰি আৰু ছয়ৰ বৰষুণ নমাই । মাত্ৰ ২৬টা বলত ৬০ ৰান সংগ্ৰহ কৰি বাদোনীয়ে আমেৰিকাৰ বলিং আক্ৰমণ তচনচ কৰে । এই বিস্ফোৰক ইনিংছত তেওঁ ছটা চাৰি আৰু চাৰিটা ছয় কোবাই । ভাৰতৰ হৈ সৰ্বাধিক সফল বলাৰ ৰবি বিষ্ণোই তিনিটা উইকেট দখল কৰে ।

লগতে পঢ়ক : জ’কভিচক পৰাস্ত কৰি অষ্ট্ৰেলিয়ান অ’পেনত আলকাৰাজৰ ঐতিহাসিক জয়; ভংগ ৮৭ বছৰীয়া অভিলেখ

মুঠ ২০টা দলে এইবাৰৰ টি-২০ বিশ্বকাপত অংশগ্ৰহণ কৰিছে । ভাৰত আৰু পাকিস্তান একেটা গ্ৰুপতে আছে আৰু ১৫ ফেব্ৰুৱাৰীত দুয়োটা দল মুখামুখি হ’ব ।

৭ ফেব্ৰুৱাৰীৰ পৰা আৰম্ভ হ’ব আই চি চি পুৰুষ টি-২০ বিশ্বকাপ ২০২৬ । ভাৰত আৰু শ্ৰীলংকাই যৌথভাৱে এই প্ৰতিযোগিতাখন আয়োজন কৰিছে । মুঠ ২০টা দলে এইবাৰৰ টি-২০ বিশ্বকাপত অংশগ্ৰহণ কৰিছে । এই ২০ টা দলক পাঁচটাকৈ চাৰিটা গোটত অন্তৰ্ভূক্ত কৰা হৈছে । গ্ৰুপ পৰ্যায়ত প্ৰতিদিনে তিনিখন খেল অনুষ্ঠিত হ’ব । ভাৰত আৰু পাকিস্তান একেটা গ্ৰুপতে আছে আৰু ১৫ ফেব্ৰুৱাৰীত দুয়োটা দল মুখামুখি হ’ব । বিশ্বকাপৰ এই ধামখুমীয়া পৰিৱেশক আৰু অধিক উত্তেজিত কৰি অনিৰুদ্ধ ৰবিচন্দৰৰ সুৰ আৰু কণ্ঠত আইচিচিয়ে মুকলি কৰিছে প্ৰতিযোগিতাখনৰ থিম ছং ।

শুকুৰবাৰে আইচিচিয়ে পুৰুষ টি-২০ বিশ্বকাপ ২০২৬ৰ বাবে আনুষ্ঠানিক গীত “ফিল দ্য থ্ৰিল” মুকলি কৰে । ভাৰতীয় সংগীত শিল্পী তথা কণ্ঠশিল্পী অনিৰুদ্ধ ৰবিচন্দৰৰ ৰচনা আৰু কণ্ঠদান কৰা এই গীতটি উত্তেজনা আৰু আৱেগক প্ৰতিফলিত কৰা কথাৰে সুন্দৰভাৱে ৰচনা কৰা হৈছে ।

আইচিচিৰ চিইঅ’ সংযোগ গুপ্তাই টি-২০ বিশ্বকাপ ২০২৬ৰ গীতটিৰ সন্দৰ্ভত কয়, “আইচিচি পুৰুষৰ টি-২০ বিশ্বকাপ অনন্য প্ৰতিযোগিতামূলক, ৰোমাঞ্চকৰ আৰু প্ৰকাশভংগী, য’ত মুহূৰ্তবোৰ খেলুৱৈ আৰু অনুৰাগী উভয়ৰে বাবে আজীৱন স্মৃতিলৈ পৰিণত হয় । প্ৰতিযোগিতাখনৰ আনুষ্ঠানিক গীতটোৱে এই মনোভাৱক জীৱন্ত কৰি তুলিবলৈ চেষ্টা কৰে, ইয়াৰ সংগীতৰ জৰিয়তে অনুৰাগীসকলক সংযোগ কৰি, বৈচিত্ৰ্যতাক উদযাপন কৰি অনুষ্ঠানটোক এক ভাগ-বতৰা কৰা বিশ্বব্যাপী উদযাপন হিচাপে গঢ়ি তুলিছে ।”

৭খন চহৰৰ ৮খন ষ্টেডিয়ামত অনুষ্ঠিত হ’ব মেচ-

২০২৬ চনৰ টি-২০ বিশ্বকাপৰ আয়োজক ভাৰত আৰু শ্ৰীলংকা । গ্ৰুপ বিৰ সকলো খেল শ্ৰীলংকাত অনুষ্ঠিত হ’ব । পাকিস্তানে গ্ৰুপ এৰ সকলো খেল শ্ৰীলংকাত খেলিব । যদি পাকিস্তানে ছেমি ফাইনেল বা ফাইনেলত প্ৰৱেশ কৰে তেন্তে সেই মেচসমূহো শ্ৰীলংকাত অনুষ্ঠিত হ’ব, অন্যথা ভাৰতে সেই মেচসমূহ আয়োজন কৰিব ।

স্থানঃ নৰেন্দ্ৰ মোডী ষ্টেডিয়াম (আহমেদাবাদ), এম এ চিদাম্বৰম ষ্টেডিয়াম (চেন্নাই), অৰুণ জেটলী ষ্টেডিয়াম (নতুন দিল্লী), ৱাংখেড়ে ষ্টেডিয়াম (মুম্বাই), ইডেন গাৰ্ডেন (কলকাতা), আৰ প্ৰেমদাছা ষ্টেডিয়াম (কলম্বো), সিংহলী স্পৰ্টছ ক্লাব ক্ৰিকেট খেলপথাৰ (কলম্বো), পল্লেকেলে ইণ্টাৰনেশ্যনেল ক্ৰিকেট ষ্টেডিয়াম (কেণ্ডী) ।

লগতে পঢ়ক : বিশ্বকাপৰ পূৰ্বে অন্তিমখন মেচঃ তিৰুৱনন্তপুৰমত আজি ভাৰত-নিউজীলেণ্ডৰ পঞ্চম টি-২০