বিশ্বকাপৰ বাবে টিম ইণ্ডিয়াত হৰ্ষিত ৰাণাৰ সলনি যোগদান কৰিছে এইগৰাকী ফাষ্ট বলাৰে ।
ভাৰতীয় ক্ৰিকেট নিয়ন্ত্ৰণ ব’ৰ্ডে হৰ্ষিত ৰাণা বিশ্বকাপৰ দলৰ পৰা বাহিৰ হোৱা বুলি ঘোষণা কৰিছে । বিশ্বকাপৰ বাবে টিম ইণ্ডিয়াত হৰ্ষিত ৰাণাৰ সলনি যোগদান কৰিছে ফাষ্ট বলাৰ মহম্মদ ছিৰাজে । দক্ষিণ আফ্ৰিকাৰ বিৰুদ্ধে ৱাৰ্ম আপ মেচত আঘাতপ্ৰাপ্ত হোৱা হৰ্ষিত এতিয়া সমগ্ৰ প্ৰতিযোগিতাখনৰ পৰা বাহিৰ হৈছে । বিচিচিআইয়ে হৰ্ষিত ৰাণাৰ ঠাইত ১৫ জনীয়া দলটোত মহম্মদ ছিৰাজক অন্তৰ্ভুক্ত কৰিছে ।
বিচিচিআইয়ে এক প্ৰেছ বিজ্ঞপ্তি জাৰি কৰি কয় যে, “২০২৬ চনৰ ৪ ফেব্ৰুৱাৰীত নৱী মুম্বাইত দক্ষিণ আফ্ৰিকাৰ বিৰুদ্ধে অনুষ্ঠিত হোৱা ৱাৰ্ম আপ মেচত আঁঠুৰ আঘাতৰ বাবে আগন্তুক আইচিচি পুৰুষ টি-২০ বিশ্বকাপ ২০২৬ৰ পৰা ফাষ্ট বলাৰ হৰ্ষিত ৰাণাক বাদ দিয়া হৈছে । বিচিচিআইৰ চিকিৎসা দলে তেওঁক প্ৰতিযোগিতাখনত অংশগ্ৰহণৰ বাবে অযোগ্য বুলি ঘোষণা কৰিছে । দল পৰিচালনা সমিতিয়ে তেওঁৰ দ্ৰুত আৰোগ্যৰ কামনা কৰিছে । ফাষ্ট বলাৰ মহম্মদ ছিৰাজে হৰ্ষিত ৰাণাৰ ঠাইত দলত স্থান লাভ কৰিব ।’
২০২৬ চনৰ টি-২০ বিশ্বকাপৰ বাবে ভাৰতৰ আপডেটড দল :
সূৰ্যকুমাৰ যাদৱ (অধিনায়ক), অভিষেক শৰ্মা, সঞ্জু চেমছন (উইকেটকীপাৰ), ঈশান কিষণ (উইকেটকীপাৰ), তিলক বাৰ্মা, হাৰ্দিক পাণ্ডিয়া, শিৱম ডুবে, অক্ষৰ পেটেল (সহ-অধিনায়ক), ৰিংকু সিং, যশপ্ৰীত বুমৰাহ, অৰ্শদীপ সিং, কুলদীপ যাদৱ, বৰুণ চক্ৰৱৰ্তী, ৱাশ্বিংটন সুন্দৰ আৰু মহম্মদ ছিৰাজ ।
লগতে পঢ়ক : আজিৰে পৰা টি-২০ বিশ্বকাপৰ মহাৰণ : প্ৰথম দিনাই খেলপথাৰত নামিব মেন ইন ব্লু
