আজি চেন্নাইৰ এম এ চিদাম্বৰম ষ্টেডিয়ামত টি-২০ বিশ্বকাপ ২০২৬ৰ ছুপাৰ ৮ ৰাউণ্ডত ভাৰতে জিম্বাবৱেৰ বিৰুদ্ধে খেলি আছে।আজি ভাৰতীয় দলটোৱে এই বিশ্বকাপৰ সৰ্বাধিক স্ক’ৰ সংগ্ৰহ কৰিছে।

আই চি চি পুৰুষৰ টি-২০ বিশ্বকাপ ২০২৬ৰ ছুপাৰ ৮ ৰাউণ্ডৰ আজিৰ খেলখল জিম্বাবৱেৰ বিৰুদ্ধে ভাৰতে চেন্নাইৰ এম এ চিদাম্বৰম ষ্টেডিয়ামত অনুষ্ঠিত হৈ আছে।

এই মেচখনত জিম্বাবুৱেৰ অধিনায়ক ছিকন্দাৰ ৰাজাই টছত জয়লাভ কৰি প্ৰথমে বলিং কৰাৰ সিদ্ধান্ত লয়।ভাৰতীয় দলটোৱে জয়ৰ বাবে জিম্বাবৱেক ২৫৭ ৰানৰ লক্ষ্য বান্ধি দিছে।

ভাৰতে ৪ উইকেটত ২৫৬ ৰান সংগ্ৰহ কৰে, যিটো এই বিশ্বকাপত ভাৰতীয় দলটোৰ সৰ্বাধিক স্ক’ৰ।হাৰ্দিক পাণ্ডিয়াই অপৰাজিত ৫০ ৰান সংগ্ৰহ কৰে। অভিষেক শৰ্মাই ৫৫ ৰান সংগ্ৰহ কৰে।

এই মেচত দুয়োটা দলৰ প্লেইং ১১ৰ পৰিৱৰ্তন ঘটিছে।ৰিংকু সিং আৰু ৱাশ্বিংটন সুন্দৰ এই মেচখনৰ পৰা আঁতৰি আছে।

তেওঁলোকৰ ঠাইত সঞ্জু চেমচন আৰু অক্ষৰ পেটেল প্ৰৱেশ কৰিছে ।জিম্বাবৱেৰ দলত গ্ৰেম ক্ৰেমাৰৰ ঠাইত টিনোটেণ্ডা মাফোছাই স্থান লাভ কৰিছে।

লগতে পঢ়ক: আজি টিম ইণ্ডিয়াই খেলিব ২ খনকৈ মেচ, দুয়োখনেই নিৰ্ণয় কৰিব চলিত টি-২০ বিশ্বকাপৰ ভৱিষ্যত!

টি-২০ বিশ্বকাপৰ ছুপাৰ-৮ ৰাউণ্ডৰ প্ৰথমখন খেল আজি পাকিস্তান আৰু নিউজিলেণ্ডৰ মাজত কলম্বোৰ আৰ প্ৰেমদাছা ষ্টেডিয়ামত অনুষ্ঠিত হ’ব।কিন্তু খেলখনৰ সময়ত বৰষুণ গৃহোৱাৰ পূৰ্ণ সম্ভাৱনা আছে।

আজিৰ পৰা আৰম্ভ হৈছে টি-২০ বিশ্বকাপ ২০২৬ৰ ছুপাৰ-৮ ৰাউণ্ড। এই ৰাউণ্ডত আজি পাকিস্তান বনাম নিউজিলেণ্ডৰ খেলখন অনুষ্ঠিত হ’ব।

এই খেলখন সন্ধিয়া ৭ বজাৰ পৰা কলম্বোৰ আৰ প্ৰেমদাছা ষ্টেডিয়ামত অনুষ্ঠিত হ’ব।কিন্তু গোটেই খেলখনত বৰষুণ হোৱাৰ পূৰ্ণ সম্ভাৱনা আছে। কেৱল খেলখনৰ সময়তেই নহয় ইয়াৰ পূৰ্বেও  বৰষুণ হ’ব পাৰে।

কলম্বো বতৰ বিজ্ঞান কেন্দ্ৰৰ অনুসৰি, আজি কলম্বোত গোটেই দিনটো বৰষুণৰ সম্ভাৱনা আছে। ৩ বজাৰ আশে-পাশে ধাৰাসাৰ বৰষুণ হোৱাৰ সম্ভাৱনা আছে। সন্ধিয়া ৬:৩০ বজাত খেলখনৰ হ’ব টছ,এই সময়ছোৱাত বৰষুণৰ সম্ভাৱনা ৩০ শতাংশ।

বতৰ বিজ্ঞান কেন্দ্ৰৰ আগজাননিৰ মতে, খেলখনৰ সময়ত বৰষুণ দিয়াৰ সম্ভাৱনাই অধিক।যাৰ বাবে পাকিস্তান বনাম নিউজিলেণ্ডৰ খেলখন বাতিলো হ’ব পাৰে ।

যদি এনেকুৱা হয় তেন্তে পইণ্ট দুয়োটা দলৰ মাজত ভাগ কৰা হ’ব। আজি পাকিস্তান আৰু নিউজিলেণ্ডৰ মাজত অনুষ্ঠিত হ’ব ৫০ সংখ্যক টি-২০ আন্তঃৰাষ্ট্ৰীয় মেচ।

লগতে পঢ়ক: ‘ছেমি ফাইনেলৰ পূৰ্বে বাহিৰ হ’ব টিম ইণ্ডিয়া’!প্ৰাক্তন পাকিস্তানী ক্ৰিকেটাৰৰ ভৱিষ্যদ্বাণী

টি-২০ বিশ্বকাপ ২০২৬ৰ গ্ৰুপ পৰ্যায়ত ভাৰতীয় দলটোৱে ভাল প্ৰদৰ্শন আগবঢ়ায়। তাৰ মাজতে প্ৰাক্তন পাকিস্তানী ক্ৰিকেটাৰ মহম্মদ আমিৰে এক আচৰিত মন্তব্য কৰিছে।

২০২৬ চনৰ টি-২০ বিশ্বকাপৰ গ্ৰুপ মেচত যেতিয়া ভাৰত আৰু পাকিস্তানৰ মুখামুখি হৈছিল,তেতিয়া টিম ইণ্ডিয়াই ৬১ ৰানত জয় পঞ্জীয়ন কৰিছিল।ছুপাৰ-৮ত সকলো দলকে চাৰিটাকৈ দুটা গ্ৰুপত ভাগ কৰা হৈছে।

প্ৰথম গ্ৰুপত ভাৰত আৰু দ্বিতীয় গ্ৰুপত আছে পাকিস্তান   গতিকে ছুপাৰ ৮ পৰ্যায়ত তেওঁলোকৰ মাজত সংঘৰ্ষ নহ’ব।

কিন্তু প্ৰাক্তন পাকিস্তানী ক্ৰিকেটাৰ মহম্মদ আমিৰে ফাইনেল আৰু ছেমি ফাইনেল সন্দৰ্ভত এটা ডাঙৰ ভৱিষ্যদ্বাণী কৰিছে।

এটা সাক্ষাৎকাৰত পাকিস্তানৰ প্ৰাক্তন ক্ৰিকেটাৰ ৰছিদ লতিফ, মহম্মদ আমিৰ আৰু আহমেদ শ্বেহজাদে আলোচনা কৰি আছিল।

প্ৰথমতে মহম্মদ আমিৰে এটা ভৱিষ্যদ্বাণী কৰি ভাৰতীয় মিডল অৰ্ডাৰ বেটিংক লৈ প্ৰশ্ন উত্থাপন কৰিছিল।বিশেষকৈ বেটিঙত টিম ইণ্ডিয়াই বাৰে বাৰে সংগ্ৰাম কৰা দেখা গৈছে বুলিও তেওঁ কয়।

তাৰ মাজতে মহম্মদ আমিৰে কয় যে,ভাৰতীয় দলটোৱে ছেমি ফাইনেলত প্ৰৱেশ কৰিব নোৱাৰিব।টিম ইণ্ডিয়াই সদায় ভাল আৰম্ভণি পোৱা নাই।

যদিও টিম ইণ্ডিয়াই বিশ্বকাপত ডাঙৰ ডাঙৰ স্ক’ৰ কৰিছে,কিন্তু এই সময়ছোৱাত দলটোৰ অভাৱ-অভিযোগবোৰো উন্মোচিত হৈছে।

প্ৰাক্তন পাকিস্তানী ক্ৰিকেটাৰ গৰাকীৰ মতে উচ্চ চাপৰ পৰিস্থিতিত ভাৰতৰ বেটিং দুৰ্বল যেন লাগিছে আৰু এনে মুহূৰ্ততেই বিপক্ষ দলে সুবিধা ল’ব।

লগতে পঢ়ক: টি-২০ বিশ্বকাপত পুনৰ মুখামুখি হ’ব ভাৰত-পাকিস্তান ! জানক সম্পূৰ্ণ সমীকৰণ