জুবিন গাৰ্গবিহীন বিহীন এটা মাহ

প্ৰাণৰ শিল্পী জুবিন গাৰ্গ নোহোৱা হোৱাৰ আজি এমাহ সম্পূৰ্ণ হ’ল । ছেপ্টেম্বৰ মাহৰ আজিৰ দিনটোতেই অসমবাসীক কন্দুৱাই ছিংগাপুৰত চিৰ বিদায় মাগিছিল হিয়াৰ আমঠু শিল্পীগৰাকীয়ে ।

প্ৰিয় শিল্পীগৰাকীৰ মহাপ্ৰয়াণৰ পিছৰে পৰা এতিয়া স্বাভাৱিক হৈ উঠিব পৰা নাই ৰাজ্যবাসী তথা তেখেতৰ অনুৰাগী । জুবিন গাৰ্গক হেৰুৱাই শোকত ভাগি পৰা ৰাজ্যবাসীয়ে এতিয়াও মানি লব পৰা নাই শিল্পীগৰাকী নোহোৱা হোৱাৰ কথা । প্ৰত্যেকটো মুহূৰ্ততে শিল্পীগৰাকীক সোঁৱৰি এতিয়াও উচুপি উঠে প্ৰতিগৰাকী অনুৰাগী ।

ইফালে সোণাপুৰৰ শিল্পীগৰাকীৰ সমাধি ক্ষেত্ৰলৈয়ো অজস্ৰ গুণমুদ্ধৰ সোঁত বোৱা পৰিলক্ষিত হৈছে । আজি শিল্পীগৰাকী নোহোৱা হোৱাৰ এমাহ সম্পূৰ্ণ হোৱা উপলক্ষে পুঁৱতি নিশাৰ পৰাই সমাধিস্থলীলৈ সোঁত বৈছে অগণন গুণমুগ্ধৰ । সমাধি ক্ষেত্ৰৰ চৌদিশে লোকে লোকাৰণ্য পৰিৱেশ দেখা গৈছে । উজনিৰ পৰা নামনলৈ সকলো ঠাইৰে অগণন গুণমুগ্ধ আহি সমাধিস্থলীত প্ৰিয় শিল্পীগৰাকীলৈ নিবেদিছে শ্ৰদ্ধাঞ্জলি ।

আনহাতে আজি সমাধিস্থলীত গীতা পাঠৰ লগতে সৰ্বধৰ্মীয় প্ৰাৰ্থনাৰ আয়োজন কৰা হৈছে । সন্ধিয়া এশ বাঁহীবাদকে শিল্পীগৰাকীক শ্ৰদ্ধাঞ্জলি জনাই পৰিৱ্শন কৰিব বাঁহী । ইফালে নিশা দহ বজাত অংকীয়া ভাওনা পৰিৱেশন হ’ব বুলি জানিব পৰা গৈছে ।

লগতে পঢ়ক : আজি প্ৰাণৰ শিল্পী জুবিন গাৰ্গৰ এমহীয়া; মাজনিশা গৰিমা শইকীয়া গাৰ্গৰ অশ্ৰুঅঞ্জলি

গৰিমা শইকীয়া গাৰ্গৰ ফেচবুক পোষ্ট

১৫ অক্টোবৰ, বুধবাৰে বাক্সাৰ নিকাছীত সংঘটিত হয় এক অপ্ৰীতিকৰ পৰিস্থিতিৰ । শ্যামকানু মহন্ত, সিদ্ধাৰ্থ শৰ্মাসহ জুবিন গাৰ্গৰ মৃত্যুৰ ঘটনাৰ পাঁচ অভিযুক্তক বাক্সাৰ কাৰাগাৰলৈ নিয়াৰ সময়তে সৃষ্টি হয় উত্তেজনাময় পৰিস্থিতিৰ । এই পাঁচ অভিযুক্তক কাৰাগাৰলৈ নিয়াৰ সময়ত জুবিন গাৰ্গৰ মৃত্যুৰ ন্যায় বিচাৰি একাংশ লোকে সৃষ্টি কৰে উত্তপ্ত পৰিস্থিতিৰ । উত্তেজিত লোকে আৰক্ষীৰ লোকলৈ শিগুটি নিক্ষেপ কৰাৰ লগতে কেইবাখনো গধুৰ আৰু পাতলীয়া বাহনত অগ্নিসংযোগো কৰে । ঘটনাত কেইবাজনো আৰক্ষীৰ লোক আহত হোৱাৰ লগতে আহত হয় কেইবাগৰাকী সাংবাদিক আৰু প্ৰতিবাদকাৰী । এই ঘটনাক লৈ ৰাজ্যজুৰি তীব্ৰ প্ৰতিক্ৰিয়াৰ সৃষ্টি হয় ।

এই ঘটনাৰ পিছতে ফেচবুকযোগে বিশেষ পোষ্ট কৰে জুবিন গাৰ্গৰ পত্নী গৰিমা শইকীয়া গাৰ্গে । সামাজিক মাধ্যমত এই ঘটনাৰ প্ৰতিক্ৰিয়া প্ৰকাশ কৰি গৰিমা শইকীয়া গাৰ্গে কয়-“মই কেৱল মোৰ স্বামীক হেৰুওৱা নাই ..

প্ৰতিঘৰ অসমীয়াই নিজৰ এজন পুত্ৰ/ভাতৃ/বন্ধু/অভিভাৱক হেৰুৱাইছে । বিশ্বজুৰি তেওঁক ভালপোৱা বহুজনে আপোন এজনক হেৰুৱাইছে । সকলোৰে মন-মগজু,বিবেক,,, দুখ, কষ্ট আৰু বহু প্ৰশ্নৰে ভাৰাক্ৰান্ত হৈ আছে। এনে সময়ত সকলোৱে সকলোৰে মনঃস্তত্ব ভালদৰে বুজিবলৈ চেষ্টা কৰাটো আটাইতকৈ জৰুৰী কথা । কৃত্ৰিমতা আৰু মেৰপেচবোৰ এৰি সৰল , পোনপটীয়া কথাৰে সময়ক সহযোগ কৰাটো অত‌্যন্ত জৰুৰী ।‌ শান্তিৰ আৰু সম্প্ৰীতিৰ বাতাবৰণ অব্যাহত থাকক ,, আৰু কোনো হানি- বিঘিনিৰ খবৰ নালাগে প্ৰভু ।“

লগতে পঢ়ক : ‘বাক্সা জিলাত হোৱা ঘটনা অতি দুখজনক’; মুখ্যমন্ত্ৰী