লাভ জেহাদ আৰু বহুবিবাহ প্ৰতিৰোধী আইন
মুখ্যমন্ত্ৰী ড০ হিমন্ত বিশ্ব শৰ্মাই বুধবাৰে কয় যে বিধানসভাৰ পৰৱৰ্তী অধিৱেশনত তেওঁৰ চৰকাৰে লাভ জেহাদ আৰু বহুবিবাহৰ দৰে বিষয়ৰ ওপৰত কেইবাখনো গুৰুত্বপূৰ্ণ বিধেয়ক উত্থাপন কৰিব । নগাঁৱত এক অনুষ্ঠানত অংশগ্ৰহণ কৰি সাংবাদিকৰ সৈতে হোৱা কথা বতৰাত মুখ্যমন্ত্ৰী ড০ শৰ্মাই কয় যে এই খচৰা বিধেয়কসমূহৰ বিশদ বিধানসমূহ ৰাজ্যিক মন্ত্ৰীসভাৰ অনুমোদন লাভ কৰাৰ পিছত ভাগ কৰা হ’ব ।
মুখ্যমন্ত্ৰী ড০ হিমন্ত বিশ্ব শৰ্মাই কয়, “অসম বিধানসভাৰ আগন্তুক অধিৱেশনত আমি ‘লাভ জেহাদ’, বহুবিবাহ, সত্ৰ সুৰক্ষা আৰু চাহ জনজাতিক ভূমিৰ অধিকাৰ প্ৰদানৰ ওপৰত গুৰুত্বপূৰ্ণ আৰু ঐতিহাসিক বিধেয়ক উত্থাপন কৰিবলৈ ওলাইছো ।” মুখ্যমন্ত্রীগৰাকীয়ে কয় যে এই প্রস্তাৱসমূহৰ লক্ষ্য হৈছে ৰাজ্যৰ পৰম্পৰাগত প্রতিষ্ঠানসমূহৰ সমাজ সংস্কাৰ আৰু সুৰক্ষা সুনিশ্চিত কৰা ৷ অৱশ্যে বিধেয়কসমূহত কি কি ব্যৱস্থা থাকিব সেয়া তেওঁ স্পষ্ট কৰা নাই ।
লগতে পঢ়ক : ‘হাগ্ৰামা মহিলাৰীৰ লগত মোৰ সম্পৰ্ক বহু দিনৰ’;মুখ্যমন্ত্ৰী
