মধ্যপ্ৰাচ্যত পুনৰ উত্তেজনা বৃদ্ধি পাইছে। বিগত দুমাহ ধৰি চলি থকা যুদ্ধবিৰতিৰ মাজতে ইৰাণে দেওবাৰে নিশা ইজৰাইলত মিছাইল নিক্ষেপ কৰে।

মধ্যপ্ৰাচ্যত পুনৰবাৰ যুদ্ধ তীব্ৰতৰ হৈ পৰিছে। দেওবাৰে গভীৰ নিশা ইজৰাইলৰ ওপৰত ইৰাণে ভয়ংকৰ আক্ৰমণ চলাইছিল, যাৰ প্ৰত্যুত্তৰত এতিয়া সোমবাৰে পুৱতি নিশা ইজৰাইলে ইৰাণৰ কেইবাটাও সামৰিক ঘাটিক লক্ষ্য কৰি এক বৃহৎ বিমান আক্ৰমণ চলায়।

ইজৰাইলে দাবী কৰিছে যে ইৰাণৰ তৰফৰ পৰা গভীৰ নিশা বুজন পৰিমাণৰ মিছাইল নিক্ষেপ কৰা হৈছে। ইজৰাইলৰ দখলত থকা ৱেষ্ট বেংকৰ আকাশত কেইবাটাও মিছাইল দেখা গৈছে। উল্লেখ্য যে, বিগত ২ মাহ ধৰি চলি থকা যুদ্ধবিৰতিৰ মাজতে ইজৰাইলৰ ওপৰত ইৰাণৰ এইটোৱেই প্ৰথম আক্ৰমণ। ইৰাণে এই মিছাইল আক্ৰমণ ইজৰাইলে বেইৰুটত চলোৱা এয়াৰ ষ্ট্ৰাইকৰ ঠিক পিছতেই কৰিছে।

ইৰাণী সংবাদ সংস্থা ‘ইৰ্না’ (IRNA)ৰ মতে, দেশখনৰ কেইবাটাও স্থানক লক্ষ্য কৰি লোৱা হৈছে। ইজৰাইলে ৰাজধানী তেহৰাণ, ইছফাহান, তাব্ৰীজ আৰু পশ্চিম ইৰাণৰ আন কিছুমান অংশত মিছাইল নিক্ষেপ কৰিছে। লেবাননৰ ৰাজধানী বেইৰুটৰ পৰাও বিস্ফোৰণৰ শব্দ শুনা গৈছে। লেবাননৰ ওপৰত আক্ৰমণ হ’লে ইৰাণে ইজৰাইলক আক্ৰমণ কৰিব বুলি আগেই সকীয়াই দিছিল। দেওবাৰে যেতিয়া ইজৰাইলৰ সেনাই লেবাননৰ ৰাজধানী বেইৰুটত থকা হিজবুল্লাহৰ ঘাটিসমূহত বিমান আক্ৰমণ চলায়, তেতিয়া তাৰ প্ৰতিশোধ হিচাপে ইৰাণে ইজৰাইলৰ ওপৰত ধাৰাবাহিকভাৱে মিছাইল নিক্ষেপ কৰে। অৱশ্যে এই আক্ৰমণত এতিয়ালৈকে কোনো লোক হতাহত হোৱাৰ খবৰ পোৱা হোৱা নাই।

মন কৰিবলগীয়া যে উত্তৰ ইজৰাইলত ইৰাণৰ আক্ৰমণৰ প্ৰতিশোধ নকৰিবলৈ ট্ৰাম্পে  প্ৰধানমন্ত্ৰী বেঞ্জামিন নেতান্যাহুক পূৰ্বেই পৰামৰ্শ দিছিল।নেতান্যাহুৱে ট্ৰাম্পৰ পৰামৰ্শ মানি লোৱা বুলিও খবৰ ওলাইছিল।ইয়াৰ পিছতো ইজৰাইলে ইৰাণৰ কেইবাটাও স্থানক লক্ষ্য কৰি লৈছে।

ছচিয়েল মিডিয়া প্লেটফৰ্ম X-ত ইজৰাইলৰ সেনাই কয়, “IDF-এ ইৰাণৰ পৰা ইজৰাইলৰ দিশে নিক্ষেপ কৰা মিছাইলসমূহ চিনাক্ত কৰিছে। এই বিপদ প্ৰতিহত কৰিবলৈ প্ৰতিৰক্ষা ব্যৱস্থাসমূহে কাম কৰি আছে।” সেনাই কয় যে ইজৰাইলৰ বায়ুসেনাই ইৰাণৰ পৰা নিক্ষেপ কৰা সকলো মিছাইল আকাশতে ধ্বংস কৰিছে।

লগতে পঢ়ক: ইজৰাইলৰ প্ৰত্যুত্তৰ; হিজবুল্লাহৰ দুৰ্গ বেইৰুটত সন্ত্ৰাসবাদীৰ ঘাটি ধ্বংস

আমেৰিকা আৰু ইৰাণৰ মাজত যুদ্ধবিৰতি সন্দৰ্ভত নিজৰ চৰ্ত দাখিল কৰিছে ট্ৰাম্পে।ট্ৰাম্পে কয় যে আজি মই এটা সিদ্ধান্ত ল’ম।

আমেৰিকাৰ ৰাষ্ট্ৰপতি ড’নাল্ড ট্ৰাম্পে ইৰাণৰ সৈতে যুদ্ধবিৰতিৰ বাবে নিজৰ চৰ্তসমূহ আগবঢ়াইছে। য’ত কোৱা হৈছে যে ইৰানে এই কথা স্বীকাৰ কৰিব লাগিব যে তেওঁলোকে কেতিয়াও পাৰমাণৱিক অস্ত্ৰ বা বোমা নিৰ্মাণ নকৰে। হৰমুজ প্ৰণালী কোনো টোল অবিহনে, উভয় দিশৰ পৰা নিৰ্বিঘ্ন জাহাজ চলাচলৰ বাবে তৎক্ষণাৎ মুকলি কৰিব লাগিব। যদি কোনো পানীত ডুব যোৱা বাৰুদ (মাইন) আছে, তেন্তে সেয়া ধ্বংস কৰিব লাগিব। ট্ৰাম্পে ‘ট্ৰুথ ছচিয়েল’ত উল্লেখ কৰা অনুসৰি, আমেৰিকাই ইতিমধ্যে নিজৰ শক্তিশালী মাইন চাফা কৰা সঁজুলিৰে বহুতো মাইন নিষ্ক্ৰিয় কৰিছে আৰু বাকী থকাখিনিও ইৰানে তাৎক্ষণিকভাৱে আঁতৰাবলৈ বা ধ্বংস কৰিবলৈ বাধ্য হ’ব।

তদুপৰি, ট্ৰাম্পে কয় যে ইৰানে আন্তঃৰাষ্ট্ৰীয় পাৰমাণৱিক শক্তি সংস্থাৰ সৈতে সমন্বয় ৰাখি ইউৰেনিয়াম সমৃদ্ধকৰণ প্ৰক্ৰিয়া বন্ধ কৰিব লাগিব আৰু থকা ইউৰেনিয়াম সম্পূৰ্ণৰূপে ধ্বংস কৰিব লাগিব। ইয়াৰ লগতে পৰৱৰ্তী নিৰ্দেশ নোপোৱালৈকে কোনো ধৰণৰ ধনৰ লেনদেন নহ’ব। ট্ৰাম্পে দাবী কৰে যে তেওঁ এই বিষয়ত চূড়ান্ত সিদ্ধান্ত ল’বলৈ বৈঠক কৰি আছে।

আনহাতে, ইৰানে ট্ৰাম্পৰ এই দাবীক অস্বীকাৰ কৰিছে। ইৰানৰ মতে, ট্ৰাম্পে বুজাবুজিৰ চৰ্তসমূহ ভুলকৈ উপস্থাপন কৰিছে। তেওঁলোকে কয় যে হৰমুজ প্ৰণালী মুকলি কৰা বা পাৰমাণৱিক সামগ্ৰী ধ্বংস কৰাৰ কথা কোনো চুক্তিত অন্তৰ্ভুক্ত নহয়। ইৰানৰ চৰ্ত অনুসৰি, আলোচনা আগবঢ়োৱাৰ পূৰ্বে আমেৰিকাই ইৰানৰ ১২ বিলিয়ন ডলাৰৰ সম্পত্তি মুকলি কৰিব লাগিব আৰু লেবাননত (হিজবুল্লাহৰ চৰ্ত অনুসৰি) সম্পূৰ্ণ যুদ্ধবিৰতি স্থাপন কৰাটো জৰুৰী। এই প্ৰস্তাৱটো এতিয়াও ইৰানত চূড়ান্ত অনুমোদনৰ অপেক্ষাত আছে।

লগতে পঢ়ক: ‘ক্ৰেজি লাভ’…ইজৰাইল-ভাৰতৰ সম্পৰ্কক লৈ প্ৰধানমন্ত্ৰী নেতানিয়াহুৰ ডাঙৰ মন্তব্য

শান্তি আলোচনাৰ মাজতে আমেৰিকান সেনাই দক্ষিণ ইৰাণত আত্মৰক্ষাৰ বাবে এক বৃহৎ আক্ৰমণ চলাইছে। এই অভিযানত ইৰাণৰ ক্ষেপণাস্ত্ৰ উৎক্ষেপণ স্থান আৰু মাইন স্থাপন কৰা নাওক লক্ষ্য কৰি লোৱা হৈছিল।

আমেৰিকা আৰু ইৰাণৰ মাজত শান্তি চুক্তি সন্দৰ্ভত গুৰুতৰ আলোচনা চলি থকাৰ সময়তে, দক্ষিণ ইৰাণত ‘আত্মৰক্ষা’ৰ উদ্ধৃতি দি আমেৰিকাৰ সেনাই বৃহৎ সামৰিক আক্ৰমণ চলাইছে। আমেৰিকাই ইৰাণৰ লক্ষ্যস্থানত আক্ৰমণ চলাইছিল, য’ত নাৱেৰে মাইন আৰু ক্ষেপণাস্ত্ৰ নিক্ষেপ কৰা স্থানত আক্ৰমণ চলাইছিল।তেওঁ ইয়াক প্ৰতিৰক্ষামূলক কাৰ্য্য বুলি অভিহিত কৰিছে। আমেৰিকাৰ চেণ্ট্ৰেল কমাণ্ডে এক বিবৃতিত কয় যে ইৰাণী সেনাবাহিনীৰ ভাবুকিৰ পৰা আমাৰ সৈন্যক ৰক্ষা কৰিবলৈ এই আক্ৰমণ সংঘটিত কৰা হৈছে।

আমেৰিকাৰ চেণ্ট্ৰেল কমাণ্ডৰ মুখপাত্ৰ কেপ্তেইন টিম হকিন্সে আনুষ্ঠানিকভাৱে এই আক্ৰমণ নিশ্চিত কৰিছে। চেণ্টকমৰ মুখপাত্ৰ নৌসেনাৰ কেপ্তেইন টিম হকিন্সে কয় যে, তেওঁ কয় যে, ইৰাণৰ সেনাই সৃষ্টি কৰা তাৎক্ষণিক ভাবুকিৰ পৰা নিজৰ সৈন্যক ৰক্ষা কৰিবলৈ আমেৰিকাৰ সেনাই আজি আত্মৰক্ষাৰ বাবে দক্ষিণ ইৰাণত এই আক্ৰমণ চলাইছে।।অৱশ্যে চেণ্টকমে এইটোও স্পষ্ট কৰি দিছে যে আমেৰিকাৰ কমাণ্ডে বৰ্তমানৰ যুদ্ধবিৰতিক সন্মান জনাইছে আৰু সংযম অব্যাহত ৰাখিছে, অৱশ্যে নিজৰ জোৱানৰ সুৰক্ষাৰ ক্ষেত্ৰত আপোচ নকৰো।এই আক্ৰমণটো এনে সময়ত সংঘটিত হৈছে,যেতিয়া ইৰাণৰ বৈদেশিক মন্ত্ৰালয়ৰ মুখপাত্ৰ ইছমাইল বাকাইয়ে কয় আমেৰিকাৰ সৈতে আলোচনাত কিছু অগ্ৰগতি হৈছে,অৱশ্যে যুদ্ধ শেষ কৰাৰ কোনো চুক্তি অতি সোনকালে হোৱাৰ সম্ভাৱনা নাই।

কেপ্তেইন হকিন্সে কয় যে এই আক্ৰমণৰ লক্ষ্য কৰি বান্দাৰ আব্বাছৰ ওচৰৰ এটা এলেকা আছিল,যিখন দক্ষিণৰ বন্দৰ চহৰ আৰু হৰমুজ জলদ্বীপত অৱস্থিত ইৰাণৰ নৌসেনাৰ ঘাটি।

ইৰাণৰ পৰা হৰমুজ প্ৰণালীৰ সন্দৰ্ভত ডাঙৰ খবৰ ওলাইছে। ইৰাণৰ মতে অহা ৩০ দিনৰ ভিতৰত হৰমুজ প্ৰণালী পুনৰ পূৰ্বৰ অৱস্থালৈ ঘূৰি আহিব।

ইৰাণে এক বৃহৎ ঘোষণা কৰিছে।তেওঁলোকে উল্লেখ কৰিছে যে, অহা ৩০ দিনৰ ভিতৰত হৰমুজ প্ৰণালীৰ মাজেৰে পাৰ হোৱা জাহাজৰ সংখ্যা পূৰ্বৰ স্তৰলৈ ঘূৰি আহিব পাৰে।অৰ্থাৎ এই পথেৰে পাৰ হৈ যোৱা জাহাজৰ সংখ্যা এতিয়া যুদ্ধৰ পূৰ্বৰ স্তৰলৈ ঘূৰি আহিছে।বিশ্বৰ দেশসমূহে এই বক্তব্যক আশ্বস্ত কৰা খবৰ হিচাপে লৈছে।

হৰমুজ প্ৰণালী বিশ্বৰ বাবে এক জীৱনৰেখা।যুদ্ধ আৰম্ভ হোৱাৰ পিছৰে পৰা সমগ্ৰ বিশ্বৰ অসংখ্য দেশত ইন্ধনৰ সংকটৰ সৃষ্টি হৈছে।অৰ্থনীতিৰ ওপৰত বিৰূপ প্ৰভাৱ পৰিল।এতিয়া ৩০ দিনৰ ভিতৰত হৰমুজ জলদ্বীপক পূৰ্বৰ অৱস্থালৈ ঘূৰাই অনাৰ কথা চৰ্চা হৈছে।অৰ্থাৎ যুদ্ধৰ পূৰ্বে যি পৰিস্থিতি আছিল, সেই পৰিস্থিতি পুনৰ ঘূৰি আহিব।

যোৱা কেইমাহমানৰ পৰা মধ্যপ্ৰাচ্যত উত্তেজনা যথেষ্ট বৃদ্ধি পাইছিল। ইৰাণ আৰু অন্যান্য ৰাষ্ট্ৰৰ মাজত উত্তেজনাৰ বাবে এই পথেৰে ট্ৰেনজিট কৰা জাহাজৰ সংখ্যা হ্ৰাস পাইছে।জাহাজৰ মালিক আৰু তেল কোম্পানীসমূহে আশংকাত ভুগিছে ​​যে তেওঁলোকৰ জাহাজৰ ক্ষতি হ’ব পাৰে।ফলত তেলৰ যোগান লেহেমীয়া হৈছে, যাৰ ফলত বিশ্বৰ তেলৰ মূল্য আৰু বজাৰত প্ৰভাৱ পৰিছে।

এই সকলোবোৰৰ মাজতে আমেৰিকাৰ ৰাষ্ট্ৰপতি ড’নাল্ড ট্ৰাম্পে ছ’চিয়েল মিডিয়াত লিখিছে যে আমেৰিকা,ইৰাণ আৰু অঞ্চলটোৰ আন কেইবাখনো দেশৰ মাজত হোৱা চুক্তি চূড়ান্ত হোৱাৰ উপক্ৰম হৈছে।ৰাষ্ট্ৰপতি ট্ৰাম্পে লগতে কয় যে এই চুক্তিত হৰমুজ প্ৰণালী পুনৰ মুকলি কৰাটোও অন্তৰ্ভুক্ত কৰা হৈছে, আৰু ইয়াৰ সন্দৰ্ভত অতি সোনকালে ঘোষণা কৰা হ’ব।

লগতে পঢ়ক: হোৱাইট হাউচৰ সমীপত তীব্ৰ গুলীচালনা: বন্দুকধাৰীসহ দুজন আহত

আমেৰিকাৰ ৰাষ্ট্ৰপতি ড’নাল্ড ট্ৰাম্পে ইৰাণৰ সৈতে যুদ্ধৰ কৌশল সন্দৰ্ভত নিৰাপত্তা বিষয়াৰ সৈতে বৈঠকত মিলিত হয়।

শনিবাৰে আমেৰিকাৰ ৰাষ্ট্ৰপতি ড’নাল্ড ট্ৰাম্পে তেওঁৰ ৰাষ্ট্ৰীয় নিৰাপত্তা দলৰ শীৰ্ষ বিষয়াৰ সৈতে সাক্ষাৎ কৰে।এক সূত্ৰৰ উদ্ধৃতি দি চিএনএনে নিজৰ প্ৰতিবেদনত এই তথ্য প্ৰকাশ কৰিছে।ট্ৰাম্পে অনুষ্ঠিত কৰা এই বৈঠকৰ উদ্দেশ্য আছিল ইৰাণৰ সৈতে যুদ্ধ সন্দৰ্ভত ভৱিষ্যতৰ কৌশলৰ বিষয়ে আলোচনা কৰা।

এই বৈঠকৰ ট্ৰাম্পৰ সেই মন্তব্যৰ এদিন পিছত হৈছিল,য’ত তেহৰাণক সতৰ্কবাণী জাৰি কৰি তেওঁ কয় যে তেওঁলোকে যিমান পাৰি সোনকালে ব্যৱস্থা ল’ব লাগিব আৰু অতি দ্ৰুতগতিত কৰিব লাগিব, অন্যথা তেওঁলোকৰ একোৱেই বাকি নাথাকিব।

দেওবাৰে ছ’চিয়েল মিডিয়াত পোষ্ট কৰি ট্ৰাম্পে লিখিছে- ইৰাণৰ বাবে ঘড়ীৰ কাটা এতি দ্ৰুতগতিত ঘূৰি আছে, আৰু তেওঁলোকে যিমান পাৰি সোনকালে দ্ৰুত পদক্ষেপ ল’ব লাগিব,”নহ’লে সিহঁতৰ একো নাথাকিব। সময় অতি মূল্যৱান।”

ৰাষ্ট্ৰপতিৰ ভাৰ্জিনিয়া স্থিত গল্ফ ক্লাবত অনুষ্ঠিত এই সভাত উপ-ৰাষ্ট্ৰপতি জে.ডি. ভ্যান্স, বিদেশ সচিব মাৰ্কো ৰুবিঅ’, চিআইএৰ সঞ্চালক জন ৰেটক্লিফ আৰু বিশেষ দূত ষ্টিভ উইটকফৰ দৰে নেতাও উপস্থিত আছিল। এই বৈঠকখন চীন ভ্ৰমণৰ পৰা ট্ৰাম্পে ৱাশ্বিংটনলৈ উভতি অহাৰ মাত্ৰ কেইঘণ্টামানৰ পিছতে অনুষ্ঠিত হয়।

লগতে পঢ়ক: ‘লাহে লাহে ধৈৰ্য্য হেৰুৱাইছো’; ইৰাণ সন্দৰ্ভত ট্ৰাম্পৰ বিস্ফোৰক মন্তব্য