ইজৰাইলৰ আক্ৰমণৰ পিছতেই এতিয়া ইৰাণে দিছে প্ৰত্যুত্তৰ। ইজৰাইলৰ জেৰুজালেমত বাজিছে চাইৰেন। সমগ্ৰ দেশতে জৰুৰীকালীন অৱস্থাৰ ঘোষণা ।

ইৰাণ আৰু ইজৰাইলৰ মাজত আৰম্ভ হৈছে যুদ্ধ।বৰ্তমান দুয়োখন দেশৰ মাজত তীব্ৰ যুদ্ধ চলি আছে।ইজৰাইলৰ বিৰুদ্ধে তীব্ৰ প্ৰতিশোধমূলক আক্ৰমণ চলাইছে ইৰাণে।

ইজৰাইললৈ ৭০টা বেলিষ্টিক মিছাইল নিক্ষেপ কৰিছে ইৰাণে।ইজৰাইলৰ সেনা আইডিএফে কয় যে ইৰাণৰ পৰা ইজৰাইল অভিমুখে বেলিষ্টিক মিছাইল নিক্ষেপ কৰিছে,সমগ্ৰ দেশখনতে সক্ৰিয় কৰা হৈছে এলাৰ্ট।

ইৰাণৰ ক্ষেপণাস্ত্ৰৰ পৰিসৰৰ অধীনলৈ অহা ইজৰাইলৰ চহৰসমূহৰ ভিতৰত জেৰুজালেম, হাইফা, শ্বেফেলা আদি অন্যতম।বৰ্তমান জেৰুজালেমত ছাইৰেন বাজি আছে।ইফালে শেহতীয়া খবৰ অনুসৰি ইৰাণে দ্বিতীয়বাৰৰ বাবে ইজৰাইলৰ ফালে ক্ষেপণাস্ত্ৰৰ চালান প্ৰেৰণ কৰিছে।ইজৰাইলে নিজৰ সমস্ত শক্তিৰে ধ্বংস কৰি আছে ইৰাণৰ এই ক্ষেপণাস্ত্ৰ।

খবৰ অনুসৰি উত্তৰ ইজৰাইলত কেইবাটাও বিস্ফোৰণৰ শব্দ শুনা গৈছে।ইজৰাইলে নিজৰ ক্ষেপণাস্ত্ৰ বিৰোধী প্ৰতিৰক্ষা ব্যৱস্থা সক্ৰিয় কৰিছে।ইজৰাইলে সমগ্ৰ দেশতে জৰুৰীকালীন অৱস্থাৰ ঘোষণা কৰিছে।

লগতে পঢ়ক: ‘ইৰাণৰ ক্ষেপণাস্ত্ৰক শেষ কৰি দিয়া হ’ব’; আক্ৰমণৰ পিছত ড’নাল্ড ট্ৰাম্পৰ প্ৰথম প্ৰতিক্ৰিয়া

ইজৰাইল আৰু আমেৰিকাই মিলি ইৰাণৰ ওপৰত মিছাইল আক্ৰমণ কৰিছে। একেলগে কমেও ৩০ টা স্থানত আক্ৰমণ কৰিছে।

ইজৰাইল আৰু আমেৰিকাই ইৰাণৰ ওপৰত ভয়ংকৰ আক্ৰমণ চলাইছে।ইজৰাইলে ইৰাণৰ ৰাষ্ট্ৰপতি ভৱনক লক্ষ্য কৰি লৈছে,ইয়াৰ উপৰিও ইৰাণৰ চোৰাংচোৱা সংস্থাৰ মুখ্য কাৰ্যালয়ক লক্ষ্য কৰি লোৱা হৈছে।

ইৰাণৰ কেইবাটাও গুৰুত্বপূৰ্ণ চৰকাৰী অট্টালিকাক লক্ষ্য কৰি লোৱা হৈছে।জানিব পৰা মতে ইৰাণৰ উচ্চতম নেতা আলী খামেইনি এই সময়ত তেহৰাণত নাই।তেওঁক নিৰাপদ স্থানলৈ প্ৰেৰণ কৰা হৈছে।

ইৰাণৰ ওপৰত ইজৰাইলে কেইবাটাও ক্ষেপণাস্ত্ৰ নিক্ষেপ কৰিছে।আক্ৰমণৰ পিছত ৰাজধানী তেহৰাণৰ কেইবাটাও স্থানত অট্টালিকাৰ পৰা ধোঁৱা ওলোৱা দেখা গৈছিল।

জানিব পৰা মতে, আমেৰিকাৰ এফ-২২ ৰেপ্টৰ যুদ্ধ বিমানেও এই আক্ৰমণত অংশগ্ৰহণ কৰিছে। তেহৰাণৰ ৩০ স্থানত বেলিষ্টিক মিছাইলৰ সহায়ত একেলগে এই আক্ৰমণ সংঘটিত কৰিছিল।

ইয়াৰ পিছত ইৰাণৰ সৰ্বোচ্চ নেতা আয়াতুল্লাহ আলী খামেইনিক নিৰাপদ স্থানলৈ স্থানান্তৰ কৰা হৈছে।আক্ৰমণৰ সময়ত আমেৰিকা আৰু ইজৰাইলে খামেইনিৰ কাৰ্যালয়কো লক্ষ্য কৰি লৈছিল।

লগতে পঢ়ক: ‘সংস্থাসমূহে এন্থ্ৰপিক প্ৰযুক্তি ব্যৱহাৰ কৰা বন্ধ কৰক’; ট্ৰাম্পে দিলে আলটিমেটাম

ইজৰাইলৰ পৰাই পাকিস্তানক সকীয়নী দিলে প্ৰধানমন্ত্ৰী নৰেন্দ্ৰ মোদীয়ে। প্ৰধানমন্ত্ৰী গৰাকীয়ে কয় যে, সন্ত্ৰাসবাদৰ কোনো স্থান নাই।

ইজৰাইল ভ্ৰমণত থকা প্ৰধানমন্ত্ৰী নৰেন্দ্ৰ মোদীয়ে স্পষ্টকৈ কয় যে কোনো কাৰণতে সন্ত্ৰাসবাদ মানি ল’ব নোৱাৰি। তেওঁ কয় যে, ভাৰত আৰু ইজৰাইলে সন্ত্ৰাসবাদ আৰু ইয়াৰ সমৰ্থকসকলৰ বিৰোধিতা কৰি কান্ধত কান্ধ মিলাই থিয় দিছে আৰু ভৱিষ্যতেও কৰি যাব। ইজৰাইলৰ মাটিৰ পৰা দিয়া এই বক্তব্যক পাকিস্তানৰ বাবে এক শক্তিশালী বাৰ্তা হিচাপে বিবেচিত হৈছে।

প্ৰধানমন্ত্ৰী গৰাকীয়ে কয় যে, পৃথিৱীত সন্ত্ৰাসবাদীৰ কোনো স্থান নাই। ভাৰত আৰু ইজৰাইল সন্ত্ৰাসবাদৰ বিৰুদ্ধে শক্তিশালীভাৱে থিয় দিব।

পশ্চিম এছিয়াৰ শান্তি আৰু স্থিৰতাৰ বাবে ভাৰতৰ সৈতে প্ৰত্যক্ষ সম্পৰ্ক আছে, সেইবাবেই ভাৰতে আৰম্ভণিৰে পৰা আলোচনা আৰু শান্তিপূৰ্ণ সমাধানৰ পোষকতা কৰি আহিছে।

গাজা শান্তি পৰিকল্পনাই শান্তিৰ পথ প্ৰশস্ত কৰিছে। তেওঁ ইজৰাইলৰ নেতৃত্বৰ সৈতে আঞ্চলিক আৰু বিশ্বব্যাপী বিষয়সমূহৰ ওপৰত বিতংভাৱে আলোচনা কৰে।

প্ৰধানমন্ত্ৰী বেঞ্জামিন নেতান্যাহু আৰু ভাৰতীয় প্ৰতিনিধি দলটোক উষ্ম আদৰণি জনোৱাৰ বাবে প্ৰধানমন্ত্ৰী মোদীয়ে ধন্যবাদ জ্ঞাপন কৰে।

তেওঁ কয় যে ৯ বছৰ পূৰ্বে তেওঁ ইজৰাইল ভ্ৰমণ কৰা প্ৰথমজন ভাৰতীয় প্ৰধানমন্ত্ৰী হোৱাৰ সৌভাগ্য লাভ কৰিছিল আৰু আকৌ ইয়াত উপস্থিত হোৱাটো এক গৌৰৱ আৰু আৱেগিক অভিজ্ঞতা। ইজৰাইলৰ সংসদে প্ৰদান কৰা সন্মানৰ বাবেও তেওঁ কৃতজ্ঞতা প্ৰকাশ কৰে।

লগতে পঢ়ক: প্ৰধানমন্ত্ৰী মোদী আৰু নেতান্যাহুৰ মাজত দ্বিপাক্ষিক আলোচনা; ভাৰত আৰু ইজৰাইলৰ মাজত বৃহৎ চুক্তিৰ সম্ভাৱনা

ইজৰাইল ভ্ৰমণৰ দ্বিতীয়দিনটোত প্ৰধানমন্ত্ৰী নৰেন্দ্ৰ মোদী আৰু নেতান্যাহুৰ মাজত দ্বিপাক্ষিক আলোচনা হয়।

প্ৰধানমন্ত্ৰী নৰেন্দ্ৰ মোদীৰ ইজৰাইল ভ্ৰমণৰ আজি দ্বিতীয়টো দিন।প্ৰধানমন্ত্ৰী নৰেন্দ্ৰ মোদী আৰু ইজৰাইলৰ প্ৰধানমন্ত্ৰী বেঞ্জামিন নেতান্যাহুৰ মাজত ইতিমধ্যে দ্বিপাক্ষিক আলোচনা আৰম্ভ হৈছে।

এই সময়ছোৱাত ভাৰত আৰু ইজৰাইলৰ মাজত ড্ৰ’ন ক্ৰয় আৰু যৌথ উৎপাদনকে ধৰি বহু বৃহৎ প্ৰতিৰক্ষা চুক্তি স্বাক্ষৰিত হ’ব পাৰে। দুয়োখন দেশৰ মাজত প্ৰতিৰক্ষা চুক্তিটো মোহৰ লাগিব পাৰে।

প্ৰধানমন্ত্ৰী মোদীয়ে আজি পুৱা প্ৰথমে জেৰুজালেমৰ হ’ল’কাষ্ট স্মৃতিসৌধ ‘যাদ ৱাশ্বেম’ত উপস্থিত হয়। তাত তেওঁ হিটলাৰৰ নাজী শাসনৰ সময়ত নিহত ৬০ লাখ ইহুদীক শ্ৰদ্ধাঞ্জলি জনায়।

ইয়াৰ পিছত মোদীয়ে ইজৰাইলৰ ৰাষ্ট্ৰপতি ইচাক হাৰ্জোগক সাক্ষাৎ কৰে।দুয়োগৰাকী নেতাই দ্বিপাক্ষিক বৈঠকত মিলিত হয়।

এই সময়ত ইচাকে কয় যে ভাৰতৰ অৰ্থনীতি দ্ৰুতগতিত বৃদ্ধি পাইছে,যিটোৱে সমগ্ৰ বিশ্বৰ দৃষ্টি আকৰ্ষণ কৰি আছে।আনহাতে প্ৰধানমন্ত্ৰী মোদীয়ে ইজৰাইলৰ ৰাষ্ট্ৰপতি গৰাকীক ভাৰত ভ্ৰমণৰ বাবে আমন্ত্ৰণ জনাই।

লগতে পঢ়ক: ইনষ্টাগ্ৰামত ১০ কোটীৰ ক্লাবত প্ৰৱেশ কৰা বিশ্বৰ প্ৰথমজন নেতা, প্ৰধানমন্ত্ৰী মোদীৰ আন এক অভিলেখ

দুদিনীয়া ভ্ৰমণসূচীৰে আজি ইজৰাইললৈ ৰাওনা হৈছে প্ৰধানমন্ত্ৰী নৰেন্দ্ৰ মোদী। প্ৰধানমন্ত্ৰী মোদীৰ আগমনৰ পূৰ্বে নেতান্যাহুৱে ভাৰতক ষড়ভুজ মিত্ৰতাত অন্তৰ্ভুক্ত কৰিছে পাকিস্তান আৰু তুৰ্কিয়েৰ দৰে দেশক মোক্ষম আঘাত দিছে।

দিল্লীৰ পালাম বায়ুসেনা ষ্টেচনৰ পৰা আজি দুদিনীয়া ভ্ৰমণসূচীৰে ইজৰাইললৈ ৰাওনা হৈছে প্ৰধানমন্ত্ৰী নৰেন্দ্ৰ মোদী। কিছু সময়ৰ পূৰ্বে তেওঁৰ বিমানখনে উৰা মাৰিছে।

প্ৰধানমন্ত্ৰীৰ এই ভ্ৰমণৰ সময়ত ভাৰত আৰু ইজৰাইলৰ মাজত বহু বৃহৎ চুক্তি স্বাক্ষৰিত হ’ব।ইয়াত প্ৰতিৰক্ষা চুক্তি বিশিষ্ট।টেল আভিভত প্ৰধানমন্ত্ৰী মোদীৰ আগমনৰ পূৰ্বে ইজৰাইলৰ প্ৰধানমন্ত্ৰী বেঞ্জামিন নেতান্যাহুৱে ভাৰতক হেক্সাগাঁন মিত্ৰতাত অন্তৰ্ভুক্ত কৰি তুৰ্কিয়ে আৰু পাকিস্তানৰ দৰে দেশক মোক্ষম আঘাত দিছে।

ইজৰাইললৈ যোৱাৰ পূৰ্বে এক্সত প্ৰধানমন্ত্ৰী গৰাকীয়ে লিখিছিল,‘আজি আৰু কাইলৈৰ বাবে ​​ইজৰাইললৈ ভ্ৰমণলৈ যাম।আমাৰ দুয়োখন ৰাষ্ট্ৰৰ মাজত এক শক্তিশালী আৰু বহুমুখী কৌশলগত অংশীদাৰিত্ব আছে’।

‘কিছু বছৰৰ পৰা দুয়োখন দেশৰ সম্পৰ্কটো যথেষ্ট সুদৃঢ় হৈছে।মই প্ৰধানমন্ত্ৰী বেঞ্জামিন নেতান্যাহুৰ সৈতে আলোচনা কৰিম, য’ত প্ৰতিৰক্ষা, প্ৰযুক্তি, উদ্ভাৱন, বাণিজ্য, কৃষি, জল ব্যৱস্থাপনা আৰু জনসাধাৰণৰ সম্পৰ্ককে ধৰি বিভিন্ন ক্ষেত্ৰত সহযোগিতা বৃদ্ধিৰ উপায়ৰ বিষয়ে আলোচনা কৰা হ’ব’।

‘মই ইজৰাইলৰ ৰাষ্ট্ৰপতি ইসাক হৰোগকো লগ কৰিম।আজি সন্ধিয়া মই ইজৰাইলৰ সংসদ নেচেটক সম্বোধন কৰিম।এয়া আমাৰ শক্তিশালী সংসদীয় আৰু গণতান্ত্ৰিক সম্পৰ্কক সন্মান জনোৱাৰ বাবে এক গুৰুত্বপূৰ্ণ মুহূৰ্ত।’

ভাৰতীয় প্ৰধানমন্ত্ৰীৰ নেচেটত এইটোৱেই হ’ব প্ৰথম ভাষণ,যিয়ে দুয়োখন দেশৰ মাজত গভীৰ বন্ধুত্ব আৰু ভাগ কৰা মূল্যবোধৰ ওপৰত আলোকপাত কৰে।

লগতে পঢ়ক: দুদিনীয়া ভ্ৰমণসূচীৰে বুধবাৰে ইজৰাইললৈ প্ৰধানমন্ত্ৰী মোদী, উৎসাহী নেতেনিয়াহু