ইজৰাইলে লেবাননৰ ওপৰত এক বৃহৎ বিমান আক্ৰমণ চলাইছে।খবৰ অনুসৰি এই আক্ৰমণত ১০ জন লোক নিহত হৈছে।
ইজৰাইলে পূব লেবাননত বিমান আক্ৰমণ চলাইছে।এই শেহতীয়া আক্ৰমণে পুনৰবাৰ অঞ্চলটোৰ পৰিস্থিতি ভয়াৱহ কৰি তুলিছে।স্থানীয় সংবাদ মাধ্যমৰ মতে,এই আক্ৰমণত কমেও ১০ জন লোকৰ মৃত্যু হৈছে।
ইৰাণ সমৰ্থিত উগ্ৰপন্থী সংগঠনটোৱে নিশ্চিত কৰিছে যে নিহতসকলৰ ভিতৰত হিজবুল্লাহৰ এজন জ্যেষ্ঠ বিষয়াও আছে।২০২৪ চনৰ নৱেম্বৰ মাহত যুদ্ধ শেষ হোৱাৰ পিছত লেবাননত সংঘটিত হোৱা অন্যতম মাৰাত্মক আক্ৰমণ বুলি গণ্য কৰা হয়।
ইজৰাইলে দাবী কৰিছে যে তেওঁলোকৰ বাহিনীয়ে বেকা উপত্যকাৰ স্থানসমূহক লক্ষ্য কৰি লৈছিল, যাৰ ওপৰত অভিযোগ আছিল যে, তেওঁলোকে ইজৰাইল আৰু লেবাননৰ মাজত হোৱা চুক্তি উলংঘা কৰিছিল।
বেকা আক্ৰমণৰ কেইঘণ্টামান পূৰ্বে ইজৰাইলে দক্ষিণ লেবাননৰ পেলেষ্টাইনী শৰণাৰ্থী শিবিৰতো বিমান আক্ৰমণ চলাইছিল।
এক্সত জাৰি কৰা এক বিবৃতিত ইজৰাইলী সেনাই দাবী কৰে যে আইন আল-হেলৱেহ অঞ্চলত ‘হামাছৰ এটা কমাণ্ড চেণ্টাৰ’ক লক্ষ্য কৰি লোৱা হৈছে।ছিদন চহৰৰ উপকণ্ঠ অঞ্চলত অৱস্থিত এই ঘন জনবসতিপূৰ্ণ শিবিৰত আক্ৰমণত দুজন লোক নিহত হয়।
