অৱতৰণৰ সময়তে সংঘটিত হয় এই বিমান দুৰ্ঘটনা । মহাৰাষ্ট্ৰৰ উপ-মুখ্যমন্ত্ৰী অজিত পাৱাৰ এটা অনুষ্ঠানৰ বাবে বাৰামাটিলৈ গৈ আছিল ।
মহাৰাষ্ট্ৰৰ বাৰামাটিত সংঘটিত হৈছে এক বৃহৎ বিমান দুৰ্ঘটনা । খবৰ অনুসৰি বিমানখনত আছিল ৰাজ্যখনৰ উপ-মুখ্যমন্ত্ৰী অজিত পাৱাৰ । অৱতৰণৰ সময়তে সংঘটিত হয় এই বিমান দুৰ্ঘটনা । খবৰ অনুসৰি মহাৰাষ্ট্ৰৰ উপ-মুখ্যমন্ত্ৰী অজিত পাৱাৰ এটা অনুষ্ঠানৰ বাবে বাৰামাটিলৈ গৈ আছিল ।
খবৰ অনুসৰি বিমানখন বিমানবন্দৰত অৱতৰণ কৰাৰ সময়তে দুৰ্ঘটনাগ্ৰস্ত হয় । জানিব পৰা মতে, বুধবাৰে অজিত পাৱাৰ জিলা পৰিষদৰ নিৰ্বাচন সন্দৰ্ভত এখন ৰাজহুৱা সভাত ভাষণ দিবলৈ বাৰামাটিলৈ গৈছিল । ইথিমধ্যে এই ভয়ংকৰ বিমান দুৰ্ঘটনাৰ এটা ভিডিঅ’ প্ৰকাশ পাইছে ।
প্ৰকাশিত খবৰ অনুসৰি এই দুৰ্ঘটনাত অজিত পাৱাৰ গুৰুতৰভাৱে আহত হোৱা বুলি জানিব পৰা গৈছে । বিমানখন সম্পূৰ্ণৰূপে ধ্বংস হৈছে । খবৰ অনুসৰি এইখন আছিল অজিত পাৱাৰৰ ব্যক্তিগত বিমান । জানিব পৰা মতে বিমানখনত থকা একাংশ যাত্ৰী গুৰুতৰভাৱে আহত হৈছে । অৱশ্যে অজিত পাৱাৰৰ অৱস্থা সন্দৰ্ভত আনুষ্ঠানিক বাতৰিৰ বাবে এতিয়াও অপেক্ষা কৰি থকা হৈছে । প্ৰশাসন আৰু নিৰাপত্তা সংস্থাই ঘটনাস্থলীত উপস্থিত হৈ পৰিস্থিতিৰ বুজ লৈছে ।
উল্লেখ্য যে, মহাৰাষ্ট্ৰৰ উপ-মুখ্যমন্ত্ৰী অজিত পাৱাৰে বিমান দুৰ্ঘটনাৰ প্ৰায় আধা ঘণ্টা পূৰ্বে ছ’চিয়েল মিডিয়াত পোষ্ট কৰিছিল । এই পোষ্টটোত অজিত পাৱাৰে লালা লাজপত ৰায়ক স্মৰণ কৰিছিল ।
লগতে পঢ়ক : ব্ৰহ্মপুত্ৰত শোকাবহ নাও দুৰ্ঘটনা : একেটা পৰিয়ালৰে ৭ জন নিৰুদ্দেশ
