ভাৰতৰ প্ৰথটো Rail cum Road tunnel হ’ব অসমত; অসমবাসীক কেইবাটাও ভাল খবৰ দিলে মুখ্যমন্ত্ৰীয়ে
অসমত হ’ব দেশৰ প্ৰথমটো Rail cum Road tunnel পথ। ব্ৰহ্মপুত্ৰৰ ১৭৫ ফুট তলেৰে হ’ব সুৰংগ পথটো। মুখ্যমন্ত্ৰী গৰাকীয়ে অসমবাসীক দিলে কেইবাটাও ভাল খবৰ।
ৰাজ্যবাসীৰ বাবে কেইবাটাও ভাল খবৰ লৈ দেওবাৰে সংবাদমেল সম্বোধন কৰে মুখ্যমন্ত্ৰী ড০ হিমন্ত বিশ্ব শৰ্মাই। মুখ্যমন্ত্ৰী গৰাকীয়ে কয় যে, অসমত শীঘ্ৰেই আৰম্ভ হ’ব দেশৰ প্ৰথমটো আৰু বিশ্বৰ দ্বিতীয়টো Rail cum Road tunnel য’ত ৰে’ল আৰু যান-বাহন একেলগে চলিব।
ব্ৰহ্মপুত্ৰৰ ১৭৫ ফুট তলেৰে হ’ব সুৰংগ পথটো। ব্ৰহ্মপুত্ৰৰ তলেৰে সুৰংগ পথ নিৰ্মাণত ইতিমধ্যে কেন্দ্ৰীয় চৰকাৰৰ অনুমোদন লাভ কৰিছে ৰাজ্য চৰকাৰে।
১৮,৬৬২ কোটি ব্যয় সাপেক্ষে নিৰ্মাণ হ’ব সুৰংগ পথ। এই সুৰংগ পথটোৱে গহপুৰৰ পৰা নুমলীগড়ক সংযোগ কৰিব। দেশৰ ভিতৰতে দীৰ্ঘতম সুৰংগ হ’ব এই গহপুৰ-নুমলীগড় সুৰংগ পথ।
গহপুৰ নুমলীগড় সংযোগী সুৰংগ পথৰ মুঠ দূৰত্ব হ’ব ৩৪ কিলোমিটাৰৰ। দেশৰ নিৰাপত্তাৰ বাবে এই প্ৰকল্প অতি গুৰুত্বপূৰ্ণ। শত্ৰু ৰাষ্ট্ৰৰে যুদ্ধ হ’লে এই প্ৰকল্পই সুৰক্ষা দিব উত্তৰ-পূবক।
বগীবিল আৰু কলিয়াভোমোৰা দলঙত বোমা দিলে বিচ্ছিন্ন হ’ব উত্তৰ-পূবৰ যোগাযোগ। এই নদী সুৰংগ পথৰ নিৰ্মাণ হ’লে বিচ্ছিন্ন নহ’ব অসমৰ যোগাযোগ। সেই বাবে এই প্ৰকল্পৰ সম্পূৰ্ণ পৃষ্ঠপোষকতা কৰিছে ভাৰতীয় সেনাই।
মুখ্যমন্ত্ৰী গৰাকীয়ে কয় যে, ফৰকাটিঙৰ পৰা গহপুৰ সংযোগী হ’ব নতুন ৰে’ল পথ। মাৰ্চত শিলচৰ-শ্বিলং-গুৱাহাটী হাইস্পীড কৰিড’ৰৰ আধাৰশিলা স্থাপন কৰা হ’ব। প্ৰধানমন্ত্ৰীয়ে মাৰ্চত শিলন্যাস কৰিব এই প্ৰকল্পৰ।
এই কৰিড’ৰটো ২২,৮৬৪ কোটি টকা ব্যয় সাপেক্ষে নিৰ্মাণ হ’ব। আনহাতে বাইহাটা চাৰিআলিৰ পৰা দিছপুৰলৈ ৪টা লেনযুক্ত পথ,গুৱাহাটী ৰিং ৰোড, কাজিৰঙা এলিভেটেড কৰিড’ৰ হ’ব।
মুখ্যমন্ত্ৰী গৰাকীয়ে সংবাদমেলখনত লগতে কয় যে, শীঘ্ৰে আৰম্ভ হ’ব কামাখ্যা কৰিড’ৰ প্ৰকল্পৰ কাম। এতিয়া কামাখ্যা ৰ’পৱে নিৰ্মাণৰ বাবে থকা আইনী বাধা আঁতৰিল।
IIT গুৱাহাটী আৰু NIH অধ্যয়নত কামাখ্যাৰ ক্ষতি নহয় বুল প্ৰতিবেদনত আহিছে।ন্যায়ালয়ৰ বাধা আঁতৰাৰ বাবে এতিয়া আৰম্ভ হ’ব নিৰ্মাণকাৰ্য। কামাখ্যা ষ্টেচনৰ পৰা কামাখ্যা ধামলৈ হ’ব ৰ’পৱে।
গুৱাহাটীৰ ৰিং ৰোড নিৰ্মাণৰ বাবে ৫৭২৯ কোটি টকা কেন্দ্ৰ আৰু ৰাজ্য চৰকাৰে ব্যয় কৰিব। গুৱাহাটী ৰিং ৰোড প্ৰকল্পত নতুন সংযোজন হ’ব। বৰঝাৰ বিমানবন্দৰৰ পৰা জালুকবাৰীলৈ হ’ব এলিভেটেড কৰিড’ৰ। এই এলিভেটেড কৰিড’ত ১৫০০কোটি টকা ব্যয় হ’ব।
লগতে পঢ়ক: গুৱাহাটী-উত্তৰ গুৱাহাটী সংযোগী কুমাৰ ভাস্কৰ বৰ্মা সেতু মুকলি প্ৰধানমন্ত্ৰী নৰেন্দ্ৰ মোদীৰ
