কংগ্ৰেছ আৰু ৰাইজৰ দলৰ মিত্ৰতা ভংগৰ কাৰণ ব্যাখ্যা কৰি তেওঁ কয় যে, য’ত নব্বৈ শতাংশ মিঞা মুছলমান আছে সেই আসনকেইখনৰ বাবে মিত্ৰতা ভাগিল ।

ৰাজ্যৰ বিৰোধী মিত্ৰতাক লৈ পুনৰ মন্তব্য কৰিছে মুখ্যমন্ত্ৰী ড০ হিমন্ত বিশ্ব শৰ্মাই । মিঞা-মুছলমানৰ সমষ্টিক লৈহে বিৰোধীৰ কাজিয়া, তেওঁলোকে খিলঞ্জীয়াৰ বাবে কাজিয়া লগা নাই বুলি বিৰোধীক কটাক্ষ কৰে মুখ্যমন্ত্ৰীগৰাকীয়ে । তেওঁলোকৰ ভোট বেংক মিঞা মুছলমান বুলি কয় তেওঁ ।

কংগ্ৰেছ আৰু ৰাইজৰ দলৰ মিত্ৰতা ভংগৰ কাৰণ ব্যাখ্যা কৰি তেওঁ কয় যে, য’ত নব্বৈ শতাংশ মিঞা মুছলমান আছে সেই আসনকেইখনৰ বাবে মিত্ৰতা ভাগিল । দুয়োটা দলৰে এতিয়া ভোট বেংক হৈছে মিঞা মুছলমান । যদি কাজিয়াখন যোৰহাট-ডিব্ৰুগড়ক লৈ লাগিলহেতেন তেতিয়া মনটো ভাল লাগিলহেতেন । কাজিয়াখন জনিয়া-বাঘবৰক লৈ লাগি আছে । ইয়ে প্ৰমাণ কৰিছে যে, খিলঞ্জীয়া ভাৰতীয় সনাতনী মানুহে এশ শতাংশ বিজেপিক ভোট দিব । যি ২২ টা সমষ্টিত আমি যাব নোৱাৰো তাতেই তেওঁলোকে খোৱা-কামোৰা কৰি আছে ।

বিৰোধী দলপতিৰ মৰ্যাদা লাভ কৰিবলৈ কংগ্ৰেছে ৬টাকৈ খিলঞ্জীয়া সমষ্টি জিকিব লাগিব বুলি উল্লেখ কৰি তেওঁ কয় যে, বৰ্তমান খিলঞ্জীয়া সমষ্টিত জিকাটো কংগ্ৰেছৰ কাৰণে সহজ নহয় । নিজৰ দলৰ চিহ্নত ২৪খন আসনত জিকিলেহে কংগ্ৰেছে বিৰোধী দলপতিৰ পদটো লাভ কৰিব । কিন্তু এতিয়া সমষ্টি মিত্ৰ দলক বিলাওতে বিলাওতে বিৰোধী দলপতিৰ আসনখনো তেওঁলোকৰ হাতৰ পৰা যাবগৈ ।

লগতে পঢ়ক : গৌৰৱ গগৈক ঘেৰাও কৰি প্ৰতিবাদ কংগ্ৰেছ কৰ্মীৰ, দল ত্যাগৰ হুংকাৰ

অসমৰ উন্নয়নৰ বিৰোধিতা কৰাসকলক উন্নয়ৰ ধুমুহাই উৰুৱাই নিব বুলি মন্তব্য কৰে মুখ্যমন্ত্ৰী হিমন্ত বিশ্ব শৰ্মাই ।

‘মানুহে কল্পনা কৰিব নোৱৰাকৈ অসমৰ বিকাশ হৈছে । সেইবাবেই মানুহে বিজেপি দলক সমৰ্থন কৰিছে । ঋণাত্মক চিন্তা কৰা সকলক উন্নয়ৰ ধুমুহাই উৰুৱাই লৈ যাওক ।‘ এই মন্তব্য ৰাজ্যৰ মুখ্যমন্ত্ৰী ড০ হিমন্ত বিশ্ব শৰ্মাৰ । মঙলবাৰে মৰিয়নীত অনুষ্ঠিত হোৱা এক অনুষ্ঠানত অংশগ্ৰহণ কৰাৰ পাছত বিৰোধীক কটাক্ষ কৰি এই মন্তব্য কৰে মুখ্যমন্ত্ৰীগৰাকীয়ে ।

কল্পনা কৰিব নোৱৰাকৈ বিকাশ হৈছে অসমৰ-

মুখ্যমন্ত্ৰীগৰাকীয়ে দাবী কৰে যে, ৰাজ্যত কোনোৱে কল্পনা কৰিব নোৱৰাকৈ বিকাশ হৈছে । অসমৰ উন্নয়ৰ বিৰোধিতা কৰাসকলক তথা এই সম্পৰ্কে ঋণাত্মক চিন্তা কৰা সকলক উন্নয়ৰ ধুমুহাই উৰুৱাই নিব বুলি মন্তব্য কৰে তেওঁ । মুখ্যমন্ত্ৰীগৰাকীয়ে কয় যে, ৰাজ্যৰ উন্নয়নৰ বাবে তেওঁ কাম কৰি আছে । লাহে লাহে ঋণাত্মক পৰিৱেশ নোহোৱা হৈছে । বহু প্ৰচেষ্টাৰ পিছতো বিগত পাঁচ বছৰত এটাও আন্দোলন বিৰোধীয়ে কৰাব নোৱাৰিলে বুলি দাবী কৰে তেওঁ । ইয়াৰ কাৰণ হিচাবে তেওঁ কয় যে, বিকাশৰ ধুমুহাৰ আগত এতিয়া কোনোৱে থিয় হ‘ব পৰা নাই ।

মুখ্যমন্ত্ৰী ড০ শৰ্মাই পুনৰ দাবী কৰে যে, ঋণাত্মক চিন্তা কৰা মানুকখিনিক বাদ দি সকলোৱে তেওঁক সমৰ্থন কৰে । কিন্তু ৰাজ্যখনত ঋণাত্মক চিন্তা কৰা মানুহো আছে । গতিকে এই ঋণাত্মক মানুহখিনি লাহে লাহে কমি আহি থাকিলে অসমৰ আৰু অধিক উন্নতি হ’ব বুলি দাবী কৰে তেওঁ ।

৯০-৯৫টা সমষ্টিত কোনো বিৰোধীয়েই নাই-

ইফালে আগন্তুক বিধানসভা নিৰ্বাচনত কংগ্ৰেছ আৰু ৰাইজৰ দলৰ মিত্ৰতাক লৈ কটাক্ষ কৰে মুখ্যমন্ত্ৰীয়ে । কংগ্ৰেছৰ সৈতে ৰাইজৰ দলৰ মিত্ৰতা হয় নে নহয় সেই বিষয়ে তেওঁৰ কোনো আগ্ৰহ নাই বুলি মন্তব্য কৰে তেওঁ । মুখ্যমন্ত্ৰীয়ে কয়- ‘এই বিষয়ে মোৰ কোনো আগ্ৰহ নাই । কংগ্ৰেছৰ সৈতে ৰাইজৰ দলৰ মিত্ৰতা হ’লেও বিজেপি চৰকাৰ হ’ব আৰু মিত্ৰতা নহ’লেও বিজেপিৰেই চৰকাৰ হ’ব । ইয়াক কোনোৱে ৰাখিব নোৱাৰে ।‘ ইফালে ৰাজ্যৰ ৯০-৯৫ টা সমষ্টিত কোনো বিৰোধীয়েই নাই বুলি দাবী কৰে মুখ্যমন্ত্ৰী ড০ শৰ্মাই ।

লগতে পঢ়ক : “APHLCৰ লগত যিয়ে মিত্ৰতা কৰে সি ৰাজনীতিত ডুবিব”- মুখ্যমন্ত্ৰীৰ কটাক্ষ

তেওঁলোকে যিধৰণৰ ৰাজনীতি কৰে, তাৰ দ্বাৰা ধৰ্ণা আৰু প্ৰতিবাদৰে ভৰা পুৰণি কাৰ্বি আংলং পুনৰ ঘূৰি আহিব বুলি মন্তব্য কৰে মুখ্যমন্ত্ৰীয়ে ।

মুখ্যমন্ত্ৰী ড০ হিমন্ত বিশ্ব শৰ্মাই কয় যে যি ৰাজনৈতিক দলে অল পাৰ্টি হিল লিডাৰ্ছ কনফাৰেন্স (APHLC)-ৰ সৈতে মিত্ৰতা কৰিব, সেই দলটো ৰাজনীতিত “ডুব যাব” । মঙলবাৰে বোকাজানত অনুষ্ঠিত হোৱা এক চৰকাৰী অনুষ্ঠানত অংশগ্ৰহণ কৰি সাংবাদিকৰ আগত দাবী কৰে যে পাহাৰীয়া জিলাখনৰ ভোটাৰসকলে APHLC বা তেওঁলোকৰ ৰাজনীতিৰ শৈলীক সমৰ্থন নকৰে । তেওঁ অভিযোগ কৰে যে যদি APHLC পুনৰ সক্ৰিয় হৈ উঠে, তেন্তে কাৰ্বি আংলঙত পুনৰ বন্ধ, প্ৰতিবাদ আৰু অশান্তিৰে ভৰা সেই পুৰণি দিনবোৰ ঘূৰি আহিব ।

মুখ্যমন্ত্ৰীগৰাকীয়ে কয়, ” APHLCৰ সৈতে যি পাৰ্টীয়েই মিত্ৰতা কৰিব, APHLC ডুবিব আৰু লগত যি পাৰ্টীক ল’ব তাকো ডুবাব । কাৰণ ইয়াৰ মানুহে APHLCক ভাল নাপায় । তেওঁলোকে যিধৰণৰ ৰাজনীতি কৰে, তাৰ দ্বাৰা ধৰ্ণা আৰু প্ৰতিবাদৰে ভৰা পুৰণি কাৰ্বি আংলং পুনৰ ঘূৰি আহিব । সেইবাবেই ৰাইজে তেওঁলোকক বা তেওঁলোকক সমৰ্থন কৰা কোনো দলকে ভোট নিদিয়ে ।” তেওঁ আৰু মন্তব্য কৰে যে যিহেতু “যিকোনো সমাজতে বিভিন্ন ধৰণৰ লোক থাকে,” সেয়েহে APHLC-এ কিছু ভোট পাব পাৰে, কিন্তু তেওঁলোকে ব্যাপক জনসমৰ্থন লাভ কৰিব নোৱাৰে ।

মুখ্যমন্ত্ৰীগৰাকীয়ে বোকাজান বিধানসভা সমষ্টিৰ এক কাৰ্যসূচীত অংশগ্ৰহণ কৰি এই মন্তব্য কৰে, য’ত তেওঁ হাজাৰ হাজাৰ মহিলা হিতাধিকাৰীক ‘মুখ্যমন্ত্ৰী মহিলা উদ্যমিতা অভিযান’ৰ অধীনত আৰ্থিক সাহায্যৰ প্ৰথম কিস্তি বিতৰণ কৰে ।

লগতে পঢ়ক : নিৰ্বাচন চলি থকালৈকে জুবিন ক্ষেত্ৰলৈ নাযাওঁ… মুখ্যমন্ত্ৰী হিমন্ত বিশ্ব শৰ্মাৰ মন্তব্য

অখিল গগৈক অকলশৰীয়া কৰি অজাপৰে মিত্ৰতা চূড়ান্ত কংগ্ৰেছৰ ! মুখ্যমন্ত্ৰীৰ দাবী ৰাইজৰ দলৰ সৈতে এতিয়ালৈকে কোনো বুজাবুজি হোৱা নাই কংগ্ৰেছৰ ।

কংগ্ৰেছ আৰু অসম জাতীয় পৰিষদৰ (AJP) মাজত প্ৰস্তাৱিত মিত্ৰতা প্ৰায় চূড়ান্ত হৈছে আৰু ৰাজ্যৰ কেইবাটাও সমষ্টিত আসন বুজাবুজিৰ আলোচনা চলি আছে । এই দাবী কৰিছে ৰাজ্যৰ মুখ্যমন্ত্ৰী ড০ হিমন্ত বিশ্ব শৰ্মাই ।

সোমবাৰে মুখ্যমন্ত্ৰী ড০ হিমন্ত বিশ্ব শৰ্মাই কয় যে, বুজাবুজি অনুসৰি শদিয়া, বিন্নাকান্দি, খুমটাই আৰু বঢ়পুৰৰ দৰে সমষ্টিসমূহ কংগ্ৰেছে এজেপিৰ বাবে এৰি দিয়াৰ সম্ভাৱনা আছে । তেওঁ লগতে কয় যে এপিএইচচিএল (APHCL) নামৰ দলটোক কাৰ্বি আংলঙত দুখন আসন দিয়াৰ সম্ভাৱনা আছে । চি পি আইক (CPI) দুখন আৰু চি পি আই (এম এল)ক (CPI (ML)) এখন আসন এৰি দিয়াৰ বাবেও আলোচনা চলি আছে বুলি তেওঁ উল্লেখ কৰে । অৱশ্যে মুখ্যমন্ত্ৰীগৰাকীয়ে কয় যে ৰাইজৰ দলৰ সৈতে এতিয়ালৈকে কোনো ৰাজনৈতিক বুজাবুজি হোৱা নাই । তেওঁ মন্তব্য কৰে যে, “যদি তেওঁলোকে ৰাইজৰ দলক মিত্ৰজোঁটৰ মাজলৈ আনিবলৈ সক্ষম হয়, তেন্তে আমি তেওঁলোকক অভিনন্দন জনাম ।”

বিৰোধীক কটাক্ষ কৰি মুখ্যমন্ত্ৰী ড০ শৰ্মাই দাবী কৰে যে তেওঁ কংগ্ৰেছৰ ভিতৰচৰাৰ সকলো খবৰ ৰাখে । তেওঁ কয়, “ভূপেন বৰাই মোক তথ্য যোগান নধৰে, বৰঞ্চ মইহে তেওঁক বিভিন্ন ঘটনাৰ বিষয়ে জনাই আহিছো ।”

বিজেপিলৈ আহিব তিনিজন কংগ্ৰেছী বিধায়ক-

কংগ্ৰেছ বিধায়ক কমলাক্ষ দে’ পুৰকায়স্থ, বসন্ত দাস আৰু শচীকান্ত দাসে ভাৰতীয় জনতা পাৰ্টীত যোগদান কৰিব বুলিও দাবী কৰে মুখ্যমন্ত্ৰী হিমন্ত বিশ্ব শৰ্মাই । তেওঁ কয়-“কমলাক্ষ দে’ পুৰকায়স্থ, বসন্ত দাস, শচীকান্ত দাস বিজেপিলৈ আহিব এই কথা সকলোৱে জানে ।“

ক’ত টিকট পাব ভূপেন বৰাই ?

ইফালে সদ্য কংগ্ৰেছ ত্যাগী তথা নতুন বিজেজি নেতা ভূপেন বৰাই সমাগত বিধানসভা নিৰ্বাচনত কোন সমষ্টিত টিকট লাভ কৰিব তাক লৈয়ো প্ৰতিক্ৰিয়া প্ৰকাশ কৰে । ভূপেন বৰাই কোন সমষ্টিৰ পৰা নিৰ্বাচন খেলিব সেই সন্দৰ্ভত দলে সিদ্ধান্ত লৈ থৈছে বুলি জনায় মুখ্যমন্ত্ৰীয়ে । তেওঁ কয়-“মুখ্যমন্ত্ৰী হিচাবে কৈছোঁ যে, ভূপেন বৰাক ক’ত টিকত দিব লাগে দলে ইতিমধ্যে সিদ্ধান্ত লৈ থৈছে । আমি কি কৰিম, আমাৰ ক’তো খালী নাই । বিধায়কক আনি আমি ক’ত টিকত দিম ।“

৮০ সমষ্টিৰ বাবে সাজু বিজেপিৰ প্ৰাৰ্থী তালিকা-

আসন্ন নিৰ্বাচনৰ বাবে বিজেপিৰ প্ৰাৰ্থী তালিকা সন্দৰ্ভতো মুখ্যমন্ত্ৰীয়ে মন্তব্য কৰে । তেওঁ ৮০ টা সমষ্টিৰ বাবে বিজেপিৰ প্ৰাৰ্থী তালিকা সাজু হৈ আছে বুলি জানিবলৈ দিয়ে । মুখ্যমন্ত্ৰী ড০ শৰ্মাই কয়-“আমাৰ ৮০টা চীটৰ বাবে নাম সাজু হৈয়ে আছে । মাত্ৰ এবাৰ দিল্লীলৈ গ’লেই হ’ব । গতিকে আমাৰ আসন খালী হোৱাৰ কোনো সম্ভাৱনাই নাই ।“

লগতে পঢ়ক : নিৰ্বাচন চলি থকালৈকে জুবিন ক্ষেত্ৰলৈ নাযাওঁ… মুখ্যমন্ত্ৰী হিমন্ত বিশ্ব শৰ্মাৰ মন্তব্য